الجزء الخامس عشر من رواية احببت منقذي

وفي الجزء الخامس عشر من رواية احببت منقذي يا تري هل سيحدث شيء غير مألوف وخارج عن توقعاتنا مع ابطال الرواية ام ستسير الأمور في مسارها الطبيعي ؟ دعونا نعرف إجابة هذا التساؤل في السطور التالية بإذن الله .

الجزء الخامس عشر من رواية احببت منقذي

تحت

محمد: وين مؤيد

عيشه: تو ينزل

محمد : خيره اليوم مريض بالك

ساره: لالا متعقد من امي اكيد

محمد: خيرها امك

ساره: فتحتلك سيرة الخطبه

محمد:لاحول الله

عيشه: مادخلكم بينا

محمد: صح

مؤيد: وهوا نازل يلبس ف ساعته صباح الخير

كلهم : صباح النور

محمد: وينك يارا

مؤيد: قاعد غير تعبان شوي من العمل وتو شوي وماشي

محمد: ربي يعاون

مؤيد: ان شالله وقعد يفطر

عيشه: مؤيد كول وعطيني رقم هلها سهام

مؤيد: علاش

عيشه: مش تبيها

مؤيد: تحشم من بوه :ااه اي

عيشه: خلاص عطيني رقمهم

محمد : على بركة الله

مؤيد: نكلم خ خوها قبل ووقف المهم توا نتلاقو صحه شبعت وطلع

عيشه: تحشم

محمد:

مراد: ونا امتى بتخطبولي

لولي:

محمد:

ف جهه تانيه

سهام ركبت ف السياره

سيف: سهام

سهام: نعم

سيف: رد بالك ع روحك

سهام: حسستني بيبي

سيف: في نظري بيبي اي واول مره تباتي برا

سهام: ياروووحي انت حاظر وانت رد بالك ع روحك

سيف: ان شالله

مشت سهام للمطبخ وكان معبي

سهام: س ع

كلهم: وع س

اريج: سهااام

سهام: هه ياعيوني

اريج: الله ليك وحشه ياخرا

سهام: انتي اكثر

اريج تعالي نعرفك ع اختي المتزوجه لي قتلك برا

اخت اربج: ههه عسلات هدي لي ديما تحكيلي عنها

اريج: اي هي هادي

سهام:

اريج: تعالي معاي سهام طلعي عبايتك خلي نغلفو

سهام: تمام

مشن لغرفة اريج طلعت سهام العبايه وخلت البدله تحت

اريج:ينااااري

سهام: ع الكناااري

اريج: خزي

ف جهه تانيه

عيشه: استنى يا مؤيد ع وين

مؤيد: طالع

عيشه: ارفعنا للعرس قبل بعدها امشي وين تبي

مؤيد: من بكري قاعد ماقلتولي

عيشه: سقدني

مؤيد : باهي هي اطلعو

طلعو وركبو ف السياره

مؤيد:شن ه البز لي ع وجهك انتي وياها

لولي:ماشيين لعرس حني ره مش عزا

ساره:

مؤيد:به

نازلات من الدروج

اريج: كم نحطو خمسه خمسه ولا اربعه

سهام: اربعه خير

اريج: اي صح

سهام: حي وصلو

اريج: من

سهام: ساره ولولي

اريج:قصدك تعرفيهن

سهام: اي عرفني عليهم مؤيد صاحب سيف عرفتيه

اريج: اي عرفته خيره

سهام: خوته

اريج: الله تو كيف عرفت

سهام: شن يقربولكن

اريج: لالا بس امهن صاحبة امي من الطفوله

سهام: اها

اريج: اي

سهام: خلي نمشو نسلمو عليهن

اريج: تمام هي

سهام : اهلين وسلمت عليهن

ساره: بيك سهام

لولي: منوره

سهام:ههه تسلمي كيف حال الاهل.

ساره: كلهم بخير الحمدلله

لولي: امي هدي سهام اخت صاحب مؤيد

عيشه:شبحت فها من فوق للوطه لين حست سهام عليها

سهام:اهلين عمتي كيف حالك

عيشه: بخير الحمدلله كيف حالك انتي

سهام: الحمدلله

اريج: سهام تعالي شوي

سهام: هي تو نستأدن مشغوله شوي

لولي: ولو

ساره: عادي وكان تبي نساعدوك

سهام: لالا كملنا كل شي

اريج: سهااام

سهام: جايا ومشت

ساره: امي بلله بشويه ع حركاتك واضحه ره

عيشه:

طلعو وهنا نازلات لعيون كلها عليهن خصوصا ع سهام

عيشه:

ياسمين: ياماشالله بناتي طالعات عسل

اريج: من يوم يومنا عسل

سهام: اي صح

ياسمين : تي باهي به انتي وياها اطلعن هي

طلعت اريج مع سهام للخيمه من اول ماخشن وهن يرقصن والحكايه خاشه ف بعضها

ساره: حلو رقصها صح

لولي: كلها ع بعضها حلوه احلى من خوك

ساره:حق

عيشه: ياسمين حقا بنسألك

ياسمين شن

عيشه: ع سهام تقربلكم

ياسمين:لالا صاحبة اريج

عيشه: اها

ياسمين: خيرها

عيشه: حقا مطلعين علها كلام مش مزبوط

ياسمين: اي اشاعات البنت نعرفوها من صغرها ونعرف امها وبوها الله يرحمهم كيف ربوها كل لي سمعتيه كدب صدقيني

عيشه: قصدك يتيمه

ياسمين: اي

عيشه: باهي مادامه كدب ماشالله عليها الباقي

ياسمين:خيرك امالا

عيشه: شي لفتت انتباهي بس

ياسمين : امممم

ساره: في ايا مدرسه تقري

سهام: نقرا ف ….. سنه تانيه ثانوي

ساره: اها معناها نا اكبر منك بسنه

سهام: اي

لولي: سهام طالعه طرف

سهام:ههه حتى انتي ملاخير

اريج: غرت

كلهن هههههه

لولي : بناخد معاك صوره عادي

سهام: اي عادي

مؤيد :سيف بنقولك حاجه

سيف: شن في

مؤيد: من لاخير نبي اختك سهام بنجيب هلي ونخطبوها بعد اذنك طبعا

سيف: اممممم

مؤيد: شني امممم

سيف: وين نلقى راجل زيك اكيد نا موافق ليش لا

مؤيد:

سيف: غير استني وين ماشي بها الابتسامه العريضه

مؤيد:فرحان بس

سيف: تو نسأل سهام قبل

مؤيد: يستر الله لو وافقت

سيف:وليش ماتوافق

مؤيد: مش عارف

سيف: يصير خير بو نسيب

مؤيد: ان شالله

عيشه: ريتها سهام

مؤيد: امم به كويس شني عجباتك

عيشه: يعني

لولي: تبصري

ساره:وحق ربي عاجبتك باهي

عيشه: اي به

مؤيد:

سهام: دوشت وبدلت وصلت

اريج: تكلم ف سيف

سيف: صار

اريج: والله خلاص عظامي

سيف:

اريج:تضحك

سيف: اي شن عظامك كنتي تعصدي ولا كيف

اريج:انننلا

سهام : عطيني نكلمه شوي

اريج: هااك

سهام صباح النور..

مؤيد كيف حالك….

سهام بخير وانت…

مؤيد: الحمدلله…

عند سيف

ناض متاخر اففف شن هوا مشى يجري دوش وفطر بعدها طلع

اتصل ب سهام

سهام: صبااحو

سيف: صباح الخير اطلعي بلله وماطولي واقف برا

سهام: كيف جيت وماقتلي

سيف: والله سهام طايرتلي وعندي ماندير بسرعه بلله

سهام: تمام

اريج: ماتقولها

سهام: الله غالب برا

اريج: خلي نكلمه ع الاقل يخليك للمغرب يجي

سهام: لالا فوتيه طايرتله

اريج: تمام

مشت سهام توتي في دبشها هي و اريج

اريج: اففف منك يا سيف

سهام: هههه لا عادي نجيك يوم تاني

اريج: اممم باااه

كملت

نزلت سلمت ع العيله وطلعت

سيف: واخيرا

سهام: ركبت خيرك امالا اليوم سيف

سيف: شي

سهام: امممم به

وطول الطريق ولا صوت

بعد وصلو

سيف: انزلي سهام نبيك شوي

سهام: به ونزلت

خش سيف ووراه سهام

مشت سهام لغرفتها بدلت ونزلت لقاته يشرب ف قهوى

سيف: تعالي اقعد جنبي هنا

سهام قعد جنبه

سيف: شوفي انا بنقولك حاجه بس ونا مش حنجبرك ولا شي انتي حره ونا معاك في اي قرار تاخديه

سهام: شن ماتخوفني

سيف: به شوفي صاحبي مؤيد جا طلبك مني بلحلال وطبعا القرار كله يرجعلك

سهام:حست بأحساس غريب اول مره تحسه احساس متلحبط

سيف: شني شن قلتي

سهام: مش عارفه

سيف: كيف مش عارفه اي او لا ونا ف الحالتين واقف معاك

سهام: انت شن رايك

سيف: الراي عندك

سهام: قصدي انا مانعرفه انت تعرفه ونا قرارك هوا قراري لو انت موافق ويعجبك وافق

سيف: صدقيني مش حتندمي راجل زي مؤيد مش حتلقي تمام معناها نقوله موافقين

سهام: تمام وومشت لغرفتها تجري متحشمه من خوها

سيف:اتصل ب مؤيد

مؤيد: الو

سيف: ايوا كيفك

مؤيد: بخير

سيف: بنقولك

مؤيد: شن

سيف: سهام ليك وتفضلو في اي وقت

مؤيد:بجد سيف ولا تبصر

سيف: مانحسابك ميت فها احيوان صار كل ه ليام ماشي وتكحل تو نوريك نا

مؤيد:ههههه هي وجهك نمشي نبشرهم

سيف: تمام وصكر

مؤيد: سااره

ساره: نعم

مؤيد: تعالي جاي

ساره: جت تجري

مؤيد: شوفي قولي لي امي عيلة سهام وافقو وقالولنا نتفضلو في اي وقت معناه غدوا وتي روحك انتي وياها

ساره: اللهحي حي

مؤيد: تي اسكتي فضحتي بيا خليني نطلع بعدين خبريهم

ساره: تمامحقا شن صار ف عزو

مؤيد: كان مسافر وتلفونه راحت منه قصتة قصه تو يكلمك المهم تو طالع ماتنسي تخبريهم

ساره: تمام

طلع مؤيد ونزلت ساره تجري

ساره: ماما بابا بنخبركم

عيشه: خير

ساره: عيلة سهام وافقو ع مؤيد وقالولكم تفضلو ومؤيد قال بكرا تمشولهم

عيشه:كملت قوليله ماناقص غير تقوللنا بكرا العرس

محمد: على بركة الله

لولي: ياااي واخيرا

ساره: هههه

ف جهه تانيه

مؤيد: والله نحبك ياسيف

سيف:اسكت قبل لا نوريك شاد اعصابي بس لانك اعترفتلي

مؤيد: هههه تي لا بدينا تو ف الجو

سيف: حقا حتى نا بنخطب

مؤيد:تبصر

سيف: والله

مؤيد: من هي

سيف: اريج

مؤيد: من دعاء الله ياخدك عرفتها بتاخدك

سيف:خزي

مؤيد: بنجوكم غدوا ره

سيف: تحشم شوي فوق مابتاخد اختي تتشرط خود اذن قبل

مؤيد: يناسبك ولالا

سيف: ايووه اي تفضلو

مؤيد:خزي حسستني غريب

سيف: انا حسسني اني خو البنت شوي جديه

مؤيد: به

سيف: ايوا هكي

مؤيد: حقا اليوم السهره ع حسابك

سيف: مصح …..

مؤيد: بجد ره انت اخر من خبرتني ع لي بتخطبها معناها عليك انت سقدني هي

سيف:

امنه: سهام

سهام: نعم عمتي

امنه: الجماعه غدوا جايين خططي شن بتقدمي وقوليلي نقول لسيف شن ناقص

سهام: تمام

امنه: حقا خبري صاحبتك تجي تساعدك غدوا ف اللبس والمطبخ خلي عليا نا

سهام: شكرا عمتي والله ماحسبتك توقفي معاي

امنه: الله غالب انتي اخت ولادي وبنت راجلي زيك زي سيف ولدي

سهام:تغامرتها

امنه: هيا بسرعه بري شوفي شن ناقص

سهام: حاااضر

وصل سيف للحوش وهوا مشى لحوشهم

عند سيف

سيف: السلام اعليكم

امنه/ سهام:وعليكم السلام

سيف: امي كيفك

امنه: بخير

سيف: وانتي سهام

سهام: الحمدلله

سيف:واضح

سهام:ف داخلها مبردك

امنه: تحشم سيف

سيف:هي لي بتتحشم مش نا

امنه:

اريج: عمتي كيف حالك

امنه: بخير

اريج: سهام شكله كملتو كل شي

سهام: اي

اريج: مش قتلك ستنيني بش نعاونك

امنه: مازال انتي غير وتيلنا العروسه بس

اريج: ههه به

سهام:

فاق سيف راسه يبي يطربق نزل متشحور لابس شرت بس والشعر تقول غابه وعيونه حمر

سيف: سهام سهام اا

سهام: ههههههههههه وااااك بطنيعفريت

اريج:ولتفتت عطاته ضهرها تحشمت وميته بضحك

سيف: اريج

اريج: عيونها

سهام: خيرك سيف اليوم اللطف طالع من حرب ولا ايش

سيف:والله راسي يوجع نبي قهوى عليك حشمه

اريج

سهام: حشمتني وااك

يتبع ……….

لقراءة الجزء التالي : الجزء السادس عشر من رواية احببت منقذي

لقراءة الجزء السابق : الجزء الرابع عشر من رواية احببت منقذي

للإطلاع علي فهرس أجزاء الرواية : جميع روابط اجزاء رواية احببت منقذي للكاتبة زهرة الشيخ

جميع الحقوق محفوظة للكاتبة زهرة الشيخ .