وفي الجزء الثاني عشر يا تري هل سيكون هناك أحداث من نوع خاص تغير مجري الرواية بأكملها أم ستسير الأمور بشكل طبيعي ؟ كل هذا وأكثر سوف نعرفه سوياً في السطور التالية بإذن الله من رواية حتي الممات للكاتبة نور عبدالسلام .
الجزء الثاني عشر من رواية حتي الممات
مالك تعال بسرعة مالك يجري بسيارة ويفكر ليان شن تبي فيه معقوله تبي ترد !؟
ليان : فتحت باب دار
تسنيم : مرة وحده وقفت وابتسمت صباح الخير
ليان : صباح الخير خذت نقالها من ع شحن
رهف : هند كيف امتى
بنت خالها : لها شهور
رهف : لا حول الله ياربي
بنت خالها : رهف شن في لهدرجة زعلتي على هند
رهف توترت: مسحت دموعها حرام مزالت صغيرة
بنت خالها : هذا من رب العالمين لا فيها صغير لا كبير
رهف :
غيث : كنها
مجد : لو اطلقت ويسمعو
صوت تخبيط بالقوة
مجد طلع يجري يفتح الباب انت شن ادير هنا ياكلب
وضربه بوكس
مالك ردله الضربه وقعدو يضاربو
غيث : انت شن جابك هنا امشي يافرح
مالك : ليان اطلعيييييييي
ليان : حي هذا مالك
عايشه : شن جابه
مالك يعيط ب علو حسه اطلعييي انا جيتتتت
مجد ضربه اخرى انت متفهمش متبيكش البنت
خطاها بعد ماطلقها ليان تبقى مرتي
مالك : متجيبش سيرتها ع لسانك اه هيا اللي بعتتلي تبيني ناخذها وجاي ناخذها هيا زيحو بناخذ مرتي ل
غيث : خش معصب ليااااان
ليان : رعشت وبلكلكه نعمم
غيث : انت متصله ب تافه هذا
ليان : لا وحق الله لا
غيث : كيف اسمك ورقمك بعتتله رساله وقيلتله تعال بسرعة شن تبي فيه اسمعي كان تبي تردي تنسي ان عندك خو فاهمة
ليان : والله مابعتله حاجة ولا كلمته
غيث : كذا تليفونك
ليان : يديها يرعشن هاك
غيث : فتح هذا شنوووو هذا شنوو
تسنيم : انا اللي بعتله مش ليان
كلهم انصدمو
تسنيم : اي ليان طول الليل وهيا تبكي قلت حرام نساعدها بردو لبعض منحسبش يصير هكي
مجد : كرها من شعرها توا نوريك ياكلبه
كلهم يتحايلو ع مجد يسيب اخته لكن هو مردش على حد سمع صوت واحد واللي هو
ليان : لالاا خلاص سيبها حرام هيا مش قصدها
مجد : سيب اخته
طاحت ع الارض تبكي
مجد : سامحينا ياليان
ليان : عادي صبت تسنيم تبكي وخشن لبنات لدار
تسنيم : واللهي كان قصدي خير
ليان : عارفة ياحبيبتي عارفة
تسنيم : نحسبش يصير هكي
ليان : عيونها تعبو دموع مالك ف حياته ماحبني ولا رح يحبني
عايشه : خذت ليان ف حضنها
مالك : خش يصرخ ويخبط لقا خديجة مقعمزه تبكي
مالك : يمي شن في
خديجة : خوك خوك خذو المصحه يتعالج
مالك : من شنو يتعالج
خديجة : من الادمان
مالك : وعليش تبكي افرحي يمي
خديجة : واجعني وقاهرني حاله
مالك : حاله هو بس
خديجة : كلكم ياوليدي وجعيني
ليان : لازم نتصل نعتذر منه ونفهمه اللي صار
عايشه : متبقيش غبية يستاهل اكثر هو
ليان :
عايشه : مش ضربك الواطي خليه يتربى
ليان : بس حتى نا غلطت ما كان المفروض نخش لداره بدون اذنه ونعزق صور مرته
عايشه : انتي مرته ياليان لكن خلاص توا
ليان :
هند : ناضت لقت كركومه شعر ع المخده نزلو دموعها
امها : كنك بسم الله
هند : شعري شعري وناضت عند لمرايا كانت صلعه كبيرة مقدمة راسها لااا لاااااه يمي شعرييي
امها : توا يرد يابنيتي
هند : ااااه كل ماتلمس شعر يطيح بروحه وقلبه تقطع الف قطعة طاحت ع الارض انهارت من لبكاء
وجت امها تواسي فيها
غيث : حبيبتي شن رايك ندير سراميك ابيض ولا اسود
سالمه : صكر مكالمة
غيث : شن في ياامي
سالمه : عن اي سراميك احكي
غيث : سراميك الحمام بتاع شقتي
سالمه : وعندك شقة انت
غيث :
سالمه : ماتضحكش ع ناس بوك باعها ونا وانت عارفين الموضوع هذا كويس من زمان
غيث : توا ندير ياامي
سالمه : من وين باك تحسابها ساهله
غيث : ياامي متنفخيش راسي
سالمه : لا ننفخ وننفخ ماتضحكش على بنت ناس وتعيشها ف الوهم
ليان : طلعت من دار
حناها : ليان جيبيلي سكر من كوجينة
ليان : حاضر مشت لكوجينة
مجد : ليان نحصلو طاسة قهوة
ليان : باه وخدت سكر لحناها وردت كوجينة لقت مجد مقعمز
ليان : بدت ادير حطتله الفنجان
مجد : امسحيها ف وجي
ليان : لا عادي
مجد : خفتي مني بدري نا تعصبت اصلا تصرفها ينرفز
ليان : ياما شفت كان ع اللي درته انت ساهل لكن متكررش
مجد : طبعا نا اصلا مش هك لكن وجعتني ان سببتلك ف هزيبة
ليان : هذي اختك ماتمد يدك عليها لا عشاني ولا عشان غيري وطلعت
مجد : ابتسم كيف هيا طيبة
مالك : رن على ليان
ليان :
يتبع
تأليف وكتابة نور عبد السلام
حتى الممات
البارت 13
ليان : مش نا اللي بعتلك سوء تفاهم
مالك : خليتي مكانك
ليان : لهدرجة رايفت ملقيتش حد تضربه يعني
مالك : متخلينيش نندم اني كلمتك
ليان : ع العموم مش نا اللي بعتت المسج هذي بنت خالتي تبي تصالح بينا تحسبني نحبك
مالك : وانتي شنو
ليان : نا نكرهك نكرهك يامالك فوق الكره وسكرت الخط ف وجهه
مالك : انصدم كيف صار طبعها هك
ليان : حطت تليفون ع سرير وبكت بصوت
سالمه : بسم الله كنك
ليان : مقهورة يمي مقهوره كني نا حظي هك ليش يصير معايا نا بس هك
سالمه : استغفري استغفري يابنيتي
ليان : نار والعه فيا هنا يمي هنا مش قادرة تطفى
سالمه : بعيد سو عليك حسبي الله ونعم الوكيل فيه
رهف : طلعت لمربوعة
اب ليان : خير يابنتي
رهف : خير ياعمي شخبارك وشخبار صحتك
اب ليان : معقوله تقطعي بيا هك
رهف : جيت نغير جو عند خالو
اب ليان : ونا عمك متبينيش
رهف : لا ياعمو
اب ليان : مالا خلاص لمي دبشك وهيا معاي تو
رهف : ياعمو
اب ليان : شنو عمك ماعندكش له خاطر
رهف : حاضر تنهدت وصبت تلم دبشها
مالك : طلع من الحمام خذا منشف مسح وجهه
وتذكر
2014
بشرى : حبيبي
مالك : عيون حبيبك
بشرى : لو صارلي شي مثلا مثلا تحب وحده بعدي
مالك : خذاها ف حضنه اولا بعيد سو عليك ثانيا نا يحرمن عليا صبايا بعدك
بشرى : نحبك نحبك انت احلى راجل ف العالم
مالك : وانتي احلى بنت ف العالم خطرها لو نا صارلي شي تحبي بعدي
بشرى : ضحكت
مالك : تضحكي ياقرده علي اليمين ديريها نطلع من القبر نقتلك ونقتله
بشرى : مستحيل اصلا نلقى حد يحبني كيفك
مالك : عارف عارف هههه
بشرى : مغرور
مالك : يحقلي الغرور
بشرى : بشوي على روحك
الآن
مالك : قعمز ع سرير مزلت عند وعدي محبيتش حد قد ما حبيتك يمكن خذلتك اني تزوجت وفكرت
اني نسيتك بس لا شكلي عمري ما هننساك
انفتح الباب
روان : مالك قالتلك ماما تعال تعشى
مالك : به
ليان حاطه يدها ع خدها جاها غيث
غيث : سامحيني على كلام اللي قلته
ليان : عادي عرفتك خايف علي
غيث : مافيش بسبوسه
ليان : لا في
غيث : حطيلي منها
ليان : باهي مشت تحطله البسبوسه
مجد : او غيث شن جو
غيث : تمام شني مني هذي ترويحه
مجد : اي كيف روحت خدمه تعب
ليان : طلعت غيث تعال خوذ
غيث : مافي حد نا ومجد
مجد : شن متحشمه مني
ليان : طلعت لا صقع بس
مجد : قلبه يدلف دلف
غيث : مبدري وانتي مقعمزه ف صقع توا كيف خطرلك
مجد : ممكن صقعت توا مبدري جو سمح
ليان : تفضلو
مجد : او بسبوسة
غيث : قرعتي هاي
مجد : ونا
ليان : توا نجيبلك
مجد : لاحقك قبل ماياكلها ديناصور
خش وراها لمطبخ ليان تفضل
مجد : امتى تبدا جامعتك
ليان : الاسبوع جاي
مجد : خلاص نا اللي نوصلك
ليان :
خديجة : شن ست الحسن وجمال مزالت حرجانه
سعد : احم احم
مالك : ياكل وساكت
خديجة: والله لو مش ناويه راده تقوللنا نمشي نخطب لوليدي ست ستها لمعفنه عصا المكنسه هاذي
سعد : حطي بنتك مكانها ترضي يصير لبنتك هك
خديجة : بنتي مربيتها تعرف متدخلش ف خصوصيات غيرها
روان : مالك ليا وقبل ماتكمل كلامها قطعهم مجد
مالك : معش حد يدخل ولا يجيب سيرة ليان تمام خلاص انهو ه الموضوع
رهف : نزلت مع عمها من السيارة
رهف : عمي
بو ليان : شنو
رهف : هذا مش حوشكم
بو ليان : جايبك تخطبيلي عماتك ولا وحده رضت تمشي معاي
رهف
يتبع …
تأليف وكتابة نور عبد السلام
حتى الممات
البارت 14
رهف : شني
بو ليان : كيف ماسمعتي
رهف انصدمت من عمها متوقعتش ان يديرها
ليان : تمام باهي
مجد : ابتسم ناقصك حاجة نجيبها لك
ليان : تسلم اما نبي حاجة نطلب من غيث
مجد : نا معتبرتني غريب ولا شن
ليان : لا والله مش هك لكن منبيش نثقل عليك
مجد : تثقلي شنو انتي عارفة روحك شنو بنسبة لي
ليان : وجهها انحمر تصبح ع خير
مجد :
غيث : خش حط تبسي ع دولاب شن تحكو
مجد : كنت نقوللها اني نوصلها لجامعة نا
غيث : احسن تعفيني
عايشه تصفح ع نت وتسنيم تفرج ع مسلسل فتحت باب ليان
عايشه : كنه وجك تقول طماطم
ليان :من صقع
تسنيم : را يبقى مشاكس مالك بعت شي حاجة
عايشه : تسنيم انتي ماتشعفيش ولا شنو
ليان : نبي نرقد نا وشالت وشاحها وحطت راسها ع مخده غمضت عيونها
رهف : روحت لحوش عمها وهيا تفكر ف اللي دارته لو يعلم غيث وليان عمتي سالمه شن تكون ردة فعلهم اكيد هيكرهوني ياربي اوفففف حطت راسها
ع مخده وتذكرت هند دموعها نزلو مرة وحده وترعش كل ماتذكر اللي صار
مالك : يصلي ويدعي
سعد : تقبل الله
مالك : منا ومنك صالح الاعمال
سعد : مالك انت غلطت بس لازم تكفر عن غلطك
قبل ماترد بنت الناس لازم تحط ف عقلك حاجة وحده
مالك : يابوي مش قلت سكرو عن الموضوع
سعد : تنهي بشرى من راسك تنساها نهائي بعدها ترد بنت الناس
مالك : بشرى مش هتنتهي
سعد : خلاص الله يرحمها محد يموت على حد
مالك : انا نموت
سعد : مالا خلاص اقتل روحك والحقها
مالك : ليش محد حاس بيا
سعد : انت مش طبيعي انت ياولد شاك فيك تعاطي
مالك : اللي يحب يبقى مش طبيعي نا مش طبيعي تمام
سعد : ضربه كف
خديجة : شن في كنكم
سعد : معش تجي هنا ولا توريلي وجك لين دير اللي قتلك عليه
مالك : انت اصلا تبيني نمشي من البداية تمام ماعندك عليش تلف وادور وطلع
خديجة : مالك مالك وشافت لسعد حرام عليك حرام عيالك طرطش فيهم واحد ورا ثاني
سعد : كله منك ربيتيهم ترباية ماسخه واحد طلع فاشل وديوث وثاني متلسون نحب ونموت ماربيتيش رجالة
خديجة : ذنب ذنبك انت مش ذنبي نا
ليان : فتحت عيونها ثاني يوم لقت مجد يبرم ف دار
خافت غطت روحها انت شن ادير هنا
مجد ضحك تخافيش جاي ناخذ ف الشحن
ليان : وين البنات
مجد ف الكوجينة مع امي وخالتي قتلهم يجيبن شحن قالن خش نحسابكش تخافي
ليان : بلعت ريقها وطلعت من دار
غيث : جا مسج فتح تليفونه
ليان : هذا اللي يحب
غيث : نقي ساد بنت عمك
ليان : كنها رهف
غيث : بعتتله انها تفوت غيث ومن ه الكلام
ليان : اييه
غيث : هزبت رهف وقتلها تمشي لخوالها
ليان : لزيتها انت شن درت
غيث : اي تستاهل هيا زعلت ومشت
ليان : لا حول الله
مجد : شن رايكم نطلعو زردة
تسنيم : ياسلام
غيث : نا مش ماشي
ليان : حتى نا
مجد : انتي بذات مفروض تمشي تغيري جو
سالمه : اي مانسيبكش بروحك
حناي : ليان فكينا من نكد امشي وانتي ساكته
ليان :
لمينا حاجات ودرت كيكه وطلعنا
مجد : شرا لحم وفحم ومشروب ودهورنا وجو حلو
تسنيم : هيا نصورو مع بعضنا سيلڤي
صورنا ولعبنا كورة ليان مشت تمشى بروحها ف الغابة
مجد : عادي نمشي معاك
ليان : عادي
مجد : مالك مايفهمش ف واحد يسيب ه جمال وخفة دم هك
ليان : سكتت وتحاول تمالك اعصابها
مجد : ليان او تطلقتي من مالك وتقدمتلك توافقي
ليان :
في ڤيلا مالك
مالك : يلبس ف ساعته رن جرس فتح الباب
روان : مالك
مالك : انت شن جابك هنا
روان : انت طالع
مالك : شن تشوفي قدامك
روان : مالك نا اللي قلت ليان تخش لغرفتك مش بروحها خشت نا اللي فتحتلها الباب
مالك :
يتبع……….
لقراءة الجزء التالي : الجزء الثالث عشر من رواية حتي الممات
لقراءة الجزء السابق : الجزء الحادي عشر من رواية حتي الممات
للإطلاع علي فهرس أجزاء الرواية : جميع اجزاء رواية حتي الممات للكاتبة نور عبد السلام
جميع الحقوق محفوظة للكاتبة نور عبدالسلام .
