وفي الجزء الثامن من رواية عقارب الساعة يا تري هل سنري أحداث جميلة مدهشة ستحدث مع ابطال روايتنا ام لا ؟ دعونا نعرف إجابة هذا السؤال في السطور التالية بإذن الله مع الكاتبة زهرة الشيخ .
الجزء الثامن من رواية عقارب الساعة
منذر وهوا خاش لقا علي وصابرين واقفين ع الباب
منذر: اهلين
علي: بيك من انت ؟
منذر: صابرين بري البسي باهي وشافلها بنضرته تخوف
صابرين خافت ومشت تجرب
منذر: انا ولد خالتها وانت من حضرتك
علي: بجوده انا ولد عمها
منذر شبح فيه من فوق الوطه وخش خلاه واقف
علي : خيره هوا وخش طول للمربوعه سلم على عمه وقعد يهدرز معاه
حواء كملت عراك مع بشير مشت لغرفة عيوش فتحت الباب وزي العاده سرحانه وتفكر قعدت حداها ف شن تفكري
عيوش شي وف الحقيقه كانت تفكر ف خوها وقت قاللها نادي على ملاك وانتي اطلعي وحاطه كل اللوم عليه
حواء: بنقولك جايين ناس بيخطبوك اكيد لو
عيوش ماخلتها تكمل كلامها موافقه
حواء: ماتبيش تعرفي من
عيوش: لا وناضت خشت للحمام
حوا:
__♡___الكاتبه زهره الشيخ___♡___
منذر سالم ع خالته وعطاها الدبش لي شراهم لصابرين وملاك وليها وخش لغرفته بدل ونزل خش للمربوعه 
محمد: خش خش منذر خلي نعرفك ع ولد خوي الكبير علي علي هدا ولد …. المرحومه
علي: اها بجوده
منذر: بيك اجود
قعدو يهدرزو شوي وتغدو
سالمه: نوضي بنتي دوشي وبدلي منذر جابلكن توت
صابرين:
ياي حتى نا بنبدل
ياي حتى نا بنبدلملاك: به حاضر وخشت لغرفتها تدوش وصابرين تبدل
كملن طلعن تغدا وخشن للمطبخ يغسلن لماعين
روح علي وناض منذر لعند خلته يسأل ع ملاك
سالمه: ف المطبخ مع صابرين خشلهن
منذر مشالهن للمطبخ
صابرين تعرفي حق مانحبهاش بكل ولاني طايقتها لاكن وجتني الحق
ملاك: انتي كان ريتيها كيف تسخف
منذر: احمم كيف الحال
صابرين/ملاك: الحمدلله
منذر:شاف لي صابرين اخرلك مره نشوفك طالعه قدام ولاد عمك من غير وشاح خصوصا هدا لي توا جا
صابرين: حاضر
اخر مره
اخر مرهمنذر: به شاطره ملاك شن تحسي توا
ملاك: الحمدلله مانحس بشي مش مصدقه طلعت من عندهم
منذر: باهي المهم متحسنه حسابك معاي بعدين علي درتيه ف روحك
ملاك:
منذر: هي طالع تبن شي من برا
صابرين / ملاك :لا
منذر طلع وركب ف السياره وتصل ب امجد
امجد: ايوا
منذر: وين
امجد: ف الحوش
منذر: هيا وقت النادي شني نخطم عليك
امجد: لا بروحي طالع نبي شي من المحل نتلاقو غادي
منذر: تم
امجد خش لغرفته بدل اول ماطلع من غرفته جاه اتصال من رقم غريب المره الاولى مارد التانيه رد
لارا: ايوا
امجد:
اهلين من انتي
اهلين من انتيلارا: انا لارا
امجد:من لارا شوي دكرها ااهاا شن تبي خير
لارا: امجد نبي رقم منذر
امجد: مش قبل هكي بعتيلي صاحبتك هديك الوهميه قتلها مش حنعطيك ليش متصله توا انتي بتحاولي ولا كيف
لارا: افهمني امجد انا نحبه منذر ماقدرتش ننساه
امجد: يولع ف سيارته قولي والله
ماضحكيني بللهي عليك خلي الولد في حاله هي سلام ومعاش تتصلي بيا رقمي امسحيه
ماضحكيني بللهي عليك خلي الولد في حاله هي سلام ومعاش تتصلي بيا رقمي امسحيهلارا: بس
امجدر صكر ف وجها
لارا: افففففف
نورس: ماباش ولا
لارا: اي
نورس: قتلك من لول وبعدين فوتيه تربحك خليك مع مصعب وخلاص
لارا: مش قادره ضميري يئنب فيا
نورس: وين كان ضميرك بعد كان كل همك لفلوس
لارا:
__♡___الكاتبه زهره الشيخ___♡___
وصل منذر مع امجد لنادي
امجد: تأخرت عليك ولا
منذر: اي تمشي وين كيف حال الوالده
امجد: بخير وانت كيف حالها اختك
منذر: حالها باهي
امجد :كلمت باتي ع موضوعك.
منذر: به شن صار
امجد : اول ماعرف انك كنت دير ف شركة بوك للموارد حب انك تشتغل معاه وقالك تعاله في اي وقت
منذر: تمام غدوا نجيكم
امجد :تم
__♡___الكاتبه زهره الشيخ___♡___
ف الصبح
حواء توتي ف الضيافه لضيوف وعيوش توتي في روحها من غير نيه
وبشير من امس ماقدرش يرقد من كلام منذر
مصعب طلع يجيب شن ناقص ع شان الضيوف
منذر فاق بدري زي العاده ونزل صبح عليهم وفطر ومشى للكليه وقاللهم بيطول لانه عنده مقابله
وصل للكليه وكان امجد يستنى فيه
امجد: يسعد صباحك
منذر: وصباحك
قعدو يراجعو شوي بعدها خشو امتحنو واول ماطلعو كانت لارا تستنا ف منذر
منذر : شافها بس فات ماعدل
لارا: منذر وقف شوي نبي نقولك حاجه
منذر: ماعندي معاك كلام يالارا فوتيني تربحك لايشوفك حبيبك ويديرلك مشكله ونا اليوم رااايق ماتخربيلي جوي انتي وياها ومشى
لارا :كانت عارفه انه منذر تغير ومعاش تهمه بس ماتوقعت ردة فعله هدي
امجد: هيي يابنت الناس اطلعي من راسنا وخلي الولد في حاله يكفيه يلي فيه
لارا: تمام ف داخلها واللهي الا ندمك با منذر
امجد: يدخن خيرك يارا
منذر: شي ماخيرني هي تاخرنا على بوك
امجدر تمام
كل واحد ركب ف سيارته ووصلو لشركه
عبد السلام والد امجد كان عنده اجتماع استنو لين كمل وخشو معاه لمكتبه
عبد السلام :اهلين منذر تفضل
امجد: ونا نتفضل معاه ولا كيف
عبد السلام: لا انت امشي لمكتبك عندك عرمم ملفات نبيك تطلع عليهم
امجد: تم منذر اول ماتكمل تعالي للمكتب
منذر: تم
عبد السلام : طلب قهوه وميه لمنذر قالي امجد كنت تشتغل ف شركة الموارد
منذر: اي كنت ندير فها
عبدالسلام: ماشالله شاب ودير ف شركات يعني تفهم ف الامور كلها مافيش داعي نعلمك
منذر:اي
عبد السلام: تمام اسبوع تشتغل عادي معاي بعدها نبيك دير صفقه لو ربحت فها يكون عندك 60% من املاك الصفقه هديك
منذر:
ان شالله مش حنخيب ضنك فيا
ان شالله مش حنخيب ضنك فياعبد السلام: وهدا لي نبيه منك وتوا تفضل لعند امجد يوريك المكتب امتاعك وتقدر تبدا من اليوم لو تحب
منذر: شكرا شكرا عمي عبد السلام ماننساها لك
عبد السلام: عادي ياولدي قدراتك تستاهل اكثر من هكي
منذر: تمام تو نستأدنك
عبدالسلام: اذنك معاك
طلع منذر وهوا فرحاااان قريب يطير من الفرحه واخيرا حيحاول يعتمد على روحه خش لعند امجد
امجد: شن صار معاك
منذر: منووووور والله قبلني وبخش ع صفقه طول
امجد: طول صغوطات عاد الحاج عبدز
منذر:
لاكن بوك شخصيه ياراجل
لاكن بوك شخصيه ياراجلامجد: ريت ولا توجع شوي لاكن ميه ميه
توجع شوي لاكن ميه ميهمنذر:
__♡___الكاتبه زهره الشيخ___♡___
ف العشيه
اتصل ليث ب مصعب وقاله قريب يوصلو
مصعب: هيا يام الجماعه وصلت
حواء: تمام نمشي نشوف عيوش شن صار ف شعرها مشت لعند عيوش
الباب طق طق طق
عيوش: تفضلي
خشت حوا:
عسل طالعه بنتي وقدت تساويلها ف شعرها الجماعه قريب توصل
عسل طالعه بنتي وقدت تساويلها ف شعرها الجماعه قريب توصلعيوش : خافت بس مابتش تبين
وصل ليث مع امه واخته
مصعب :تفصلو تفضلو وقعد ينادي ع امه لين طلعت طلعت ورحبت بيهم
فاطمه ام ليث عجبها ديكور الحوس وعجبتها حواء وانقتها كل شي عجبها اا وين بنتك عيوش
حواء: ت توا نمشي نكلمها ناضت تنادي ع عيوش كانت ف المطبخ
طلعت عيوش وسلمت عليهم
فاطمه وعليا:
انصدمو من سنها الصغير
انصدمو من سنها الصغيرعيوش حست ع نضراتهم بس وضايقت هلبا بس ماحسستهم
قعدت شوي معاهم وتصل مصعب ب امي
مصعب: طلعيها للمربوعه وماتنسيش القهوه
حواء: تمام هي نوضي بنتي للمربوعه
عيوش: من الخوف قريب يغمى عليها ناضت مشت للمطبخ لبست وشاحها وخدت كاست القهوه وطلعت للمربوعه خشت وقعمزت جنب خوها
بشير طلع ع اساس جاته مكالمه
مصعب: بنطلع شوي ونجي
بنطلع شوي ونجيعيوش: ياربي ياربي ياربي
ليث: كان منزل راسه وما شافلها اول ما شبح فها انصدم مش متوقع جحمها الصغير وزاد ضميره يئنب فيه
مش متوقع جحمها الصغير وزاد ضميره يئنب فيهليث: كيف حالك
عيوش :الحمدلله
ليث: ق قبل كل شي نبي نعتذر منك ع الشي لي صار ماكنتش بوعيي
عيوش:
يتبع ……..
لقراءة الجزء التالي : الجزء التاسع من رواية عقارب الساعة
لقراءة الجزء السابق : الجزء السابع من رواية عقارب الساعة
للإطلاع علي فهرس اجزاء الرواية : جميع روابط اجزاء رواية عقارب الساعة للكاتبة زهرة الشيخ
جميع الحقوق محفوظة للكاتبة زهرة الشيخ .
