وفي الجزء التاسع من رواية بايرة حلتنا دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة مريم أحمد .
الجزء التاسع من رواية بايرة حلتنا
قلت ليهو أها يا أبجيقة السوداني جنكم جن يا بت إنتي مرتي وما تمشي أهلك العندهم أولاد عشان أنا بغير وأننننننن
قال لي ما تخافي أنا ما زيهم وياهو أثبت ليك حبي وجيت لي أبوك قلت ليهو أصلا أنت مختلف
قال لي أحم أحم قلت ليهو يلا يلا نتلاقى بعد شهرين قال لي لييه يعني ما ح أشوفك قلت ليهو حتشوفني في الاحلام بس قال لي حزين قلت ليهو كل الحزن
+مع السلامة وجيت ماشة كدي جراني عليهو وخت يدو في خصري وقال لي ماشة بدون وداع
! قلت ليهو فكني يا تافه أمي لو شافتك ماسكني كدي بتضبحني وبتعلق مشنقتي وااي فكني
قال لي يا بت أنا راجلك وعادي على فكرة قلت ليهو بري أنت قليل أدب انا ما كنت قايلاك كدي وبب فكنيقعد يضحك وقال لي ح تموتيني يوم من الضحك قلت ليهو فكني قبل يجي زول، باسني في راسي لمدة طويلة وأنا ما عارفة الحصل لي شنو بس بقيت ماسكة جبتهي ومقلعة عيوني زي الزول المخلوع
مشيت منو وأنا لسه في الحالة دييك، أمي قالت لي يا بت، ما رديت عليها لاني كنت سرحانة جات ضربتني وقالت لي بتكلم معاك طرشتي قلت ليها قلتي شنو! قالت لي الولد قال ليك شنو! قلت ليها قال العرس بعد شهرين قالت لي أداكي وقت كافي تبقي زي البنات، بالله عان تفتك واقفة قنا كيف
قلت ليها ح أمشي اتحبس عند ناس حبوبة وأصبري لي ح أتغير خالص قالت لي نشوف، قلت لي ننو إنتي ح تعسكري معاي ونشوف النعملو قالت لي طيب قلت ليها دايرة أبقى بت مع البنات عشان أوري بت خالتو الما بتعرفو وأوريها حلاوتي الداسها
قالت لي من زمان بقول ليك إنتي سمحة بس تهتمي بي روحك ما كنتي تشتغلي بي قلت ليها هسي دي ح أشتغل بيك زفي الايامات الجاية دي ح أمش معاك الصيدلية والسوق نجيب الحاجات اللازمة قالت لي قدام يا زولة شهرين بس وح تتطلعي نجفة
قلت ليها أن شاء الله عاد، وبالفعل بعد كم أسبوع سليم جاب لي قروش الشيلة والحاجات الزي دي طبعا أمو ما راضية لانو عاوزاهو لي بت أختها لكن أنا ما شغالة بيها كتتير يلا مع نفسهامشيت مع ننو السوق جبنا جزء من الحاجات وعدينا أسبوع ونحنا جارين لمن تمينا كل الحاجات ومشيت بيت ناس حبوبتي أتحبس عندهم، أساسا بيت ناس حبوبة ما بعيد شددديد مننا هو واقع في الحلة التانية، وتاني بعد مشاوير السوق مشينا سجلنا في زومبا عشان أنسق جسمي، وبعدها رجعنا وننو ورتني أعمل شنو والزمن كم وكدة ورجعت بيتهم، تاني يوم طوالي بديت الشغلانية، وكنت دايرة أطلع جعفر الجواي…
أول شي الزومبا كانت كل أحد وتلات وخميس كنت برتب وقتي على حسب هي اليوم داك بالصباح ولا بالمساء ومنظمة أكلي، تاني بالنسبة لي شعري أول شي عملت حاجات خففتو لي عشان كان غزير شددديد بعد بقى خفيف بقيت أعمل ليهو ماسكات الفلفل وغيرو وبسرحو وبملاهو زين وبلفو شعرتين لحدى ما بقى تحت أكتافي بي شوية طوالي مشيت عملت ليهو بروتين وبعدها قص علاجي وحررت عنقي
الشعر بقى درعة والبروتين مخليهو زي المكوي وأسود زي سواد الليل، وبالنسبة لي الجسم فاول شي بعد نزلت دخان بقيت بعمل عروكات كل أسبوع ومثلا عملت يوم الاتنين أسكراب بتاع سكر وليمون وزيت يوم الخميس بعمل أسكراب البن وبعدها بجيب موحد اللون مخلوط مع زيت اللوز المر بتمسح بيهو وبلبس أكياسي لمن أعرق وبعد مرات بعمل صابونية دودي وبعدها بمشي أستحمى وبجي برطب بالله جسمي ضربة الشمس كلها راحت ولوني الاصفر ظهر وبقى يسوي كدي، وتاني وشي نسبة لي أنو كان مليان حبوب شددديد والشمس برضو ضارباهو فاول شي كنت بعمل ماسكات حقت زبادي بي بن أو كركم عشان تروح ضربة الشمس وتهدى الوش شوية بعد داك مشيت لي دكتور عهود جبت أكني وسنوايت بالله بعد شهرين بالظبط وشي دة بقى يلمع ولا حباية ما فيها ولونو أصفر لمن غلط، ولشفايفي فجبت دم الغزل وروج كبدي وفازلين لخبطتهم مع بعض وكنت بعملهم قبل أنوم أسبوعين بس وشفايفي بقت وردية، لمن خلصو الشهرين أنا بقيت واحدة تانية خالص جسم ولونو وش وشعر وسماحة وكلوننو لمن شافتني قالت لي وبعلييي عاد عبرتي شدددديد وبقيتي نجفة جسم لون وشعر قلت ليها لي لدرجة دي في تغير! قالت لي تغيرر واضح شددديد صدقيني سليم من يشوفك ح يموت من الحلاوةقالت لي يا ريت يااخي حابهو يشوفني بت بت وما أظلمو معاي قالت لي بقيتي تقولي كلام كدة من وين قلت ليها قاعدة نتعلم يا بتناقبل العرس بيوم مع أذان العصر كدة الباب دقا مشيت فتحتو كان دة مهند أخوي قال لي معليش يا أخت بس ممكن تنادي لي ميامن قلت ليهو أجيي ما عرفتني ولا شنو! قال لي إنتي منوو؟؟ قلت ليهو بالسرعة دي نسيت أختك يا كلب! من قلت ليهو كدة بقى مفتح عيونو وقال لي شنو شنووو
! قلت ليها مالك متخلع يا ود قال لي دقيقه دقيقه دة صوت ميامن أختي قلت ليهو لانو أنا فعلا ميامن أختكبقى يعاين لي من فوق لتحت وهو مصدوم قال لي وديتي أختي الجعفر وين! قلت ليهو ديك ببحح راحت وبعدين أنا عروس لازم اتغير قال لي عشنا وشفناقلت ليهو خلصنا بتدور شنو! مداً لي حاجات وقال لي أمي قالت لي أديك ليهم قلت ليهو طيب، شلتهم منو وهو فات، في قلبي يعني أتغيرت وبقيت سمحة عاد الله يجيب يوم بكرة بسرعة عشان أصدمك يا سليم…
اليوم التاني من الصباح مشيت مع ننو الكوافير، وأنا أشيل واتخجل عاد كيف ما بخجل وأنا أخييرر خلاص عرستا وبقيت مرت راجلأها قريب لي المغرب كان أكتملت التجهيزات الفستان والمكيب وكلو وطبعا أنا أتغيرت توتلي بالمكيب في قلبي قلت الليلة يا سليم ما ح تعرفني،وبالفعل لمن جا داخل كان متفاجئ جداً بالشخصية القدامو وقعد يعاين لي قريب النص ساعة حتى بعد داك حرك كرعينو وجا تجاهيقلت ليهو متفاجئ صح! قال لي أنا حاليا في كومة بتاعت صدمة معقولة وين ميامن الجعفر قلت ليهو كتلتهاقال لي بس أنا بحبها اكتر من ميامن دي قلت ليهو صح كتلت ليك جعفر بي أنا لسه جواي ميامن البايرة
قعد يضحك وقال لي يشهد الله حلاوة ما بعدها حلاوة قلت ليهو بخجل كدة ديل عيونك يا السمحباسني في راسي وحصني طبعا أنا بضحك سااي زي الهبلة الما مصدقة ، أتحركنا على الحفلة يلا هو كان مصر شددديد أنو يعمل العرس في صالة بس أنا رفضتا وقلت ليهو عايزاك تعمل الحفلة في نص الحلة عشان الناس كلها تقول الحفلة الشغالة دي حفلة ميامن البايرة، وعايزة أمغرز بيها حريم الحلة القالو لي ما بتعرسيقال لي غايتو إنتي قلت ليهو المهم الموضوع انتهى والحفلة في الحلة، فبس عشان كدة عملناها في الحلة من جينا خاشين الحريم كلهن قعدن يعاينن والعجب بنات الحلة كلهن فاتحات خشمن ومقهيات فيني ومستغرباتوفي واحدات شغالين عاد نلتي يا ميامن البايرة عرستي أسمح واحد في الحلة جت عليها، وجبت قونة مخصوص عشان المغازز ومن أشوف بت خالتو أعمل بي يدي حركة كية لي الحاسدين وأغني مع القونةورقصت جنس رقيص تحلف تقول أنا ما العروس وأمي تشيل وتحمر لي نظام أصبري ح أوريكلمن جو يغيرو لي للجرتق أمي رصعتني ليك رصيع وشغالة لي ده شنو الكنتي بتعملي فيهو دة! في عروس بتكون هايجة كدي غايتو أستغفر الله البورة كانت مجنناك وما صدقتي أنك عرستيقلت ليها مش يوم عرسي بعمل العايزاهوادتني ليك تاني رصعة وقالت لي أسكتي، وعدلت لي التوب حقي وغططتني بالقرمصيص وجا سليم ساقني برة، قعدونا وعملو لينا طقوس الجرتق كلها، لمن جا دور اللبن قال لي عايني براحة ما ترشي فيني كتتير قلت ليهو للاسف ما ح أسمع كلامك
وشلت جوغمة كبييرة ورشيتو بيها، حمر لي وبعدها قرب مني وهمس لي في أضاني وقال لي وأخيررر جا اليوم المنتظرو لي زمن وأخيرر الليلة لسانك الطويل دة ح ينقطع أصبري لي بعدين ح أوريك ليهو…
☆☆☆☆☆☆☆☆☆☆
اشوفكم…
☆يتبــــــــــــــــــــــــــــــــــــــــــــع☆☆
لقراءة الجزء التالي : الجزء العاشر من رواية بايرة حلتنا
لقراءة الجزء السابق : الجزء الثامن من رواية بايرة حلتنا
للإطلاع علي فهرس اجزاء الرواية : جميع روابط اجزاء رواية بايرة حلتنا للكاتبة مريم أحمد
جميع الحقوق محفوظة للكاتبة مريم أحمد .
