وفي الجزء الثامن من رواية قد كفاني دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة آيه إبراهيم .
الجزء الثامن من رواية قد كفاني
بقيت شخصية غير ،كنت قاعد كدا في الصالون مع والدتي قالت لي م عايز توريني البت الغيرتك قلتا ليها جدا بس قلتا في سري انا ما إتغيرت عشان بت انا إتغيرت عشان نفسي عشان عرفت قدر شنو انا كنت إنسان سيئ
مع اني ما بنكر فضلها علي سرحتا بعيد أمي قالت لي في حاجة يا ولدي قلتا ليها ابدا لكن دا ما الوقت المناسب عشان تعرفيها وطلعتا ومشيت جنب بيتهم وقعدتا والمكان دا طبيعي بقعد فيو بتونس مع احمد بس مهجة نهائي ما بتطلع وكان طلعت بتكون عايزة تكشح موية وبترجع سرييع مرة كدا قاعد اتونس مع احمد قبل م يسافر قال لي في واحد اتقدم لي مهجة ومهجة قالت م عندها مشكلة كنت بشرب في موية من الخلعة لمن عشرقت بي
احمد قال لي مالك في حاجة!!؟ قلتا ليو ابدا
قلتا ليو متين الكلام دا يا احمد؟ قال لي امس بعد المغرب قلت ليو انت متاكد من انو مهجة موافقة قال لي اكيد هي م عندها كلام الحب والغرام والبجي بالباب هي بتوافق بيو سكتا سااي وقلتا في سري حظو والله وعايز اقوم كدا احمد مسكني وقال لي شايف تعابير وشك اتغيرت كيف ؟! اتخيل الكلام دا بقى جد ومهجة ضاعت من يدك ح تعمل شنو ؟!بفرح كدا قلتا ليو يعني افهم انو ما جاها عريس قال لي ايوه والعريس الجد اتقدم لي اختي بس قلت اشوف ردة فعلك شنو طلعت غرقان يا صحبي
وقعد يضحك
،قلتا ليو ولا غرقان ولا حاجة بطل أوهام يازول قال لي الموية سااي قربت تكتلك وشك شدة م اتعجن تقول سامع خبر وفاة انا ضحكة شديييد من الوصف المضحك دا ، والله احمد دا حبيتو شدييد لانو انسان على نياتو وبحب الخير لكل الناس قلتا ليو منو الاتقدم لاختك قال لي ود عمك قلتا ليو ود عمي!!! ود عمي انت بتعرفوا من وين ! قال لي ياسر انا معاك سنة كاملة وصاحبك معقولة م اعرف انت ود منو ؟ قلتا ليهو طيب وطلعتا ليك ود منو قال لي ود البرير يا صحبي انا اتخلعتا شدييد وقلتا ليو وعرفت كيف اني ود البرير ؟ قال لي بسيطة جدا دخلتا قوقل وكتبتا انو الزول البقعد جنبي يومي دا جنى منو
اقسم بالله قعدتا اضحك ضحك قلتا ليو اقنعتني ،يا احمد خلاص اسكت يأخ انا ح انفجر ومرت الأيام واحمد سافر قطر وانا بقيت بجي حلتهم تحديدا الدكان عشان اخت قروش في حاسب احمد عشان مافي زول يعرف ومتواصل مع احمد واموري اتظبطت يوم عقد انس جيت ضمن اهل العريس وعقدنا وانس ساق مرتو وانا كنت السائق حقهم ،مهجة كانت واقفة جنب باب عربتي بتودع في صحبتها لو رفعت نظرها شوية كانت شافتني بس انا متأكد انها م ح ترفع نظرها من الأرض ، ولو رفعتو ما ح تعرفيني مثاني نفس الشي ودعت مهاد والعربات اتحركت وانا كنت سعيد شديد اني شفتهم بصحة وعافية ومرت الأيام واحمد رجع السودان مشيت ختيت قروش في الدكان بس المرة دي مهجة طلعت لا وكمان ماشة الدكان بس في شلة من الاولاد قاعدين كان ظاهر أنها خافت منهم وسمعتا مشاغلتهم ليها بس عجبني موقفها ولا عبرتهم بعد هي رجعت البيت الاتنين الشاغلوها اديتهم علقة جااامدة والتالت ما شاغلة معاهم قلتا ليهم اسمعو هنا المنقبات ديل واشرت على بيت ناس احمد ما اسمع واحد شاغل وحدة فيهم اعتزرو مني وتقريبا هم قايلني انس ود البرير عشان كدا م كترو كلامهم صليت المغرب ومشيت عليهم وكنت بدعي انو مهجة تفتح الباب وفعلا دا الحصل قالت كلمة واحدة ولا زادة عليها حرف اتفضل دخلتا وعايز امشي على ديوان الرجال لفت نظري بيت معمول من طين رفعتو وقلتا سبحان الله الزول العملو دا مبدع خلاص وبشبه بيت ناس خالتو آمال الله يرحمها نزلتو برااحة لمن حسيت في زول ورااي ودخلتا ديوان الرجال وبعد شوية سمعت صوت مهجة بتنده على احمد عشان يشيل الشااي شال منها الشااي وهي رجعت قعدتا معاهم شوية كدا وعايز اطلع شفتا الدفتر حق مهجة قاعد في الحوش شلتو وطلعتا كنت متردد اقراهو ولا لا في الاخير قريتو وياريت لو م قريتو دا فيهو قصص مأساوية تبكي الحجر خليك الانسان قعدتا ساعة كاملة بقرا فيو وبعد دا م انتهيت قمتا صليت ودعيت ربنا يجبر بخاطرها لأنو بالجد الشافتو ما شوية وبعد كم يوم بنات عمي وانس قالو ماشين لي ناس احمد انا قلتا ليهم ماشي معاكم وبعدو مشينا البحر بس الشي الكنت متوقعه انو مهجة مستحيل تمشي معانا لكن اتفاجات انها جات لا وكمان ركبت في عربتي فرحتا شدييد وقلتا ان شاء الله الليلة ح اعتزر ليها وهيام و ملاذ حاولو يتونسو معاها بس هي مختصراهم شدييد وقتها كلوو بتعاين بالشباك اول ما وصلنا المنتزه هي مشت مكان بعيد اتكلمت معاها والبعجبني فيها بتميز الاصوات من غير م تشوف الشكل وكالعادة اختصار شدييد…..
نرجع بلسان مهجة استلمت منو الدفتر ومشيت سامعة هيام و وملاذ يتهامسو هيام قالت لي ملاذ اختها دي البت الغيرت ياسر وانا والله اخر همي ولا سألتهم بتقصدوا شنو
رجعنا البيت ناس انس وأخواتو قالوا بايتين معانا قلنا ليهم حبابكم والله مثاني عملت شاي المغرب والرجال مشو الصلاة وبعدو جو ودينا ليهم الشاي في الديوان وبعدو عمو عبدالله جانا في الحوش بعد إستاذن مننا قال لي مهجة عاوز أتكلم معاك في موضوع لو ممكن قلتا ليهو إتفضل يا عمي جا وقعد جنب مهاد بتو وقال لي ……….
————————————–
———————
*☆يتبــــــــــــــــــــــــــــــــــــــــــــع☆☆*
لقراءة الجزء التالي : الجزء التاسع من رواية قد كفاني
لقراءة الجزء السابق : الجزء السابع من رواية قد كفاني
للإطلاع علي فهرس اجزاء الرواية : رواية قد كفاني ( جميع الأجزاء كاملة ) للكاتبة آيه إبراهيم
جميع الحقوق محفوظة للكاتبة آيه إبراهيم .
