وفي الجزء الرابع من رواية عالمي دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة بنان عماد .
الجزء الرابع من رواية عالمي
بدر قام وقال لي يامن هي زح يدك م شايف انك كترتها يامن حك راسو وزح يدو براحه وهو بعاين لي وقال ليه م عرفتك وسلم عليه انا بس قلبي بدق بسرعه وخايفه شديد يعرف يامن قال ليه والله م فاكرك انت منو ي ابو الشباب انا ف اللحظه د قربت اسكت بدر م عارفه ليه م انو مصيرو يعرف قلبي بدق شديد وانفاسي امكن سمعوها مسكت ف التوب شديد لعلو الخوف والتوتر يزح بس ابدا بدر قال ليه انا زوج بنان ف اللحظه د هبطت عديل من رده فعلو بس فاجئني لمن قال م فهمت كانو بحاول يستوعب 
*يا فراشتي هل اطلب منك طلب اخبريه انني احبه حقا اخبريه انني ادمنه في كل ثانيه اخبيره انني سيئه اخبريه لا اقصد ابلغيه حديثي هذا ي من سلم قلبي معك هيا لنستلقي في البحر فهناك لا يوجد ضجيج وسنستريح من العالم وخزلانه*
خالتي قالت ليه بت خالتك يا يامن م قدرت تنتظر وعرست امي قالت ليهو والله هو كان شاريها وبنان قالت م بتنتظر يامن لمن يطلع من السجن عاد ي ولدي انتظرت سنتين لمن م طلعوك فسخت الخطوبه وقالت م. بدورو رحمه أتدخلت وقالت يامن اتكلم وكأنها خايفه عليه وم خايفه علي عاين لي بهبل انا انفاسي كانت مسموعه من التوتر وبفرك يدي ضحك كتير قال لي عايني ديل يقولو ف شنو هم م عارفين اننا الثنائي الوحيد البنعمل مقالب لحظتها عرفت يامن اتصدم من كلامهم عرفت انه حيزعل بس م اتوقعت كلامو بدر قال ليه اتكلم ف حدود بنان مرتي ود الخاتم لو م مصدق ومده ليه يدو قال ليه خليك حقاني وبطل الدراما د وخلي العشاء يتم يامن طوالي بقا يتفحصني كانو عاوز يتأكد من كلامهم ملامح وشو اتغيرت وعرق واكتر شي عرق ف جبينو عيونو حمرو وعروقو برزت عاين لي نظام بنان الناس ديل بكذبو حرفيا ممكن تقولو اني عجزت نزلت راسي وقلبي بطق من الوجع سرعان م قال لي الكلام د صح؟ م عارفه رديت متين وقلت ليهو ايوه عرست كيف لساني كان تقيل ونبضي حسيتو حيقيف وياريت لو وقف ياريت لو وقف قبل اسمع كلامهم الجرحنيطيب انا بكيت من قلبي هو حيكون كيف قال لي اخررررسي للحظه حسيت انه حيديني كففف يوعيني قال لي تتهني ي بنان وان شاء الله قلبك يرتاح ي بنان وان شاء الله م تعاني بليل زي م حأعاني انا هو م عارف بكلامو د بخليني اكره نفسي كيف ايوه ساعدتها بقيت اعاف نفسي ف زول بكره نفسو؟ انا كرهت نفسي وكرهت نفسي شديب كمان م عارفه قال شنو كنت سرحانه كيف انا اعمل كده كيف ادمر الناس د كلها وعيت بصوت عمو بقول شنو اصواتكم واصله للشارع يامن فجأه بقا يصفق انا هنا بجد وعيت للعملتو بجد اتوجعت لمن هو بقول مبروك فزتو انكم تدمروني مبروك بجد وحضن عموقال ليه مبروووك وزح منو طلع وانا قلبي ببكي عارفين يعني شنو القلب يبكي بس خالتو بقت تدعينيبتدعيني وانا بقول يارب تستجيبعارفين ليه عشان انا بستاهل كانت بتدعي فيني دعاء انا والله لمه بكيت ودموعي خزلوني جربتوو احساس يدعو عليكم؟ جربتو احساس تدمرو عائله وتدمر خطيبك حبيبك هواك انا انسانه وقحه جدا كنت بسمع في كلامهم حاسه اني ف حلم د م حياتي انا هو لا اقصد قلبي اخخكنت بسمع فيهم وخالتي بتقول ليهه امنيه ومنيه عيبهن لي انا للحطه قلبي فااار وحسيت بي وجعو م قدرت اتم باقي كلامهم الجارح ودموعي نزلو بكثره واللحظه حسيت اني تافه شديد في نظرو جريت وم عارفه وصلت البيت كيف طول الطريق ببكي بطريقه هستريه خلاص خسرتوخسرتو خلاص يامن كرهنيبدر جا ولصق لي كف قال لي انتي تافه بجد انا يادوب حسيت ومرق انا لحظتها بقيت م فاهمه دقيقه هو الجبرني اعرسو انا العملتو اني وافقت عشان م اتفضح وم راعيت لي النتايج فكيت التوب وكل شي والاساور كسرتها ف يدي والدم مشا ف الارض كنت بتوجع ولسه بكسر ف الاساور وبقول كلو بسببك ي بنان وببكي بطريقه تجنن دخلت الحمام وبقيت اسرخ بأعلي صوت تقريبا قربت اجن م كنت قادره اشتحنل ثقل قلبي كنت بتذكر كل لحظه مرت علينا انا ويامن م عارفه رقدت ف السرير كيف دموعي كانو جارين
قبل تلات سنين
يامن تمينا كم مع بعض حبيبتي انتي تميتي ٩ سنين ف قلبي وم اعتقد حد يفرقنا قلت ليه يامن انا خايفه النصيب م يكون لينا قال لي هشش واتوتر ساعتها وبقا يهز ف رجلو بعصبيه قال لب انا م بفرط فيك انتي بتحبيني صح؟ قلت ليه يامن انا بموت عشانك قال لي بس خلاص اسكتي قلت ليه يامن بحبك قال لي افتحي فمك وبطلي عشان م اتهور ضحكنا واكلني وبقينا نتونس لمن العشاء جا امنيه جات قالت لينا كفاكم وي يامن نحن عاوزين نشبع من بنان م ممكن الجمعه والسبت كلو مع قال فيها انا الأسبوع ي لطيف بكون متصبر وماسك نفسي منها عشان شغال قلت لي امنيه تعالو اتونسو معانا قالت لي حبااابنا يعني م حتطردونا زي كل مره؟ قلت ليها لا م تخافي 
قالت لي الحمد لله طيب دقيقه انادي الشباب قمت وطلعت البلكونه وبرضو بدون احس وسرحانه جو الشباب وبقينا نتونس منيه قالت لينا اها حتفرحونا متين وتتمو العرس عاين لي ف عيوني بفرح وقال شهرين حاسيهم سنتين ضحكت
قلت ليه المفترض اتحبس بكيت كتير وانا بتذكر ف الذكريات د واقعي المؤلم
حياتي اتغيرت بقيت م بحب اضحك وكل م اذكر يامن ببكي حبنا راح والنصيب فرقنا لا اقصد انا ويامن م لي بعض بسببيي طيب ياربي لو وريتو الحقيقة لا اكيد حيكرهني زياده يوم الخميس كالعاده بنمشي بيتهم ونبيت انا حشوفو فرحانه وخجلانه بس مشتاقه ليهو شديد لبست وقلت لي بدر ارح وصلني قال لي حتشوفيه؟ قلت ليه م عارفه ي بدر قال لي ع الاقل احترميني ك زوج قلت ليه بدر الدخل د ف د شنو انت ليه بتعقد الأمور قال لي انا زاتي محتار مره بحن عليهو ومره بوعا للبعملو ومره بحبك ومره بكرهك ومره بغير ومره.. قلت ليه بس بسس امشي اتعالج عن دكتور لازم حالتك د بتدهورك قام قال لي قدامي قلت ليه تمام ومشيت منه وقفت جمب العربية وبفكر هل حقدر اواجهو؟ قطع تفكيري صوت التلفون رديت قلت لبها يمه انا ف الطريق انتو وصلتو قالت لي اي وصلنا سرعي عشان الغدة قلت ليها طيب يلا وقفلت بدر جا واتحركنا وقفنا جمب سوبر اشتريت بارد واتحركنا ونحن ماشين شفت المطعم الشغال فيه يامن ابتسمت بدون احس وصلنا بدر قال لي انزلي قلت ليه بدر ع عاوزه تاني اتلخبطت قلت ليه انسا دقيت الجرس فتحت لي امنيه سلمت عليها ودخلت قالت لي اتأخرتي قلت ليها معليش حضنتني وبقت تبكي وقتها كنت عاوزه ابكي معاها بس مسكت نفسي قالت لي بتغشي على؟ قلت ليها اغش عليك ف شنو قالت لي انتي عارفه قلت ليها لا قالت لي بعدين طيب قلت ليها حاضر دخلت سلمت عليهم عبد السلام قال لي شنوو يا مزه اتأخرتي قلت ليه اتغديتو ولا شنو كلكم شغالين اتأخرتي ضحك يامن جا ملامحو م بتتفسر وقف قدامي وقال لي د قروش أداها ليك ضغط ع اسنانوو قال راااجلك ساعتها عرفت ان بدر عملها قاصد شلتها منو وقلت ليه شكرا ومشيت قعدت جمب امي جا قعد جمب امو وهي قصادي لمن حسيت قلبي واجعني ختيت راسي ع رجل امي كانو بتونسو اتذكرت لمن يامن قال لي ف اي يوم زعلتي مني ولا زعلتيني امشي السطوح بتلقيني قلت ليه كيف قال لي بس بتلقيني قلت ليه يامن انت بتهظر حتعرف كيف قال لي بحس بيك ي بناني قلت ليه يامن قال لي بحبك دموعي جرو بدون احس وانا بمسح فيهم عاينت قصادي بالغلط لقيت يامن معقد حواجبيهو وبعاين لي نظام بنان بتبكي لي لاحظت لي نفسي طوالي غمضت عيوني امي سمعت امي قالت نحن مسافرين عمره خالتي قالت ليها م تخليني احلف ي مره مشيه بدوني ماف كمان عاوزه تعمري وتحجي براك امي قالت ليها رمضان باقي ليه اسبوعين وانا قلت نمشي نصوم هناك قالت ليها طوالي طيب ارح قمت قلت ليها يمه انتي ماشه وين َتخليني براي قالت لي سجمي بدر بعمل ف شنو بدون احس عاينت لي يامن لقيت عيونو حمره بس بحاول يظهر انو عادي م متأثر قلت ليها يمه انا م بطمن مع بدر والله قلتها كيف م عارفه قلت ليها أقصد م متعوده م متعوده عبد السلام قال لي والقال منو حتصومي ف بيت راجلك اتعودنا نصوم كلنا هنا وخلاص امنيه قالت لي اي ي بنان انا زاتي حنست امي عشان تخليني هنا قلت ليها ممم يامن قال ليهم م تختوها ف حته ضيقه م حتقدر تصوم معاكم وعاوزه تكون مع راجلها قلت ليه بضيق اي حابه اصوم معاهو عشان يبقي رمضان بجد م رد لي امي قالت لي امشي الغده ف المطبخ يامن زاتو جا من الشغل هسي خليه ياكل معاك قلت لبها ياكل براهو مشيت المطبخ غسلت وشي ودموعي جرو غسلتو تاني جاتني امنيه قالت لي خلي يامن ياكل معاك حضنتها قلت ليها م بقدر م بقدر اتحمل وامثل قالت لي حاسه ف ان ف الموضوع لازم تحكي لي بعدين اتنهدت وقلت ليها طيب ختت الاكل وانا سرحانه سمعت صوت يامن قصادي قال لي سرحانه بدر اكل ولا لا كنت عاوزه اقول ليه سرحانه فيك بس م بقدر قلت ليه شايله هم رمضان قال لي رمضان للعباده قلت ليه وهو عبادتي ف قلبي قلت يامن يامن مسك ذراعي وجابني ف وشو بغضب للحظه اتنفست من انفاسو الطالعه بغضب انا والله من الخوف انفاسي د سامعها للحظة فقد اعصابو قال لي عبادتك البتقولي عليها د وجهيها لي ربنا م بدددر وعض اسنانو قلت ليه انت ناسي اني معرسه يلا فكني ضغط ع ذراعي اكتر وعاين لي جوا عيوني قال لي بدررر ي حقيره قلت ليه اههه يدي يامن يدي اه امنيه قالت ليه بدر زح منها م بي الطريقه د وانتي ي بنان م ممكن تزيذي الطين مويه عاين لي ف عيوني وطلع بقيت ماسكه يدي قلت ليها يخ حاره قالت لي انتي عارفه غيرتو ف داعي لجنس د والله حسيتو حيديك كف قلت ليها م تكبي لي اكل م لي نفس ومشيت لي امي قلت لبها اكلت قالت لي تعالي قعدت جمبها قالت لي بتريدي رضاي قلت ليها اكيد قالت لي ف رمضان م بطمن مع بدر تعالى اقعدي هنا مع بنات خالاتك واهو يامن وعبد السلام حارسنك قلت ليها بشرط تدعي لي وهمست ليها ب الدعاء ضحكت قالت لي وسخه قلت ليها احبك قالت لي يلا امشي عندي كلام مع اخواتي قلت ليها
سمح امنيه قالت لي ارح قلت ليها يلا شلت شنطتي ومشينا الغرفه م كان فيها زول عشان البنات طلعو قالت لي قلعي وتعالي بقينا نتونس كتير قالت لي بتتهربي مني ليه قلت ليها لاني عاوزه مكان اهرب ليه قالت لي احكي قلت ليها قبل احب يامن كنت مرتبطة مع بدر وصوري عندو ك حبيبه وكده كنت جاهله شديد و…..
*_-_-_-_-_-_-_-_-_-_-_-_-_-*
*إليك يا من ظنيت انك الامان والان أصبحت الزمان انا الان بكامل عقلي اقول لك انني بدونك اعيش وبوجودك اموت
*
*☆اشوفكم☆*
*☆bnan☆*
————————————–
———————
*☆يتبــــــــــــــــــــــــــــــــــــــــــــع☆☆*
لقراءة الجزء التالي : الجزء الخامس من رواية عالمي
لقراءة الجزء السابق : الجزء الثالث من رواية عالمي
للإطلاع علي فهرس اجزاء الرواية : رواية عالمي ( جميع الاجزاء كاملة ) للكاتبة بنان عماد
جميع حقوق الرواية محفوظة للكاتبة بنان عماد .
