وفي الجزء الثالث سوف نعرف اكثر في سياق الاحداث بعض المواقف الجميلة بين الابطال التي نسجتها الكاتبة بشكل جميل ورائع يجعلك تقرأ وتعيد القراءة من جديد من حلاوة الحديث، لذلك هيا بنا سوياً لنبدأ قراءة احداث الجزء سوياً لمعرفة ماذا سيحدث فيه ؟
الجزء الثالث من رواية حنين الماضي للكاتبة لوزة ليبية
على تاني يوم الصبح
ندى وامها يهدرزو في غرفة سلمى
خ زهرة:حسني بناخدها وخﻻص سلمى غير اتفيق
ندى:ايه اقلها بالك تستانس بيناتنا
خ زهرة:ربي يصبرها وخﻻص …
سلمى فتحت عيونها
ندى :ماما ماما سلمى فتحت عيونها
خ زهرة جت جيهة سرير سلمى
وقتلها:بنتي كيف حالك تو
سلمى: شافت لصقف وشافت للغرفة وتلفتت ل خ زهرة وقتلها :من انتي وانا عﻻش اهني اصﻻ
خ زهرة ل ندى:بري نادي ممرضة واﻻ دكتور امشي
ندى:هي هي
طلعت ندى فريرة ادور ف دكتور
سلمى :حولي من عليا ….. ايييي
خ زهرة تبكي:ماتتحركيش عندك رضوض جيهة الصدر ويدك مكسورة
جي دكتور وقالها:كيف حالك توا سلمى
سلمى:تي من سلمى وعﻻش انا هنا ومن هادو
الدكتور بنسألك عدة اسئلة اوكي
سلمى تبكي :انتو خطفتوني وبديروني حقل تجارب
الدكتور:ﻻﻻ غير اصبري بس … شن اسمك انتي ؟
سلمى:شافتله وسرحت فيه وقتله مانعرفش نسيت
الدكتور:من هادو الزوز ؟؟ اشر ع ندى وامها
سلمى:اول مرة نشوفهم … وعﻻش تسأل فيا هكي تخوف فيا
الدكتور :ارتاحي انتي توا … حنعطيك ابرة مهدئ
سلمى:ﻻﻻ مانبيش نبي نطلع من اهنا
الدكتور :دقايق ونرجعلك
طلع الدكتور ولحقاته خ زهرة:شنو يادكتور خيرها مش مدكرتنا
الدكتور:ﻻن الضربة اغلبيتها جت ع راسها فهي فقدت الذاكرة لكن مع الوقت حتسترجع داكرتها
خ زهرة:وكم بتقعد هكي
الدكتور: صعب انحدد المدة يمكن اطول ويمكن ﻻ العلم عند الله المهم حمد لله ع سﻻمتها ..
خ زهرة:الله يسلمك.. بس دكتور امتى نقدر نطلعها من اهنا
الدكتور:مش معروف لين نتأكد ان راسها ولى تمام
خ زهرة:مشكور دكتور
مسحت خ زهرة دموعها وخشت لقت سلمى تصيح وتبكي وتقول: كدابة انتي مش بنت خالتي انا مانعرفكش
خ زهرة ل ندى:ندى خليها ترتاح عﻻش تدويلها هكي مش كويس ليها المجهود
ندى:قعدت تسأل فيا من انتي فقتلها
سلمى:تخبط ب ايدها ع سريرها طلعوني من اهني عيب عليكم خاطفيني
جت الممرضة ومعاها ابرة شكتهالها ف التغدية ومافات دقايق اﻻ وسلمى مشت فيها نومة
خ زهرة:عليك عملة فقدت الداكرة
ندى:والله وجعتني
خ زهرة:بنتي اتصلي ب سوسن قوليلها ان سلمى فاقت
ندى:اوكي شوية بس >>>>> ماما نقال سوسن مقفل ….
خلي نتصل ب عقيل
تلفون عقيل يشرين
عقيل:صباح الخير بيبي
ندى:صباح النور …. قتلك عقيل سلمى فاقت
عقيل:حق او
ندى:اي
عقيل: شوي ونجوكم هي
سكر عقيل الخط وعدا شور باته وقاله
باتي كلمتني توا خالة سلمى وقالت ان سلمى فاقت
بو عقيل:هي كلم اختك وخلي نعدولها
عقيل:سوسن ياسوسن
سوسن:نعم
عقيل: البسي عبايتك وشاربتك بنعدو شور سلمى قالونا وعت
سوسن:هي هي
لبست سوسن وعدو كلهم شور الطبي
بو عقيل:السﻻم عليكم
خ زهرة وندى:عليكم السﻻم
بو عقيل:شنو كيف حالها تو
خ زهرة:والله ياعمي مسعود توا فاقت ومش مدكرة شي فقدت الداكرة
عمي مسعود:ﻻ حول وﻻ قوة اﻻ بالله
طلع عقيل برا الغرفة وغمز لندى
طلعت ندى لقاته ف الممر
عقيل؛خيرك ماتصلتيش بيا امس ياهبلة
ندى:ماحصلتش فرصة بيبي
عقيل:المهم بنقولك استحشتك بس
خ زهرة لعمي مسعود:انا فكرت ان بعد ما تتحسن سلمى ناخدها تعيش عندي يعني هيا بنت اختي ونعتبر فيها زي بنتي
عمي مسعود :ﻻ والله مانفرط ف بنت خويا حتعيش عندي
خ زهرة:وين بتعيش عندك
عمي مسعود:في الشرق
خ زهرة:تو معقولة بتاخدها من المكان اللي تربت فيه وكبرت فيه بالك هكي معش تتدكر شي
عمي مسعود:نشهد بالله مانقدر نعطيها لكي
خ زهرة:شن مش واتق فيا واﻻ كيف
عمي مسعود: ﻻ حشاكم انتم ناس طيبة ونعم الناس ادب واخﻻق لكن مانرتاح كان بنت خويا مش تحت عيني
خ زهرة:كيف ماتبي ياعمي مسعود كيف ماتبي
عقيل؛:خﻻص سموحتي عدي خشي جوا تو باتي ايحقني مصبي عليك يديرلي هرجة بعدك باتي عارفتيه واعر ههههه يطخنا بمقرون نا مع انتي
ندى:هههههه سمله عليك …. يﻻ نتﻻقو بعدين ياثمح
خشت ندى وهدرزت مع سوسن
مهند:ماديرش ف روحك هكي ياعبدو بش قتلك امك تو نمشولهم ف الحوش خﻻص
عبدو:امي مريضة يامهند وصحتها كل يوم ف النازل
مهند:ان شاء الله ربي يشفيها
عبدو:ان شاء الله يارب … اقرب انسانتين عليا امي مريضة وحبيبتي غايبة عليا انحس بنار واكلتني
مهند:صبرك بالله تو تفرج
عبدو:شوية بس تو نرجعلك نحط لأمي غداها ونجيب غدانا
مهند:باهي خود راحتك مروح انا
عبدو:غير اقعد بالله عليك نتغدو مع بعضنا
مهند:ﻻﻻ يابرو عندي شغل يﻻ سﻻم تو ناض عبدو مضايق خش مطبخ وفتح النار ع طنجرة البرودو متع امه ووتى صفرة فيها ملح و خبزة و كاشيك وطاسة عصير فراولة بدون سكر وصونية فيها شوي فواكه صبلها شربة ورفعها
خش دار امه ….
وقالها :ميمتي الغالية
خ سميرة :تعبتك معاي ياوليدي
عبدو:ﻻﻻ شن تقولي تعبتك معاي انتي امي واغلى ماعندي وتعبك اكيد راحة
خ سميرة:ربي يفتحها عليك باولدي ويعطيك مافبالك
عبدو:ايييه يمى ….هي تغدي هي
طرحلها فوطة ع حجرها وحطلها صفرة وقالها شوي تاني تو نرجعلك بش نعطيك دواك …
عمي مسعود ل خ زهرة:انتو باطلين من امس عدي تريحي انتي وبنتك تو تقعد سوسن وخويها مازن هنا
خ زهرة:به خﻻص تو نجي غدوة
ان شاء الله… هي بسﻻمة
عمي مسعود:هيا عقيل انروحو توا
عقيل:هههههه والله ياباتي الرقدة ف الحوش اتغم عدي انت ومازن وتو نبات نا مع سوسن
عمي مسعود:قدامي
طلع عقيل وباته في الممر
عقيل:ينعلي لما ترقالك ياباتي زعما حتى ف شبابك كنت واعر هكي؟؟ ديما نتخيل فيك مداير كاسكو وشنبات موضة الستينات هدكي واللي يجي قدامك اتعصب عليه
عمي مسعود:هههههه والله دكرتني بالدي مضى كنت ندير فيه الكاسكو صح وندير ف شنبات هكي وصبايا كانن ايبحثن فيا موعجبات
عقيل:الله الله ليت الزمان يعود يوما عارفك ياباتي كان سمحتلك فرصة تزوج تاني
عمي مسعود استدرك روحه وقرن حواجبه:استحي ياولد ! قبل احنا مانقدروش نقولو لخونا الكبير بغ وانت تحكي هكي مع باتك جيل صايع
عقيل:هههههه
وروح عقيل ب بوه للحوش وكسد معاه
ومع المغرب فاقت سلمى
شافت لسوسن ومازن قتلهم انتو منو
سوسن:انا بنت عمك مسعود.. سوسن يا سلمى
سلمى:ﻻﻻﻻ مانعرفكش
سوسن:غير هدي بالك بس
سلمى:نبي نعرف انا منو وشن صارلي بش وليت هكي
سوسن سكتت شوي وتلكمست وقتلها:طاحت عليك طرف لوحة فقال الدكتور فقدتي الذاكرة يعني ايام وترجعلك داكرتك وتتدكري كل شي اطمني بس احنا عيلتك ونحبوك هلبا
سلمى:تكدبي عليا ؟
سوسن:ﻻ ﻻ مانكدبش عليك واﻻيام جاية تو نجيبلك بطاقتك عليها اسمك سالمة صالح ….امممم به استني شوفي عندي صور ليا انا وياك ف نقالي>>> شوفي هاه
سالمى:اها صح به وين كنا
سوسن:في حوشنا
سلمى:حلوة الصورة …اييي انحس ف راسي يوجع
سوسن:ماه من الضربة ارتاحي انتي توا وتو يجي باتي والعيلة غدوة
وفي الصبح جي عمها وعقيل طمنو عليها وعرفوها بنفسهم
وفات يوم ورا يوم حبيبي ماجالو نوم حبيبي واديني جيييت…
لين فاتو 6 ايام مع 5 اﻻوﻻت صارو 11 اليوم سلمى ف المستشفى
وشبه تحسنت شوي والدكتور كتبلها خروج.
في المستشفى
عمي مسعود:سوسن عدي حوش سيدك انتي ومازن وتي شنطة سلمى حطيلها دبشها وحجاتها وخودي حت دبشي ف شنطة عقيل حجزنا طيارة ..بروحو اليوم
سوسن:ان شاء الله ياباتي
عقيل ل ندى:حبيبتي متعرفش قداش انحبك
ندى:حتى انا واااجد واااجد
عقيل:هههه واجد هذي شورنا نحنا انتي قولي هلبة
ندى:عﻻش
عقيل:هكي انحب لهجة الغرباوية لنقنها حانطة بكل
ندى:وانا انحب لهجة الشرقاوية حلوة هلبا
طلعت سوسن ومازن من الغرفة ولقو ندى وعقيل ف الممر
مازن:تي والله كان ايحقك باتي هكي نشهد بالله ايوريك يابلبول
عقيل:كنك ياراجل فجعتني غطي عليا ياما غطيت عليك انت وخطيبتك يالحمر
مازن:نغطي عليك كيف نبدى موجود يالهبل …نا معدي حوش سيدي … افطن لروحك
عقيل:باهي زلطتني قدام الصبية عدي الله يربحك …..
وتلفت لندى وقالها:
ندوشة حبيبي خﻻص انتي روحي اكيد امك تستنى فيك ف سيارة
ندى:محﻻها دوتك مع خوك عﻻش تحاول تدوي معاي بلهجة طرابلسية
عقيل:بش تفهميني شن نقول ^^
ندى:ﻻﻻ عادي نفهمك قداش ليا معاك بتسافرو اليوم صح
عقيل:اي صح ولقد اني سأشتاقو لكي اليزبيﻻ
ندى:اووووه اليخاندرو وانا سأشتاقو لك كثير
عقيل: ههههه تمام يالشينة عدي عدي يﻻ امك ترجى فيك
ندى:اوكي باي حبي
عقيل:بايات
رجع عقيل للغرفة
عمي مسعود:وين كنت ؟
عقيل تفجأ من سؤال بوه مش متوقع فقاله:اها كنت ف الحمام حشاك
بعدك بطني وجعتني عندي اسهال وامساك حشاك
عمي مسعود: ماعمرش يصير اسهال وامساك ف نفس الوقت معناها ماكنتش ف الحمام يالدايخ
عقيل: كنت فيه ايه وين عدى مازن
عمي مسعود:عدى لحوش سيدك ياخدو ف حاجات…شنو حجزت الطايرة؟
عقيل:اهااااااا حجزتها وساعة 4 نقلعوو
عبد الرحيم :كيف حالك اليوم يمى ؟
خ سميرة:الحمد لله كويسة احسن من اﻻيام اللي فاتو واطمن ياوليدي مش ناسية … العشية نمشو حوش البنت سالمة
عبد الرحيم:متأكدة حالك باهي توا
خ سميرة:اي الحمد لله … خﻻص نمشو نشوفوهم ونخطبوها بالمرة
عبد الرحيم:والله فرحتيني يمى ليا 11 اليوم بالتمام وانا متنكد
خ سميرة:ان شاء الله ديما فرحان..
مشو مازن و سوسن لحوش عمهم لمتلها حاجاتها وقامت حاجات عقيل ومازن وبوها ورجعو مستشفى
عمي مسعود :هيا عقيل ساعة 3 وقت ع طايرة
عقيل:استنى خ زهرة اتسلم ع البنت هكي نهربو من وراهم كنك ياحاج مسعود 
عارفك نا مديرهاش
مازن يهمس لعقيل خ زهرة واﻻ بنتها هههه
عقيل:والله كان ماتسكتش نخبر باتي ع عملتك هديكي واعيلك راه
على جية خ زهرة وبنتها سلمت ع سلمى وهيا تبكي وعقيل سلم ع ندى معش رخالها ايدها
عمي مسعود:هئ حم
استدرك عقيل روحه ورخي ايد ندى مع ابتسامة صفرا ههههه
سلمو كلهم ع بعضهم وخدو تاكسي ومشو للمطار قعدو شوية ف الانتظار واقلعت الطيارة شور الشرق
عبد الرحيم هيا يمى اهو اذن العصر
خ سميرة: اللطف ياولدي نخشو ع الناس هكي مازال حتى ماصلوش العصر
عبد الرحيم:ليا قداش يوم نستنى ف اللحظة هادي واهو اقلها نعرف خيرها ومنه نخطبها
خ سميرة :باهي استنى نلبس
عبد الرحيم:زعما نلبس سوريتي الزرقاء يمى
خ سميرة :ايه حلوة
عبدو:واﻻ خلي نلبس سورية الكحلة
خ سميرة:ولواه كحلة وحق شن تختار تو بتخش تهدرز معانا ؟
عبد الرحيم:ﻻﻻ بنقعد قدام الحوش بالك بوها يطلع يشوفني واﻻ هيا تطلع من الروشن وبالنسبة لسوية هتدي سلمى اتحبها هلبا
ولبس عبد الرحيم حوايجه وخ سميرة لبست عبايتها ومع ساعة 6 طلعو
ركبو سيارة فتح Fm حظه على اغنية قلب قلب وين وين غايب عليا يومين
قعد يغني معاها عبدو
لييين وصلو حوش سلمى
نزلت خ سميرة شرينت عالباب
وطقطقت وشرينت وشي مافتح حد
تلفت عبدو جيهة حوش سلمى وشوي نزل من سيارة وقعد واقف جنب امه
خ سميرة :شوره مافي الحوش حسهم طلعو
خطم طفل متع 6 سنين
كان يلعب بسيارة صغيرونة
جي طفل جيهة عبدو وقاله :مافيس حد في الحوس
عبدو:اها شنو طلعو ؟
طفل:ﻻ قالتلي ماما العيلة كلها ماتت ف حادث
عبدو يصيح على الطفل:ﻻ ﻻﻻ اعوذ بالله من شيطان الرجيم برا يافرخ بﻻ ككدب …
خ سميرة حطت ايدها ع كتف عبدو اطبطب عليه ….
مشي الطفل يعيط لبوه …جي بوه ل عبدو وقاله:خيرك اتكشخ ع الولد
عبدو:سامحني غير ولدك قالي العيلة متع الحوش هدا كلها ماتت
بو الطفل:صح ايه ليهم قريب حوالي 10 ايام متوفيين طانطا ركبت فوق سيارتهم مش عارف اما طريق لكن
عبدو انسبه ووجها احمر مافيشي اي تعابير نزلت دمعت عينه اليمين وصيح صيحة قوية :سااااااااااااااااااااالمةةةةةةةةةةةة
وخبط راسه ف باب حوش سلمى والراجل ايشد فيه
ويقوله:اﻻعمار بيد الله ياشبيب اصبر واحتسب
خ سميرة:ﻻ حول وﻻ قوة اﻻ بالله ماديرش ف روحك هكي ياولدي
عبدو:سااااااااااالمةةةةةةةة ﻻﻻ تكدبو عليا سالمة ماتوفتش يكدبو يمى يكدبو حاس سالمة ماماتتش..
تلقطو ناس الشارع وقعدو يشبحو لعبدو ويقولو ﻻ حول وﻻ قوة اﻻ بالله
خ سميرة تبكي:هيا نروحو ياولدي خلاص
يتبع …….
لقراءة الجزء التالي : الجزء الرابع من رواية حنين الماضي للكاتبة لوزة ليبية
لقراءة الجزء السابق : الجزء الثاني من رواية حنين الماضي للكاتبة لوزة ليبية
للإطلاع علي فهرس الاجزاء كاملة : جميع اجزاء رواية حنين الماضي للكاتبة لوزة ليبية
جميع الحقوق محفوظة للكاتبة لوزة ليبية .
