وفي الجزء السادس من رواية سر سعادتي دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة لوزة .
الجزء السادس من رواية سر سعادتي
مسرة قالقة ف الحوش وتشوف لساعة خيرهم ماروحوش هادو..
شرين الحوش مشت تجري تفتح
مسرة:هوا انتي
عفاف:ايه انا… ماك ماترديش ع تلفونك طبيت عليك وخﻻص هادي مرواحتي من مختبر
مسرة:والله مامتحملة حاجة منعزلة عن العالم امي مريضة هلبا وقالقة عليها كان تشوفيها اتسخف والله امس ف ليل نبكي
عفاف:وخيركم ماعاينتوهاش
مسرة:ماتحبش مستشفيات توا طلعها حازم بالسيف..
عفاف:ان شاء الله خير…شن جو يوسف
مسرة:والله مانندري عليه مسكين يتصل حتى رصيد مافيش بش نبعثله مسج لهيت ف امي و الضي زايدها يهرب ب16 ساعة نقال اغلب وقت مقفل
عفاف:معليشي يوسف متفهم ويﻻ فرصة بش تتغلي عليه ههههه يﻻ خلي نروح توا باي
مسرة:باي
رويدة تسحن وتبي تتصل ب مسرة وماتبيش تتصل من رقمها فجتها فكرة اتصلت ب سكينة
رويدة :الو سكينة انتي وين
سكينة:ف حوش بوي كيف وصلت رويدة:خوك قاعد؟
سكينة:ايه قاعد..
رويدة:قوليله ايجيني توا ضروري واﻻ نقولك خليها الصبح وقت يوسف ف العمل
سكينة :عﻻش…ماتقوليش بطينيها وتقوليله ع يوسف
رويدة:غير قوليله وخﻻص هيا باي
تم يوسف دوامه وسارح يفكر زعما نمشيلها جيهة حوشهم ..اممم بس والله مش صغير ع الحركات هادي شن بيكون موقفي وانا واقف قدام حوشهم … ﻻﻻ فكني خير مانديرلها مشكلة …خل نمشي ل احمد وخﻻص
….
روح حازم هوا وامه من مستشفى
خشت خ فتحية لدارها بش ترتاح
حازم ل مسرة: مسرة غدوة عملية امك وتيلها حاجاتها
مسرة:عملية شنو وعﻻش هكي طبق
حازم:قالنا دكتور ﻻزم ف اسرع وقت اليوم بيشدوها ف مستشفى مابتش المهم وتي حتى حاجاتك بتباتي معاها غادي
مسرة تبكي:ان شاء الله
مسحت دموعها وخشت ﻻمها
مسرة :ماما حتولي كويسة وان شاء الله ربي يحفظك من كل شر يارب
خ فتحية:ان شاء الله..والله يابنيتي مانحب العمليات خلوني هكي العمر
واحد كان بنموت نموت وخﻻص من غير تمطريز اﻻطباء
مسرة بتبكي:ماما معش تقولي هكي ان شاء الله تنجح العملية
وصل يوسف محل احمد خش يوسف:مبارك عليك المزيودة يا حميدة
احمد:الله يبارك فيك
يوسف:سامحني بنجيب هدية مافضيتش ..
احمد:وﻻ ايهمك احبيبي انت كلك هدية
يوسف:تسلم…موجوع يااحمد موووجووع ياريتني ماكلمتها من بداية ..عارف روحي نكبد هكي واهو بننجرح الباين
احمد:بالك من حبها ليك حترضى بيك انك متجوز ﻻش تسبق ف اﻻحداث
يوسف تنهد :ااااه والله ماني عارف غير نتكلمو احنا بش حتى ترضى واﻻ ماترضاش ان شاء الله تفهمني بس نبي نرتاح شقيت هلبا في حياتي مانبيهاش تحط ف بالها اني كدبت عليها اني نلعب بيها ﻻﻻ نبيها تفهمني ان درت هكي خوفا من خسرانها تخيل تسكر عليا الخط وديرني ضحكت عليها؟؟برغم ان ماعمري ضحكت ع بنت…يخي قبل زواجي اونه كنت نحب واحدة ولعبت بيا بس مافكرتش ننتقم من بنات زي مايديرو الشباب اضحك ع هادي والعب ع هادي بش تنساها
احمد:تي ياسر يايوسف حزيتلي خاطري تدوي وتجاوب ع روحك عارفك انا ماتلعبش شنو تو بتحكيلي عليك عشرة عمر راه…
وكملو نقاشهم وهدرزو وتغدو وطول اليوم يوسف ماروحش للحوش..
ومشي اليوم عادي ع الكل باسثناء رويدة ههههه تسحن ع يوسف وليل الليل ومن اول مايوسف خش الحوش مع ساعة 12 ف ليل قعمزت رويدة ع الكنبة وحطت رجل ع رجل وقتله :باهي اللي اتفكرت ان عندك حوش تروحله ومراة تستنى فيك
يوسف:الله يرحم والديك رويدة ماناقصك تره مشي الليلة ع خير
رويدة:شنو شوره خلوقك ضايقات ماكلموكش اليوم الباين
يوسف قرب منها وطبس عليها وجها ل وجه وقالها:ممكن ولو مرة ماديريش نشاف هاه ممكن؟ وتبطلي اﻻسلوب المستفز اللي تحكي بيه معاي؟ راسي مصدع ومش ناقص
رويدة:باهي باه برا ارقد تو يولي راسك كويس
مشي يوسف ورويدة اتمتم تو يبانلك انت وياها كان ماقلبتهاش عليكم مانبداش رويدة بنت حليمة..
ومع الصبحية ..بالتحديد 7 صباحا
مسرة ل امها:هيا ماما فيقي وتيت كل شي شوي تاني حازم بياخدنا للمستشفى..
خ فتحية:هي ان شاء الله…نصلي صبح بس
فاق يوسف متاخر وعالسريع شاف اموره وطلع للمستشفى وقع دخول واتصل ب مسرة
ردت عليه وهيا خانقتها العبرة ﻻن عملية امها قريب:اهلين يوسف
يوسف:اهلين وينك ليك 3 ايام
مسرة:تو نهدرزو بعدين.. حازم ينادي
يوسف:غير اسمعي كلميني ضروري نبيك ف موضوع مهم وان شاء الله تفهميني بس
مسرة:اوكي باي باي
سكر يوسف وراسه يضرب خماس ف سداس ومتجه للمكتب
جاه دكتور اسعد:صباح الخير د يوسف
يوسف:صباح النور نهارك سعيد
اسعد:د يوسف عندك عمليات معاي اليوم ومع منير بحكم باقي الدكاترة يسكنو ف مناطق اﻻشتباكات..
يوسف:ان شاء الله …اول عملية ساعة كم
اسعد:اﻻولى عالساعة 8 والتانية 10 والباقي نسيته شوف جدول عمليات وتقارير تلقاهم ع مكتبك
يوسف:اوكي تمام
خش يوسف لمكتبه
بدل مﻻبسه ولبس ينويفورم مستشفى واطلع ع جدول العمليات والتقارير اﻻطباء اللي بياخد عملياتهم واﻻدوية اللي وصفوهالهم من قبل العملية ..
واتجه فورا للعملية اﻻولى
وصلت عيلة مسرة للمستشفى
حازم :هيا مسرة ساعدي امك
مسرة:هي هي
حازم:اسبقوني ع الريسبشن .. خلي ناخد ساكو من كوفيني بس
خشت مسرة وامها للمستشفى وقعمزو ف الانتظار
شوي وجي حازم
وقالهم :هيا الريسبشن بعتونا لحجرة الكشف…
حطهم ف حجرة وقالهم حتلقوني برا وقت تبدى عملية حنجيكم
ومن هون لهون جتهم ممرضة وقالت :الحاجة فتحية
مسرة:احنا
ممرضة:هيا بننقلوها لحجرة العمليات
جي حازم ونقلو امهم غرفة العمليات وقعدو يستنو برا قدام الغرفة
في حوش رويدة ..جاها خوها وبتنفذ مخططها خدت نقال خوها خشت لدارها وخدت نقالها بش ادور رقم مسرة رويدة تمتم ياودي شن سجلته الرقم باسم منو زعما سكينة 2 تره
منير و يوسف جايين يدرجو يهدرزو ويضحكو
مسرة حست ان فيه صوت مش غريب عليها ابتسمت وتلفتت وتجي عينها ف عين يوسف… o_O
يوسف تفركس :-V
ومسرة انصدمت 
ومعش فهمت شي
يوسف وقف مكانه
منير ل يوسف :خيرك وقفت وئ تي
خيرك اتصندلت توا كنت تضحك..
يوسف يفكر بيكلمها بس حس ان اللي معاها خوها .. منير دف يوسف لحجرة العمليات
مسرة خانقتها العبرة وعينها دمعت
ومصدومة معش فهمت شي
وتقول فبالها عﻻش ﻻبس لبسة دكتور ؟وعﻻش خش ف غرفة عمليات عند امي ؟
..وبينما هيا تتسأل نقالها بدي يشرين و…
كيف بتكون المواجهة بين يوسف&مسرة..
يتبع…….
لقراءة الجزء التالي : الجزء السابع من رواية سر سعادتي
لقراءة الجزء السابق : الجزء الخامس من رواية سر سعادتي
للإطلاع علي فهرس اجزاء الرواية : رواية سر سعادتي ( جميع الأجزاء كاملة ) للكاتبة لوزة
جميع الحقوق محفوظة للكاتبة لوزة .
