ستكون بداية رواية رجل يحببنه الكثير بالتعرف علي شخصيات الرواية كاملة لنبدأ بعدها الإستمتاع بجمال النسيج الأدبي من كاتبتنا الموهوبة لوزة داخل أحداث الحكاية، لذلك هيا بنا دون تضييع الوقت في المقدمات للتعرف علي التفاصيل سريعاً .
شخصيات رواية رجل يحببنه الكثير كاملة للكاتبة لوزة ليبية
هاني 30 عام شاب وسيم خريج من كلية تخصص تمويل ومصارف يشتغل موظف في المصرف عنده اخت صغيرة تقرا صف تاني ابتدائي اسمها رتاج
امه سميحة واﻻب توفى من سنتين ففاتو
عزيزة 23 عام متخرجة وماتشتغلش بنية طيبة عندها اخين احمد 26 و منذر 27
واخت اسمها فيحاء 21 عام
تتضمن الرواية حب وغزل وشوق وعتاب ورومنتك 
_
وكذلك الرواية فيها عدة مواقف واقعية مش كلها واقع ركزوووو ..
الجزء الأول من رواية رجل يحببنه الكثير كاملة للكاتبة لوزة ليبية
يوم اﻻربعاء ..ساعة 4 مساء
عايشة (26 عام):خيرك تبكي يامرام
مرام(23 عام):شي فكيني منك
عايشة :تي خير بﻻك قولي
مرام:هاني بيتجوز بيتجوز ياعايشة
عايشة:خلي يتجوز ربي ايهنيه 
مرام:شن خلي يتجوز متاعك انا انحبه @_@
عايشة:حب طياح سعدك ومزالك… الولد انحس فيه عمره مافكر حتى فيك ^^
مرام:عﻻش كﻻم اللي يجرح تزيدي فيا ياكلبببةةةةة
عايشة:ههههههه نتفكر ف محوﻻتك الفاشلة متع كل عيد تشري طرحة وعلى اساس بطيحيه هههههه 
مرام:وحق ربي ماوقت برادتك ياقردة اطلعي من اهني
عايشة:تعرفي كان شفتي شكلك امس في السهرية كيف امبلمة نازل عليك سهم الله
امهم(لطفية) جتهم وخشت عليهم في الدار وقتلهم : نوضي انتي وياها وتو روحكم ….ئه مرام خيرك تعيطي شن فيه ؟؟؟
مرام:ﻻ شي ماما غير ا..
قاطعتها عايشة وقالت لأمها:بنمشو توا؟؟مازل بكري ماما ! مازال حتى مافكرتش شن نلبس
خ لطفية:ﻻ مش بكري شن بنخشو على عمتك في الليل نوضي بالكي انتي وياها
مرام:مش خاطري نمشي بري انتو وخﻻص
خ لطفية:هيا بﻻ دلع نوضي عمتك تبي من معاها انتي تعرفي مرضها والسمن متعها مش مخليها تتحرك
مرام:ماما بالله عليك خليني
خ لطفية: كان انا خليتك بوك مش حيخليك هيا وتي حوايجك بنباتو غادي الليلة كان درتي تمرة راهو ماهدا حالك
عايشة:هههههههههههه
وطلعت وخلتهم
مرام:ع شن تضحكي هي
عايشة:حتى امي شاماتك تبي هاني ومش ملحقة عليه ههههه
مرام:سعدوووودهاااا هالمعفنة عزيزة
عايشة:فالحة عزيزة مش زي حالتك حالة دقنك
مرام:والله ياعايشة قريب نموت مش متخيلة نشوف هاني وهديكا القردة بحداه
عايشة:نصيب مرام الله غالب ونوضي توا خلي نوتو رواحنا
حسام ل هاني: فاش تخمم عريس توا عاد مفروض فرحان
هاني:ههههه ايه
حسام:اماﻻ خيرك مهموم
هاني :امس في ليل كلمت عزيزة وتعاركنا
حسام:صلي عالنبي شن تعاركتو هادي
هاني:اللهم صلى وسلم وبارك عليه ….والله زي مانقولك تو
حسام:عﻻش شن صار
هاني:احنا متفقين بعد ماتروح من الحمام تخش طول للحوش ماتوقفش عالنوبة
حسام:به
هاني:ايه خﻻص هيا كسرت كﻻمي ووقفت عليها كلمة مني وكلمة منك صارت عركة
حسام: كلمتها تاني ؟
هاني:ﻻ ماكلمتهاش وماتصلتش بيا
حسام:باهي انت منين عرفت النهار المبارك مشيت جيهة حوشهم واﻻ كيف ؟؟
هاني:ﻻ مامشيتش بنت خالي قتلي
حسام:وووه جو التفتين متع البنات قداش مانكره عمه
هاني:ﻻ مسكينة البنت تهدرز عليا عادي نيتها صافية تدوي على الحمام قالت خاطري نمشيله وقتلي قالو عزيزة طلعت حلوة بالبودري محﻻها وبدات لما واقفة على النوبة ..فأنا في اللحظة هادي تعفلقت هيا قتلي بالله عليك ماتقولهاش انا نهدرز عادي غير تو تاخد مني موقف
حسام:ربي يهديك تسمع للبنات… وحدرتك قبل العرس وقتلك المكالمات وقت العرس ماتجيش ياهاني
هاني:هدا اللي صار تو …
حسام:فيها خيرة تو تتصالحو في وقت ال ههههههه ….. ودارله غمزة
هاني:ههههه شن تغمزلي يامعفن ﻻ وقت ال وﻻ لللي كلمتي كسرتها وواجعتني اللقطة
حسام:هههه تي وراسك وقتها واﻻه ﻻ يبدى عندك كلمة وﻻ واحدة معش تندري على روحك اصﻻ تو تجرب وتعيش الطراوة
هاني:هههههه نوض نوض من اهني برا شوفلي سيارة اجر واﻻ تسلف دبر
حسام:ههه اوكي هي
هاني:اسمع وئ حوساموه
حسام:ها هنيوة
هاني:كيا سيراتو 2013 اوكي
حسام:هههه بنأجرلك عقرب ريح موديل 2011 تمشي معاك
هاني:والله عاد كان قدري عقرب ريح جيبها
حسام:ههههه اكيد ﻻ يابرو قدرك عالي والله
هاني:منور يا احبيبي والله عارفك ماتقصر .
فيحاء ل عزيزة:زيزوو
قوليلي شن شعورك وغدوة حفلتك ؟؟
عزيزة:فيحاء والله مانقصاتك توا بري من عليا
فيحاء:قصدك قاعدة على نفس الموضوع
عزيزة:ايه والله نكد عليا الحق
فيحاء:خﻻص ماتتنكديش يﻻ توا افرحي وماتفكريش الليلة النجمة وتو بيجو امالي العريس يقول شورها مغصوبة وتكتر التعليقات
تنهدت عزيزة وقتلها:باهي به ماتعرفيش قداش استحشته فيحاء ايهبل ربي يحفظه
فيحاء:ههههه سبحان الله توا كان منكد عليك
وليل عليك الليل ودمعك تحدر غيم هههه و
في حوش هاني
خ سميح ل خ لطفية:خيرها وجدان اختي عطلت ا
خ لطفية:بالك في الطريق جاية انتي تعرفيها في غريان وقالو فيها اشتباكات
خ سميحة:ان شاء الله ربي ايسلم
خلي نتصل بيها معش وقت على النجمة …
خدت نقالها خ سميحة واتصلت …
الو كيف حالك وجدان باهية ايه وينك اماﻻ خيرك معش جيتي حرجانة منك كل يوم تقوليلي اليوم … اهاااا ﻻ حول وﻻ قوة اﻻ بالله باهي باهي المهم سﻻمتكم …به به بسﻻمة بسﻻمة سلمك سلمك بسﻻمة
خ لطفية:شنو صار
خ سميحة :الطريق مسكرة وماقدروش ايجو راجلها قالها مافيش كيف نطلع بيك
خ لطفية:الله غالب طيب ع سﻻمتهم وخﻻص
خ سميحة:بالله لطفية سعديني خلي نبدل حوايجي وشوفي واحدة من بناتك اتبدل ل رتاج وتسلتلها شعرها خ لطفية:هي هي … ياعااايشةةة
عاااايشةةة
جتها عايشة وقتلها: نعم ماما
خ لطفية:خودي رتاج بدليلها واسلتيلها شعرها ووتي روحك حتى انتي قريب نطلعو
وتو رواحهم كلهم
وطلعو عيلة هاني كلها ماشيين لنجمة وفرحانين باستثناء مرام امكزمة ومنكدة 
ودارو نجمتهم وروحو
ومع ساعة 1 ليلا
هاني يفكر وحاط ايده على راسه زعما نتصل واﻻ ﻻ امممم خلي نتصل بيها وخﻻص
جاه صوت من بعيد ﻻ
تلفت هاني لقاه حسام وقاله :خلعتني ياراجل خيرك
حسام:تستاهل عارفك شن بدير
هاني:اطلع منها بنتصل وخﻻص
حسام:ﻻ بجديات فكك هاني تو تراضيها غدوة حلوة لما تكون المرا حرجانة وترضيها وتقعد تدلع عليك وتتعسل وانت تغنجها ووووه خلي نروووح انا …
هاني:تي غير اقعد ياودي مازال بكري
حسام:بكري من عمرك ساعة 1 توا هوا داك الليل مش ليك انحس ف روحي كان نزيد نقعد اهنا يصيرلي تشنج في مشاعري XD
هاني:ههههههه ياناري عليها واجعتني مرتك o_O
حسام:والله الليلة ليلتها ههههه عيد زواجنا اليوم من بكري تتصل وانا داير روحي مش فاضي بش تشتاحشني عرفت كيف واﻻه هههه :-V
هاني:ههههه استاحشاتك هلبا من الظهر وانت اهني 
حسام:هيا سﻻم سﻻم بندير طيران للحوش هههه 
هاني:باهي احترم مشاعرنا ياراجل قاعدين عزابة راه 
حسام:كلها ساعات يابو صاحب وتخش القفص الذهبي شعور حلو راه صدقني ~_~
هاني:باهي انتلف
حسام:بذات لما تقولها السﻻم عليكم وتلقاها مكسووفة اوي
هاني:ههههه حسام روح خﻻص بالله عليك 
حسام:ههههه اوك تشاو تشاو
هاني:تشاااااو
…ونام الكل اﻻ هاني قعد يفكر في كلام حسام ههههه لين صبح عليه الصبح
وجي اليوم الموعود ..
يتبع………..
لقراءة الجزء التالي : الجزء الثاني من رواية رجل يحببنه الكثير للكاتبة لوزة ليبية
للإطلاع علي فهرس الاجزاء كاملة : جميع اجزاء رواية رجل يحببنه الكثير كاملة للكاتبة لوزة ليبية
جميع الحقوق محفوظة للكاتبة لوزة ليبية .
