الجزء الرابع عشر من رواية تزوجنا ولكن هل يبقي الحب

وفي الجزء الرابع عشر هل يا تري سيكون هناك نصيب جميل من المواقف الحلوة مع ابطال الرواية فيه ام سنري توجه لأحداث جديدة ؟ كل هذا وأكثر سوف نعرفه في السطور التالية بإذن الله .

الجزء الرابع عشر من رواية تزوجنا ولكن هل يبقي الحب

فات الاسبوع متع العزى ونقامة الخيم وبدت العواله خفيفه جدااااااا فى الحوش وهما شوية كراسى فى جنان بس …
فى اليوم تامن من العزى … وبعد ماكملت غسل معايين العشى مع ساعه 11 وكيف بتركب لحوشها فوق … شافت عفراء مقعمزه على زوايه من جنان وتهدرز ووائل مقعمز معاهم وشكله يفضفض كان …
فاقربت منى منهم شوى وقالت ….
هدى ….. مننننننننننننننننننى مننننننننننى … نعستى على الكنبه … شكلك تعباااااانه نوضى يابنتى من على الكنبه وحوايجك مبلولات من غسل المعاين نوضى غيريهم توا تاخدى برده ..
منى … اااه رقبتى ….. شورا نعسنى نوووووم على كنبه … بس انى شفت وائل .. قصددددك كنت نحلم ؟؟؟ وين وائل ؟؟
هدى … ههههههههه خيرك يابنتى شن تلهووووسى انتى … نوضى كملى نومك فوق نوووووضى …
منى ….. حلمت انى كملت غسل معايين .. وطلعت ولقيت وائل مقعمز مع عفراء فى جنان فى تركينه ويحكى معاها وكأنا يشكيلها … انتى ماتصدقيش كيف كان احساسى ..
هدى …. ياهبللللله بطلى بكى … شكله قلبك شارق بيهم ويخمم فيهم وعقلك يفكر معاه فاحلمتى بيهم .. معاش تبكى حبيبتى هدا مجرد كابوس وهيا تعالى نركبو فوق انى وانتى … لانا حتى انى خلااص تعبت … فاخلى نلحق نهدرز معاك كلمتين قبل مايجينى مؤيد …..
منى … سامحينى تعبتك معاى …. ان شالله نردهولك فى فرحة النونو لما يطلع ياررررب  
هدى …. ان شالله ياررررب  هيا تعالى نركبوووو ..
… منى … لا لا بنطلع لجنان نشم شوووية هواء خلاااص نحس روحى مخنوووقه ..
هدى … بالك تمرضى يابنت ؟؟
منى …. لا لا عمر شاقى باقى صدقينى ههههههه ..
قعمزت منى وهدى فى جنان على الكراسى وهنا هدى سالت منى وقالتلها …
هدى … شن قصة عفراء ؟؟؟
منى …. ااااااااااه ياهدى … حقيره هيا طلعت هيا الا كانت خطيبته … وقعدة تقول فى مواقف حقيره صارت بينهم مفروض اصلا انها ماتندكرش …
وانتى كيف عرفتى ؟؟؟
منى … وانى خاطمه بصدفه سمعتهم من وراء الباب تهدرز هيا واختها ..
هدى …. انتى تضايقتى لما وائل حسيتيه ماوتقش فيك صح ؟؟
منى …. اكيد …
هدى … خلاص انسيه موضوع ونحيه من دماغك وماضى وائل هدا يخضه وماليكش علاقه بيه وخاصة انك فى والوقت هدكا كنتى فى دمة راجل تانى … وبعدين انتى شفتى امه كيف يعنى مرات امه هيا الا ضغطت عليه … والدليل … انه سيبها صح ورجعلك … نقولك شى الشك هوا السبب الكافى لدمار اى علاقة حب او علاقه زوجيه .. فانصيحتى ليك ماتفكريش فى كلامها هلبه لانا مرات تكون حتى حاسة بيك متلا لما سمعتيها وحبت تغيضك بس
منى ….. صح كلامك وانى باين فكرة فى موضوع اكتر مما يستاهل لانا لو كان يبيها ماهى كانت قدامه طول عمرها .. يالله باين انا كترة مشاكل خلتنى حساسه هلبببه …
تعرفى بطنى من صبح توجع فيا ومش طايقه اى مأكله فى بطنى مش عارفه خيررررنى وحاسه روحى فاشله وكان نلقى ديما فى جنان .. يعنى مخنوووقه على الاخير …
هدى … اكيد من كترة سترس بس .. اركبى فوق دوشى وخودى حبتين بندول ات نايت وانتى ترتاحى وتصيخى طووول 
منى …. هدا الا بيصير اصلا ..
هدى …. شن بيصير معاكم توا بعد الا صار ..
منى … قبل ماتموت امه بساعات … اول ماروحت معاه فى الليل … تكلمنا ..
هدى …. باه شن صار …
منى …. قالى انه مش شاك فيا بس واجعاته هلبه حاجات منى وهكى وخلاص بالله معاش نبى نتدكر شى خلاص نفسيتى تعبت ….

هدى ….. مؤيد يتصل …. شكله يبنى نطلع .. قالى لما نكلمك معناها انى فم الباب .. خلاص حبيبتى انتى توا برى اركبى فوق دوشى وارتاحى وبكرا العشيه بعون الله نقول لمؤيد يحطنى عندك 
منى … اوك حبيبتى ..  تصيحى على خير .. سلام ..
ركبت منى لحوشها فوق وهدى لبست كندرتها وطلعت لمؤيد برا … واول ماركبت لسياره قاللها …
مؤيد …. واخيرررررررررا طلعتى هدا كللللله تسلمى هادى الحركه دارتها امى لما جت خطباتك وقريب سيبتها … وحتى انتى توا جايتك صدقينى … اما انتم نساوين مافيكم من لكولك هههههه
هدى … باهى باهى صدقتك ههههههه … انت ديرها وصدقنى انى الف من يوصلنى بنضره بس
مؤيد …. شنى تبى تموتى مشنوقه شكلك ولاعندك نيه تتعلقى فى تريه …. امشى مشيتك يابنت … اسمعى انى جعااااان ناخدو شى نتعشووه ؟؟
هدى …. انت خود لروحك بس انى تعشيت الحمد لله 
مؤيد …. ههههههههههه غريبه … منن جاتك هدى …
هدى … علاااش شن تشوف فيا ناكل فى الاخضر واليابس .. مصحك ..
مؤيد … لا لا حق تاكلى فى الاخضر بس ههههههههههههه
هدى …. ها ها ها ها خلاص ضحكنا برا هي مبرددددك … وفجأه تدكرة انا كلمة مبردك ممنوعه .. فاشبحتله باص عيون وشبحلها باص عيون وقاللها ….
مؤيد …. هههههههههه انتى الا جنيتى على روحك هههههههههههههه الليله لليتك ياجمييييل .. النهارده فرررحى ياجدعان هههههههههه ..

نزل مؤيد للمطعم وخدى منه زوز شاورما ومشروب وعصير وركب … واول ماوصلو للحوش خش مؤيد للمطبخ وحط العشى على طاوله وهدى نحت وشاحها و مشت لدار نوم..ووهيا خاطمه جنب طاوله الا فى وسط الحوش لقت باكو محوط عليها فاوقفت فتحاته وقالتله …
هدى …. مؤؤؤؤؤؤؤيد حبيبى خديت كاميرااااااااا .. 
مؤؤؤؤيد …. اااااااى باش نصورو بيها ولى العهد ههههههه لما يطلع 
هدى … هيااااااااااااا اوقف اول صوره ليك انت هيااااااااا قول …… مسعوووووووووووود ..
هدى …. ههههههههه تى والله انتى الا ختشه باهى .. باهى غير استنى نحى طاااااااقيتى يامهبووووووله علاش صورتى هههههه كيف طالعت ترا
هدى ….. ههههههه طريفووون تهبببببل
مؤيد …. مش تعرفى بس …
هدى …. دووود ى  الليله بنسهرو مع بعض شن رايك فى لعبه نبى نلعبوها مع بعض ..
مؤيد …. اما لعبة تراااااااااا هههههههههه…
هدى …. انت صاااايع بطل عاااااااد اااوف منك… انى نقصد لعبة الامنيااات …
مؤيد …. بااااهى ديرلى فنجان قهوه قبل باش نصحصحلك ايووووووو كله الا غش << سلمنى نظيف اسلمك نظيف >> هههههههههه
هدى … اووووك خلاص لبين مادوشت تلقاها واتيه هيااااا .. نلبس بيجامتى بس ونديرهالك 
خشت هدى للدار لبست بيجامة نوم وخشت للمطبخ حطت القهوه على نار ووتتها … وحطتها على كمدينو وخدت ورقتين وبيروين وحطتهم على سرير وقعمزة تستنى فيه … واول ماطلع من الحمام خش للمطبخ تعشى ومشى للدرا نوم وقعمز على سرير وصبتله فنجان قهوه وقالتله…
هدى … بردة القهوه راهو … عااادى ولا نصبها ونرجع نسخنها ..
مؤيد .. لا لا عادى …. مهم شن تبى تلعبى هياااا ؟؟
هدى …. نبى نلعبو لعبة الامنيات … يعنى انت اكتب 10 امنيات تتمناها فى الزوجه المتاليه ليك وحتى لو كانت مش موجوده فيا … وانى نفس الشى … وعندك 5 دقايق بس بس ومادخلنيش فيك لو ماكملتهمش .. والا يكتب هوا الاول 10 امنيات الا ليه ويكملهم فى 5 دقايق هوا الا يربح .. واهم شى الغش لا هههههه ماتنقلش منى .. نعرفك انت اكبر غشاااش ههههه ..
مؤيد …. اووووك هياااااااا 1 _ _2 _ _3
هدى …. اوووك .. بطلش تشبح لورقتى .. ههههه بطلللللللللل
كملو كل منهم وهدى جبدت من مؤيد ورقته وقالتله ….
هدى …. وريننننننى تراااااا … كتبت 5 بس هههههه ومنقل وحده منى ياغشاااااااااااش ..
1…. نبيها حنينه .. وقلبها ابيض
2 … نبيها دلووووعه وانيقه
3 …. نبيها تعرف تغنيلى ….
4 … تحبنى العمر كله وتخاف عليااااا وتغار عليا من نسمه طايره …
5 ….. نبيها توا تعوضى على كلمة مبرررردك
هدى ….. هههههههههههههههه ياغشاااااااش نقلت منى النقطه الاوله ياغشاااااااااااااااااااااااااش ومازال حتى تبنى نعوضك على كلمة مبرردك ..
مؤيد …. انى غشااااااااااااااااااش << وخدى مخده وبدى يضرب بيها فيها ووهيا خدة مخدة وبدت تضرب فيه وتمزقو المخاد وطلع منهم الريش وبدى يطيرفى كل مكان واشتدت الحرب الطاحنه بين هدى وومؤيد …
وبعد ما دهشو ….. قعزو و هدى قالت ….
هدى …. ااااااااااااه اوووووف واخيرااااا انتقمت منك ورح تكنس دارررر انت هههههههههه بالمكنسه صدقنننننننى
مؤيد …. نكنس دااااااار .. مبررررردنى … لا هادى كترة هلبه وتبيلها حد تعاااااااالى هناااااااا تعاللللللللللللللللللللللى ههههههههههههه
هدى ….. لاااااااا نبصر خلااااص مؤييييد ههههههههه …مؤيد …. .. .. .
وهادى كانت نهاية الليله والحرب الطاحنه بين مؤيد وهدى ……. بس … فى اللحظه نفسها كانت البدايه لمنى ووائل …
وصل وائل للحوش ولقى منى راقده على سرير وفاتحه سهاره ومغمضه عيونها فاقعمز جنبها وابتسم وحط ايده على شعرها وبعدين نزلت ايده على جبهتها فالقاها نارررررر مولعه فاهنا ناضب سرعه للمطبخ وعبى ميه وتلج وخدى فوطه ….. ورجع لدار وعصر طرف وحطه على جبهتها وشدلها ايدها …. واول ماحست منى فتحت عيونه وكيف جت بتقوله وائل انى … بس هوا سكتها وقاللها …….
وائل …..

يتبع……..

لقراءة الجزء التالي : الجزء الخامس عشر من رواية تزوجنا ولكن هل يبقي الحب

لقراءة الجزء السابق : الجزء الثالث عشر من رواية تزوجنا ولكن هل يبقي الحب

للإطلاع علي فهرس الرواية : جميع اجزاء رواية تزوجنا ولكن هل يبقي الحب للكاتبة كيندا

جميع الحقوق محفوظة للكاتبة كيندا من ليبيا .