الجزء الخامس من رواية لهيب الإنتقام

وفي الجزء الخامس من رواية لهيب الإنتقام ماذا يا تري سيحدث من جميل الأحداث مع ابطالنا وهل سنري مواقف غير متوقعة تحدث ؟ سنعرف إجابة هذا التساؤل في السطور التالية بإذن الله مع الكاتبة ميشو محمد .

الجزء الخامس من رواية لهيب الإنتقام

تاني يوم
صقر ركب سيارته ووقف ف شارع فاضل
نيسان رجعت من الكلية ركزت ف السيارة: هادي سيارته 
يعني برسمي هدا بيعاود لدارة ف سجود
صقر شاف المرايا ونزل قدامها : نبي خدمه
نيسان فاتت م جنبه
صقر استغرب: يابنت
نيسان تلفتت: معاش نبي منك شي
اولا منبي حد يساعدني
تانيا اني متعاملش مع شخص سفاااح زيك
صقر عقد حواجبه: سفااح؟!
يعني قصتي وصلت لهني
نيسان: خليك ف حالك بسبب وقفتك معاي مش رح نوصل ف الشرطه
صقر طلع الهاتف من جيبه مدهولها: اتصلي اهو هاتف اتصلي
نيسان بصوت حاد: كيف يجي من قلبك تقتل بنت بريئه يامجججرم
صقر شاف لسيارته ورجع شافلها: سجود صبحي لعند اليوم ماعمري سمعت صوتها وشايفها وجه لوجه البنت منعرفهاش حتى
نيسان ضحكت بهزوه: وصورتك وف ايدك سلاح… قاطعها
صقر بصوت متعصب: اني مفتش شرطه ولا ليوم سلاحي عندي انتي لازم توقفي معاي وتصدقيني نبي مساعدتك بسسس
نيسان شافتله وشافت الشارع الفاضي: اخر مساعده بيني وبينك شن تبي؟!
صقر: بطاقة فاضل بس
نيسان: شن بيوصلني لبطاقته مستحييل
صقر: تمام بطاقة فرج
نيسان: خيرك انت
صقر تعصب: في شنو بتساعديني مدام انتي جبانه
نيسان: تذكر روحك لم قتلي متخنبيش
صقر: بس حتى انتي خنبو حقك
نيسان: منقدرش
اسمهان نزلت من التاكسي وشافت غزال واقف مع نيسان قربت ادير لقطه
اسمهان بصوتها : هاي
نيسان تلبببكت وتلفتت: اسمهان؟!
صقر يحمي الموقف : يعني انتي اسمهان فاضل
اسمهان: اي تعرفني
صقر بيتكلم
نيسان قطعاته: صقر هدا وقفني ويسال ع عيلتنا وقالي عليك وسالني انت كويسه او لا شكله الاخ بيخطب
اسمهان شفتله ونزلت راسها
نيسان ف داخلها: ربي يريحني منكم التنين اقرف من بعض
صقر من الصدمه: نستاذنكم..وركب سيارته ومشي

.
راغب قعمز ومتعصب
صقر وصل وخش:السلام عليكم
راغب شافله :وييين كنت حظرتك
علاااش متحكيلي ف شي
حني خوت ولازم نعرفو كل شي ع بععض
صقر.اني الكبير متدخلش
راغب ضرب رجله ع الباب: تي اكبر مني بسـنه دايرلي بها البطااط بيني وبينك سنه
صقر تعصب: شن المطلوب توا
راغب: معاش ف وقتتت
صقر: مزال معانا اسبوع عشان الادله ع قصة سجود وحني عندنا الادله التامه اول مانكملو قصة فاضل نفضو لقصة الحكم
راغب: باهي تسررررع النممم الوقت قريب ينفد
صقر:فهمنااااا

.
نيسان وصلت الحوش غيرت
طقق طق طق
نيسان فتحت:شن تبيي
اسمهان فرحانه بس داسه فرحتها:نيسان نبي نتكلم معاك شوية
نيسان ضحكت: ياهزوه
اسمهان شفتلها
نيسان:مش متوقعه قداشك رخييصه النممم
اسمهان تعصبت وتشوفلها
نيسان:تي هو احلا منننك
(اتكت ع الباب)هي مش بشكل عادي لو انتي شكلك ز العنز عادي
اسمهان: من هدا؟!باهي
نيسان:بري روحي تو يجيكم ويكلم بوك بروحه وين نعلم من يكون…وصكرت الباب

.
صقر متكي وسرحان: راغب
راغب ع النت: هاا
صقر قعمز: نخطب بنت فاضل!!!
وهكي نتقرب من بوها
راغب: امورك تزوج حتى مرته المهمم تمحيه
صقر فتح نت بعت لـ نيسان (بنخطب بنت عمك وهكي اني بنكون النسيب الغالي لعمك الكلب)
نيسان قرتها وضحكت (لا مشالله ع الذكاااء)
صقر (؟!)
نيسان( ذكي هلبااا وفرج لعاجنه طريحه ومشوهله وجها)
صقر تعصب: راغب ياحمار كيف بنخطب بنته وخوها يعرفني
راغب حول الهاتف: رسمي اني اني نخطبها البنت هو ميعرفنيش وحتى يومها لم جبناه عيونه مغمضات
صقر : مش تصدق روحك واديرلي قصة حب معاها
راغب: اني وين وانت وين

.
بعد مرور ايااام
وفعلا راغب كلم فاضل وفاضل قاله يتفضل
راغب مشي ولابس سروال جينز اسود وسورية جيشيه وشعره محلق 
راغب: اني مش من هني اني مدينة تانيه توا اني بنخطبها وبعد فتره نبعث عيلتي
فاضل: شن اسمك انت ولد شكون؟!
راغب اذكر اسمه ف النت: اني واصف عماد ال،،،،، من الجبل
فاضل: ربي يقدم لفيه الخير
راغب بوقاحه؛ وين البنت !!!
فاضل استغرب: احمم تجهز قهوة وتجي
اسمهان خشت  ضيفاته: تفضل
راغب فنص فها ف داخله: شن للقرف هدا هادي مش زينا مصنوعه بمكياج هادي النمممم تقرررف
فاضل طلع
راغب نار ف قلبه وحب يطفيها ف اسمهان طبعاا قبل ميخطبها جمع علها معلومات: علاش المكياج هدا كله قصدي اني منشوف ف شي راه
اسمهان: كيف يعني
راغب: متحسيش بروحك مبالغه ف المكياج؟!
اسمهان نحرجت بس ابتسمت: لا هدا مجرد واقي ومسكرا وروج بس
راغب وقف: واقي شني النمم شن بنرفعك للبحر اني
اسمهان شفتله تعصبت
راغب حسها نكوت ياسرها: اني موافق بس ف الجديد بلاش منه المكياج الزايد
اسمهان: حاظر
راغب وقف: نستاذن… وطلع
اسمهان: مشربتش قهوة
راغب طلع وسيبها

.
صقر ف المطبخ وكل مره يدور ف مكان: هيااااااا
تررررن
صقر شاف اتصال من نيسان ع النت: الوو
نيسان: البنت مليهاش علاقة بـ لداره بوهاا
صقر: وانتي مليكش علاقة بيا
نيسان: عندددك ضمير
تي نسيت واحد مجرم زيك وين تعرفه الضمير… قاطعها
صقر بصوت عالي: نقولك البنت منعرفهاش صح هي جارتي بس ماعمري شفتها غير مرة وحده طلبوني اني وخوي للمركز وشفتها ف التلاجه ميته بس
نيسان: اهااا ونصدقك اني توا
صقر تنهد: انتي شن شفتي مني
شن درتلك باش
لاتعرفيني ولا شي مجرد حروف قريتها صدقتي المنشورات بس
نيسان سكتت
صقر: اني مش مغتصبها ولا قاتلها ولا نعرفها
اني هارب من الحكومه صح وقصتي يعرفوها جماعت المطار وصوري ممكن الكل شيفهم
بس اني منعرفهاش البنت
نيسان: لحظه كيف هكي
صقر: شنو؟!
نيسان :البنت اكيد عرضوها لطبيب شرعي !!
صقر:اي
نيسان: الطبيب الشرعي…ونقطع الاتصال نت نيسان تم
صقر:خيره كملي الووو …وصكر الخط
صقر بتركيز:اي صح الطبيب الشرعي علاش مشفتاش
البنت ذكيه الهم

.
بعد مرور اسبوع
راغب مش لـ فاضل: السلام عليكم
فاضل:وعليكم السلام
راغب:اني قبل ماناسبك سالت عليك وللاسف سمعتك متناسبش عيلتي مافيش نصيب
فاضل: شن ذنب البنت
راغب اندفع: وشن ذنبي اني نمشي ناخد بنت ناااس مش ادور من سيارة لسيارة…وطلع
فاضل مفهمش بس قعد ساكت
راغب طلع وفتح الباب وطلعت بنت ف وجها: شوية وخشيت فيك اسف
نور صاحبة نيسان خشت:مصار شي…وخشت ركبت لحوش نيسان
راغب ركب سيارته ورجع لـ لحوش فتح لباب وقربعه بقوةة
صقر:خيرك
راغب:مزال يووووم واحد واتم المهله
صقر.الادله عندناااا من شني خايف
راغب:مشش خاايف تي قاتل بوي عايش حياته بطول والعرض تذكر لمم تشردنااا
صقر خش لغرفته طلع شنطه اليوم بنرجعو للمنطقه ونسلمو روحنا والادله برائتنا ونرجعو
راغب بحرقه: برا من الباب مش طالع تي كيف بنقابل امي وغريمي حي وعايش حياته
صقر تعصب وعلا صوته: الف مرة نقولك معاش تحب السرعه
راغب قعمز ع الكنبه ونزل راسه: تي وااااك واااك 

صقر خش غرفته وشاف نيسان اونلاين اتصل بها
نيسان؛ هاا
صقر: بنحظرك بنسلم روحي تمام
نيسان: بجدد انت مش قاتلها؟!
صقر: مستحيل جمعت ادلة وبنمشي نسلمهم بكرى المهم مستعجل بنحظرك وبنحدف المحادته
نيسان: تمام موفق
صقر صكر الخط وكسر الهاتف والشفرة
كان يبي سبله يكلمها بس

تاني يوم
صقر بهاتف راغب: اي نعرف
كرم صاحبه شرطي: هياا تعلا اليوم
صقر: تي قلنالك ف الطريق النمم
راغب: صكر عليه نفاخ
صقر صكر عليه
ووصلو
وخشو للمحكمه
وبدت
صقر: اني منعرفهاش البنت بكلل والادله قدامك
راغب: القصة كلها مركبه ومجهزينها وكانت البنت سجود صبحي الضحيه
القاضي يشوف ف الوراق وراق
تحليلات و وووو
المهم قصة قعدت اربعه ايام واعلنو برائة صقر و راغب
نحبسو اربعه ايام عشان يتاكدو

..
راغب مع العيلة ويتحمدوله بسلامته
صقر ولع سيارته وجاب ضيافات من برا وخش وشاف الحوش معبي
صقر: وسن
وسن: نعم
صقر مدلها الكياس: دخلي هادم
وسن خدتهم وخشت
صقر تلفت بيطلع
سمر وراه: صقر
صقر تلفت: نعم
ربيعه عمته: سامحني ولدي اني وين سمعت الخبر عقلي طار
صقر: مدوريش ياعمتي قصة وتمت
راغب: يماا شن صار ف الغدي
ميسون امه: داك ف بطنك
راغب: عييت م الشاورما والكباب كل يوم 
ميسون ضحكت
صقر كان مش معاهم ناض وطلع
راغب لحقه حط مرفقه ع كتف خوه: خيره البروو
صقر: بنرجع

تتبـع..

لقراءة الجزء التالي : الجزء السادس من رواية لهيب الإنتقام

لقراءة الجزء السابق : الجزء الرابع من رواية لهيب الإنتقام

للإطلاع علي فهرس أجزاء الرواية : جميع روابط اجزاء رواية لهيب الإنتقام للكاتبة ميشو محمد

جميع الحقوق محفوظة للكاتبة ميشو محمد .