وفي الجزء الأول من رواية حتي الممات دعونا نبدأ بالتعرف علي شخصيات الرواية وبعض التفاصيل حولها وعلي بداية الإنطلاقة الجميلة لها ، كل ذلك وأكثر في السطور التالية بإذن الله .
الجزء الأول من رواية حتي الممات
نتعرفو على ابطالنا
مالك عمره 30 سنة ارمل ويحب مرته ومش قادر ينساها بس هل هيبقى يحبها للممات هتشوفو
ليان عمرها 22 سنة سنة ثالثة جامعة وشغلها الشاغل عيلتها وقرايتها
احمد عمره 25 سنة طايش مدمن نسونجي ومدلع
رهف عمرها 16 تقرا ف ثانية ثانوي طيبة بكل وهيا تكون بنت عم ليان
خديجة توتي ف طاقم الغداء معاها بنتها
روان : لعند امتى ع ه الحال له 7 سنوات
خديجة : ربي يفرج على اوليدي اللي مر فيه مش ساهل
روان : بس هو مزال صغير بعدين ياما من شياب عيالهم طولهم واجوزو فما بالك مالك اللي ماعندش
لا عيل لا تيل
خديجة : ياريت لو في كانت فضلت شي من ريحتها
وصبر نفسها بيها
روان : سكتت
اللي كانو يحكو عليه ف غرفته شاد صورتها يشوفلها
ليش فارقتيني مش وعدتيني ع الموت ماتسيبيني ليش ماخذيتيني معاك بلاك العيشه ماتنطاق ياللي
سرقتي قلبي مني وزهيتيني ف دنياي ف طرفة عين
تمشي غمض عيونه بس دمعه خاناته قلبه واجعه
خديجة : مالك ولدي هيا الغداء
مالك : مسح عيونه تمام جاي
خديجة : تنهدت بألم وطلعت
مالك :حط الكوادرو اللي فيه صورة مرته ع الكوميدنو
ليان : ادير ف كيكه وجنبها امها تعطي فيها المقادير
امها : شكلك بتزوجي سنة هذي
ليان : ابتسمت ب خجل لا يمي نساعد فيك
امها : شخطرها
ليان : تهز ف راسها وتضحك والله مافي شي هي
امها : وباه حتى لو في نا كارهتها
ليان : تخلط ف المقادير وحطتهم ف طاجين
امها : ارجى توا كم 12 دقيقه ع 29 ولعي عليها من فوق
ليان : تمام
امها : حي نفجت
ليان : تقول حامل
امها : هههه قولي ماشاء الله
ف الثانوية
هند : اهووو
البنات التمن كذا كذا وين حصلتيه
هند : يهبل بكلل نحبه ياناس
رهف : انتبهي على روحك را صايع
وئام : شن عرفك مجربة
رهف : احترمي نفسك
هند : وئام بلا قلة ادب يقعد ولد جيرانهم
بعدين يارهف هو يحبني وقالي بيخطبني
رهف : على كيفك نا نصحتك لوجه الله ع خاطر صحبة اللي بينا
هند : سكتت
رهف : بابا جا يلا سلام ومشت
وئام : غارت عليه فوتيها شن. قالك هو
هند : ابتسمت قالي تطلعي معاي
وئام : واطلعي
هند : خايفة
وئام : عليك طروح
رهف : روحت فكت دبوس الوشاح ونحت الزي
ولبست بيجاما ورديه ودارت شعرها ذيل حصان
طلعت تعاون امها ع الغداء
بوها : اللي كان شايل الهم حتى الغداء ما تغدش
امها : كنك ياحاج صالح
صالح : شي شي ومشا لغرفته
رهف : ماشيه باتجاه الحمام تسمع صوت بوها يحكي ع تليفون والله نخلصك اصبر عليا بس
رهف عرفت انه بوها متزرط ف ديون غمضت
عيونها بأسف
صالح : قعد ع سرير ولأول مرة يقعد مذلول وخايف
بعد العصر
ليان حطت سفرة قهوة وكيكة شوف بابا نا اللي درتها
اسامة : ماشاء الله على ابنيتي
ليان : اول مرة نديرها را
اسامة : اممم سمحه اصلا الحلو يدير الحلو
ليان : يصير مني شيف
اسامة : واحلى شيف اخرى
ليان : هههه
سالمه : ليان خلاص من يوم وغادي هيا اديرلنا الغداء
ليان : علميني وماعندكش مشكلة
سالمه : اهو خوك المهبول روح
ليان : توا يتهز ع كيكتي
غيث : شن مرطزة هذي
ليان : م تاكلش منها
غيث : خذا كشيك وياكل مايردش عليها بعد كمل
قال اقطع والله دورك معش تخشي كوجينة انتي
ليان : بارد ياماما قوليله
غيث : يرفع ف حواجبه ويضحك
2 في الليل
احمد : شن اديري
هند : شي
احمد : وين قاعده
هند : ف غرفتي
احمد : شني لابسه حبي
هند : حوايج
احمد : احلفي حتى نا
هند : مش حامي انت
احمد : بنشوفك
هند : تعال لمدرسة
احمد : تهربي من المدرسة
هند : وين نمشو
احمد : تقدري
هند : اي نحب بس خايفة
احمد : من شن خايفة حبي بتولي مرتي
هند : تمام عيوني نعطيك اسم مدرسة ونستناك قريب منها
احمد : تم ياقلبي هيا سكري بيش نوعى بدري
هند : باي
___________________________
الكاتبة نور عبد السلام
ابتسام : رهف رهف هيا مدرسة وقت 7 ونص
رهف : باهي ياماما هيا هيا وناضت تتكسل
ابتسام : متبيش تفطري
رهف : نفطر ف ثانوية يلا باي وطلعت لقت بوها ف سيارة ركبت معاه وهو ساكت يسوق طول طريق ولا كلمة
رهف : بابا انت كويس
صالح : امم هاك مصروف
رهف بكذب: شكرا معاي
صالح : خوووذي من وين لك
رهف : خذتهم ونزلت لمحت هند واقفه قدام المدرسة
صالح : تحرك ب سيارة
رهف : هند هيا ليش مامشيتي
هند : امشي انتي توا نخش تسبقيني هيا
رهف : باه ومشت وسيبتها
جت سيارة حمرا مكشوفه وقف
هند : عيونها قلوب قلوب ركبت معاه
احمد : انستي
هند : صباح الخير حبي
احمد: صباح الورد وباس يدها ولع سيارة وطار ل استراحة
مالك :دافن راسه عند القبر ويبكي ف يد طبطبت عليه التفت
سعد : تعال ياباتي
مالك : خش ف حضن بوه وقعد يبكي كيف طفل اللي يبي امي
سعد : الله يرحمها هك تعذب فيها را
مالك :نبيها مزلت مافرحتش بيها يابوي ماتهنيت عليها
سعد : منهم لله كلاب الضاله
مالك : عيونه يبرقو شر مع دموع للموت ماني مسيب حقها والله الا ناخذه منهم
سعد : خلاص انسى القصة لها 7 اسنين انتهت
مالك : شن اللي انتهى يابوي هذ مرتي هذي حبيبتي حب طفوله تعرف كانت حامل ب ولد غمض عيونه
ويبكي كان هك را توا كابر بينه وهيا معانا وطلع صوت شهقة لبكاء وجع قلب بوه عليه
احمد : يلبس ف حوايجه
هند : حبيبي امتى تخطبني
احمد : قريب ان شاء الله هيا البسي
هند : تلبس وحطت يدها ع كتفه نديرلك فطور
احمد : زفر منبيش هيا سقديني
هند : استغربت وطلعت وراه
احمد : ولع سيارة وردها للمدرسة ومعش عرفت
شن ادير مدرسة مستحيل تخششها ولو روحت
للحوش شن تبي تقول وهذا الحال طول ايام الاسبوع
ومر شهر
هند بعد روحت لحوشها ترن على احمد يعطيها
مشغول مشغول اخر مرة مقفل بدت تخاف وحطت
يدها ع قلبها حست شعور مش كويس وبتلتجأ لرهف
رهف : بعد كملت صلاتها فتحت كتابها وتقرا
رن تليفونها هند الو
هند : رهف شن جو
رهف : تمام وانتي
هند : رهف احمد مايردش عليا بكلل
رهف : فوتيه جت منك ياجامع والله ماهو كويس
نسونجي معروف مش تمام مدمن ومش مسيب
بنت ف حالها نا اكثر من مرة نابشني
هند : دموعها نزلو
رهف : هند كنك شن في
هند : اءءء
رهف : متخوفنيش
هند : نا حامل يارهف
مالك مقعمز ف مربوعة رن تليفونه الو
عزو : يامالك خوك احمد داير العار سكران وينابش ف ناس
مالك : لا حول الله وين انتو
عزو : في
مالك : شوي ونطب عليكم
سعد : شن في
مالك : ولدك
سعد : كنه
مالك : نفس الحاله
<روح احمد مع مالك سكران ويعيط ناضو الحوش كله ع صوت يغني ويرقص ويضحك وريحته طاح ع سرير ومالك يهزب فيه احمد راح ف النوم >
خديجة : لازم تزوجه ه المهبول بيش يعقل
سعد : قصدك يهبل بنت الناس
خديجة : والله يقولو اللي يجوز يعقل
سعد : باه باه ف حاجة اصلا ف راسي
ثاني يوم
رهف : ترجع
صالح : واللي ماني عارف شن نقولك لولاك
سعد : ماتقول شي تبي ترد جميل ترضى ب نسبنا
صالح : من
سعد : احمد
صالح : بس احم
سعد : ياصالح عارف وضعك بالهون ومانك قادر ع
مصاريف عملية ولدك شن قلت
صالح : والله ماني عارف م نقول
سعد : نقولو مبروك
صالح : على بركة الله
رهف : شنو بعتني
صالح : مش هك بس علي ديون وعملية خوك
رهف : نا بنتك دير هك في يابابا ولمن لصايع هذا تعرف انه اكبر صايع كل مرة علاقة مع بنت وسكار
حقير يضحك ع البنات نا مزلت صغيرة 16 سنة را
ابتسام :رهف ماتبقيش انانية فكري ف خوك اذا انتي 16 هو عمره 6 اسنين مزال يبي يعيش بعدين
ماشاء الله عليهم فلوس تعيشي ياغبيه وعقليه صايع يتأدب
رهف : عيونها تعبو دموع نكرهكم نا حسبي الله ونعم الوكيل
صالح : الفاتحه مع السياق را
وجا ايام العرس كانو يحطو ف لسياق هل العريس
رهف حابسه روحها ف دار تبكي وخلاص لا تبي
تصبغ ولا تحني انا كنت جاية مع عمتي نجيبو ف الفيلو
عمتي فوزية ليان نزلي كيس الفيلو من شنطة
ليان : تمام نزلت
وكان مالك نازل من سيارته شافني انصدم
مالك : اءءءء فتح فمه وعيونه توسعو
يتبع …
لقراءة الجزء التالي : الجزء الثاني من رواية حتي الممات
للإطلاع علي فهرس أجزاء الرواية : جميع اجزاء رواية حتي الممات للكاتبة نور عبد السلام
جميع الحقوق محفوظة للكاتبة نور عبدالسلام .
