وفي الجزء الأول من رواية صدفة ولكن هيا بنا لنبدأ معرفة كيف ستبدأ الرواية وعن شخصيات ابطالها ؟ كل ذلك في السطور التالية بإذن الله مع الكاتبة لوزة .
الجزء الأول من رواية صدفة ولكن
تعريف بشخصيات المسلسل ” صدفة ولكن ”
مايا مواليد 90 متخرجة من معهد ادارة اعمال ماحصلتش عمل واصلا خوها حاتم مايبيهاش تشتغل… عندها اختين واخ … هالة 88 ماكملتش قرايتها ودنيا 97 تقرا في الثانوية وخوها حاتم البكر79 عنده محل ومسؤل على كل شي في الحوش بحكم الوالد متوفي من كان عمر مايا 10 سنين امهم فطومة…
عماد مواليد 83 خريج بكالوريس هندسة نفط ومحضر الماجستير في تخصصه ويشتغل في شركة نفطية..عماد طويل وعريض هوايته كمال الاجسام مشارك مرة واحدة في بطولة ومحصل ميدالية برونزية عنده اخ اصغر منه وائل مواليد 85 و منال 91 وامهم صبحية وبوهم علي
…
في يوم مايا تتفرج عل التلفزيون مكسدة على مسلسل الاوراق المتساقطة شرين تليفونها بنت جيرانها فرح
مايا ..الوووو شنو استاحشتيني توا من 10 دقايق كنتي عندنا
فرح : ههههه ياباردة شنو مليتي مني ؟؟؟
مايا: لالا مامليتش منك دا انا زهقت من وشـــكـ 
فرح : الحق فيا كنت بنقولك على خبر توا ريت الحوش الجديد اللي كانو يبنو فيه
مايا : اما حوش 
فرح: تي الحوش اللي بابه عاجبك
مايا: اه ايه خير بلاه
فرح : جو العيلة ينقلو في بضاعتهم شورهم بيسكنو وريت زوز شباب اطروووف غبر نقسمو واحد ليا وواحد ليك
مايا : ههههههههه بري امشي ماناقصني غير ولاد الجيران 
فرح: باهي باهي هيا باي خلي نمشي انبيت من الروشن بالك انحصل حاجة
مايا: هههههه اوكي حبيبتي باي
جتها هالة قتلها : نوضي مايا خلي نمشو لسوق خلوقي ضايقات
مايا : والله ماخاطري في الطلوع شوفي دنيا
هالة : دنيا راقدة وانتي تعرفيها وقت ترقد تبيلها للمغرب بش تفيق
مايا : باهي اوكي لكن مش تقوليلي ايمن جاي ((صاحب هالة ))
هالة : لالا ايمن 
في الصحراء توا
استئذنو امهم وبدلو حوايجهم وففتحت مايا الباب لقت العويلة>> جيرانهم الجدد اينقلو في البضاعة
هالة : شنو هادو سكنو واخيرا وهما شهور طاق وطيق فوق روسنا شي تكسير شي عجانة من صباح الله خير شي ترابنو في القوايل
وهالة تدوي مايا لمحت زوز الشباب وادكرت كلام فرح زوز طروف غبر 
ابتسمت على الكلمة اللي ادكرتها جت الابتسامة في عيون عماد فنص فيها وتلفت 
وقال فباله هوا هدا مافالحين غير ف توزيع الابتسامات
مايا لهالة : شبحتيه كيف فنص فيا 
؟؟؟
هالة : شفته عاد انتي حالة تاكمك تبتسميله
مايا : والله ماصارت ادكرت كلام فرح بس ..
المهم مشو لسوق ووصلو وبدت هالة اتبضع وتاخد في بتات على امل ان ايمن ايروح من الصحراء ويخطبها من اهلها وتاخد وتوازي على شورتات على كنتيرات دانتيل هههه على فساتين قصيرات واخيرا الست هالة كملت شري من السوق((( انا شخصيا من بكري نقول لهالة هيا سقديني سهفتيني في شري البتات ههههه)))
مايا اتزن على هالة هيا ياهالة خير مايأذن علينا المغرب و حاتم ايطينلنا عيشتنا 
هالة : خلاص هي اهو بنخلص
خلصو في الكاسة وطلعو وهما مروحين اعترض طريقهم سكران وبدي ايحطلهم ف الكلام @$#%*&$#$
هالة : نهار حرف يامايا بدو يشربو حتى في النهار
مايا: والله رجليا معاد حاسه بيهم ياهالة شن الكلام هدا حيه علينا كما يدير فينا حاجة
هالة :اجري يا مايا هيا 
مايا: والله ماقادرة ياهالة رجليا فشلو
وعلى خطمة عماد مروح مع صاحب الطانطا بش يجيبو باقي الحاجات من الحوش القديم
عماد لصاحب الطانطا : شوي ياخونا بالله درس
ونزل عماد شد السكران وعفجه طريحة نباش القبور وجي خو السكران بدل مايحز بدي يضرب في عماد لكن عماد عطاه طريحة احرف من طريحة اللي خداها خوه (( يا عيني عاد يفشخ حتى تلاتة حتى هو عماد عضلات وجو هههه ))
في خلال العركة روعة مستندة على الحيط جبدتها هالة وقتلها هيا خلي نروحو فيسع نهارنا احرف من حاتم وهما ماشيين لحقهم عماد ويقولهم يااختي ياانسة تلفتوله وقالهم ….
يتبع ………
لقراءة الجزء التالي : الجزء الثاني من رواية صدفة ولكن
للإطلاع علي فهرس أجزاء الرواية : جميع روابط اجزاء رواية صدفة ولكن للكاتبة لوزة
جميع الحقوق محفوظة للكاتبة لوزة .
