وفي الجزء الأول من رواية زوجة المغترب دعونا نبدأ معرفة كيف ستبدأ الرواية وعن شخصيات ابطالنا ؟ كل ذلك وأكثر سوف نعرفه سوياً في السطور التالية بإذن الله مع الكاتبة بيروحاء ، قراءة ممتعة سعيدة بإذن الله .
الجزء الأول من رواية زوجة المغترب
دي المره التانيه في نفس اليوم دا تحرقي لي هدومي يا رغد
وبعدين؟؟ تعبت انا والله تعبت انا معرسك عشان تريحيني ولا تشقيني اكتر؟؟ .. زوله بت بلد والمفروض انوو حياتك كلها شغل .. ما بتعرف تشتغل دي اول مره تلاقيني
عملت شنو انا في دنيتي دي عشان الله يبتليني كده؟ استغفر الله العظيم يارب..
الحال م بمشي كده يا رغد انا حاولت معاك بس ما نفع.. وانتي ما خليتي لي حل غير الطلاق
طلع وطق قفل الباب وراو.. او بمعنى اصحح رزعوو.. لدرجه حسيت انو ح يتكسر في يدو..
اتضايقت من نفسي شديد .. وحسيت المحل كاتم واني ما قادره اتنفس..
دخلت في اقرب عبايه لي وطلعت بقيت ماشه.. لاعارفه ماشه وين.. ولا ليه بس ماشششه..
بعد رقت شويه وحسيت اني رجعت اتنفس طبيعي.. لفيت عشان ارجع.. بس الحصل اني ضيعت البيت
اصلا متوقع بلد ما بلدي.. واول مره من جيتوو اطلع
بقيت لافه عسى ولعل القاهوو..
ولمن فترت وغلبي المشي زياده.. قعدت في طرف الشارع وبقيت ببكي ..
شريط حياتي كلوو رجع قدامي.. فرحه ابوي بعرسي.. واخواني ال ابتسامتهم كانت للضرس الاخير وامي ال كانت لآخر نفس بتقول لي يا رغد انتي صغيره ما مجبوره تعرسي في الوقت دا .. اسمعي كلامي وقولي لي ابوك انك ما موافقه عشان ح يسمع منك انتي..
اريتني سمعت كلامها
سمعت صوت بقول لي مدام؟؟
رفعت راسي لقيتو شرطي.. باين كده من لبسوو.. وواقف معاو شرطي تاني وكانو بتوسوسو..
بعد زمن قبل علي واحد وقال لي .. ليه قاعده هنا؟؟ وين بيتك؟؟
بصوت مبحوح قلت ليو ما عارفه
استغرب وقال لي .. طيب جمب شنوو؟؟ وريني معلم بارز جمبكم؟ اي شي يفيد؟
هزيت راسي وقوولت ليو ما عارفه وزدت بكااا..
واصل كلامو وقال كده ما ح نعرف نرجعك لازم تتذكري.. اي شيي اي شيي
قطع كلامو صوت واحد وهو بقول ضايعه ولا شنو؟؟
اتلفت عليوو.. سوداني.. ايوه سوداني من لجهتووو..
ارتحت نوعا ما انو لقيت زول من بلدي
رد عليو الشرطي ايوة وما ادتنا اي معلومه تفيد..
عاين لي مسافهه بعدين قال انا برجعها..
الشرطي اعترض بس بعد إصرار منوو..وافق على انو هو معرفه شخصيه وواثق فيو وكده
قال لي تعالي اركبي..
بكل هدوء قمت وركبت ورا في العربيه..
ما عارفه ليه بس حسيت معاو بالامان.. ما حسيت انو ممكن يكون عايز بي شر
سألني عن بيتي ولمن لقاني م عارفهه شي قال:
انا ح اسوقك بيتنااا..لانو الوقت اتأخر.. ما تخافي عندي اختي وامي قاعدين بيتي معاهم وانا ببيت بره مع صحبي الليله .. وبكره نشوف موضوعك ان شاء الله
ما كان قدامي حل غير اني اوافق.. مضطره ح امشي وين؟؟
ف قلت ليو خيرر 
اخدنا نص ساعه يمكن لحدي ما وصلنا وقبل انزل لمحت زول بيشبهه وائل واقف ويتكلم في التلفون..
ركزت شويهه دا بيتنااا.. قلت ليو طوالي دا بيتنا..
عاين لي بأستغراب وقال ياتوو؟؟
أشرت عليوو وانا مبتسمه وقبل ما ارد نزلت.. وقلت وائل..
وائل قال لي جيتي؟؟ حضره سيادتك كنتي وين للان؟؟
استغربت فيوو يعني بدون حتى يقول لي انتي كويسه دخل فيني مشاكله طوالي؟؟
قلت ليو كنت ضايعه.. الكلام دا والولد واقف وبعاين لينا
عقد حواجبو وقال لي بي نهره خشي جوه يا رغد
ولا كضبت جريت دخلت في غرفتي وقعدت في نص السرير ابكي
…………………….
كنت بتكلم مع امجد صحبي لمن شفتها.. كانت نازله من عربيه راجل!
يعني منظرر مهما كنت اوبن مايند م بتتحملو
غرت عليها م بكضب.. وغيرتي دي طلعت ع شكل نهره..
كنت حاسي بيها بترجف وخايفهه وهي داخله
جاني الولد ال كان معاها.. وقال .. يا أستاذ مرتك كانت ضايعه.. بدل ما تأنب نفسك انك مهملها لدرجه شردت منك.. تنهرها؟؟
عصبني.. لانو فوق ما انو مافاهم شي وبتحشر سااي.. اسلوبو زي وشو..
قلت ليو حاجه بيني وبين مرتي.. وشكرا ليك لحدي هناا يا شاب..
ومشيت بدون اسمع ردوو..
لقيت رغد قاعده في السرير وضامه رجليها عليها ودموعها عشره عشره..
قلت ليها غيري ملابسك واتعشي م تستنييني شبعان انا ..
وطلعت..
………………..
كان نفسي بس اضربوو في اللحظه ديك بس هو دخل بيتو سريع لعنت الشيطان ودخلت
بيتنا..
استقبلتني فاطمه في الباب قالت لي متأخر الليله؟
اي والله يا فطومه وحكيت ليها الحصل..
واصلت وقلت وحسي قلقان على البت دي والله ممكن يعمل ليها اي مصيبه زمان آخر الليل دا
تمشي تشوفيها؟؟
كانت بتعاين لي باستغراب..
اخدت نفس وقالت .. معليش يا مزمل بس كلامو صح
هي مرتو وهم حرين.. ما لينا الحق نتدخل وهي لو ما مرتاحه معاهوو بتعرف تتصرف..
قلت ليها اي بس شوفيها المره دي وتاني م بنتدخل..
بعد إصرار مني وافقت بسس قالت الصباح عشان الوقت اتأخر.
يتبع ………..
لقراءة الجزء التالي : الجزء الثاني من رواية زوجة المغترب
للإطلاع علي فهرس أجزاء الرواية : جميع روابط اجزاء رواية زوجة المغترب للكاتبة بيروحاء
جميع الحقوق محفوظة للكاتبة بيروحاء
