الجزء السادس من رواية قلب صخر

خشش صخرر قريب يتفجررر مييسم امممي

مؤيد: اقرو الفاتحه هي

ميسم: بخوف ن ن نعم صخر

رحمه:

صخر قعد واشر على الشغاله بمعنى اطلعي

صخر: ممكن تفهميني شن لي قاعد يصيرر

رحمه: علمي علمك وحنا شن عرفنا انها بتهرب

صخر: كله منك انت والسوسه بنتك نزلتي من مستواي ومشنا دورناها وهيااا شن دارت هرربت

رحمه:اا

قاطعها صخر… هدي اااخر مرره اخر مره نسمع منك ونمشي معاك ع اساس ماشيه تخطبيلي

مؤيد: يتشمت وف الاخيرر هربت

صخر شبخ فيه بنضره تخوف

رحمه:حصل خير

صخر: ماسك تلفونه ويدور ف رقك منين بيجيهم الخير استني بسس

……: ايوا

صخر:شن صار ف الموضوع

…..: كل شي تمام يامعلم

صخر: صكر ف وجهه

ميسم : يستر الله

رحمه: هوا الستار

مؤيد جاه اتصال من عليا ناض وطلع للحديقه الخلفيه

عليا: حبيي

مؤيد: عيونه

عليا: تبكي

مؤيد: يشرب ف القوه لاباس خيرك شن في

عليا: بكره الصبح مسافرين

مؤيد: شنوو كييف وليش

عليا: مانعرفش خوي قاللنا نجهزو رواحنا بكرا بنسافرو بسبب خوك

مؤيد:تي الن…. من وين طلعتلنا ه القصه توا لي فهمته من كلامك انك بتسافري

عليا: انا نحبك مؤيد ومانقدرش نبعد

مؤيد: قعد ع الكرسي وشاف لساعه انتي تحبيني ولا

عليا: شن ه السؤال

مؤيد: اسمعيني

عليا: نعم

مؤيد………..

___♡____زهره الشيخ____♡____.

حلا نضت من النوم الساعه 12اليل حلقي كان جااف من البكي ولعياط طلعت من غرفتي ونزلت للمطبخ بنشرب اميه فتحت الثلاجه وطلعت شيشة لميه البارد وخديت كاسه بنطلع خش زياد ونخبطنا ف بعض

حلا: اااسفه

زياد: لالا عادي كيفك توا

حلا: تمام احسن ….شكرا زياد

زياد: لا شكرا على الواجب وشبحها كيف واضح عليها التعب اقعدي خلي نتعشو انا تو كيف مروح جعان

حلا: بصراحه كنت جعانه وماقلتش لا ..به

زياد يوتي ف السفره ونا نشوفله

زياد:هي تعالي اقعدي

حلا : قعدت ع الكرسي

زياد: بدا ياكل عاد مايقصرر كان ميت من الجوع

حلا: تاكل سرحت ف الاكل

زياد: حلا وين عقلك

حلا: ابتسمت شي

زياد: ماتخافي من شي وكل شي توا يتصلح

حلا:ان شالله

زياد:ياكل وكل شوي يقوللها شي بش يغيرلها جوها شوي ….. ليا كم سنه ماريتك متغيره يابنت عمي كابره ماشالله

حلاايي وانت كبرت وبديت تشتغل وتسافر ومعاش فضيت بش نلعبو كوره مع بعض زي ايام زمان٠

زياد: يشرب ف العصير وميت بضحك ايااا عاساس مدكره تو

حلا: هههه

اول ماكملو حلا بدت تلم ف السفره وزياد يشوفلها

زياد: هي مدامك كملتي بري ارتاحيي ومعاش تنزلي من غير وشاح وغمزلها لانه شعرك يهبل وطلع٠

حلا: مصح وجهك

شخصية زياد صح مستفزه وعصبي وحقير بعض الشي بس حنون وطيب ف نفس الوقت.

___♡____زهره الشيخ____♡____.

ياقوت سرحانه ف الشجر وتفكر هل القرار لي خداته صح او خطا وتحاول كيف تغسر الحلم لي شافه وبدت تربط ف الاحداث شوي انخلعت من صوت التلفون لي كان ف جيبها طلعاته وشافت الرقم زبطاته انه صخر ماردتش لانه راسها كان يوجع فها شوي وصلتها رساله

صخر: ردي ع دين…… عارفك صاحيه

ياقو: هدا كيف عرف؟!

شوي وعاود مره اخرا اتصل ردت

ياقوت: ايوا

صخر: خير جدك ماتردي انتي

ياقوت: انصدمت من اسلوبه شي مانتبهتش

صخر: المرالجايا انتبهي

ياقوت:

صخر:شني امتى العمليه

ياقوت: بكرا

صخر: تمام عاطيكم اسبوع بس ونبي يصير العقد

ياقوت: كيييف؟ انت مش قتلي لين تتحسن حالت امي

صخر: ساهله وتوا غيرت رايي

ياقوت: بصوت واطي حقييير

صخر: نعم نعم شن قلتي

ياقوت: شيي

صخر: تمام هي سلام وارقدي ساد من بكري سرحانه ف الشجره والكلمه لي

قلتها تو بكرا نحاسبك عليها وصكر

ياقوت: تشبح يمين ويسار بصدمه هدا كيف عرف؟

صخر صكر من عليها وتصل ب فيصل

فيصل: ناض من نومه متعفلق هاا

صخر: شن ها هدي جديده

فيصل: انته ماترقد ولا كيف

صخر: مادخلكش من بكري نستنا فيك تتصل شن صار ف الفرخه شن عرفتلي علها

فيصل: اللهم طولك يا روح الصبح تو نقولك

صخر: فييصل

فيصل: افف به البنت لي اسمها حلا امس اليل هربت من حوشهم ومشت لحوش

عمها

صخر: من عمها

فيصل: محمود والد زياد وماجد وبدر طلع تذاكر وبكرا مسافر

صخر: هه بيهرب

فيصل: ارتحت توا خليني نرقد

صخر: لا فهمني قبل كيف بيسافرو ومعاهم حلا ولا كيف

فيصل: لا معاه 4تذاكر

صخر: تمام الصبح تبعت جماعتك يجيبوهالي الفرخه هيا لي اسمها حلا مانبيش نشوف وجهك الصبح لين تجبهالي

فيصل: تم هي توا برا ارقد وصكر

صخر: لوح التلفون وطلع شيشه صكير من الدرج وطلع

فيصل: رد حط راسه ع المخده وهوا يسب ويلعن …. ع اساس انا ميت بش نشوف وجهك وغمض عيونه ذكر ياقوت ياااأااا…. شن ه اليوم

___♡____زهره الشيخ____♡____.

الصبح

فاق بدر بدري بدا يطلع ف الشناطي لسياره

سميه : تلبس ف وشاحها نا مانيش عارفه امتى نخلص من ه المعيشه معقولا مسافرين برا ع خاطر بنت …..

ميلاد: ماتبيش تمشي مافي حد جابرك اقعدي فها وطلع

سميه: طلعت من غرفتها تسب وتلعن ومشت لغرفة عليا تخبط شوي فتحت ومالقتش حد ف الغرفه ونزلت تنادي عليا عليا

بدر: صببح يام ف شن دوري سقدونا

سميه: بخوف عليا اختك مش مبينه

ميلاد: طلع نضاراته كييف مش مبينه دورتي ف غرفتها

سميه: دورت ف الحوش كلها وووه عليا بنتي انخطفت

بدر طارتله تي شن هوا وحده تهرب امس واليوم التانيه شن ه نهار لحرف وطلع لبرا يدور ويتصل برقمها

سميهر قعدت وحطت ايدها ع راسها وتبكي وووه بنتي خطفوها وووه عليا بنيتي

ميلاد: اكيد صخرر

.

نزل ماجد من غرفته يغني وجوه رايق

محمود: ان شالله خير

ماجد: واللهي الا حاله انتم الواحد يفرح تقولوله خير نغني ان شالله خير خير خير ياباتي غير هرمونات السعاده مش عارف خيرهم اليوم

محمود ماتفرحش هلبا وراك عشره ملفات يستنو فيك

زياد: دكرهم ونكد عليهم

ماجد:خلو الواحد فرحان ولو مره وحده ف حياته

اريج /حلا/ناصره:

زياد: ياكل ومره مره يشوف ل حلا

محمود: الحمدلله هي قدامي انته وياه وطلع ركب ف السياره

زياد: وقف ويزبط ف سبيدروه

ماجد: ياكل غير استنو شوي

زياد: الحقنا وراي عملل

ناصر: غير بشوي بتنخنق

ماجد: كلا بسرعه وباس امه ع راسها وطلع

زياد: هي رد بالكم ع رواحن وطلع

بعد نص ساعه

خشت ناصره مع اريج للمطبخ

حلا: مشت لغرفتها بتدوش

فيصل ف السياره ومعاه شاب اكيد توا بعدو هي انزل انت ورد بالك تأدي ايا حد

الشاب:تمام

ونزل هوا والشاب خشو للفيلا وكانو حافظينها حفظ من الخريطه اتجو على طول لغرفة حلا الشاب وقف برا ع الباب وفيصل خش للغرفه كيف بتلبس حلا البدله امتاع الصلاة حط المنديل على خشمها وصكرلها فمها لين داخت

اريج ماشيه لغرفة حلا شافت الشاب واقف م م من اننتت

الشاب: عليك نهار مغبر ومشالها يجري مسكها واريج تصرخ وتحاول تفك ايدها ضربها ع راسها براس المسدس

اريج اغمى عليها

فيصل طلع من الغرفه حامل حلا تييي النم نا شن قتلك قبل لا نخشو

الشاب : مادرتلها شي توا تفيق غير اطلع اطلع .

..

___♡____زهره الشيخ____♡____.

ياقوت فاقت على صوت صخرر

ياقوت:بسم الله

صخر: شني تشوفي فيا وحش قدامك

ياقوت: ف داخلها شي زي هكي وتشبحله بكل برود وصخر كان ميييت ف نصراتها

صخر: يسعد صباحك العمليه بدت

ياقوت: حييي امته

صخر: ليا نص ساعه

ياقوت: بااه وناضت بتمشي تغسل وجها

جبدها صخر

ياقوت: ح حول ايدك صخر

صخر: شن قلتي امسس

ياقوت: تقلب ف عيونها شيي غير فكنا كلهم يشوفولنا

صخر: وخليهم يشوفو وقرب منها و..

.

عليا فتحت اعيونها شاغت مؤيد قدامها ..انا اكيدد نحلم

مؤيد: هه.

يتبع ……..

لقراءة الجزء التالي : الجزء السابع من رواية قلب صخر

لقراءة الجزء السابق : الجزء الخامس من رواية قلب صخر

للإطلاع علي فهرس اجزاء الرواية : جميع روابط اجزاء رواية قلب صخر للكاتبة زهرة الشيخ

جميع الحقوق محفوظة للكاتبة زهرة الشيخ .