وفي الجزء الثالث من رواية عشقها لعنة للكاتبة ميشو محمد يا تري ماذا سيحدث من جديد المواقف مع ابطالنا ؟ دعونا نعرف إجابة هذا التساؤل في السطور التالية بإذن الله .
الجزء الثالث من رواية عشقها لعنة
دارين مستحت دموعها وشافت حمزة يشوف ف ايد عزو لكانت شاده رجلها ويحرك ف رجلها شوي شوي
دارين شافتله حمزة من جديد وركزت ف ايده كان ضاغط علها ويشوف ف ايد عزو
حمزة: هي نوض عزو
عزو شافله: مش وقته توا ماتشوفش
حمزة شاف دارين وواضح عليه فاصل
دارين بعدت ايد عزو بهدو: خلاص عزو تو ندير تلج امشي مع الولد
حمزة داخله الولد معاد تبي تدكر اسمي 
عزو: تمام لكن تتصلي بيا واطمنيني شن صار باهي
دارين مسح ف دموعها كويس: باهي
عزو: اكيدددد مش تنسي
دارين: حاظر
حمزة طلع وسيبهم وكان ناااار تاكل فيه
عزو طلع معاه: حمزة دخل سيارتك للقراج واني وياك نمشو ف سيارتي
حمزة : تمام ندخلها ونجيك.. ولع ودخل السيارة للقراج
.
.
طققق طققق
مريم فتحت: اهلاا…. وخدت ولد اختها قامته
مريم: وسيفه ياعمري شجو
يوسف: مليح
مريم بساته: خيتسلمه المليح
يوسف يضحك
وجدان: مريم وين ماما
مريم: اتصلت بها قالت ف الطريق جايه من السوق
وجدان: ديما ف السوق
.
.
عزو يسوق: خيرك اليوم انت
حمزة مردش
عزو شافله ويسوق: يازعيم
حمزة بينفجر: اخطاني ونبي لا زعيم لا عقيد فوتني
عزو: خيركم اليوم الغاز كلكم
حمزة: هات نسوق اني؟
عزو: لالا ريح روحك نعرف حتى ني
حمزة طلع دخان ويدخن
عزو فنص فيه: من امتى ادخن انت؟
حمزة: من اليوم
عزو: لوح العفن لوووح
حمزة: متدخلش وخليك ف الطريق
عزو: متغير انت ره
.
.
فات العصر والمغرب
ووقعدين مرجعوش عزو وحمزة
دارين نزلت وخشت للقراج وقربت من سيارة حمزة كانت عاليه وحمراء وكانت ف علها شوية غبرة دارين بدت ترسم ع الغبرة لـ ع الشباك من باب حمزة كتبت نحبك صغيرررررة وكانت بتمسحها لكن سمعت بحركه برا اكيد جو ركبت تجري
.
.ـــــــــــــــــــــــ
وفاااات اليوم بحلوة ومرهه
تاني يوم
ركبت دارين: صباح الخير
حمزة: صباح النور
سكتوو لفترة
حمزة: كيف صار ف رجلك !!
دارين: تمام
ووصلت ونزلت
حمزة يشوف فها بتخش الشمس كانت ع الشباك وجت عينه ع كتيبه ع الشباك نزل ووقف ع الشباك وقرها 
حمزة شاف دارين خشت خش وراها: استني
دارين تلفتت ابتسمت: نعمم
حمزة: انتي
دارين: اني شني
حمزة شاف الدكاترة يشوفوله: جاوبي نستنى فيك برا
دارين: شن في!!
حمزة طلع
حمزة قعمز ف السيارة: اني متاكددد انها هي مافيش غيرها
ساعتين وطلعت دارين اول وحده
دارين ركبت: شن فيي
حمزة: شن طالعه بكري!!! جاوبتي؟
دارين: اي
حمزة ضحك:مافي شي خلاص
ترررن ترررررررن
حمزة:ايوواة ياام… شنيي… من وصلك للمستشفى انتي؟…باهي باهي نوصل البنت ونجيك….تمام مية مية سلام…وصكرالخط
دارين تشوف ف الشباك
حمزة:اسمعي ع طريقنا المستشفى بناخد امي
دارين:الله اي عادي
حمزة: تمام هكي احسن منرجع تاني
دارين: خيرها ف المستشفى مريضه
حمزة يسوق: ولد اختي مريض وبايتين عندنا وصلها راجلها وقاللها عنده عمل وبنروح بيهم اني
دارين:الف لاباس عليه مايشوف شر
حمزة:الله يسلمك
.
.
ووصلو وركبت ام حمزة من قدام واختها وولدها الصغيرون من الخلف
ابتسام:اهلا كيف الحال
دارين سلمت:تمام الحمدلله الف لاباس عليه
ابتسام اخت حمزة:سلمك
بسمه ام حمزة:شن اخبار جامعتك كويسه
دارين:اي الحمدلله
قيس ولد ابتسام عمره سته سنوات:من هادي
دارين ابتسمتله: اني دارين
قيس في منه هلباا ف ليبيا فرخ قصقاص:شديري ف سيارت خالي؟
ابتسام:قييس ياسر
دارين تعقدت: حمزة يوصل فيا للمدرسة
بسمه ركزت ف كلام دارين وفنصت ف حمزة
حمزة قريب مات ف اسمه 
.
.
عزو طلع من شقته ويسمع ف صوت ولد صغير ف الدروج نازل ويتكلم عطي بضهره بيصكر الباب وصكره تلفت شاف مريم شاده يوسف
عزو:اهلاا
مريم: ادوي بروحك ز الدرويش
عزو:غر اسمعي ماتبيش تدوي معاي
مريم تلفتت
ونديم خش
عزو حط صبعه ع للسماعه البلوتوت: نكلم فيك ماتبيش تدوي معاي ؟
نديم: شن اديري لوطى انتي اركبي
مريم: عندنا وجدان نبي المحل
نديم:اررركبي
مريم بصوت هادي: نديم الحوش فاضي افهم
نديم:هاتي الفلوس نمشي اني
مريم: مصح وجهك مش رح تاخد مني شي
عزو: اسمع ادور ف خدمه انت؟
نديم شافله:نعمم
عزو:علاش تمد ف يدك ع ختك قدام الولد الصغير تبي فلوس اخدم
نديم:انت جاي تعلم فيا
عزو:اي وبالك مش معبي عينك
نديم:نهائي
عزو نزل
مريم: بلاجو ماتمساش
عزو طلع
مريم:نديم افهم وجدان هني
نديم: مانبيش نفهم هاتي الفلوس ..ودفها طاحت ع الارض وخدي لفلوس من جيبها وطلع
عزو خش: نساعدك؟
مريم عيونها دموع:مانبيي منك شي خليني ف حالي اطلع من العمارة معادش نبي نشوفك
عزو ركع ليوسف: شن اسمك
يوسف:وسيفه
عزو:وسيفه تعرف تلعب بلستيشن؟
يوسف هز راسه بمعنى لا
عزو:نعلمك
مريم شدت ايد يوسف وبتركب بيه:هيااا
عزو:خلي الولد معاي ممكن يعاود شن صار مع خوك
مريم سكتت
عزو: دقايق ونوصله لباب شقتكم
مريم:وسيفه تمشي معاه ؟
يوسف:اي
عزوخدي يوسف
وطلعو بسيارة
.
.ــــــــــــــــــــــــــــــ
حمزة: تعبت معاها بنهبل كان نعرف ان ف حد حاط علها عينه ابصر شن يصير فيا
وقف ع المرايا
حمزة: بنت دلوعه العيلة كلها قريب يهبلو لو صارلها شي
حمزة طلع ومتعصب ومضايق:نحححبهاا احلا بنت ف عيوني…طلع ركب ف سيارته
بعت ع الواتس
حمزة: مساء الخير
دارين:مساء النور
الزوز ميطلعوش من الدردشه
حمزة:كيف الحال
دارين حمدلله وانت
حمزة:الحمدلله
حمزة:دارين بنسالك نايضه؟!
دارين:اي نقرا في شي؟
حمزة: نبيك ف موضوع غضوا بما انك توا تقري كملي خلاص مش مهم
رن هاتفه ع الواتس
حمزة ابتسم ورد:اهلا
دارين:اهلين شن الموضوع قول
حمزة:غضوا قلت
دارين:مصحك اني بنقرا وبالي مشغول غر قول هيااا
حمزة: ماهو كان قلته ممكن لقريتيه يطير من دماغك
دارين:يساتر ياللطف الله خير
حمزة تنهد:هبلتيني دارين
دارين ضحك:شني
حمزة:مانعرفش نتكلم ومانعرفش نتصرف معاك حتى قدام الجامعه نبي نتكلم ونقولها الكلام يتشرتع مني
دارين ضحكت: هلبااا
حمزة:ووووك شن هدا النممم ردي عليا علاش سكتي
دارين بصوت هادي:عيوني جفوو معادش خليتلي دموع شن بنقولك
حمزة ابتسم:لحظه البكي هدكا كله…قاطعاته
دارين: لاني خفت تردني او تقول عليا خفيفه فكرت ف كل شي
حمزة ضحك:شن لنسمع فيه يعني لو متكلمتش اني مكنتش رح نعرف يعني النار لتاكل فيا…قاطعاته
دارين بصوت هادي:هي نفس النار تاكل فيا
حمزة قعمز ف الجنان ع كرسي: شن هداا للنمممم
دارين ضحكت
حمزة ضحك: هبلتيني دارين
دارين: لدرجة طار النوم من عيونك؟
حمزة: عيوني نفسهم قريب يطيرو
دارين ضحكت
حمزة: تهبلي
دارين: تحشممت غضوا كيف بنركب معاك ف السيارة؟
حمزة: تركبي من الباب
دارين ضحكت:حمزة
حمزة:عيونه
دارين: لاني بكيت وتعببت وانت مش حاس بشي بنشردك
حمزة ضحك: بلعكس اني لم تبكي…قطعاته
دارين:تتعصب تفصل عليا شاطر
حمزة: دارين انسي لفات واقري مش بعدين تقولي رسبت بسبب حمزة
دارين:مزال زوز امحانات بس نشالله يفوتو ع خير
حمزة:زوز!!!
دارين:اي تمو
حمزة:تمام اقري هي
دارين:باي
حمزة:باي وصكر
.
.
دارين تنقز ف مكانها
حمزة اتكى ع للكرسي يشوف لنجوم
بسمه طلعت وفرحانه:حمزة
حمزة:ايوواه ياام
بسمه:خش صقع
حمزة خش وايديه ف جيوبه:نعم
بسمه: تذكر في صفاء
حمزة: من صفاء شن دخلي اني!!!
بسمه:هديكا جارت اختك لعيونها زرق
حمزة: اني معرفتهاش كلهاا بنعرف عيونها باه ياستي خيرها
بسمه:وافقة
حمزة طلع ايده من جيوبه:ع شنو؟؟؟
بسمه:ابتسام:مش قالتلك بتكلمها؟!
حمزة:اي قالت بتخطبها
بسمه: اي كلمتها يومها جت عشان ولدها قيس مريض كلمتها اختك
حمزة قام حاجبه وقام صبعه واشر ع نفسه:اني قلت موافق لمن تخطبو اني فتحتتتلي الموووضووع لكن موافقتش
بسمه سكتت
حمزة وقف:عادي مصار شي تتصل بها وتقوللها مصارش
بسمه:بتطلع اختك كذابه!!!
حمزة:بنتك اني معطيتهاش الموافقه وافقة بروحها وخطبت بروحها واني معندي علم بشي كان مييتين علها خلها تاخدها لـ راجلها …ركب لدور تاني خش غرفته
.
.
مريم قعمزت جنب يوسف:وين مشيتو
يوسف:هلبااا مكانات مع صاحبي
مريم:صاحبك؟؟ اي سمعت 
باه وين مشيتو
باه وين مشيتويوسف:دخلكككش ياماما كلمهااا
وجدان:خلي الولد مرريم
وجدان وقفت:هياا يوسف انزل بوك جي
يوسف نزل
.
.
تاني يوم
حمزة لبس وطلع ووصل
دارين ووصلت للباب تحشمت
دارين طلعت وركبت:صباح الخير
حمزة:صباح النور …ويحرك ف المرايا
دارين:لو سمحت مديرش المرايا عليا مش ناقصه تلبك
حمزة ضحك اتكه ع الكرسي:وووه ياهمي بنديرها ع الطريق شن نبي ف شكلك اني
ووعدل المرايا
يسوق يسوق وسرحان ف المرايا لعند مطلعت قدامه سيارة وشد فرينو قوي بسرعه لدرجه دارين مش منتبها قريب خشت ف الكرسي لقدامها شدت فيه
حمزة بعصبيه نزل وقربع الباب:احووول اعمممى ولا شنوو صببح عشنو مستعجل قريب روحتنا
الراجل:انت طلعت قدامي الطريق ليا
حمزة: برا ف طريقك انت مش عارف ربي وين حاطك اساسا اني ضابط وبـ اتصال مني نعرفو مني الغالط …ورجع لسيارته ركب
حمزة ركب:تيس
دارين شاده ضحكتها وضحكت
حمزة ضحك:تضحكي انتي كويسه؟
دارين: الراجل خش بعضه لم قتله ضابط نبولة ونفشت
حمزة: باه ياسر
دارين تضحك
حمزة وقف السيارة وتلفتت: كملي هي
دارين:لالا خلاص امشي سكتت توبة
حمزة: هبلة
ترررن ترررررن
حمزة:ايوواه
ابتسام:حمزة وينك
حمزة: شن في برا الحوش اني
ابتسام: ماما توا اتصلت قالت انها دايخه واني راجلي طلع لخدمته ارجع شوف امك
حمزة.تمام تو نعاودلك…وصكر الخط وزااد ف السرعه
دارين:حمزة خيرك شن في
حمزة يسوق:امي يادارين وصلنا انزلي بسرعه
.
.
مريم نزلت وشافت بنات العمارة زوز ممرضات طالعين لخدمتهم
مريم ف داخلها:وووه ع المزيتات قصدي عادي ان البنت تهمتم بشكل وتمكيج لكن مش لدرجه هادي تقول ماشيين لعرس فيه عريس مجانا
ونزلو التلاته
عزو متكي ع سيارته يستنا ف مريم وقريب يرقد شعره مشفشف بطريقه عفوية ولابس توتة رصاصيه يجنن 
نزلو التلاته
الممرضات مع بعض :سباح الخير
عزو يشوف ف هاتفه ع اساس سرحان
عزو شافلها
فاتتت
عزو:نايض من الفجر عشان نشوف بنت فرخه تتجكتر عليا تبي العينالحمراء هادي تهبل عطها مرض اول مرة طرف ترفضني هيااا وبس وزمن طويل
.
حمزة رجع وخش للحوش يجري نصدم لم شاف امه
يتبع ………
لقراءة الجزء التالي : الجزء الرابع من رواية عشقها لعنة
لقراءة الجزء السابق : الجزء الثاني من رواية عشقها لعنة
للإطلاع علي فهرس أجزاء الرواية : جميع روابط اجزاء رواية عشقها لعنة للكاتبة ميشو محمد
جميع الحقوق محفوظة للكاتبة ميشو محمد .
