وفي الجزء الثالث من رواية عالمي دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة بنان عماد .
الجزء الثالث من رواية عالمي
يامن:
تعلن روح “يامن” بالصمود الرجاء الابتعاد منه والذهاب لمن يريد اذائه يكرر الرجاء اخلاء قلبه كل جروح باتت عليه…
——————————
يامن
يااامن وينك يامن عليك الله م تفتكر غلط واسمع مني يااااااامن صحيت مخلوعه ومعرقه اتضح اني حلمت بيهلقيت بدر ماف جمبي قمت وطلعت وانا ببكي لقيتو نايم ف الكنبة قلت الحمد لله قلت ليه بدررر قام قال لي مالك قلت ليه بدر انا حلمت بيه قال لي مم منو قلت ليه يامن ياخ قال لي م قادره تنسي وتجاوزي انه ف السجن بطلي وهو حيسامحك قعدت ف رجلو وبكيت قلت ليه بدر انا سيئه قال لي بنان الله يرضا عليك انسيهو انا بحبك اكتر منو بكيت زيادة قلت ليه انا ليه خنتو قال لي خلاص م تفكري هو زاتو بكون نساك قلت ليه جاديقلت ليه بدر تفتكر خالتو حتسامحني قال لي اي بتسامحك ويلا امشي نومي بعد د قلت ليه طيب قمت دخلت الغرفه ورقدت بقيت اقول انا ليهه م انتظرتو يعني الشيطان يغشني طيب لو طلع من السجن لالا م بطلع وعاوز تلات سنين عديل عشان يطلع ياخ بنان م تفكري كتيرة ونومي الكلام كلر مع نفسي وبحاول اقنعها انه نساني وانا يلب مظلومه ونمت وانا غارقه في التفكير صحيت بتلفون امي سلمت عليها قالت لي لازم نمشي نرضي خالتك انا م بقدر استحمل اختي تبعد مني كلوو بسببك ي بنان لو م اصرارك لي العرس كان خلاص قربت اقول ليها يمه انتي م عارفه العليكنت عاوزه احكي ليها بس سكت وقلت ليها يمه نمشي بتين قالت لي قبل المغرب قلت ليها طيب يلا دخلت استحميت وجهزت الكيك قلبي قبض بس اتجاهلتو دخلت كويت توبي وريحتو وطلعت لي بدر قلت ليه بدر قوم قال لي ها وقام قلت ليه صبح ادخل دوش وبعدين طالعين ناس خالتي قال لي ممم لية قلت ليه بدر شنو ليه وبعدين أنت مسحت الصور ولا لسه قال لي لا انا اظمن كيف انك تبقى معاي قلت ليه بدر انت بتموتني قال لي أهم شي اني عارف حبيب القلب وبعدين انتي م كفاك اني خاتي نقاط ع علاقتنا هااا وكمان عارف يامن خطيبك لا اقصد ود خالتك كااان حبيبك يعني م تعملي شاطره وانا لمن كنت حبيبك قبلو لعبتي بي ليه ههااا م كنتي تمشي لي يااامن قالها بطريقه مستفزه مسكت نفسي وقلت ليه وانا دموعي بجرو انا كنت مراااهقه والشيطان لعب بي عقلي يعني م عشان حبيتك تمشي ترسل الصور لي يامن قال لي احسن انك براك اخترتي تعرسيني وبلاي يلاا من وشي بلا يامن بلا زفت الطين ناقص نكد من الصباح زحاني لمن قربت اقع ومشا الغرفه التانيه بكيت قدرتي وعرفت انها النهايه خلاص انا متت انا قلبي بوجعني كل ثانيه اعمل شنو ي الله وقعدت لميت رجلي وبكيت لمن نمت صحيت أنفاس حاره ف رقبتي لقيت د بدر دفرتو مني ونزلت من السرير بخوف قلت ليه بدررر انت بتعمل ف شنو قال لي راجل وعاوز مرتو قلت ليه كفايه ي وقحح كفايه البتعملو والعملتو وختيت يدي ف صفحتي والتانية ف جبهتي وبقيت اتنفس ودموعي جاريه قلت ليه براا ي بدر برا قال لي الغدة لاني جعان قلت ليه براا بقول ليك قرب مني وعصرني ع الدولاب وقتها انا بكيت بجد م ببكي دلع انا ببكي حرقه انا حياتي كانت حتكون مع يامن وهسي مع بدر ليه ي رب تختبرني اختبار زي د قلت ليه وانا خاته يدي ف فمي بدر الله يرضا عليك زحح
زح قال لي بصوت عالي حتفضلي متزكراهو كده لبتين هاا قلت ليه لين اموت ي بدر لين اموت وجريت الحمام قفلتو وبكيت شديد قلبي كان بوجعني تاني استغفزت واستحميت وطلعت هديت حبه بعد صليت لقيت الساعه ٤ حشيت لي بدر قلت ليه بدررر جا قال لي نعم قلت ليه د الغدهقال لي وحقك؟ قلت ليه م لي نفس هسي عاين لي ف عيوني وقال لي اكلي عشاني يعني انا م عارفه الانفصام الفي شخصتو د شننومره كويس معاي ومره لا مره بحبني ومره بكرهني وبعاملمي اسوء معامله وبحب يعزبني ي الله قلت ليه قلت ليك م عاوزه م تزهجني قال لي براحتك ياخ وقعد متنرفز مشيت ختيت مكيب ومشيت قعدت معاهو ابتسم وقال لي هاك اداني سندوتش بقيت باكل وسرحت بعيد طيب بعد السنين انا حقدر اقابل يامن كيف ياربي حيقدر يفهمني يارب م تعذبني بيه وعيت بي يد بتضغط يدي شديد قلت ليه بدر قال لي سرحتي وين وضغطتها اكتر قلت ليه بدر فك يدي فكاها وقام دخل غرفتو وقفل الباب لقيت يدي حمره عديلاخدت نفس وقمت مشيت صلحت المكيب ولبست الحنه لسه م كانت طلعت قلت متين حتطلعي انتي كمان وشلت التلفون ومرقت دقيت باب الغرفه حقت بدر قلت ليه بدرررر قاال لي م تكوركي طالع طلع رغم انه كان مزز بس انا شايفه عادي عشان يامن ملي عيني قال لي طالعه سكر حبيبتي قلبي وجعني قلت ليه وانا بتمتم وا ا انت ا احلي اخد نفس وطلع طلعت ورواه وقفلت البيت ومشيت ركبت كان سايق وانا م واعيه كنت ف عالم تاني لمن بدر قال لي بنان يلا وصلنا قلت ليه اا طيب نزلت وقلت لازم اكون عاديه عشان م يشكو فيني ودقيت الجرس فتحت لي رحمه اخت يامن دموعي قربت تنزل بس مسكتها غصب سلمت على قالت لي اتفضلو حتى امك.
جات قلت ليها طيب دخلنا كلنا وسلمت عليهم الا خالتي كنت خايفه مشيت عليها بخطوات متردده قلت ليها خالتي كيفك قالت لي طبعا م كويسه ولدي الصغير وفي السجن تاني كيفن اكون كويسه اخدت نفس ورجعت قعدت جنب بدر امي قالت لي خالتي ي اختي اعفي لينا والله البت م قاصده امي قالت ليها انا ي خيتي ابدا م زعلانه عشان عرست انا شايله هم يامن الاتعلق بيها مهجه اختو التانيه قالت لي امي خالتي والله ي خالتو العفو والعافيه لكن كان أخوي مرق من السجن ولقا خطيبتو الكان بهاتي بيها ف العالم ويتبسم لمن يشوفها وهي زاتها وتالله بتحبو م عارفه الشيطان فرقهم كيف عاد الدنيا قداره خالتي قالت ليها اسكتي عن الحب د قلت ليها خ خالتي انا يامن ع عيوني وراسي بس بس هو سكت واتشجعت اكذب لازم اخفي وجعيقلت ليها بس هو متين بمرق وانا استنا لبتين وزاتو بكون نساني رحمه قالت لي يامن ينساك مشششمم غايتو جنس كلام قلت ليها رحمه ومهجه مالكم انتو معاي م كنا صحبات هاا ي رحمه م كنتي صحبتي فجأه قلبتي على ليه يعني عشان عرست راجل غير اخوك رحمه م تبقي كده قالت لي بصوت عالي بنان اطلعي من دور البراءه د م جاي فيك قلت ليها رحمه قالت لي م رحمه ياخ انا م بقدر استحمل منظر اخوي لمن يتكسر امي قالت ليها هوى ي بنات اسكتن بس ف اللحظه د سمعت صوت قال امييي النسوان كلهن اول م التفتو صرخووو وبقو يزغرتو واولهم امي ومهجه ورحمه الزغرتو زغريت قمت بخلعه وانفاسي كانت معدوده حسيت الأكسجين انعدم وانا اتشليت وشايفه يامن ايييي يامن يامن حبيبي يامن بحضن امو وبتبكي وهي بتقول ولددي اي يامن رجع ف اللحظه د م فكرت لي شي غير اني احضنو اتحركت خطوه ورجعت قلت احضنو؟ بنان انتي واعيه؟ تحضني كيف وانتي معرسه تحضني كيف وهو م محلل ليك بنان دقيقه دقيقه بس لا لا ياخ اتلخبطت حسيت اني مشتته احاسيس مردومه ف قلب واحد يامن حبيبي اليوم انا عاجزه اسرخ واجري احضنو عاجزه اني ازغرت انو جا للحظه جا على بتين وكيف؟ وعرفني كيف هنا م عارفه وم عارفه حصل شنو وانا سرحانه لقيتو بعاين لي شديد يامن 
اتري البحر كم هادئ لا اقصد اتري السند ف الغروب كم هي جميله فقط تأملها ستجد ذاتك فيها “يامن” ربيع قلبي بحاله انت
حبيت أملي عيوني كنت بس مركزه ف عيونو لدرجه نسيت الحولينا مد لي يدو م عارفه مديتها متين وكيف والحصل شنو كل العارفه انه م فك يدي طوالي وفضل ضاغطها شديد كأنو بقول لي بنان مشتاق ليك وم بقدر احضنك فرحت شديد ويامن قدامي وبعاين لي كانو ربنا يقول لي يلا افرحي حسيت الدقايق بتمر ببطء وبقيت انا ويامن والقلوب المتصله ضغطت يدو وانا بقول ف قلبي يامن م تسيبني انا معيوبه وم بستاهلك اخدت نفس وهو لسه بعاين لي شديد فجأه سمعت بدر بقول…..
*_-_-_-_-_-_-_-_-_-_-_-_-_-*
*ي هذا فرقت بين حبيب وحبيبته خطيب ومخطوبته عاشق ومعشوقته تبا لك كم انت وقح*
*☆اشوفكم☆*
*☆bnan☆*
————————————–
———————
*☆يتبــــــــــــــــــــــــــــــــــــــــــــع☆☆*
لقراءة الجزء التالي : الجزء الرابع من رواية عالمي
لقراءة الجزء السابق : الجزء الثاني من رواية عالمي
للإطلاع علي فهرس اجزاء الرواية : رواية عالمي ( جميع الاجزاء كاملة ) للكاتبة بنان عماد
جميع حقوق الرواية محفوظة للكاتبة بنان عماد .
