وفي الجزء الثامن من رواية المشوه دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة ميشو محمد .
الجزء الثامن من رواية المشوه
غفران:دكتور شنو انت إن شاء الله مش نفسي
جهاد ببصاره:نسائي
غفران وجها تغير تلفتت من الحشمه وذكرت القفطان من جديد بتتلفت بس حست بيديه ع خصرها ونفسه ع وذنها
جهاد نزل وذنها وايديه ع خصرها:اهدددي
غفران بخوف: انت شن ادير 
وحست بسحاب تحرك
غفران تلفتت:انت شن اديريا…قاطعها
جهاد:ردي بالك تغلطي فيا بس سحابك نازل وعدلته
غفران:اني شن دايره باش نحصل معاك
جهاد:فهميني كيف تلبسي قفطان هكي ظهرك ف الشارع وصدرك
غفران شفتله:وشن ليك علاقة انت جيباتك ونسياتك
جهاد: عليك حركات هدا كله تعرضي ف جسمك شن تحسي انتي
غفران:ضممم فمممك
جهاد:اعصاااب بنفكلك عرق نحصل فيك
غفران: اوووف
جهاد:خيرك لاصقه فيا بعدي 
غفران شفتله
: مستاحشاتك ميت ع منظرك…وطلعت
: مستاحشاتك ميت ع منظرك…وطلعتجهاد ضحك:تجلط ريحتها 
كملنا التخرج والخطوبة ورجعت للحوش
لميس تفتح ف بوكايات وتفتح فيهم
لميس تفتح وتشوف ف حاجات مش طالبتها ولا عندها علم بها مع هاتف جديد ايفون ذهبي يجنن 
ركبت SIMفيه واتصلت
ركبت SIMفيه واتصلتلميس:حبيبي
غياث ضحك:مني حبيبت غياث
لميس ضحكت:لميس
غياث:وقلب غياث
لميس: ونبض لميس
غياث:شن اديري
لميس:نفتح ف البوكسات
غياث:قعده مكملتيش
لميس:توا فتح ع الهاتف
غياث: اني من عشاق الايفون ولدخيته نفس متعي بس اختلاف اللون
لميس:اي حلو
غياث: فرحانه حبيبت قلبي
لميس: اكيد يافرحت عمري
غياث:ف خوخ ف البوكس للصغير 
لميس ضحكت:سلمهم
غياث:صحتين
لميس:اي بابا شاف البوكسات وقالي بنرجعوهم
بيرجعوهم يعني بيبعتو هداية فيهم لي غياث وملابس وبدله وهكي
غياث: لالا ماترجعي شي مش لازمني شي نبيك انتي توا بس
لميس:حللللليلي
غياث: منك
لميس: اممم غياث ف هلبااا حاجات زياده عليا ليش درت هكي هادم هلباا وين بنحطهم اني
غياث: شن هما لـ هلبااا هادم شوية عليك
لميس فتحت العطور: ف عطر مكتوب عليه 500 من لوطي
غياث: مانعرفش هادم عطور فرنسيه باعت عليهم من برا
لميس: فاضي انت تحط ف فلوسك ع حاجات تافهه
غياث:مالك ومالي انتي المهم انك فرحانه
نورس خشت علها:بدلتي
لميس:حبيبي بنات بيرقدو عندي يلا تصبح ع خير
غياث:نحبك
لميس:حتى ني
غياث صكر الخط
لميس:عجبك
نورس:اي يهبل وجايبلك هلبااا حاجات زيادة عليك وركزت ع الماركات ياكبدي
لميس:كيف يعني ماركات
نورس:حبيبتي شفت مكياجك لبعته ليك كله ماركات وكريمات وغسول هادم غاليين
لميس:عطور من فرانسه
نورس:اي واضح من ريحتهم انهم من برا
لميس: خايفه نورس غياث سيارته لبوة فخمه مديلها مش عادي سودا وايفون وعطره ديما قوي هدا وضع شخص عادي عسكري مستحححيل
نورس: مستحيل كيف عسكري
لميس:في شي مش تمام
.
.
تاني يوم
غياث رجع للعسكرية وامورة تمام وفرحان خش لمكتبه
غياث بحزم: اننتتت شن ادير هني شن جااابككك
سليمان وقف: نبي نباركلك
غياث شاف للباب واشر ع الباب: اطلع فورا ومعادش ترجع
سليمان بيتكلم قاطعه
غياث بصوت عالي: اطللللللع
سليمان طلع وهو زعلان
غياث قعمز ع المكتب ضرب الطاولة : عيلة
ترررن ترررررن
غياث: خيرك لميس شن تبي امبارح كلمتك شن تبي
لميس غمضت عيونها: اهدددي مانبي شي هدددي
غياث: فوتيني،،، وصكر الخط
لميس رجلها ملفوفه بضماد: خيره هدا
نورس: قلتيله رجلك نفتحت وبنخدوك للمستشفى
لميس مقعمزة ع الكرسي ورجلها مضمده: اااهااا لا معنداش تغطيه 
هيا نمشو بعدين نكلمه
هيا نمشو بعدين نكلمهلميس لبسة وطلعت لسيارة
ترررن
لميس ف السيارة: هديت
غياث طلع من المكتب: اسف معاد تتكرر وعد اسف
لميس: خلاص اني حسيت لبنحسه اني مش لاصقه فيك بس رجلي تنزف دعست ع كاسة مكسورة واني ف المستشفى بابا قالي نعطيك علم بس لا اكثر.
غياث ركب سيارتة: اي مستشفى
لميس. خلاص خليك ف خدمتك مانبيش نعطلك نستاذن الدكتور جي باي… وصكر الخط
غياث ولع وطلع واتصل بـ جهاد: وين اختك
جهاد: ف المستشفى يانسيب توا عطوني علم مستشفى ال،،،،
غياث. مدورش اني تو نمشي انظم الامور خليك ف خدمتك انت
جهاد: تمام
غياث صكر الخط
.
.
.
لميس: كيف يعني؟
الدكتور: الجروح عميقه خليك ف سريرك لعند مايشفى الجرح تمام ولو عند شي ضروري استعيني بـ القيلات او الكروسه
لميس:دكتور مانقدرش اني طالبه جامعيه كيف نحسب دراستي
دكتور:لو حاولتي تمشي علها وتضغطي ع الجروح الشي هدا يسببلك رجلك ممكن تصيري عرجه الشي يرجعلك
لميس: تمام
الدكتور طلع
لميس تبكي:وقرايتي عندي امتحانات ياربي
نورس:خلاص اهدي
غياث طق وخش:سلام عليكم
نورس:وعليكم السلام لميس اني بنقعد جنب عمي عدنان برا بنقوله عندها الدكتور…وطلعت
لميس تبكي مسحت دموعها
غياث قعمز ع السرير شد رجلها:سلامتك
لميس ساكته تنهدت
غياث:لميس اهدي كنت متعصب فصلت عليك
لميس:مرة تانيه معاد بنتصل اني
غياث:اسمعيني…قطعاته
لميس تبكي: رجلي معاد نحركها دراستي مشت عندي امتحانات فحص كيف نتصرف
غياث:فداك الكليا كلها اسمعي كلام الدكتوره
لميس تبكي غضت وجها بيدها 
غياث:لميس عرفك علاش تبكي مش ع رجلك عشان عيطت عليك
لميس: خلاص معاد تتكرر لو نموووت مررة تانيه مش رح نتصل
غياث وقف متعصب بعد شعره للخلف بصوت عصبي: سيبني مراهق فرخ طايش عشت ف الشوارع واليوم جايني يختصر هدا كله بااعتذار اسف اني يالميس اسسسف كيف نخليك راضيه
لميس مسحت دموعها: مش رح نضغط عليك غياث…. ونزلت رجلها من السرير
غياث قام رجلها: خليك نبي نتفاهم مع الدكتورة ارجعي لسرير
لميس: بعد غياث مش طايقه روحي نبي نطلع
الدكتور خش وكان صغير: قلتيلي اسمك لميس
لميس شافتله وساكته
الدكتور شاف غياث: ممكن تنوض من ع السرير بنشوف رجلها
غياث فنص فيه وناض وربع ايديه ويتفرج عليهم
لميس غمضت عيونها: شوي شوي نتوجع 
دكتور بلطافه: حاظر عدلي رجلك
وكمل الدكتور حط رجل لميس ف حجره وقعد شادها ويتكلم قاطعه
غياث شد رجل لميس:كملت صح خلاص بعد وانت شكلك مصدقت حصلت بنت نوض
دكتور :عفووا
غياث: مشكور درت لـ عليك هيااا فرر من هني
لميس:غياث بلا عار
غياث بعصبيه:عار شنو عاجبك يتلامسلك ف رجلك قدامي
لميس:دكتور شكر ا درت لـ عليك
لدكتور طلع
لميس:ديما بلعار ضروري رجلي مفتوحه وانت كل همك ماحد….قاطعها
غياث:اني مانحبببش الحركات هادي تسمعي وخصوصا لم تصير قدامي
لميس:غياث اني نعالج ف رجلي عدل كلامك
غياث: لميس اني شفت
لميس وقفت ع رجل وحده:غياث كبرتها اني مش قعده ع حل شعري وبعدين اتصلت بيك وعطيتك علم شن جاي تعيط عليا توا
غياث:لميس كان….قطعاته
لميس عيونها عبو دموع:مرة تانيه مش رح نجي هني نموت ف الحوش بااهي..وحاولت تمشي بس طاحت وبدت تبكي
غياث بيقيمها من الارض
لميس تبكي:بعد بعد
غياث متعصب رجع شعره للخلف:الصبررر
الدكتور خش وشاف لميس ع الارض قرب بيقيمها
غياث بعدها عن لميس وضربه ع وجها بعصبيه:انت زودتها
الدكتور ع الارض وانفه دم
لميس وقفت ع رجل وحده :اسفه دكتور هدا زوجي اسفه
الدكتور لم بعضه وطلع
غياث شد مرفق لميس بعصبيه: افهميني مانبي حددد يلمسك خيرك معاي افهمي تربحي
لميس شدت ايده: غياث اهدى حاول تسيطر ع اعصبك
غياث عيونه :ماتخلي حد يقرب منك غيري ورح نكون تمام
:ماتخلي حد يقرب منك غيري ورح نكون تماملميس شافتله: ياقلبي خلاص اهدى احكيلي شن صار ليش بوك كلمك
غياث: ولا شي انسي…قطعاته
لميس:غياث انتي تقولي قلبي يعني اني قلبك مادسش عليا ولو حابب ف شي متبيش تحكيه ليا عادي بس فضفضدلي
غياث:توا متعصب بعدين توا احكيلي كيف حاسه
لميس:تمام خيطولي رجلي توا تمام
غياث باس راسها:ماتشوفي شر يلا نطلعو
وطلعنا اني روحت وهو رجع لشغله
غياث يسوق ف السيارة
تررررن ترررن
غياث شغل المايك:ايووه
حازم:غياث
غياث يسوق: اهاا غياث من معاي
حازم:حازم اني
غياث شاف للهات:من حازم
حازم:غياث اني خوك
غياث: اختصر انت وبوك شن تبو مني
حازم:غياث اسمعني اختك ياغياث تبي عملية ضروري نبيك تساعدنا
غياث:اختي قتلي
حازم:عندها الورم غياث
غياث تنهد:ابعتلي وراقها الصحيه وزي ماسمعتني ابعتلي يعني وجهك مانبيش نشوفه
حازم:بس..قاطعه
غياث بعصبيه:اني لا نعرفها اختك ولا خوك ابعتلي وراقها واني انظملك امورك وجهك لو نشوفه نخربه…وصكر الخط
واتصل
غياث:حبيبت قلبي شن ادير
لميس:ولا شي ملوحه ز المعاقه ع السرير
غياث:حشاك ياشينه اسمعي
لميس: نعم
غياث: ماشي للخدمه توا وقبل الخدمه شفت محل ديكورات مطبخ وحمامات انتي افتحي نت وخش ع محل ال،،،، اختاري ليعجبك وابعتيلي الصور لاني مشغول
لميس: كيا يعني حوشك ساكن فيه مافيشي مطبخ ولا حمام مافهمتش
غياث: لا في بس بنغيرهم
لميس: اهااا تمام تو نشوفهم ف شي تاني
غياث:ف واحد اسمه غياث استاحشك
لميس:حتى اني استاحشته غياث حبيبي سلملي عليه هلبا
غياث ضحك: شينه
لميس: مليييت ياغياث تعالى خودني نبي نشتغل عسكرية
غياث:اي مش ناقصنا الا انتي
غياث شاف رقم غريب خش انتضار:لميس ف رقم خش انتضار بعدين شوية نكلمك تمام
لميس: بنرقد اني مليت ف اليل نكلمك
غياث:تمام سلام…وصكر الخط
غياث رد:ايووه
مريم:معاي غياث
غياث:مني
مريم:انت غياث خوي
غياث:من انتي
مريم:اني مريم
غياث: انتي لمريضه
مريم:اي اني المريضه غياث مانبيكش تدفع عليا شي
غياث:اسمعي اني مش فاضيلك الفلوس رح ندفعهم ع علاجك بس يعني مش ميت ع شوفتكم
مريم: بس اني طلبت نشوفك ورفضو
غياث: طلبتي قلتيلي مش مهم المهم اني ندير لـ عليا كااخ ليك ولباقي خوتك
مريم سكتت
غياث.تبي شي
مريم:اني بنموت نبي نشوفك
غياث غمض عيونه بقلت صبر: مش فاضي توا بعدين نكلمك
مريم:تمام باي
غياث صكرالخط…ونزل للمركز اشتغل بس وهو يشتغل اذكر ان مرضى الاورام وباقي لامراض ليديرو ف عملية برا ليبيا ع حساب الدوله
غياث اتصل:ايوووه
مريم:خير
غياث:تضحكي عليا انتي اي شخص عنده ورم بيسافر ويعالج ع حساب الدولة شن تخرطوو عليا
مريم:اني تكلمت وقتلك نبي نشوفك
غياث: اسمعي امشي ف طريقك وياسر ضحك خير مانهدم عيشتك انتي ولمعاك مش عيل تضحكو عليا لا واني صدقتكم
مريم بتتكلم بس الخط تصكر
مريم:حازم صكر الخط هدا
حازم:نبوو فلوووس مريم دبري راسك
مريم: خوك كشفنا خلاص
غياث خدي للشفرة كسرها ولوحها ف الكناسة(حشاكم)
وفاتو يومين عادي جدا
لميس مقعمزة ع كرسي ورجلها ع الكرسي التاني وتقرا ع الطاولة وكتباتها قدامها تقرا
ترررن
لميس شافت رقم غريب مبتش ترد وعاود مردتش جتها رسالة(اني غياث ياحصلتي ردي) واتصل ردت
لميس:مانوحيش اني 
غياث:اسمعيني كنت ف كليتك وكلمته المدير ورفض بس مادوري شي اني رح ناخدك واديري امتحاناتك براحتك ومعاي وقدامي
لميس:يافرحتي
غياث:خيرك
لميس:كيف خيرني رجلي نعرج علها
غياث: اسمعي لميس انتي تاجلي ف قرايتك وتاجلي ف عرسنا
لميس:نعرف بس خلاص بابا جابلي كروسه
غياث:تمام واني رح ناخدك ونرجعك بنكلم بوك
لميس:اي عادي
الباب الخارجي نفتح
لميس مقعمزة ف الجنان تقرا تلفتت:منييي
وليد: اني 
لميس نزلت الهاتف وقعده قدامه بلا وشاح:انت كيف تخش هكي هبلت ف حاجه اسمها باب اطق عليه
غياث يسمع 
لميس وقفت ع رجل:اطلع وليد
وليد: اني مش مصدق لـ حصلت ع ع ليك
لميس:س سكررران
وليد يدعدع:شوووووية
لميس تحاول تهرب بس طاحت
وليد قرب منها 
لميس بخوف: الله يخليك بعدد وليد اني مخطوبة
وليد:علاش علاش موفقتيش عليا علاااش
لميس تبكي:مانببببيش
.
.
غياث يسوق بسرعه مش عادية
.
.
وليد من مقاومات لميس خدي حجر وضربها ع راسها
لميس جبينها دم واغمي علها
ووليد
تتبع…
لقراءة الجزء التالي : الجزء التاسع من رواية المشوه
لقراءة الجزء السابق : الجزء السابع من رواية المشوه
للإطلاع علي فهرس اجزاء الرواية : رواية المشوه ( جميع الاجزاء كاملة ) للكاتبة ميشو محمد
جميع الحقوق محفوظة للكاتبة ميشو محمد .
