الجزء السادس من رواية الحلال والحرام

حيدر هز راسه : وقالي نعطيك هديه وماتجيش نعطيها قدام الطلبه عيب وطلب انجي لعنده بعد صلاة المغرب

اسلام : شوف انا حانقولك شنو أدير رن الجرس ولما يفتحلك قبل ما تقمعز قوله نبي الحمام ولما تمشي الحمام افتحلي باب الحوش فتحه صغيره بس وانا حانفتح لكن مش توا بعد أنت تخش لعنده وتحكو اشويه انا حانخش

حيدر هز راسه : حاضر وقرب من جهة الباب واسلام قعد وراه السياره شافه خش جوا بعد فتحله الشيخ وقعد يراجي فيه يفتحله فتحه صغيره بفارغ الصبر بعد حوالي 5 دقايق فطن للباب انفتح وقعد مردود ابتسم : برافو عليك يا بطل وقرب بهدوء لعند الباب وخش بهدوء تام بحت في المربوعه الباب مسكر رفع كمامته وحول ساعته حطها في جيبه يوتي في روحه للضرب بعد ثواني فتح باب المربوعه والتليفون في يده صور المشهد يلي شافه : انت احقر عباد الله تاني طفل انشوفك تتصرف معاه نفس التصرف هيا يا حيدر ألبس واجري لحوشكم

الشيخ : انت زودتها لاحقني لعند هنا شنو تسحب روحك

اسلام سكر الفيديو وحط تليفونه في جيبه وبحت فيه وابتسم : انا صعب عليا نحط الثقه في واحد زيك تعرف ليش لان قلبي حاسسني أنك ناوي تغلط مع الأطفال وتلعب علي عقولهم يا ولد الكلب وقرب منه وقعد يضرب فيه رغم ان الشيخ اكبر منه في الأربعينات وهو 27 سنه بس ضربه وكسره تكسير حط ايديه علي رقبته وخنقه ونار شاعله في اعيونه بعد تحولت اللحيه يلي مركبها تهزا عليه : قسما بالله نلقاك مقرب من الملائكه هضوما ما نرحمك حانعطيك اخر فرصه وطلع بسرعه وهو ياخد في نفس اكيد صدقني اني حانعطيه فرصه اخرا ههههه يسحبني غبي مانبيكش تهرب لا اكتر وعدا يجري وقف تاكسي : وصلني لمركز الشرطه بسرعه اول ما وصل حكاه للضابط شنو شاف ووراه الفيديو يلي صور فيه الشيخ سالح ملابس الطفل حيدر انصدم الشرطي خاصة بعد قال

اسلام : مش اول مره نشوفه يدير فيها والله اعلم اذا كان دايرها من قبل ما انشوفه في الحمام وان شاء الله خير

الشرطي : خير ان شاء الله بكرا حانحققو مع الأطفال وشكرا بارك الله فيك توا حانمشو نمسكوه وتعال معانا عشان تورينا الحوش متعه ويلي درته كبير وااجد

اسلام : ولو يا شرطي هضوما أطفال ونحنا ناس نخافو ربي ونعرفو الدين كويس بس يعقوب واحد خسيس

الشرطي : مع الاسف في شيوخ زيه وأشر منه المهم توا نمسكوه بأسرع وقت ودغري عدو للحوش أمتعه رنو الجرس اكتر من مره فتح ولده عمره 15 سنه استغرب لما شاف الشرطه قدامه : وين باتك الشيخ يعقوووب ؟؟

رد : قاعد جوا تعبان في واحد ضربه وكسره تكسير

الشرطي بحت في اسلام يلي نزل راسه دغري ابتسم علي حركة اسلام : هههه برافو عليك صار مكسره علي اساس ضربته وما ضريته لكن ربي يحفظك راجل فعلا

اسلام ابتسم وخشو جوا شافوه بعيونهم يمسح في الدم يلي علي وجه ومش قادر يصبي مسكاته الشرطه واعيونه علي اسلام حاقد عليه : ضحكت عليا وقلتلي اخر فرصه

اسلام : عطيتك فرصه متع الحمام من قبل وخلاص انت خطر عالأطفال مستحيل نخليك تقعد في الجامع الطاهر الشريف انت ماتتحشم علي وجهك شوف روحك حتى ولدك كبير وما تتحشم ولا تخاف ربي حسبي الله ونعم الوكيل فيك كان قلبي حاسنني انك حاتعاودها ودرتهاا

يعقوب رقيتله وعدا مع الشرطه وكان معصب وااجد

اما اسلام عدا صلى في الجامع رغم ان تأخر في صلاته بسبب يلي صار قبل 40 دقيقه بس المهم عنده أن المجرم مسكاته الشرطه وقعدو الأطفال بخير بدون خطر سجد لربي وشكره واجد بعد كمل صلاته شاف باته وراه صبا دغري : باتي انت جيت في حاجه صايره او شنو ؟

الشيخ محمود : لا مافيش بس مستغرب لك ايام تتأخر وتقعد في الجامع لوقت طويل لو في حاجه احكيلي

اسلام : بصراحه ماكنتش حابب نقولك يلي صار قبل مانعطيه فرصه تانيه ولما عطيته ندمني عليها وبداه يحكيله في كل شي صار وان له كم يوم يراقب فييه

باته انصدم : لا حول ولا قوة الا بالله معقوله بس انا فخور فيك طلع سبب وجودك في الجامع عشان اتراقب فيه ربي يحفظك يا وليدي ولا يحرمني منك ودمعو اعيونه : انا فرحان لان ربيتك صح وعلمتك كويس

اسلام مسح دموع باته : صعب عليا انشوف دموعك وأنت قدوتي وكل شي علمتني من طفولتي الصح من الغلط حفظت كتاب ربي من طفولتي وانا فرحان وطاير عقلي وكلام ربي حافظه ومستحيل ننساه وانا مستحيل انشوف الغلط ونسكت عليه هضوما اطفال يا باتي وأمانه كبيره

الشيخ ابتسم : هيا نمشو للحوش أمك تراجي فيك تبي أتقولك موضوع لنا يومين نفكرو فيه استغرب اسلام ومش فاهم شي ولما روحو قمعز حداه امه يلي أبتسمت لما شفاته : دابينك ترجا في ايجابه معناها حكالك باتك ولمحلك ان في موضوع وبصراحه قررنا نخطبولك ونجوزوك انت كبرت توا ونبو انشوفو احفادناا

اسلام سكت ماتوقعش ان الموضوع زواج : والله خوفتوني نسحبه موضوع غير الزواج بس مزال واجد

الشيخ : لا مش مزال انت كبرت وانا تزوجت زمان في اقل من عمرك اسمع الكلام انت متخرج وتشتغل ومش ناقصك شي غير انك تتزوج وأنشوفك عريس قدامي

اسلام صبا : يلي تشوفوه حاضر وباس يد امه وباته وعدا لغرفته وهمس زواج مع ان مش في بالي ابدا بس ابتسم

نور في حوش خالها مع امها وطول الوقت تبكي وحالتها حاله بحتت فيهم : صدقوني يلي كنت ندير فيه غصبا عليا كنت نبي نتزوج بأي طريقه ونطلع من الحوش

خالها مصدوم : عليش تبي تطلعي من الحوش بأستعجال

نور بدموع : مش طايقه انشوف امي كلما انجي انحقها نذكر يلي دراته فيا كانت تتفرج عليه وهو يعذب فياااا فعشان هكي نتهرب من الحوش ونبي نعيش بحريه

امها قعدت تبكي وملك مصدومه كان واضح ان نور معصبه من امها واجد قربت منها وهي تبكي : والله يا بنتي خايفه منه باتك ما يرحم كيف تبيني نوقفه كيف

نور صبت : يعني اتخليه يعذبني عادي انا بنتك حرام عليكي انتي وياه وفوقها تتحسبي عليا وتلومي فياااا شوفي حالتي شنو صار فيا ردي عاجبك تعرضت لأغتصاب من احقر عباد الله بس خديت حقي منه

خالها بحت في فاطمه اخته : زعلتيني واجد معقوله للدرجه هذي خايفه منه وانا موجود ليش ماحكيتي وقلتي انه يعذب فيها للمسكينه نور ويلي حكيتيه ليا انه صعب بس ولما اتجينا كنتي اتجي بروحك زمان لازم نحنا انجوك كلنا عشان انشوفوها نسحبوها زعلانه من طبع باتها بس طلع اكبر من هكي وانا انقول كنها البنت شنو صايرلها بجديات صدمتيني يا فاطمه ربي يسامحك

فاطمه : انا اسفه يا خويا وسامحيني يا بنتي

نور مابتش تبحت فيها : ياما بكيت من طفولتي قدامك ما رحمتيني ابدا لا انتي ولا هو انا تعبت واجد نتمنه انموت ونتريح من العذاب والكابوس يلي عايشه فيه وعدت لغرفة ملك تبكي لحقتها ملك دغري : اهدي الله يربحك يا نور وهذي أمك صح غلطت بس هي امك

نور : لما تحطي روحك مكاني احكي لما اتشوفي باتك يضربك لليل ونهار ويوصلك للجامعه ويتصرف قدام الناس كأنك وحده خايف تغلطي واتنزلي راسه كانو كل الطلبه يبحتو فيا بسببه كنت وحيده ولا عندي اي صديقه ولا شي كلهم يتهربو مني وكأني جرثومه نطلع من محاضرات نلقاه يراجي فيا اول ما يشوفني يكرني بعنف ويوصلني للحوش يدفني دف بعد نخشو جوا وما يخليش فيا نتريح بكل بعد الغداء دغري يقولي اقري ولو شافني رقدت يضربني ولو شافني نتفرج عالتليفزيون يقتلني قتل كان كابوس في حياتي فرحت لما مات والله فرحت تريحت واجد وقعدت تبكي وحالتها حاله جاتها ملك وحضنتها وقعدت تبكي معاهاا ونور بعد خلاص تعبت رقدت وكانت واصله حدها وملك مسكت التليفون واتصلت علي لجين تبي تطمن علي مايا عاودت الاتصال مرتين اخرا ردت بصوت ناعس : ايوا اهلين ملك

ملك : اسفه نوضتك ماتوقعتش تكوني راقده توا

لجين : من امبدري راقده كنت تعبانه ولا يهمك

ملك : باهي طمنيني علي اختك مايا جات او لا

لجين بحتت فيها لقتها راقده تنهدت : اها جات امبدري

ملك : حكتلك حاجه ووين عدت مثلا وشنو دارت

لجين : مانعرفش قتلها راجيتك ساعات وماعش تقربي مني ورقدت هي زعلت بعد قلت هكي شفت لأول مره دموعها بس خليتها بروحها قلت يمكن تعقل اشويه

ملك : ان شاء الله خير وديما طمنيني عليها تمام

لجين : معقوله تهمك بعد يلي دراته فيك وضرباتك كف قدام البنات لو مايا مكانك كانت كرهاتك وحقدت عليك

ملك : انا غير ويلي صار قبل نسيته يلي يهمني انها تكون بخير وبعيده عن اي حد يحاول يضرهاا قلبي مش مطمن

لجين : ان شاء الله خير وشكرا واجد ربي يحفظك

ملك : ويحفظك وماعش تشكريني ديري بالك علي روحك

لجين : حاضر تسلمي وبعد سكرت من ملك صبت وصلت المغرب يلي فاتها واذن العشاء سمعاته توا صلاته دغري واستغفرت ربي واجد وكانت ندمانه ندم شديد شافت مايا ناضت وبحتت فيها طلعت وخلتها ماتبيش مايا تفتح معاها موضوع القرب مره تانيه وفي اليوم التاني استغربت هي ومايا ان باتهم يبي يوصلهم للجامعه اول مره يديرها وكل اشويه يبحت في مايا يلي عرفت من نضراته لها ان عنده العلم عن طريق امهاا تهزت وخشو للجامعه هي مابتش تحضر المحاضره عكس لجين حضرتها ولقت هشام جوا ابتسمت بعد ابتسملها وقمعزت وبالها مع اختها يلي تحت قاعده ومابتش تركب معاهاا

مايا ترجا في ايلاف تنزل من المحاضره بعد جاتها اشرتلها اتجي : شيليني لحوش مروه وخالد نبي نقعد عندهم

ايلاف انصدمت : شنو قلتي تبي تهربي من عيلتك ؟؟؟

مايا : قتلك شيليني راه نمشي بروحي وتوا اخرااا

ايلاف : لا خلاص توا نوصلك وطلعت مفتاح سيارتها وعدت ولعتها ومايا لحقتها وطول الوقت ساكته وصلتها ايلاف للحوش ونزلت معاها اول ما شافتها مروه ابتسمت وسلمت عليها : كنت متأكده انك حاتجي مره تانيه

مايا : علي طول حانقعد عندك لو موافقه طبعااا

مروه : اكيد موافقه وحاتونسيني واجد تفضلي

ايلاف : حانمشي انا امي مريضه نبي انشوفهاا

مروه : لا باس عليها وامشي وشكرا علي مايااا

ايلاف : ولو وانا عرفتك عليها لانها اسحاقيه زينا

مروه ابتسمت : باهي امشي وانا حابه نحكي معاها

عدت ايلاف ومروه قمعزت جنب مايا : كيف حالك

مايا : يعني ماشي الحال وانتي شنو امورك متريحه

مروه : طبعا وحانقولك اني هربت من حوش عيلتي مش عارفه ان ايلاف حكتلك او لا بس انا حانقولك في الأخير شنو نبي في الحبس يلي كنت فيه وخويا واعر واجد هربت وخليتها لهم ولولا خالد كنت في شارع قعدت بس انتي ليش هربتي ممكن نعرف يعني انتي صغيره واجد

مايا : قعدتي في الحوش غامه عليا مانبيش نقعد اكتر من هكي خاصة ان اختي ما تبيني نقرب منهااا اخراا

مروه : يعني انتي كنتي مع اختك هههه حلوووو

مايا : بس هي غبيه ياما علمتها بس غبيه والله

مروه : معناها انتي شاطره وريني شطارتك وغمزتلهاا

مايا ضحكت : طبعا حاتشوفي شطارتي ومش حاتندمي

مروه ابتسمت وفرحانه بوجود مايا معاها وطاير عقلهااا

بعد مرور ساعات طويله عيلتها مشغوله واجد تليفونها مقفل ولجين تبكي لان ما لقتها في الجامعه قعدو يدورو عليها كلهم حتى ايلاف سألوها وقالت انها ماتعرفش زي ما وصتها مايا بالضبط مع الأسف ما لقوها وكلهم منهارين حتى ملك وصديقاتها زارو لجين يلي تبكي وخايفه علي اختها خوف لا يوصف : والله خايفه عليها وين عدت

نرجس : ربي يحميها ان شاء الله اترد اطمني وماتبكيش

ملك : لا حول ولا قوة الا بالله هروب مايا كان صدمه علينا كلنا وان شاء الله ما يصيرلها شي ما تخافيش

لجين تبكي وحتى امها منهاره في غرفتها ويوسف يهدي فيها وهما يسحبوها هربت عشان قصة شوفتها لهم

في جار يتفرج مع البلكوني كل يوم وكان ايشوف في الحوش متع خالد يلي معروف وغني بكل ان حوشه في بنات يحق فيهم عرف انهم مش تمام بكل بلغ الشرطه فيهم ماقدرش يتحمل يشوف المهزله هذي قدامه وجات الشرطه بعد وقت ومسكت خالد و3 بنات جوا كانو معاه

والشرطه مصدومه من الكوارث يلي يلقو فيهم لهم ايام خاصة ان مراد ونادر أعترفو من ايام ان الحوش السري مش متعهم وصاحبه الحيشان اسمه خالد مايعرفوش الكنيه امتعه هضا سبب تأخيرهم في مسكته ولما شافوه الشباب عرفوه دغري وعرفت الشرطه ان هضا اسمه خالد يونس يلي لقوه معاه 3 بنات مروه وايلاف ومايا يلي تبكي وحالتها حاله وخالد رقيتله واجد وتعقد عشان مسكوه وبلغ ناس يعرفهم يبيهم يطلعوه بس مافيش فايده ولا قدرو يطلعوه لان الحيشان ملكه وبأسمه

مايا كانت خايفه واجد اتصلت بتليفون الشرطه بباتها وهي ترعش وحالتها حاله : انا في مركز الشرطه

باتها انصدم : شنو قلتي وليش شنو في عليش تبكي

مايا : ارجوك تعال انا مانبيش نقعد هنا تعال خايفه

باتها طلع يجري والخوف يجري في دمه وكانت صدمة عمره لما عرف يلي سمعه من الشرطي قمعز وهو مصدوم وحالته حاله : نحنا اسفين لازم يقعدو فتره عندنا وعشان نديرولهم فحص شامل وتحاليل عشان الأمراض يا عمي لان من قبل مسكنا شله ونبو نديرولهم تحاليل مع بنتك والبنتين والشاب يلي معاهم هو صاحب الشله هذي كلهاا

نزل راسه يوسف واعيونه حمر : باهي ممكن انشوفها توا

رد : طبعا بس عالسريع مانقدرش نطلعها لا هي ولا غيرها قبل التحاليل وضروري منهم هز راسه وخلوه يشوفها لقاها تبكي بحت فيها : معقوله يا مايا نسمع يلي سمعته معقوله تغلطي هالغلطه وتعيشي مع ناس زي هضومااا

مايا قعدت تبكي ونزلت راسها : غصبا عليا والله غصب

يوسف : غصبا عليك اديري هكي انتي نزلتي راسي شله معفنه مسكوك معاهم وانا ليا فتره ندور عليك في الاخير الشرطه يلي قتلهم بنتي مختفيه تنمسك مع شله وسخه

مايا تبكي وماقدرتش اتقول حرف واحد ولا هو قدر يحكي اخرا دموعه شلال وماقدرش حتى يمد ايده عليها طلع وسيبهااا وبعد حوالي 20 يوم دارولهم التحاليل وكان ضروري جدا من مرور هالأيام عالتحليل عشان لو في حاجه اتبان بدو في نادر وفتحي ومراد والبنات يلي معاهم وبعدها في رئيسهم خالد والبنات كانو يرجو في النتيجه بفارغ الصبر وخايفات هما والشباب الاربعه

بعد ساعات خش الدكتور وبحت في الشباب : فتحي نجم صبا فتحي وكان خايف بكل وبحت فيه : انا فتحي نجم

دكتور : ربي يشفيك انت مريض الأيدز انصدم والدكتور كمل كلامه : ومش انت بس حتى خالد ومراد ونيس

نادر صبا وهو يرعش : وانا مريض طمني يا دكتور ؟؟

دكتور شاف تحليله : لا انت مش مريض اكيده لابس واقي صح هز راسه : اها صح لابس واقي ونزلو دموعه

دكتور : يلي كنتو اديرو فيه غلط كبير شوفو شنو وصلكم مرض الايدز مش ساهل مع الاسف وطلع سيبهم وخش عالبنات ال7 وبحزن : انتن ال7 مع الاسف مصابات بفيروس الايدز ربي يهديكم ويصلح حالكم بالشفاء

كلهم مصدومات الا مايا بدت تبكي وحالتها حاله

وصل الخبر لكل فرد لعيلته انصدم يوسف وزوجته وحتى لجين يلي زادت انهارت وعدت تجري لعند امها : انا نبي ندير تحليل قوليلهم يديرولي تحليل ايدز وتوا اخراا

امها وباتها انصدمو خاصة بعد حكتلهم كل شي مع اختها

كانت صدمه تانيه وتالثه عليهم شالها ودرلها تحليل ايدز وبعد طلعت النتيجه طاح علي ركبيه وقعد يبكي بقهر

لجين انصدمت : انا مريضه معقوله يا بابا بحت فيا انا ومايا مرضنا منه بس هي السبب خلتني نغلط معاها وخلت هالمرض يجينا هي خلتني نغلط معااهااا

يوسف يبكي وحالته حاله اما لجين صارلها انهيار عصبي شالوها للمستشفى دغري علمتها امها وزادت انهارت علي بناتها وانصدمت ان اختها ونيسه منهاره علي ولدها فتحي حتى هو مريض الأيدز هالمرض وسخ خاصة لما عرفو كل حد وين مسكوه ومع من كان لما مسكاته الشرطه هالمرض عار كبير العيله كلها منزله راسها ولا قادره ترفعه لكن نجم والد فتحي تبرا منه ومابش يشوفه ولا يحكي معاه ولا شي عكس الام يلي تبكي وزعلانه واجد علي ولدها وبنات اختها ال2 بعد ايام هداه الوضع اشويه قرب يوسف من الدكتور وبحزن : مافيش علاج للمرض هضا لان في ناس واجد تموت منه

دكتور شفق عليه : والله يا عمي المرض هضا مش ساهل وأنت عارف شنو معنى ايدز بس ننصحك تشيل بناتك لدوله من الدول الأجنبيه عندهم علاج للمرض هضا ألحق عليهم بدري قبل ما تسوء حالتهم ويموتن مع بعضهم اهم شي خود معاك يلي فوقك وتحتك مبلغ كبير عشان الأباري يلي حايخدوهم ربي يشفيهم لك يا عمي وحانقولك شنو ياكلو ويشربو واليوم تقدر تروح بيهم للحوش وعطاه ورقه وشير عليها : هدينا أطعمه ومشاريب صحيه لبناتك اقراهم اكويس وعداا

قمعز يوسف وحيله مهدود قعد يقرا ودموعه شلال

الأطعمه الصحيه لمحاربة الأيدز يجب عالمريض تناولهااا جميعها بشكل يومي : 1 – الفواكه والخضروات 2 – السوائل 3 – البروتين 4 – فيتامين أ مثل – منتجات الألبان خاصةً الحليب والجبن والزبادي – الحبوب الكامله

5 – الكافيين 6 – الجزر – البطاطا الحلوة 7 – الألياف

تلعب الألياف دورًا كبيرًا في تعزيز صحة الجهاز الهضمي والقلب عند مرضى الإيدز ، وبخلاف الخضروات والفواكه ، يعتبر القمح والشوفان والعدس من أبرز الأطعمة الغنية بها

والأطعمه الممنوعه علي مريض الأيدز مثل السكريات والأطعمه الدسمه والأكل الجاهز ممنوع جدا عليهم

لذلك يتعين على مرضى الإيدز التركيز على الدهون الصحية الموجوده بالأسماك الدهنية والمكسرات والزيوت الطبيعية والأفوكادو ومرض الأيدز عباره عن دم ملوث ينتقل من اي شي يلامس الأنسان والأكتر هي العلاقات بين الرجال لبعضهم والٱناث لبعضهم والزنى بين الرجل والٱنثى ولا يجب أستعمال ادوات المريض لكي لا يعدي شخص اخر ولا يتبرع بدمه الملوث لشخص نضيف

قعد يبكي وبحت فيهم بعد جابوهم لعنده : هيا نمشو للحوش وبأذن الله مش حانخليكم ولا نحطكم في مصحه هنا لان اكيد مش حاتعيشن الصحه هنا بلهون وانا صعب عليا نخسركم نوعدكم يا بناتي حاندير المستحيل حتى لو بعت الكلوه امتعي حانسفركم برا وندير كل شي عشانكم حضناته لجين تبكي وترعش ومايا تبحت فيهم ودموعها شلال بصعوبه قربت منهم وحضنت باتها يلي يبكي وبكوه معاه وروحو للحوش بحت فيهم وبحزن عليهم قال : تريحن توا وانا حانمشي للسوق نجيب حاجات وصاني عليهم الدكتور ولازم تكالوهم تمام وبعد نحجز نعدو باهي ويمكن في امريكا حانمشو ما تخافوش حانبيع كل شي سيارتي وكل حاجه عشانكم وانا اسف يا مايا سامحيني وطلع ودموعه شلال صبت الام من سريرها وشافتهم وصلو قعدت تبحت فيهم وحالتها حاله كانت سيئه بكل لان بناتها الاتنين مصابات بفيروس الايدز

بحتت فيها لجين وعدتلها تبكي : مانبيش انموت

مايا نزلت راسها تتهرب تبحت في اختها يلي ضرتها بالغلط يلي كانت ادير فيه معاها نزلو دموعها بوجع وقعدت تضرب في وجها كفوف : ايدز ايدز معقوله ايدز مش قادره نستوعب مانبيش نموت ولا نبي اختي تموت لو حانموت من المرض هضا نمشي نقتل روحي اهون وعدت تجري للكوجينه لحقتها لجين وكرت الموس منها بكل قوتها : لالا ما تقتليش روحك لا يا اختي حرام عليك بدل ما تغلطي اخرا اطلبي من ربي يسامحك تبي تموتي كافره حرام عليكي وبعدين بابا وعدنا توا وقال حانعيشو صح اطمني وتفائلي خليك قويه عشاني بليز

مايا بحتت فيها : انا ضريتك وبسببي انتي هكي وبحتت في امها يلي قالت : وبسببي انا وباتكم انتو هكي انا اسفه يا مايا سامحيني وقعدت تبكي وحالتها حاله قربت مايا منها ومسحت دموع امها وحالتها توجع بكل حضنتها وقعدت تبكي في حضن امها وترعش : مانبيش نموت

امها : نفديك بروحي يا بنتي مش حاتموتي اهدي خلاص

نور بعد علمت من مركز الشرطه بالمرض هضا دارولها تحليل وخايفه خوف لا يوصف بحتت في هيثم يلي جاه وكأن يراقب فيها لان نور عدت لحوشهم هي وامها وعاشو فيه زي قبل وتغيرت واجد من لبس وكل شي قعدت تبحت فيه وساكته قرب بخطواته لعندها قدام خالها مفتاح وبهدوء وحب : لو مهما كانت النتيجه سوا ايجابيه او سلبيه انا معاك حتى لو مريضه حانتزوجك

نور مصدومه وخالها مستغرب من هالشاب اول مره يشوفه بحت فيها ولقاها تبحت فيه بنضارات طويله وهاديه حس انها تعرفه وفي حاجه بينهم بس هو ما عدلش عالموضوع هضا لان خايف عليها من المرض كان يفكر في مرض الايدز لو هي مصابه حاتدمر نفسيتها اكتر من الأول تنهد وجات عينه عالدكتور قرب منهم وورقة التحليل في يده وبحت فيها : نور محمد !!!!

هيثم بحت فيها دغري و !!!

يتبع …….

لقراءة الجزء التالي : الجزء السابع من رواية الحلال والحرام

لقراءة الجزء السابق : الجزء الخامس من رواية الحلال والحرام

للإطلاع علي فهرس اجزاء الرواية : جميع روابط اجزاء رواية الحلال والحرام للكاتبة سلطانة كوكي

جميع الحقوق محفوظة للكاتبة سلطانة كوكي