الجزء التاسع من رواية كنت للروح سقيا

مهند أدهميونيو 12, 2022

0 163 4 دقائق

وفي الجزء التاسع من رواية كنت للروح سقيا دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة شهد محمد .

الجزء التاسع من رواية كنت للروح سقيا

عند لؤي :
أتلفت ولقيتا امي ما عارف كيف والسبب شنو ولا عارف كيف طلعنا ووصلنا ما كنت فاهم حاجة كنت شايف هبه بتبكي جنبي بس ح اقول ليها شنو يعني؟
هبه :م ح يحصل ليها حاجه صح؟
لؤي: لالا ما تخافي ماف حاجه ان شاء الله
هبه:بس م حصل مره جاتا الحاله دي كانت كويسه حتى قالت طالعه ليك فوق تتكلم معاك في موضوع
لؤي :طلعت لي متين؟
هبه :اول ما انت طلعت فوق
لؤي : ما تخافي ي هبه ح يكون من السكري أن شاء الله م ح تجيها حاجه ( هنا انا عرفت واتاكدت السبب شنو اكيد امي سمعت كلامي مع خالد)
الدكتور طلع شويه كده

هبه : طمنا ي دكتور
الدكتور : ما تخافو ما عليها شي ان شاء الله بس ح تكون في العنايه شويه كده عشان نقدر نحدد الحاصل بالضبط أن شاء الله
لؤي : أن شاء الله
الدكتور مشا وبقينا منتظرين 3 ساعات بعدها جا
الدكتور : انا كنت متوقع انو يكون سكري أو كده بس الواضح انو كانت وقعه نتيجه صدمه لانو ما عليها شي فحصنا كل شي وكلو تمام ومع الأسف ف هي دخلت في غيبوبه بس ما تخافو غالباً الغيبوبه المن النوع ده ما بتاخد زمن وح تكون تحت المراقبه وان شاء الله ربنا ح يطمنكم قريب

هبه قعدت في الأرض وبتبكي ف قعدت جنبها وحاولت قدر ما اقدر اطمنها استجمعت نفسها شويه كده قلت ليها ما تخافي أن شاء الله ما ح يحصل ليها حاجه ان شاء الله… بعدها قلت ليها انتي اقعدي جنبها انا ح اجيب مويه وجاي بعد ما اتحركت منها فتحت التلفون ولقيت كم مكالمه من شهد وياداب اتذكرت انو مفروض نتلاقى الليله ف رجعت ليها
شهد : ي لؤي يخ دي المره الكم تعمل كده
لؤي :و الله انشغلت ي شهد
شهد : خير ان شاء الله مالك؟ وصوتك مالو كده
لؤي : الوالده تعبت واحنا اسي في المستشفى وما قادر استوعب اي حاجه
شهد : وين! ح اجي عليك شويه كده
لؤي : ما ح اقول ليك ما تجي لاني محتاج لوجودك حقيقي
شهد : ما تخاف شويه واكون معاك

عدت زي ساعه كده بعدها شهد اتصلت لي عشان اطلع ليها
شهد : لؤي انت كويس؟
لؤي : ابدا و الله
شهد : طيب ارح نقعد في العربيه وتسند ضهرك شويه كده باين عليك تعبان
(فعلا عملنا زي ما قالت بعدها)

شهد : خالتو مالا وكيف فجاءه كده ما كان عندها شي حسب علمي
لؤي :و الله كل القالو الدكتور أنها حاليا في غيبوبه وما عارفين ح تصحى متين
شهد: غيبوبه من شنو وكيف؟
لؤي :غيبوبه إثر صدمه
شهد : لؤي انا ما فاهمه حاجه اشرح لي خالتو مالا
لؤي : اتنهدت تنهيده طويله بعدها قلت ليها ممكن شويه كده اقدر استجمع نفسي؟
شهد : طيب ح انزل اجيب ليك حاجه تاكلا… من غير اعتراض ما شايف شكلك
(نزلت ومشيت الكافتريا جبت سندوتش وعصير)
شهد :يلا اكل
لؤي : م ح اقدر ح اشرب العصير بس
شهد: لقمه وحده بس عشان خاطري
لؤي :…….
شهد : عليك الله
لؤي : طيب
شهد : يلا واصل م ح احنسك في كل لقمه
لؤي : ما قادر اسي و الله ي شهد
شهد : طيب خالتو. مالا
لؤي : امي سمعتني وانا بتكلم مع خالد بالتلفون
شهد : عن شنو؟
لؤي : شهد انا عيان وم عندي اي مرض مرض ما عندو علاج مرض بقتلني شويه شويه… مرض ح ينسيني كيف امشي.. مع مرور الوقت ممكن انسا انا منو اصلا ح انسى كيف اتنفس ح انسى كيف اطلب ح حاجه رو بمعنى اصح م ح اقدر مش ح انسى شهد انا بموت شويه شويه قدامك انسان موتو قريب انسان َم ح يقدر يمسك حاجه مع مرور الزمن م ح اقدر احدد مسافه اي حاجه م ح اقدر احدد مسافتك مني ح احاول امسك يدك م ح اقدر ح احاول امشي جنبك م ح اقدر اعمل اي حاجه ح يجيني شلل لحظي فاهمه م ح اقدر اتحرك نهاي شهد انا هنا بموت وامي جوه بسببي انا انا ما عارف ح اعمل شنو قدامك انسان مشخص ب ضمور مخيخي ههه حتى اسمو مشؤؤم ( قلت الكلام ده من غير اي توقف قلتو كلو دفعه وحده ما انتبهت الا وعلى صوت شهد وهي بتبكي)
شهد : ل ل ل لؤي يعني حتى انت اخترت تبعد حتى انت م ح تفضل معاي اول ما اتعلقت بيك تعمل كده وكيف كيف يعني انت يحصل ليك كل ده وانا ما اعرف لؤي انت مستحيل تموت لازم يكون في حل.. ا اا اا. ا… اكيد اكيد في حل كيف يعني مرض من غير علاج لؤي كيف يعني يعني ح تموت كده وانا بعاين ليك مستحيل مستحيل ي لؤي لؤي قول انو كذب ي لؤي
لؤي : شهد حبيبي ما تبكي انا اسف لاني قلت الكلام بالطريقة دي اصلا انا اسف والله ما تبكي عايني لي هنا عايني انا كويس ي شهد ما فيني. حاجه انا اسف ما تبكي ي شهد شهد… كل شي وليهو حل وكل مره ليهو علاج زي ما قلتي وانا لما قلت ماف علاج قصدي بالمعنى الحرفي بس في علاجات باخدها بتقلل الأعراض. دي وحتى ممكن تنتهي من المرض ده شهد قولي بسم الله انا بستقوي بيك ما تبكي امسحي دموعك وركزي معاي