وفي الجزء السادس من رواية زوجة المغترب دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة بيروحاء.
الجزء السادس من رواية زوجة المغترب
مزمل قال وهو هايج يا وائل دا شنو ال بتعمل فيو دا؟؟ داخل وبدون تتفاهم هايج؟؟
وائل ما رد عليو.. ال شئ ال خلا مزمل يزعل زياده..
وبكل هدوء وائل مسك رغد من يدها وساقها..
مزمل لحقهم وفك يدينهم من بعض.. وقال انا بتكلم معاك بالمناسبه؟؟
مزمل زح من وشي.. ما فاضي ليك..
رد عليو بعد زح شويه امشي.. الطريق بتعرفو صح؟؟
يلا يا رغد..
رغد ما ماشه معاك.. ما مضطره انها تعيش مع مرييض..
ح تقعد هنا مع فطومه لحدي ما تروق وترجع زول تفاهم..
بنهره قال يلا يارغد..
بس رغد اتدست ورا ضهر مزمل ودموعها نازله بدون صوت..
مزمل قال ليو شفت! ما عايزة تمشي معاك..
وائل عاين ليها مسافهه بعدين ضرب الباب بي يدوو.. لمن حسينا بيهو اتكسرر وطلع..
…………………..
بقيت ما فاهمه وائل.. يعني الصباح بكون كويس معاي وبهظرر.. وآخر اليوم يكورك فيني وينهرني قدام الناس!
وعملت شنو عشان دا كلو؟؟ قبضني في بيت دعاره هو؟؟
اتضايقت منو شديد وفي نفس الوقت كنت خايفه.. ولمن لقيت مزمل في صفي.. رفضت ارجع معاوو..
عارفه ومتأكده انو خلاني بأرادتوو.. لأنو لو كان مصصر انو يسوقني.. كان ساقني غصباا عن الكل..
لقيت مزمل بقبل علي وبقول .. ما تخافي مشاا.. ادخلي مع فطومه وانا بمشي بجيكم بكره من الدغش..
هزيت ليوو رأسي ومشيت مع فطومه..
كنت بفكر في منظر وائل وهو هايجج.. ياربي بكون فهم شنو؟؟ قلت ل فطومه.. انا راجعه بيتي
..
نططت عيونا وقالت لي ليه؟؟
قلت ليها ما ينفع ابيت بره بيتنا.. واخلي راجلي براهو
قالت لي بسس..
قاطعتها ما بسس.. يلا تصبحي على خيررر
وصلتني واصلا بابنا قصاد بابهم.. ورجعت بيتهم..
………………….
ما كانو بعملو شئ ايي.. بس شوفتها واقفه جمبوو وبراهم في المطبخ.. شعلت فيني نارر.. حسيت نفسي ما قادر اتنفس.. وكنت زعلان لدرجه ما شايف قدامي..
يمكن ما كان لازم أصرخ عليها قدامهم بس لما اعصب ما بعرف امسك نفسي
حسيت بي خبيط بسيطط شديد في الباب.. لدرجه ما بتسمع الا تركز شدديدد..
مشيت وقعدت تحت الباب مباشره .. وبقيت ساكت..
سمعتها وهي بتقول.. اسفه ٤٥ اسفه ٤٦ اسفه ٤٧ ..
ما اتكلمت وفضلت ساكت وسامع فيها لمن قالت اسفه ٩٨ اسفه ١٠٠
قلت ليها وين ٩٩؟؟
قالت لي يعني قاععدد! ليه بتعذبني كده
قلت ليها وانتي ما بتعذبيني يا رغد؟
فتحت الباب وشفتها قاعده نفس الوضعيه ال كنت قاعدها
وقفت ع حيلها وقالت لي اسفه والله بس ما عملت شي انا كنت واقفه شغاله وهو كان بساعدني بس
قلت ليها عارف.. بس غرت عليك اكذب؟
عاينت لي وهي ساكته.. وحصلت لحظهه صمت..
قطعتها وقلت ليها خشي..
قالت لي بالمناسبهه خطوبهه فطومه بعد بكره.. فضي نفسك من حسيي عشان ح تجيي معاي..
قلت ليها اشووف.. قالت لي لا ما تشووف ح تجييي..
…………………..
مواقف كتيره اثبتت لي اني حبيتها.. زي فرحتي مثلا بوجودها في بيتنااا.. فرحتي بشوفها بتضحكك.. وفرحتي الاكبر لمن جات وقفت وراي عشان احميها منوو..
انتو فاهمين انها شايفاني امان بالنسبه ليها!
كنت مبسوط شدديد وانا بتذكرر وراقد جمب صحبيي ال بحضر في التلفزيون
..وقررت اني في اقرب فرصه اعترف ليهاا.. ولوو اني حاسي انو هي برضووو!
“ويقال ان تفكيرك بحب من يحبك في حد ذاته حب”
صحاني صحبي حوالي الساعهه سته ونص ..
يا زول في شنوو؟؟
بقوم شوف شغلك.. قلت ليوو مؤجزز ياخ خليناا ننوم..
نمتت لحدي زي عشره ونص لأني بجد كنت مرهق بعداك اتحركت على البيت..
وقفت قدام الباب برتب في روحي واهئ نفسي نفسياا لي شوفتها من الصباح كده
بس الحصل اني بعد دخلت فطومه قالت لي رجعت..
اخدت صنهه وقلت ليها متين صحت هي عشان ترجع؟؟
قالت لي لا رجعت امبارح بعد مشيت انت بشويهه..
قدر ما دورتها في مخي ما لقيت ليها سبب..
ليه؟؟ مش كانت خايفه ورافضه ترجع؟؟ حصل شنو؟ ولا انا كنت بتخيل؟؟
قطعت تفكيري وقالت لي مزمل وضاح جاي بكره طوالي..
قلت ليها اا اي متذكرر متذكر..
قالت لي بذكرك بس عشان بعدين ما تتحجج لي بأنك نسيت
………………………..
عدوو اليومين وويوم خطوبه فطومه جاء
البيت ما كان مليان شدديد لأنو اغلب اهلهم في السودان وكده بس برغم من كده الاجواء كانت حلوه..
وضاح كان طوييل اسمراني كده..ولايق على فطومهه شديد وحلوين سوا
من ضمن الناس ال كانت موجوه في اليوم دا ..تقى بت خاله فطومه.. وكانت لاصقهه في مزمل لصقهه كده كعبه
مع انو ما عندي دخل بس كنت متضايقه.. اتجاهلت الشعور دا وكملت اشتغل معاهم..
لماا الخطوبه انتهت وبدينا نرجع اي شئ محلوو..
كنا في الممطبخ لمن فطومه قالت لي خلاص يا رغد ارجعي بعدا الوقت اتأخر..
قبل ارد .. ردت تقى وقالت اي نحن بنكمل.. اصلا الباقي م كتير .. وكده كده مساهره مع مزمل بخلصصوو.. ما تتعبي نفسك ما قصرتي
اتضايقت منها شدديد وبدون اعاين ليها او اتكلم طلعت رجعت بيتنااا..
اليوم داك كنت مساهره لحدي ١٢ تقريباا قلبي مأكلني..
ومستغربهه في نفسي ليه كده؟؟ شعور ما بحس بيوو مع راجلي هو انا ممكن احب زول غير راجلي؟؟
بعد التفكير عمل حفله في رأسي نمتت..
“ماذا لو ان الحبيب شخص والنصيب آخر؟
يتبع …….
لقراءة الجزء التالي : الجزء السابع من رواية زوجة المغترب
لقراءة الجزء السابق : الجزء الخامس من رواية زوجة المغترب
للإطلاع علي فهرس أجزاء الرواية : جميع روابط اجزاء رواية زوجة المغترب للكاتبة بيروحاء
جميع الحقوق محفوظة للكاتبة بيروحاء .
