وفي الجزء التاسع من رواية إدمان يا تري هل سنري مواقف مميزة ستحدث مع ابطال الرواية ام لا ؟ كل هذا وأكثر سوف نعرفه سوياً في السطور التالية بإذن الله مع الكاتبة زهرة الشيخ .
الجزء التاسع من رواية إدمان
____________«زهره الشيخ»______________
خالد وكريم يهدرزو سمعو صوت الباب يخبط
مشى خالد يفتح ف الباب
خالد: باستغرب وعليكم السلام
طه :انت كريم
خالد: لا
طه: نبي السيد كريم اشوي
خالد: بعدم رضا تمام ومشى ينادي ع كريم
طه: يشوف يمين ويسار يدور ع رغد
كريم اول ماشافه استغرب لانه اول مره يشوفه اصلا
طه: اهلين
كريم :بيك تفضل
طه: نبي نشوف رغد
كريم: من حضرتك انت ومن تكون
طه: بكل ثقه انا اخ رغد
قبل لا ماكملو كلامهم
درست سيارت مالك نزل مع رغد وهم يضاحكو فجاء جت عين رغد ف عين طه .
مالك: بخوف وبصدمه وبردة فعل ..انت شن دير هنا
طه: ف داخله ايه نفسها رغد ..رغد لي ماقدرت نطلعها من بالي وتفكيري ولا لحظه ولا قدرت اني نغلط فها ..
رغد: باستغراب .. هوا اي هوا نفسه هوا طه
مالك مشى ووقف مقابل طه بتحديد ..نسال فيك انت شن دير هنا
طه :زاد قرب من مالك وعيونه نااار …جاي نشوف اختي
خالد: اختك منو ؟ ماجتنا اختك هنا ولا نعرفوها
طه: كلكم تستعبطو وعارفين انه رغد تكون اختي اي اختي لي حرمتوني منها كل ه السنين 19 سنه ونا عايش وحيد بلا اخ ولا اخت..واليوم جاي نقوللها كل الحقيقه
رغد: ماقدرت نستوعب الكلام لي يقول فيه طه قربت منه بخطوات كلها خوف شبحت فيه … انا اخت مالك وانس منيش اختك انت
طه يشوفلها بكل ثقه لا انتي تكوني اختي انا وهما لي جابوك لعندهم باالقصد وغصبا عن امك الحقيقيه
مالك :هيييي ..ومسكه من قميصه
رغد : اول ماقال امك الحقيقيه نزلت مني دمعه
طه: دف مالك ومسك رغد من ايدها ..اسمعيني رغدد امك عايشه وشبه عايشه كل تفكيرها فيك انتي هما جبروها انه تجيبك لهدي العيله
رغد :من جبرها ..
مالك ماخلا رغد تكمل كلامها مسك طه وطلعه من الفيلا …اسمعني اخرلك مرهه تعتب فم هدا الباب ماليك ايا علاقه برغد 19 سنه مادورتوهاش وماتعرفو عنها لو عايشه او ميته ..شبحله بغلل وصكر الباب ف وجهه
طه تصكر الباب ف وجهه وتصكر كل اماله في رجعت اخته ليه ركب ف سيارته وقعد فها سرحان ساعه ومعاه
رغد تبكي في حضن امها …
عائشه هدي بنتي لو حق كانو يحبوك كان دورك ف السنين لي فاتو
رغد اقنعني كلامها ومسحت دموعي ومع هدا كل تفكيري كان عند طه
انس روح وحكاله مالك لي صار
انس اففف ياريتني كنت موجود لو مسحتتت بكرامته الارض كيف يسترجى ويقول رغد اخته
مالك: يدخن ..تنهد ويمكن حق اخته
انس: تكنطىى وبعصبيه رغد اختي اناا وبسس فاااهم
مالك:
مشيت لغرفتي وفي راسي هلبا اساله مالقيتش لهم حلل خشيت للحمام توضيت صليت وقريت قران
بجد بعد تضايقي وتحسي انك مخنووقه ماتمشي تحطي راسك ع المخده وترقدي لا توضي وصلي ركعتين واقري قران حتى كان صفحه وحده…
الله ع الراحه لي بتحسي بيها
طه روح ع البيت مكسوور حب انه يخش يطمن ع امه قبل لا يرقد وهنا كانت الصدمه.
.
.
____________«زهره الشيخ»______________
طه روح ع البيت مكسوور حب انه يخش يطمن ع امه قبل لا يرقد وهنا كانت الصدمه.
منى مرميه ع الارض وراسها ينزف وكانت الغرفه حايسه وكل مكان كان فيه اثر دم
طه يعيط بصوت عالي …ماما امييي فتحي عيونك يام خيرك شن فيك ويحرك فها بقوه بس للاسف ماكانت تستجيب ناض ورفعها وطلع بيها وجيران التمو ….ركبها ف السياره وساق بها للمشفى. وطول الطريق يشوفلها قريب قلب السياره
وصلو للمشفى ودخلها للطوارئ جا الدكتور وقعد يشوف ف حالتها
طه يخبط ع الباب ويعيط طمنييي يا دكتورر
طلع الدكتور
الدكتور لازم نديرولها تحاليل وصور عشان نعرفو لو في شي في راسها او خلل
طه: بخوف… ب به هيا توا كيفها
الدكتور :حلتها استقرت اشوي بس امتى تفيق الله اعلم
طه: بخوف ت تمام
طه كمل الاجرات امتاع المشفى ودرو التحليلا الازمه وقعد جنب غرفة امه طول اليل وهوا يستنى ف النتيجه وعلى امل انه امه تفيق …
مر اليوم وكان اصعب يوم على ابطالنا طه ورغد ومالك وعلى الشخصيات الاخرى وعلى امل يصحو اليوم لي بعده كل مشاكلهم محلوله
____________«زهره الشيخ»______________
الصبح
فقت وكانت حالتي احسن دوشت وبدلت ونزلت نحضر السفره معا ماما زي كل يوم
عائشه: لا خليك كملت نا
رغد :لا قتلك اقعديي خلي الفطور اليوم عليا
عائشه فرحانه بشوفت رغد نشيطه وفرحانه …حاضر
رغد درت دحي لي انس وجهزت صحن التن ل مالك والجبنه والزيتون والعسل وجهزت الطاوله وفتلكتها ..
كريم حي حي ع ريحة الفطور اليوم تجنن
خالد ياكل ..احيي
مالك واضحه من امدايرها رغوده
عائشه : صار واضحه يامعفن
مالك: يصحك لالا نبصر
انس مالك عنده الحق الفطور من ايديات رغد غيير
كلهم يصحكو ورغد فرحانه بلمتهم وماكأنه صار شي
رغد تاكل رن تلفونها ردت
رؤيا: صباحو
رغد :صباح الورد
رؤيا: ويننك اليوم من بكري نستنا
رغد :اها اي اليوم منيش جايا غدوا نجي
رؤيا :اوك تمام المهم انك بخير
رغد :تسلميلي ياعمري
رؤيا :سلمك
عائشه: من هدي؟
رغد: صاحبتي
مالك: ماشاالله ماشالله.
رغد: تضحك
____________«زهره الشيخ»______________
طلعت نتيجة تحاليل منى وهنا كانت صدمة طه
طه: شن عندها دكتور
الدكتور للاسف زي ماكنت متوقع المريضه عندها سلطان ف الدماغ
طه: بصدمه قعد ع الكرسي …ش شن تقول دكتور
الدكتور للاسف
طه: ب به اكيد في حل عمليه دواء اي شيي
الدكتور مش حنحكمو توا لين تصحى المريضه بس السلطان وصل لي مرحله صعبه جدا يعني عندي امل ضعييف لشفائها
طلع طه من مكتب الدكتور وهوا مصدوم وماعنده حيلل.
احمد :جارهم … كيف وضع امك توا
طه: مش عارف
احمد سمعت صوت عياط امس ف بيتكم خبطت مافتحلي حد
طه: بصدمه كيييف عياط من
احمد: زي العاده امك وابوك
طه :وينه بوي
احمد: مختار طلع قبل لا تجي من وقتها ماريته
طه: بغللل ف داخله وربي كان صار شي ف امي نشربب دمممه
نسرين :كيييف
يونس اي خيرك مافرحتي
نسرين :بسس
يونس: بس شني انا معاش قادر اني نصبر اكثر من هكي كل مره تقوليلي اجل
نسرين: انا مانقدرش يونس
يونس :علااش ماتقدري احكي
نسرين :بخوف ا انا
يونس :شني
نسرين :ش شي
يونس: احكيييي قلت
نسرين: 
.
.
____________«زهره الشيخ»______________
خالد اتصل ب منى
طه :رد ع الاتصال ..من ؟
خالد :وين منى
طه :من حضرتك
خالد ؛انا صديق قديم وتصلت عشان نطمن عليها
طه: ف المشفى تعبانه بكل
خالد: حط ايده ع قلبه وادكر الكلام لي قاته منى وصكر الخط
قبل ساعات …
خالد :اسمعيييي اخرلك مره تبعتي ولددك ع البيت والا
منى: والا شني…. اصلا ايامي معدوده ياخالد عندي سلطان ف الدماغ وصيتي ليك قبل لانموت تجيبلي بنتي نشم ريحتها بسس ونشوفها
خالد :بخوف ا انتي شن تقولي
منى :خالد اا طوووط تصكر الخط
مختار: فمن تكلمي
منى: ح حد
مختار: مسكها من شعرها احكييي في من تكلميي
منى :تبكي حووول عنيي حوا مانكلم في حددد
مختار: خاينه وطول عمرك حتقعدي خاينه ياخينه ودفها ع الارط وخبط راسها ع الطاوله …..
.
.
.
____________«زهره الشيخ»______________
خالد: بخوف وبدا يعرق ا اكيد بتموتت اكيد
كريم: خير شن فيك ياخالد
خالد :كريم اليوم نبي نعترفلك بحاجه
كريم:خير ؟
خالد .
.
.
انس يحكي مع مالك
مالك :شن
انس: وتيت كل شي تو نبيك تكلم امي وتحدد العرس بعد شهر
مالك :ونا خيرني بس نبي نفهم
انس :به كلمها انتي رغوده
رغد حااضر واخيرا بنفرحو بيك الفال لي مالك
مالك
يتبع ……….
لقراءة الجزء التالي : الجزء العاشر من رواية إدمان
لقراءة الجزء السابق : الجزء الثامن من رواية إدمان
للإطلاع علي فهرس أجزاء الرواية : جميع روابط اجزاء رواية إدمان للكاتبة زهرة الشيخ
جميع الحقوق محفوظة للكاتبة زهرة الشيخ .
