وفي الجزء الرابع عشر من رواية كنت للروح سقيا دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة شهد محمد .
الجزء الرابع عشر من رواية كنت للروح سقيا
عند لؤي :
بعد خلصت من شهد اتذكرت انو في واحد من التسجيلات مكتوب عليها بالحرف ” ي لؤي ما تتشالق ده يوم الخطوبه بالضبط” 
ف كان باسم “. ”
بصوت شهد :
مع انو المفروض انت التغني لي وتعمل فيديو بتاع
احساسك ايه النهاردة وانا جايلك في بيتك
جاي اقول لأهلك اد ايه انا حبيتك 
بس ي سيدي م مشكله حصل خير اصلا انت ابجيقه م بتعرف تعبر
(لؤي لنفسو: انا ابجيقه؟ بعد ده كلووو انا ابجيقه)
بس م مشكله يعني بديك شويه تعديلات كده وممكن كمان نصلح صوتك عشان تقرأ لي قرآن وتغني وكده لانو صوتك حقيقي ما بتجازف وانا من زمان عايزه زول صوتو حلو تجيني انت! انت ي لؤي! استغفر الله
المهم المهم خلاص لحدي هنا لانو حاساك ح تنتقم بعد ده
طبعا طبعا عارف انو كل بت بتحلم ب انها تتخطب للبتحبو ف انا حقيقي حقيقي مبسوطه شديد وح اطير من الفرحه وحاسه لو حكيت من اسي لبكره م ح اقدر اكفي بس ي بختي ي بختي بيك بجد كل تفصيله معاك حلوه وكل تفصيله فيك حلوه
ضحكتك صرتك توترك لما جيتو اول مره حتى لما قالو الخطوبه تكون بعد اسبوعين انت طوالي قلت لالا بعيده يخ بكل انفعال حقيقي هنا أنا كتمت الضحكه بسلؤي انا بحبك 
ف الحمدلله على وجودك تاني وياريت ياريت لو ما تمل مني في يوم وكل يوم معاك احلى من القبلو وانا جنبك ومعاك
وانا جنبك حاجات كتيره بتبقى ضىء
يلا باي
بأي بأي حبيبي بأي بأي مش معايا في الجاي اغنيهالك ازاي؟؟
معاها طبله وناي
وبعدين عاين لصوتي وعاين لصوتك صوتك بلوه بجد يخ
بعد التسجيل خلص لقيت مكالمه من خالد ف رجعت ليهو
لؤي : ابو الشباب كيف وصلت؟
خالد : الحمد لله.. ي لؤي متذكر مقابله بكره صح ح نطلع بدري
لؤي : اااي اااي متذكر وم ح اكلم ناس البيت ولا شهد عشان م يقلقو من اول مره وكده
خالد : خلاص ان شاء الله
لؤي : أن شاء الله
“بعدها اتكلمنا شويه واتناقشنا بخصوص حاجات في الشركه وكده
بعد خلصت جهزت حاجاتي ونمت على كده
صحيت الصباح بدري واتحركت على المستشفى اصلا متفق مع خالد نتلاقى هناك ف لقيت خالد بس معاهو شهد
لؤي : شهد!
شهد : يب
لؤي : الجابك شنو وكيف جيتي؟
خالد : و الله عاين البت رسلت لي وحنستني اوريها المواعيد عشان عارفاك م ح توريها
شهد : م انا م طرطوره تمشي من وراي 
بعدين انا خطبتك لي! عشان اكون معاك
لؤي : اول شي انتي م بتقولي خطبتك انا بقول كده انتي بتقولي وافقت بيك أو كده
شهد:م شغلتك
خالد :انا ماشي اجيب لي حاجه اشربا
لؤي : واخيرا حسيت على نفسك واتخارجت
خالد :و الله أسي م امشي
لؤي : لا عليك الله
خالد : ماشي ماشي
بعد مشا خالد لؤي قرب لي
لؤي : اشتقت ليك ي حلوه
شهد : لو سمحت انا مخطوبه
لؤي : لا يا؟
شهد : لؤي لي ما كلمتني انك جاي؟ ما بحب الحاجه دي ما تعمل حاجه من وراي
لؤي :حقك علي ي ستهم بس قلت م اخوفك على م اكتر
شهد : برضو دي ح اعديها ليك المره الجايه تشيل دبلتك طوالي ما بتنفع معاي
لؤي :حاضر
شهد : متوتر ولا حاجه؟
لؤي : لا ابدا اتوكلت على ربنا وان شاء الله كلو تمام
شهد: (ختيت يدي على يدو) انا جنبك أن شاء الله م ح يحصل ليك شي
لؤي : ان شاء الله.. بعد ننتهي نمشي ناكل لينا حاجه انا جعت
شهد : بسم الله الساعه 8
لؤي : م شغلتك بعد نطلع ناكل طوالي م شغلتي
شهد : كيف يعني م شغلتي وم شغلتك شغله منو
لؤي : م شغلتك ي زوله
شهد :لؤي خلاص خلاص
الدكتور جا وعمل ليهو شويه تمارين فيزيائيه وكيف يتحكم في توازنو ويقدر يحدد الأبعاد وكيف يتصرف إذا جاتو اي وحده من الأعراض وطمنو يعني حكايه للأن ما أتعرض لشلل لحظي وكده ف دي حاجه كويسه
(الشلل هنا يعني ما بقدر يحرك رجولو بس لكن اليدين عادي ويقدر يتكلم)
بعدها مشينا طلبنا وبدينا ناكل طبعا خالد معانا
لؤي : يخ انت قاعد لي زي قشه الحوت
خالد : ي زول انا زاتو ما فاضي ليك عايز اكل ومتخارج
أثناء م هو بياكل خالد عامل فيها بقيم الاكل
خالد : طبعا الطبق ده ناقص شويه ملح وحتى م استوى على الكامل اعتقد انو الحراره كانت 39 بس
لؤي : 39 شنو وهي من كم واصلا حراره شنو هي دي بي بوتجاز ما فرن
خالد :من 100 يخ بعدين منو القال ليك البوتاجاز ما فيهو درجات فيهو مش ي شهد؟ من 1_ 100 انت ما بتدخل المطبخ ساي
شهد : انا م سمعت بحاجه زي دي نهااااااااااي
لؤي : ي زول اكل وانت ساكت واتخارج بعد ده كفاك خلاص
بعد ساعه كده خلصنا واتونسنا خالد قال طالع بعد ده
لؤي : لا عليك الله اقعد ماشي لي
شهد : يخ انت مالك ظريف خليهو
خالد : ماشي ماشي انا زاتي م فاضي ليكم
لؤي :شهد.. تحبي تمشي البيت ولا نتونس شويه
شهد : نمشي شارع النيل الجو حلوو
لؤي : من عيوني
خالد : شوف شوف ده شنو ده اسي عيوني قال
بعدها مشينا وقعدنا والجو كان حلو شديد اول م قعدنا قلت ليهو نمشي على البحر
لؤي : على الشط استنى رايحه فين د انا ليك بغني غنوتين
شهد : اسكت خلاص صوتك م حلو
لؤي : خلاص بقا بيتكلم يرحم زمن السكوت 
قضينا وقت حلو بس لؤي قال نطلع عشان الزمن ما يتأخر وكده
لؤي : رايك شنو نعمل طلعه ظريفه لتوتي
شهد : منو ومنو
لؤي : بيتنا وبيتكم وخالد بعدين امك من ما طلعت من الحبسه ما غيرت جو
شهد : طوالي طوالي اسي ده نمشي
لؤي : اسي شنو عليك الله.. بعدين تكون مفاجاه كده وم تعملو شي في مكان ظريف بطلب منو
شهد : ي سلام عليك يخ و الله انك نعمه
لؤي : احم احم عارف.. خلاص وصلنا يلا انزلي
شهد :مع السلامه
لؤي : خلي بالك من نفسك… بحبك
شهد : وانا كمان
لؤي : وانتي كمان شنو تمي يخ
شهد : وانا كمان بحبك خلاص؟
لؤي : خلاص يلا انزلي خليني اتنفس هوا نقي زاتو
خاطره من لؤي :
النَّظر في عينيكِ، يشبه الغرق،
الغرق الذي لا أودُّ النجاة منه!
من شهد :
أنت الشخص الذي سأخبره كل قصص الكون التي تنتهي بعبارة:
“ثم بعد كل هذا وجدتك”
يتبع ………….
لقراءة الجزء التالي : الجزء الخامس عشر من رواية كنت للروح سقيا
لقراءة الجزء السابق : الجزء الثالث عشر من رواية كنت للروح سقيا
للإطلاع علي فهرس اجزاء الرواية : جميع روابط اجزاء رواية كنت للروح سقيا للكاتبة شهد محمد
جميع الحقوق محفوظة للكاتبة شهد محمد .
