وفي الجزء الثاني والعشرون من رواية عالمي دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة بنان عماد .
الجزء الثاني والعشرون من رواية عالمي
قلت ليه ليه قال لي اعتبريها خصوصيه علاقتنا قلت ليه ممم قال لي بنان قلت ليه ايوه قال لي انتي عارفه أمنية مشت السوق ليه قلت ليه اها ليه قال لي حتعرفي لمن ترجعي بس م تزعلي قلت ليه مم قال لي مالك قلت ليه دايما بسمع دا عرس سودانيه وهو سعودي واجناس كده قال لي عادي الحب م جنس قلت ليه بس م كنت متوقعه يوم اعرس مصري ضحك قال لي عندك نسابه ولا في الأحلام قلت ليه وبعد يعرفو؟ قال لي انا بظمن لك ان امي حتحبكش زياده قلت ليه سلطان انا م عارفه حأحبك ولا لا قال لي نخلي الكلام د لي بكره هسي اوصلك عشان تاخدي راحتك وبكره عندي مشاوير قلت ليه طيب وصلني دخلت حضنت أمنية حضنتني شديد قالت لي اسفه قلت ليها بريدو قالت لي الله الله ايه الكلام د قلت ليها انتي انور جابك متين قالتلي هسي والله قلت ليها جبتي شنو انتي قالت لي شيلتك قلت ليها هسي لو م وافقت بتشتري ساي انتي قالت لي سلطان د م زول برفضو وبعدين هو كان متوتر شديد م تشوفي واقف وم متوتر كده دق جرس عديل قلت ليها عايني العقد بكره ضحكت قالت لي عارفه قلت ليها امنيه انتي عارفه كل شي ليه
وبتين بتتكلمي معاه قالت لي اسكتي بس
قلت ليها م قادرة عليك المهم كلمت ابوي وحكيت ليها قالت لي م اتخيلتو يوافق قلت ليها لا وافق قالت لي الحمد لله طيب حفتش شقه هسي قلت ليها فتشي انتي انا ماشه انوم قالت لي ما انو الوقت بدري لكن طيب تصبحي ع خير قلت ليها وانا بتغطي تلاقيهو عاوزه انوم تلفوني دق فتحت قال لي كيف وصلتي قلت ليه بخير قال لي نمتي ولا ايه قلت ليه لسه عاوزة انوم قال لي طيب ي ست انا لغيت الحجز وقدمتو اسبوعين وابوك مشا يفتش صاله يعني الموضوع يومين وبخلصش قلت ليه تسلم م بتقصر قال لي ماشي اكلم طنط قلت ليه وريني حصل شنو قال لي طيب يلا تصبحي على خير قلت ليه تلاقيهو يارب وقفلت بقيت بفكر هل خطواتي د صح ولا غلط مشيت صليت صلاة استخاره طلعت لقيت أمنية بتتكلم بي التلفون دخلت جوا وبقيت مقلقة امو اكيد حترفضني اوف يارب تسهل لي امنيه جات قالت لي لقيت شقه هسي حلبس امشي اشوفها وادفع عشان بكرة نرحل قلت ليها حمشي معاك قالت لي أنور جايني هسي قلت ليها طيب دقيت لي سلطان المرة الاوله م رد المره التانيه م رد انا حسيت باليأس وعرفت ان امو رفضتني ومن حقها رقدت وبقيت افكر فيه وفي كل مواقفنا وفي تفاصيلو م بحب عصير الليمون وم بشرب حاجات حامظه اما ملامحو جميلة وهاديه عيونو نعسانه وبنيه اول م اعاين ليهو بتوتر وقلبي بدق م بقدر اتحكم فيه اتنهدت وبقيت اقول سلطان سلطان سلطان حيبقي راجلك راجلك راجلك استوعبي تلفوني دق انا شلت قلبي ف يدي ورديت بصوت يرجف س سل سلطان قال لي في ايه ي بنت انتي بتقلقي كده ليه قلت ليه خليك من قلقي طنط فوزيه قالت شنو قال لي رفضت رفض باتا قفلت فيه طوالي وقمت غسلت وشي كم مره وبقيت اعاين لنفسي فكيت شعري بزهج ودموعي جرو كنت عارفه الحيصحل بس حاره تلقي زول اتمسك بيك وامو ترفض امنياتك كلها بتتلاشا وقتها وتحس انك ضايع كنت محتاجه اقعد مع نفسي حبه النوم طار لي زاتو لبست شال اسود ونزلت حديقه الفندق البره بقيت سرحانه وبفكر ودموعي جاريه
لا يرهقك التفكير يا عزيزتي سأحارب حتى تستيقظ من حلم مزعج 
فجأه زول طقطق لي اصابعو بوشي بغضب قمت من الخلعه لمن شاف دموعي عقد حواجبو وحك راسو بستهبال قال لي هو انتي دايما بتعيطي ودموعك بتنزل ع طول كده ليه يابت انتي مشرباها مويه كتيرة كده ازاي ضحكت في عز دموعي قال لي أمسحي دموعك بقا قلت ليه امك رفضتني ي سلطان قال لي والله انتي مصيبه حتى م سمعتنيش للأخر بتاخدي في بالك وتعيطي قلقتيني وعرفت ان مخك دكوه د والله ظني ما خبش يا رب علي البلوه الاخترتها د قلت ليه انت حتفضل تسيء لي كده؟ قال لي انا حفضل واقف كدة اقعدي بقا قعدنا قال لي طنط فرحانه بيك للأخر ولمن قلت لها انك مطلقة قالت لي فستين الف داهيه لو هو مابعرفش يحافظ عليك ولمن قلتلك هي رفضت كنت تخليني اتم كلامي عشان م اضطر اطلع من شغلي وجيلك هنا قلت ليه سلطان خلص كلامك وبعدها شاكلني انا رفضت شنو قال لي رفضت انك تقعدي ف شقه وقالت شقتنا يلي فوق بتحبسك فيها يا حراميه ضحكت قلت ليه موافقه قال لي ورفضت نروح لوحدنا نكمل العرس 
قلت ليه ايه قصدك قال لي د هي عزمت الامه والعالمين طنط م قصرتش قلت ليه سلطان نفسي صحبات مصريات يغنولي زي د وفتحت فيد وبقيت اوري فيهو لمن خلص قال لي عواطف وصحباتها اكيد حيجو قلت ليه اخخ انا حفرح تاني عاين لي ف عيونو واللخبطني ملامحو العاديه نزلت عيوني ابتسم وقال لي حبسطك وانا جمبك قلت ليه طيرت النوم الله يطير قلبك ضحك قال لي قلبي وصلك؟ قلت ليه مش قبل ساعات بتقول انا مبعرفش في الرمانسيه قال لي انا حتعلم من انور قلت ليه أنور كمان لا إله إلا الله محمد رسول الله معناها انا حموت والله قال لي بنان انا مش مصدق انتي كنتي بنسبالي حلم مستحيل يتحقق شفتك بعيدة اوى وم حقدر اصلك بس لمن حبيتك بجد عرفت اني ممكن اموت ولا اخسرك والله انتي عارفه من يوم م شفتك واتشاكلت معاك د واللة جاني احساس اطول الحديث معاكي وفجأة انتي صدمتيني بكلامك بنان اوعديني نكون لبعضنا طول العمر د انا والله عمري بدونك م عمر قلت ليه انت عارف كلامك بلخبطني ومصر تقولو قال لي انا بحبك ازاي ما اقولو سمعنا صفافير التفتنا لقيتا امنيه وانور ضحكت أنور قال اخخخ لو الحب البينكو يكون اعلان قسما حتي الجماد يتهز من الجفاف ضحكت أمنية قالت لي شنو ي زولتي مش قلنا م عاوزنو 
سلطان قال ليها هي قالت كدة وعاين لي قالت ليه ف البداية ف البدايهقال لي كنت حهرسك يا أمنية م تروحي تحجزي شقه طنط اصرت تجو ف الشقه االفوقنا قالت ليه بكيف بنان قلت ليه موافقه قام قال لي يلا لبكرة انور سلم على ومشا أمنية كانت ماشه مسكت يدها وحمرت ليها سلطان ضحك قال ليها انتي بتهربي مننا ليه حناكلك ولا عاوزة تفرغي الجو قالت ليه م ناقصه ارتبط ف الوقت د وانا والله لو قعدت هنا حأرتبط من الجفاف ضحكنا ضحك سلطان قال لي يلا لي بكره وتصبحي على خير قلت ليه وانت من اهلو قال لي ديري بالك على نفسك ما اوصيك قلت ليه حاضر يلا مشيت مع امنيه قالت لي ظاهر انو بحبك لانو طوالي قال ليك نعقد قلت ليها حرفيا طلعنا انخمدنا طوالي ونمنا…
صحيت بدري جهزت وصحيت امنيه قلت ليها قومي اتصلي ع البنات وجهزو نفسكم انا من المستشفى حكلم سلطان يوصلني الكوفير اشتري لي فستان قالت لي توب احلا قلت ليها لااا قالت لي طيب خلاص فستان وحشتري ليك ع زوقيقلت ليها عايني ابوهو وديل حيكونو في يعني م بقدر اقعد قدامهم بفستان ف خلاص حشتري توب بلاي م تخزليني فيهو قالت لي افو كمان ينفع اخزلك لكن نزلت تحت لقيت سلطان وقف العربيه وعاوز يدق عرفتو جايني…
*_-_-_-_-_-_-_-_-_-_-_-_-_-*
*نحن نميل تلقائيا لمن يفهمنا ويتفهمنا ويستثنينا دائما
*
*☆اشوفكم
☆*
*☆bnan☆*
————————————–
———————
*☆يتبــــــــــــــــــــــــــــــــــــــــــــع☆☆*
لقراءة الجزء التالي : الجزء الثالث والعشرون من رواية عالمي
لقراءة الجزء السابق : الجزء الحادي والعشرون من رواية عالمي
للإطلاع علي فهرس اجزاء الرواية : رواية عالمي ( جميع الاجزاء كاملة ) للكاتبة بنان عماد
جميع حقوق الرواية محفوظة للكاتبة بنان عماد .
