وفي الجزء الثالث عشر من رواية عشقها لعنة للكاتبة ميشو محمد يا تري هل سيحدث شيء غير متوقع يقلب الموازين ام ستسير الأمور بشكل طبيعي وسعيد ؟ دعونا نعرف إجابة هذا التساؤل في السطور التالية بإذن الله .
الجزء الثالث عشر من رواية عشقها لعنة
دارين باتت واتصلت بها ام حمزة تسال عليه
بسمه ام مريم جتهم واطمنت ع بنتها وروحت
ــــــــــــــــــــــــ
امجد: باهي كويس الف مبروك
بلقيس: هكي الف مبروك بس علاش حساتك زعلان
امجد: لالاشي المهم فرحتيني ونجحتي توا معنها بنخطبك رسمي اهو كملتي
بلقيس: اي كان تبيني
امجد: وووااااك مضايق يابلقيس بننفجر نكلم فيك نصبغ ف صوتي
بعد هدرزو وهدرزو
بلقيس: علاش باهي حسيته خوك مشكلجي هلبا
امجد: بلعكس هو ديما يقول انه هادي صح عصبي وهكي لكن ديما اني ليشكو مني
بلقيس: اي صح مره عمتي بشرى تشكي منك… قاطعها
امجد: ادعي نكونو لبعض بلقيس مش متخيل روحي بلاك كان مانسمع صوتك كل يوم نهبل
بلقيس: نحبك اني تفكيري كلله فيك اسمك ع مقعدي بلنجليزي وبلعربي
امجد: واااااك
بلقيس: امجد اقرى قرآن امك قالت مره انك تحب تقرا
امجد : في السيارة اني باهي يلا عادي سورة شنو نقرالك
بلقيس: الرحمن 
امجد بصوت يجننن قرالها بداية سورة الرحمن
بلقيس: الله محلاك ديما اقرالي
امجد: من عيوني وهدا راحتي اصلا
بلقيس: صوتك بلقرآن راحه
اوكملوو هدرزه
ــــــــــــــــــــــــ
تاني يوم
الساعة 9:00
دارين ناضت غسلت وجها وصبحت عليهم واتصلت بحمزة
دارين: اي عرفتك قعد راقد
حمزة ضحك: استاحشت صباح الخير ع الهاتف تصدقي
دارين ضحكت: بارد واني استاحشتك واتصلت مفضاني
حمزة ضحك: لالا نبصر بالك اخيي الحوش وسهرت بروحي ز المتوحد
دارين: عندك خدمه اليوم صح
حمزة: اي العشرة
دارين: اي نوض هي
حمزة: تمام نايض
دارين: تكمل خدمتك تعلالي
حمزة: اوكى يلا باي… وصكر الخط
الساعه 3:30 القايلة
حوش عبد الواتق يجوهم الناس وجو اهل بلقيس وبلقيس معاهم
بلقيس جنب دارين: نوضي ونبببي وراسه دارين
دارين متكيه: تعباانه يابلقيس بري اركبي فوق وناديه يكلعلك
بلقيس: اركبي معاي من عرسك معاد شفنا بعض
دارين ضحكت: واني راجلي من امس ماشفته
مريم: مبردكم معاد ادكروني نبي نشوفه 
دارين: وينها هدا غير قال بعد خدمته بيجي
بلقيس: حرام عليك يادارين نووضي
دارين ناضت وشدت ايد بلقيس وطلعو
دارين طلعت بصوت واطي: امجد امجدد
امجد خش: نعمم(شاف بلقيس) اهلا
دارين شافت سيارة حمزة طلعت
امجد: خيرك مقلتيش انك بتجي
بلقيس: هكي احلا
امجد: مانعرفش حتى بوك مشفتاش معنديش علم انك هني
بشرى ام امجد طلعت: امجد شدير هني وين دارين
امجد: طلعت
بلقيس تحشمت خشت
بشرى: شوف خوك روح ولا
امجد: ايوب مش عيل ياام … وطلع
بشرى خشت
بلقيس: لجين شفته
لجين: حاجه ولله كبيرة
بلقيس توزع ف ابتسماتها وخلاص 
لعند شافت هاتفها يهزز
لعند شافت هاتفها يهززترررن ترررن
بلقيس طلعت: ايوواه
امجد: اني طالع شن تبي تكون هديتك
بلقيس: انت هديتي مانبي شي
امجد: مايجيش نجاحك وفرحتك من غير هدية
بلقيس: لالا مش ضروري انت غير كملي حوشي ومانبي شي
امجد: كامل الحوش هي ماتبي شي حق
بلقيس: لالا مانبي شي
امجد: باهي ميةمية… وصكر الخط ونزل لمحل اكسسوارت تفرج واختار تعليقه فضة فيها قفل فضي مع خاتم فضة بسيط واسوارة فيها قفل دارهم ف بوكس ومتنسقه مع مشميللو وشكلاطات مختلفه
ووصله للحوش وقعمز ف دروج حوشهم طبعا خش من الباب الخلفي بعتلها رساله (تعالي بروحك لدروج حوشنا )
دقايق وطلعت بلقيس شافته تحت الدروج شاد الهاتف
بلقيس قربت بتخلعه
امجد تلفتت:حركات مفرخ لديري فيهم
بلقيس: بارد ياامجد بااارد
امجد يبعت ف رسايل وشاد الهاتف:زيك
بلقيس قربت:فمن تكلم
امجد:مرتي
بلقيس: بلا كذب
امجد:علاش بنكدب جايبلك بوكس نجاحك وبنقولك اني تعرفت ع بنت واسمها سجود
بلقيس شافت البوكس:تبصر؟!
امجد:علاش هدا موضوع يبصرو فيه محبيتش نخليه ف خاطرك اعتبرينا تعرفنا وحني اقارب فااا عادي مصار شي هدرزنا بس
بلقيس تشوفله بصدمه: انت تكذب قول انك تكذب
امجد مدلها البوكس: تفضلي واعتبرينا صحاب
بلقيس دمعتها نزل: امجد قول مقلب بلا سلاطه
امجد: مقلب شني تي انتي المقلب خودي هدا
بلقيس دمعتها نزلت وتلفتت بتطلع
امجد حط البوكس وشد ايدها جبدها:مقلب مقلب تعالي
بلقيس ايدها ع وحها وتبكي
امجد قربها وقعمزو ع الدروج وطبعاا الدروج هدا داخل يعني ماخد يشوف فيهم
امجد صكر باب الدروج وقعمز قدامها وضحم:مقلب ياقلبي ماتبكيش
بلقيس ايدها ع وحها وتبكي: نكررهك اني نكررهك
امجد ضحك:حتى نكرهكك
بلقيس حولت ايده وشافتله وبدت تضرب فيه
امجد يضحك:ياسر خلاص
بلقيس تضرب فيه ودموعها ينزلو
امجد:ياسر خلاص…وشد ايدها
بلقيس نفضت ايدها وتمسح ف دموعها وبدت تبكي تاني
امجد قرب باسها ع خدها:ياسر
بلقيس حضناته وتبكي.بارد كيف تقولي هكي مبرد قلبك
امجد حضنها:بصدفه كلمني ايوب ع الواتس
بلقيس بعدت:تو البوكي هدا تنقعه وتشرب اميته
امجد شدها:نبصر خلاص ياعمري حتى قلبي مطوعنيش نخليك ومعادش قدرت نكمل باقي المقلب
بلقيس:امجد تاخرت تو تسال عليا امي بنمشي
امجد:والبوكي
بلقيس:مانقدرش ناخده
امجد شدها:تعالي البسي االتاكم
بلقيس:اميي ياامجد
امجد فك البوكي وطلع السلسال لبسها والخاتم السلسال حطتهم ف جيبها
بلقيس:شكراا حلوات
امجد: بري تو نكلم بوك اني نروح بيكم وبعدين تحصلي كيف تاخدي البوكى الباقي
بلقيس:باي…وطلعت
ـــــــــــــــــــــــــــــــــ
دارين ركبت: هلا
حمزة: اهلين
وكمل سواقه
حمزة: اليوم بنطلعو لسوق مع بعض
دارين: مش وقته
حمزة: ديما وانتي ف الحوش نمشو نغيرو جو
وفعلا مشو لسوق
نزلو خشو
حمزة: ناكلو شي قبل
دارين: اوكي بس ع ذوقي
حمزة: تمام
دارين وحمزة خشو مطعم ودارين خدت هي تطلب
دارين: نطلبلك اني متاكد
حمزة: اي عادي
دارين: اوكي اني بناخد شاورما ومشروب وانت بناخدلك كباب ومشروب
حمزة: تمام
وتغدو وطلع
حمزة لاحظ نفس اول مرة يتفتل ف السوق مع دارين وبحكم نص السوق يعرفوه وقعدو يشوفو ف مرته
حمزة: قبل كل شي انتي تبيني نرتاح اولا
دارين وقفت شافتله: اي اكيد شنو ندير عشان نريحك لو في شي
حمزة: اوكي الحقيني…
حمزة. محقق شرطه معروف ونص السوق يعرفه
خشو لمحل المتحجبه وطلب نقاب لـ دارين
حمزة خش مع دارين قام نقاب ودفع حقه
حمزة: دارين النقاب قعد ف الكيسه تعالي نركبو لدزر التاني ممكن فاضي شوية
دارين: علاش النقاب
وركبو كان فيه شوية ناس
حمزة حط الكياس وطلع النقاب وقربلها: يفنصو فيك والجو مش عاجبني… وربطلها شريط النقاب
وفي ناس تشوفلهم تقول محلاه كيف يغار علها
دارين ضحكت: تغغاار حمزة
حمزة يعدللها ف النقاب: سكفمك لعبتي بااعصابي كلهم يشوفولك بحكم انك مرت المحقق حمزة فاضل
دارين: حلوة طالع عليا
حمزة بصوت واطي: بلا هبال بنات يشوفولك كلهم قاهرتيهم ولتقول غير هكي تكدب ع روحها
دارين: حليلي علاش متتفدغزلش فيا ف الحوش وتتعارك معااي
حمزة: اني هادي وديما ساكت انتي لدرهيلي ف كبدي بمشاكلك
دارين وقفت
حمزة وقف: خيرك
دارين: بنروح… وتلفتت بتنزل
حمزة لحقها: استني خيرك
دارين: حمزة مانعرفش حست بشي
ركبو ف السيارة
حمزة: قيمي النقاب السيارة مظلمه
دارين قامت النقاب وجها احممممر
حمزة: خيرك
دارين مانعرفش بطني لعت روح بيا
حمزة ولع ويسوق: من النقاب
دارين ايدها ع فمها: لالا بطني ممكن من الشاورما مانعرفش
حمزة: نعاينك ولا شن ندير
دارين: بطني روح بيا بسسس بنستفرغغ
حمزة زاد السرعه
ووصلو ونزلو لحوسهم طول
دارين عطول للحمام (حشاكم)
حمزة حدف الكياس ع السرير ووقف ف الممر
دارين حولت الوشاح وغسلت وجها وطلعت
حمزة قرب يشوف ف حرارتها ويتلامس ف خدودها: انتي كويسه
دارين ابتسمتله: اي ندوش نصحصح
خشت دارين لدوش ولبسة قفطان لركبة كمامه طوال خفيف متع حوش تهبل بيه قعمزت تجفف ف شعرها
حمزة: رقدتي قدام المكيف؟!
دارين:لالا قتلك ممكن من الشاورما
حمزة:اي ممكن
تررررن ترررن
حمزة:الوو…اي ف الحوش خيرك…لالاشوف غيري منقدرش نجي… تو نجي غضوا…خلاااص شوف غيري نقولك مش فاضي….وصكر الخط
دارين قربت وشعرها مبلول:حبيبي امشي خدمتك اني مافيا شي وجعتني الشاورما بس
حمزة باسها ع خدها:عادي بنقعد معاك اصلا حاسس روحي هاملك
دارين بصوت خفيف: لا معاد تقول هكي
حمزة:عيونك مرخيات مريضة انتي
دارين تسطحت ع السرير:دايخه
حمزة خدي شرشاف وغطاها ارقدي
دارين بعدت:تعلا جنبي
حمزة قرب وتسطح جنبها ورقدت ع صدره
حمزة يتلامس ف شعرها: بترقديني بملابس الشرطه
دارين وراسها ع صدره شافتله:عادي المهم انت معاي
حمزة: محلا شعرتك يابنت ورموشك وخدودك احلا بنت ف عيوني
عائشة من لوطى شافت سيارة حمزة:حممزززة حمززة
دارين:وووااااك نفاخه
حمزة:فوتها
دارين بصوت واطي:انزل ممكن في شي
حمزة طلع ونزل
هاتف حمزة رن
دارين خدت الهاتف ولحقته وهي دايخه ف الدروج وقفت لانه متقدرش تنزل بقفطان لركبه تناديله ركب خدي اهاتف منها
دارين تلفتت بتركب وقفت شدت ف الحيط والدنيا دارت بها وفقدت توازنها بطيح بس لا حظها حمزة شدها وقامها دخلها وهي ف عااالم تاني
عائشة ركبت معاه:خيرها
حمزة:مانعرفش خليك معاها نجيب اميه….وجاب اميه بل وجها وخدي برفان قوي ويقرب فيه من انفها
دارين فاقت
عائشة:فاقت
حمزة:انتي كويسه؟!
دارين شدت راسها:راسييي بينفجر
حمزة: نوضي البسي نعاينك…ونزل
حمزة نزل
سميه: وين عائشة
حمزة: اركبي فوق الزوز…ونزل وركب ولع سيارته
سميه ركبت وخشت شافت دارين متسطحه وشعرها مفتوح ومبلول وقفطان تحت الركبه قربت تشوف حرارتها
سميه:بسم الله خيرها شن صار
دارين مغمضه عيونها وف عالم تاني
سميه اطبطب ع خدها:دارين خرك نوضي
دارين عيونها مغمضات ودايخه وبصوت واطي:مريضة شوية ياعمتي
سميه لـ عائشة:شن صار
عائشة:نزلت تعطي اهاتف لـ حمزة داخت
حمزة خش: هي نوضي البسي
دارين بتنق:مانبييش ياحمزة خليني
حمزة تعصب
سميه:نوضي بنتي عاييني بالك فيك شي
دارين مغمضه عيونها:نرقد وانوض مافيا شي نبي نرقد بس
سميه:خلاص خلها ع راحتها
حمزة:هي كان بتخلها براحتها زمرت
عائشة نزلت بهدؤ وتفكيرها ممكن تكون حاامل 
عائشة تدعي انهم ينفصلو
عائشة تدعي انهم ينفصلوتتبع………
لقراءة الجزء التالي : الجزء الرابع عشر من رواية عشقها لعنة
لقراءة الجزء السابق : الجزء الثاني عشر من رواية عشقها لعنة
للإطلاع علي فهرس أجزاء الرواية : جميع روابط اجزاء رواية عشقها لعنة للكاتبة ميشو محمد
جميع الحقوق محفوظة للكاتبة ميشو محمد .
