الجزء الثالث من رواية عديم الضمير

سماح شفاته متعصب: وسام تعلا اشرب شاهي

وسام طالع متعصب: صحتين… وطلع

رحمه : هشام تعلا روح بيا اني ف مزرعة عمي مجدي

هشام:غير اعبي لم تروحو للحوش نجي نروح بيك لكن المزرعه لا

رحمه:باه باي…وصكر اخط

.

.

مرام تتصفح ع نت اذكرت عدي ابتسمت

مرام:خلود ماحكيتلكش

خلود اختها الكبيرة:خير

مرام:يوم الملاهي انتم مشيتو بعيد وجود مشي للمحل…وحكتلها

خلود: معاق ياروحي عليه

مرام:يهبل كان شفتيه يضحك عسل مسكين

خلود :ربي يشوف فيه

مرام: نشالله

خلود: شن اسمه ولا معرفتيش؟

مرام:ف واحد جي ينادي عليه قال عدي تقريبا اسمه عدي

خلود:حتى اسمه حلو مسكين

مرام تتصفح دارت منشور ف صفحتها

نعرفكم بـ مرام عمرها 21 قصيرة كيوته هلباا وعندها موهبة الكتابه والشعر والنتر وهكي وفاتحه صفحه عامه ع الفيس والانستا ومن بين متابعينها عدي وهيا ماتعرفش انه يتابع فها

مرام نزلت منشور:

بًنِحًکْيَلَکْمً قُصّـةّ صّآرتٌ مًعٌـآيَ آنِيَ بًتٌحًدٍيَدٍ !!!

لَکْنِ بًطِريَقُهّ مًخِتٌلَفُهّ

فُ يَوٌمً طِلَعٌتٌ وٌمًعٌ آلَعٌيَلَةّ لَمًکْآنِ عٌآمً وٌبًصّدٍفُهّ شُفُتٌ شُخِصّ آيَةّ مًنِ آلَآخِلَآقُ وٌ آلَآسِلَوٌبً سِبًحًآنِ آلَلَهّ لَکْنِ آلَشُخِصّ هّدٍآ مًقُعٌدٍ يَعٌنِيَ مًعٌآقُ لَلَآسِفُ آنِيَ حًآوٌلَتٌ نِدٍيَر آيَ شُيَ عٌشُآنِ يَضحًکْ وٌفُعٌلَآ مًآسِيَبًتٌهّ لَعٌنِدٍ ضحًکْ آلَشُخِصّ هّدٍآ مًعٌ آنِهّ مًعٌآقُ بًسِ صّدٍقُوٌنِيَ عٌنِدٍهّ روٌحً تٌجّنِنِ ضحًوٌکْ وٌيَبًتٌسِمً شُخِصّ طِيَبً عٌفُوٌيَ هّلَبًآآ

آلَمًعٌنِـﮯ مًنِ قُصّـةّ آلَيَوٌمً آنِهّ ربًيَ يَعٌطِيَکْ شُيَ وٌيَآخِدٍ مًنِکْ شُيَ لَکْنِ آوٌتٌقُوٌ فُ آنِهّ ربًيَ مًشُ رحً يَحًرمًکْ مًنِ شُيَ طِوٌلَ مًآآنِتٌ مًآآمًنِ وٌعٌنِدٍکْ آمًلَ وٌآصّرآر

#تٌحًيَـآتٌـيَ_روٌمً

هّدٍآ لَکْتٌبًآتٌهّ مًرآمً فُ صّفُحًتٌهّآ آلَخِآصّهّ وٌعٌنِدٍهّآ هّلَبًآآ مًتٌآبًعٌيَنِ

.

.

هشام: اسمع نقولك… قاطعه عدي

عدي تنهد: وووواك ياسر نفختلي ام راسي اسكت

هشام: بيناتنا الايام وبعدين قول قالها عدي

عدي يتصفح ابتسم فجآة وعدل تقعميزته وشفايفه يتهجو ف كلام ع الهاتف

اكيد عرفتوه انه قري منشور مرام

عدي علق (حلو انك ضحكتي شخص مقعد يعيطك الصحه )

علق تاني (ربي يوفقك ع الانامل الساحرة عندك ف تدريج القصه بجدد ابدااع كتباتك)

مرام قرت التعليقات:مني الدحناس هدا

عدي خش ع الانستا بعتلها:حاكيه قصتنا ف الملاهي ليش ماستدنتي مني

مرام بعتتله (وليش بنستاذك)

عدي (اني عدي المعاق لـ شفتيه ف الملاهي)

مرام فنصت ف الرساله (اهلين اسفه لو سببتلك شي بس اني ماوضحتش القصه يعني قلت شخص معاق بس)

عدي قراها (اهلين بيك نبصر معاك بس هكي حبيت نعرفك انه اني صاحب الضحكه واية من الاخلاق وللاسف تعبير ليا خطأ العكس صح )

مرام بعتلله (حرام عليك حبيت القصة بس المهم كيفك انت)

عدي(الحمدلله شن جوك)

مرام (ايزي)

عدي(ماتخيلتش انه اني من متبعينك للعلم نتابع ف اربعه اشخاص بس تلاته صحابي وانتي)

مرام(صدفه)

عدي(عارف )

مرام (باي بنصكر) وصكرت

عدي حط الهاتف وضايق انها شفاته ع الكرسي فكرت انه معاق وهو سليم:نشالله نبدا معاق

هشام عيونه ف الهاتف:نعمم؟

عدي:شي نوض نطلعو…وناضو طلعو

.

.

وبعد ماروحو من المزرعه

مجدي:انستي يارحمه عاودها

رحمه طالعه:ردوهالي وتعالو انتم ياعمي

مجدي ابتسم:ف الافراح نشالله

رحمه طلعت وركب مع خوها هشام

هشام: تمام فهمت

وسام واقف ع الشباك متع سيارة هشام:مية مية يوم الجمعه نبيك تكون مع عدي

رحمه:هيااا هشام

هشام:اكيد بنكون معاه لانه معاق

وسام:معادش توضح

رحمه ملت من السيارة وجهت وجها لـ شباك

وسام بعد عن باب السيارة:امشي زينه

هشام:سلام…وطلع

.

.

رحمه نزلت من السيارة وخشت

فايزة: روحتي

رحمه:اي روحت طمنوني استحشتوني؟

فايزة:بيته وحيده كيف عااد

رحمه:اممم شن تغديتو

فايزة:ديما همك ف بطنك يريت حتى تسمني..اتجهت للمطبخ

رحمه غيرت ملابسها ولحقتها

#بعد_مرور_ايام

يوم الجمعه

مرام راقده راكب فوقها جود:خالتي حني جينا نووووضييي

مرام فتحت عيونها:نووووض من فوووقي

جود ناض يضحك

مرام قعمزت:صبح يافتاح ليش جاينا من الصبح عيب الزيارة ف الصبح ره

جود:ماما وبابا اني مانعلمش

مرام شفتله:بريء يصلو وراك

جود:نمشو لللملاهي بعدين باه حتى ماما تبي تمشي معانا

مرام: بعدين ساهل،رقدت كويس امبارح جود

جود:لالا سهرت علااش

مرام: سؤال بس

جود:باهي هيا نوضي

مرام: ليش؟

جود:نلعبووو

مرام:كبرت اني ياجود خلاص

جود:كبرتي؟ من امتى كبرتي الجمعه لفاتت لعبتي معاي

مرام رقدت:اي توا كبرت

جود: اهااا يعني كبرتي خلاص بتموتي قصدك وله باي ملا موتي…وطلع وصكر الباب بهدؤ

مرام ناضت:نشالله فيك ياجووودذ ياكلللب

جود فتح الباب يضحك:نووضي هيااا

مرام:امشي ندير دوش ونجيك

جود طلع:باه

مرام ناضت لـ دوش

.

.

رحمه راااقده

.

.

وسام ع الحاسوب: لو تحصل بين ايديا ياصفوان بس

.

.

رحمه فاقت تتصفح شافت صور لـ صفوان :من هدا هادي الصورة الشخص لـ عند وساام

رحمه طبعااا تبي تنتقم لانها فسخت خطوبتها بسبب لصار مع وسام التافه خشت ع صفوان

رحمه:(هااي)

صفوان (ياهلا مني؟)

رحمه(نبي نتعرف)

صفوان (اهاا اني فادي عمري 32 وانتي؟)

رحمه (رحمه 19سنه)

صفوان (حلوو )

رحمه بقدره قالت:يععع يقرررف لكن نبي نعرف عليه اي شي ليش هو مهم هلباا عند للتافه وسام

رحمه(اني حسيتك تشبه لـ شخص)

صفوان (ياساتر مني؟)

رحمه (واحد اسمه وسام تعرف شخص بـ لاسم هدا)

صفوان (لالا نعرف واحد لكن مايشبهليش)

رحمه(اممم عادي يخلق من الشبه اربعين)

صفوان( شن موضعك انتي)

رحمه كان كل هما تتقرب منه عشان تعرف ليش مهم بنسبه لـ وسام (عزبه وانت)

صفوان (اعزب، من وين انتي)

رحمه كذبت (من غريان)

صفوان (بجوده احلا غريان)

رحمه تسلم (انت منوين)

صفوان بكدب(بنغازي)

رحمه:اكيد يكدب شنو جاب بمغازي لـ وسام (امم ربي يحفظك باي…وصكرت النت

صفوان صكر الهاتف:مافي حد مابعرفش صفوان نبي نعرف من يكون صاحب الايميل اكيد شرطي بنمشي ونجي تقولولي من يكون

.

.

الملاهي

الدوشه وهرجه من صوت الصغار

جود يلعب مع اخته ف الدواخه ويضحكو

مرام مقعمزة تتفرج ع الناس

عدي مقعمز ف الكروسة ويتفحص ف الناس وجت عينه ع جود ابتسم وبدي يتفحص اكتر ع مرام وشافها قرب بلكروسه

عدي: احممم

مرام تلفتت ابتسمت: هدا انت اهلين

عدي ابتسم: شن اديري هني

مرام: جايبه صغار اختي

عدي: اممم شن رايك ف كافي توا؟

مرام: اممم اءااءااذا اسفه بس مانقدرش نشرب شي مع شخص غريب بجدد اسفه ماتفهمنيش غلط

عدي: اهاا فهمت عليك يعني نمشي

مرام: براحتك

عدي: اممم انتي اسمك عدي

مرام ضحكت:اممم وانت اسمك مرام

عدي ضحك:عاشت الاسامي كويس فهمتي عليا

مرام:تسلم ماقلتليش ليش تجي للملاهي عندك صغار يلعبوو

عدي:لالا جاي لاني نحب نتفرج وبس

مرام:اي حتى ني

عدي:اوكي ماتبيش تشربي معاي كافي اني رح ناخدلك تمام…ومشي بلكروسه

مرام قعمزت ع المقعد:محلااه متفائل ويضحك

عدي خش للكافي خدي كبتشينو ورجع:بسست

مرام ابتسمت: متعب روحك

عدي مد الكاسه:ماتعرفيش ممكن اليوم اني نضيفك وممكن غضوا انتي اضيفيني

مرام:الدنيا صغيرة يصير…خدت الكاسه منه

عدي:يلا باي

مرام:شكراا ع الكافي ياعدي

عدي ابتسم:صحتين…ومشي ويكر ف الكروسه

.

.

وسام ع سماعة البلثوث:شن صار

عدي بسماعة البلثوث ف الملاهي:تأخر الشب

وسام تعصب: زبطونا يعني خلاص اطلعو زبطونا

عدي:كيييف تي منتبهين

وسام بصوت عالي:نتكلم عربييي زبطووكم ارجعووو او ذرح يبلغو عليكم عند صفوان وممكن تصير مصيبه ف الملاهي اطلعووو

عدي يشوف الناس:مستحيل نطلع ونسيب الناس يوجهو صفوان بسببي…وصكر الخط وصكر الهانف

عدي ناض من الكروسه واتجه للمسرح متع الملاهي خدي المايك: لو سمحتوو ممكن تشوفولي

مرام شفتله ووقفت من الصدمه:يعني مش معاق

الناس تجمعو ع المسرح

عدي: لازم الكل يطلع من الملاهي ف شي رح يصير ضرووووري تطلعوو لـ سلامتكم وسلامت صغااركم

صاحب الملاهي وقف ع المسرح:شن تقووول انت كذب الكلام هدا كذب مافي شي

عدي تعصب طلع بطاقته:اني المفتش عدي السيد حسن وانت اكيد تعرف من تكون عيلة السيد حسن لذالك ضروري الناس تطلع

الناس خافوو بدو يطلعوو

مرام قعدت واقفه وتشوفله

جود شاد ف ايد اخته:خالتي هياااا

مرام ف عالم تاني ليش كذب ليش ع الكروسه يضحك ع الناس

عدي جت عينه ع مرام لـ واقفه والناس تطلع لكن هيا واقفه نزل بسرعه

عدي:اسمعيني اني مش معاق

مرام متعصبه:مايهمنيش…شدت ايد جود وطلعو

عدي شاف جود شده:استتتنى كانت معاك بنت صغيرة وينها

مرام: رسل وين

جود:اختي رسل وين

عدي يشوف ف مرام:اني مفتش وانتم ضروري تطلعو صدقيني اني رح نقعد فتش ع البنت الصغيرة ونجيبها لعندكم

مرام بعصبيه:البنت ضاعت وانت تقولي اطلعي وبعدين من وين تعرف حوشنا انت

عدي ضرب راسه بغباء:مانعرفش بس المهم تطلعووو الناس كلها طلعت مزال انتم بس اطلعوو

مرام تنادي:رسسسسل رسسسل

تطلعووو الناس كلها طلعت مزال انتم بس اطلعوو

مرام تنادي:رسسسسل رسسسل

رسل شافت هاتف ع الارض:هاتف منووو هدا…وسمعت خالتها تنادي مشت طلعت

مرام شفتها: تعالي

رسل مدت الهاتف لـ عدي:هدا تعك (متعك)

عدي خدي الهاتف:اطلعووو

مرام وجود ورسل طلعوو

عدي طلع وركب ف سيارته:هشام زبطونا امشي

هشام ولع ومشي بسرررعه

جماعة صفوان فعلا وصلو لـ الملاهي وشافوها فااضيه بس خشووو وسالو صاحب الملاهي كيف الملاهي فاضيه

صاحب الملاهي:ف شحص قاللهم يطلعو وقال انه شرطي

جماعه صفوان:عندك كاميرات ف الملاهي؟ نبو نشوفو الشخص

صاحب الملاهي فعلا زي الحمار فتحلهم الكاميرات وعطاهم الكاميره متع المسرح

جماعه صفوان خدو الكاميرا وطلعوو

.

.

مرام ووصلوو مرام مشت لغرفتها متعصبه:الكللللب ضحك عليااا

مرام وقفت ع المرايا: غبية اني غببية ضحك عليا

مرام كانت شخصيتها قوية وماتحبش من يضحك علها

.

.

صفوان رجع:شنو صار ف الايميل عرفتو لـ مني

شب متع هكر وحاجات هكي:مزال بس رح نخشو ع الاصدقاء ونسالو وطبعا الاصدقاء كلهم بنات ولم ركزت ع بعض الايميلات ف تواصل بين…قاطعه

صفوان تعصب:كثرت دوه مانبيش قولي عرفته ولا بس

شب خاف نزل عيونه:لا بس قربت نعرف

صفوان طلع متعصب:بسررررعه طلعععه…وطلع شاف جماعته وصلو

صفوان قرب.وين الشب لـ حصل صوري حصلتوه؟

كلهم خافو سكتو

صفوان:ويننننننه

شب من الجماعه:هرب بس حصلنا صوره

صفوان: هاتو الصور

شب طلع كاميرا:الصور ف الكاميرا

صفوان الدم وصل لـ راسه:دبرووو كيف نبييه الشب هدااا…ركب سيارته حرق العجل وطلع

الشب متع الهكر فتح ايميل بنفس ايميل رحمه بزززبط وصكر ايميل رحمه وبدي يهدرز مع صاحبات رحمه وعرف انها بنت واسمها رحمه وتقرا كليا وعرف ف اي كليا وعرف انها مخطوبه وفسخت

.

.

رحمه فتحت نت وعرفت انه الايميل تصكر فتحت ايميل جديد وبطريقه تانيه يعني غيرت الاسم وغيرت الصورة وعرفت انه ف ايميل باسمها ضفاته

رحمه (بسبس)

شب(اهلين)

رحمه (مني؟)

شب خش ع ايميل هدا وشاف رقم رحمه مش مخفى خدي الرقم

شب اتصل ع الرقم

رحمه ردت ساكته

شب: معاي رحمه

رحمه:اي مني؟

شب: من وين تعرفي فادي ؟(قصده صفوان)

رحمه رجفتتت:من يكون فادي

شب:ياحلوة انتي خاشة وتسالي عليه من تكوني

رحمه طلعت الخط وبدي يعاولها ورحمه تصكر ف الخط ويعاودلها ويعودلها ويعاود

رحمه ترجف:حييي عليا شن درت من يكون ..نزل ع الهاتف الارضي

رحمه اتصل بـ سماح:ايوووه سماح شجو

سماح:تمام كساد وين

رحمه:ف الحوش اسمعي ابعتيلي رقم وسام

سماح:لييش

رحمه:هشام يبي وسام ف موضوع

سماح:اممم نصدقك توا؟

رحمه:سمااااح

سماح:باهي تو نبعت ع رقمك باي

رحمه صكرت الخط

رحمه وصلها الرقم واتصلت:ايوواه

وسام:مني؟

رحمه:اني رحمه وسام

وسام يسوق:اهلين خير

رحمه: فادي

وسام شد فرينو ووقف السيارة بصدمه من الاسم:من فادي احكككي

رحمه زززاد خوفها لم سمعت ردت فعل وسام: فادي ف فادي …قاطعها

وسام:انتي شفتي الصور لـ كان ف الصور اسمه فادي انتي تعرفيه؟تكللللمي اسمعي رحمه الموضوع ضروري تكلمي تعرفيه هو عنده اسمين

رحمه:اي نعرفه

وسام فتح المايك: كيف من وين ادووي

رحمه كذبت:نعرفه هو عمره 32 سنه…قاطعها

وسام بصوت عالي ومتنرفز:ادووووي ياننمم

رحمه:معاد تعيييط ولا نصكر عليك ره

وسام:اقلبي وجهك مش محتاج منك شي….وصكر الخط

وسام تعصب ولع السيارة: مش وسام يطلب مساعده من بنت

.

.

مرام فتحت نت بعتت لـ عدي (اجرح شخصاً بالصدق لكن لا تُسعِده أبداً بالكذب ..”#روم)

عدي مع هشام متعصب:كيييف عرفنا تي قعدت مع البنت عشان مايشك فيا ححد كيييف بنهبل

وسام خش وقعمز: ضاااع كل شي ارتاحو

عدي وقف ومتعصب هلبا: وساام مش ناقصك اسكت

وسام شافله: معرفتوش تتصرفو بشي بسيط زي هدا

عدي بصوت عالي: قالنا اسكككت

وسام وقف: معاد تعلي صوتك عدي انت غلطت جاي تحاسب فيا

عدي قعمز بنفاد صبر: المهم مصار شي لـ ناس بس الباقي يتعوض

وسام قعمز: صفوان

تتبع………

لقراءة الجزء التالي : الجزء الرابع من رواية عديم الضمير

لقراءة الجزء السابق : الجزء الثاني من رواية عديم الضمير

للإطلاع علي فهرس اجزاء الرواية : رواية عديم الضمير ( جميع الاجزاء كاملة ) للكاتبة ميشو محمد

جميع الحقوق محفوظة للكاتبة ميشو محمد .