وفي الجزء الأول من الرواية سوف نبدأ سوياً البداية للأحداث والتعرف شيئاً فشيئاً عليها وعن الأبطال والخطوة الأولي لمواقف كثيرة داخل الرواية، فجهز نفسك جيداً وفنجان القهوة الخاص بك ولنبدأ قراءة أحداث الجزء من رواية ضوء في آخر النفق .
الجزء الأول من رواية ضوء في آخر النفق
سهييييييله افتحتتتتى البااب وكان فى حد يبنى قوليللللله امى ماتت سافرت مهم ما تقوليلاش انى فى الحوش ياسرنى امى وخوتى الا كلولى وجهى فى قولت علاش طلقت وشن سبب وووووو … بس يالله حسبى الله ونعم الوكيل فيك زى ماحرقت قلب بنتى وقلبنا حسبى الله ونعم الوكيل فيك وفى امك
سهيله ….. منى مننننننى هاااادى هدى صاحبتك يامننننننى … تفضلى تفضلى انتى مش برانيه خشى لدارها تلقيها فى دار مسكره على روحها
هدى … ماشى ماشى سهيله ….
<< خشت هدى صديقة منى الوفيه واول ماخشت الممر جهت دار نوم منى وقلبها ينقبض وينعصر ومش متخايله اول ماتشوف منى شن ردة فعلها وهل تقدر تتماسك روحها ولا دموعها رح ينزلو منها لاارديا وبين الافكار الا تلود هنا وغاديكا وصلت لباب غرفتها وحطت ايدها على مانيلة الباب وخدت شهيق وزفير قوى وبعدين فتحت الباب ….
هدى … اهلين حبيبتى شن اخبارك اليوم ..
شبحت منى شوى لهدى بعدين ناضت بسرعه وحضنتها ونهمرت بالبكى هيا وياها وقالتلها >>
هدى … منى خلاص حبيبتى بالله عليك معاش تبكى والله والله الا ماتفوت الازمه هيا وربى يعوضك خير بالله عليك معاش تبكى والله والله هوا ندل وتافه ورح يجيك راكع ويترجى فيك ترجعيله
منى … انى عيت والله عيت خلاص نبى نستريح بس نبى الهموم تنسانى والله مانبى شى الا نرتاح بس بس … قلبى يوجع فيا محرروق ياهدى محروق علاش انى نصيبى هكى ياريتنى متت ولاخليت حد يدوى عليا ولا على عيلتى هكى انتى ماشوفتيش كلام ناس الا سمعو والله حرام انى بس شن دنبى … خنته ضربته كرهته فى عيشته قووووليلى انى شن درت
هدى … حبيبتى معاش تبكى والله ربى كاتبلك انك رح تشوفى هالشى فى حياتك وانى متاكده انك زى ماربى كاتبلك جزء مر فى حياتك اكيد فى جزء حلو فى حياتك رح تعيشيه ..
منى …. بعد تجربة طلاقى هادى مستحيل الانكسر فى داخلى اى شى يقدر يرجعه … انى معاش عندى تقه فى نفسى ولا فى اى راجل … انى باقياا امرأه و الا مازال فيا اجزاء صغيييره بس تقدرى تشوفيها خارجيا بس من داخل كهف مهجور …
هدى…. ممكن توا تهدى خلاص … انتى مفروض تفرحى مش تبكى .. تى انتى افتكيتى من مصيبه ربى بلاك بيها … ولا تبنى نفكرك كيف تتصلى بيا وتبكى ولا فى عرس بنت خالتى كيف ايدك زرقه …
منى … انى والله مش واجعنى الا نفسى الا خسرتها بسبب واحد مايستاهل … انتى تتوقعى يعنى فى حد رح يرضى بيا بعد ماطلقت ؟؟ بس هوا صدقينى اعطيه اسبوع بس ورح يتجوز اصغر منى .. حسبى الله ونعم الوكيل فيه دمرلى حياتى ومشى .. << خيرك تضحكى بجد انتى تشوفى فيا نبكى وانتى تتبسمى ياهدى >>
هدى …. ههههههههه ماهو تخايلت شى بس .. خلاص خلاص فوتى موضوع ..
منى … شن فى قولى … قووووولى ؟؟
هدى …. والله مارح نقولك لين تنحى النظره الحزينه هيا من على وجهك .
منى …. شن فى قولى ماتزيديش تحرقيلى قلبى ..
هدى .. نقولك لكن ماتتعصبيش ولا تعيطى ولا شى ..
منى … شن فى … اختصرى ؟؟
وفجأه خشت سهيله وفى ايدها سفرة العصير وطبست مدة لى هدى طاسه وبعدين منى طاسه وحطت سفره على طاوله وقعمزة جنبهم وقعدة تشبحلهم وهما منظارهم زى عبيطات يشبحولها وبعدين قالتلهم …
سهيله … باه كملو خيركم سكتتو لما خشيت ؟؟
منى …. مافى شى .. سهيله عادى تجيبلى طاسه مياه ريقى يابس وجعانه انتى تعرفى جيبلى انى وهبه نتغدو مع بعض ..
سهيله … باه شن تانى بالك تبنى نجيبلك الحمام هنا ولا نجيبلك دكان عمى معتوق الا جنبنا هنا ؟؟ وكانا عندك نيه فى برج خليفه الا فى دبى نجيبهولك عادى راهو انتى اطلبى بس واهم شى كان فى مكان ابعد من هكى توزعينى عليه عاااادى راهو … تى شن تشوفى فيا لابسه زوز قرون ولا عبيطه ولاعندى خال اهبل ومانفهمش … قوليلى ياسهيله يالصقه ممكن تطلعى برا عندنا كلام جانبي نبو نفتفتوه مع بعض … رانى طلعت طول اما توزيعنى وتشحويرنى باش نخدم عليك هلبه هكى على جمعيه … وراك انتى طلقتى راهو مش كيف جايبه ومش قادره توقفى باش حد يخدم عليك … حلوه هادى … سلااااام ..
هدى …. هههههههههههه اختك فضيييعه بصراحه تهببببل والله بجد ياريت عندى زيها رانى مانملش يكل ..
منى … علاش تتمنى خوديها من توا هيا ليك …
طق طق .. هدى بنيتى مرحبتتتن بيك .. شن حالك وشن حال امك وبوك … شنى مالا هدا ين روحتم ؟؟
هدى …. اى خالتى كي روحنا من سافر امس بس والحمد لله بعد كوشافت دامت اكتر من شهر طلع عند بابا ورم حميد بس واستأصلهوله وروح والحمد لله توا صحته تمام …
ام منى << وريده >> … باهى الحمد لله على سلامته ووالله كان بودى نجى بس الله غالب تشوفى فى ضروف الحوش وفى هالمعتره هادى بس بعون الله فى اقرب وقت نزور امك ونطمن ان شالله
هدى …. خودى راحتك خالتى تتفضلى فى اى وقت البيت بيتك وامى اكيد مقدره ضروفك من غير ماتقولى … وتوا نستأدن منك خالتى هوا هدكا …
وريده …. اقعدى اللطف تغدى معنا مسرع وصلتى انتى ؟؟؟
هدى … لا لا خالتى مره تانيه ان شالله دوبك توا نروح نظم شناطيا ونساعد ماما فى تكريكبة الحوش قبل مايبدو ناس ماشين جايين علينا .. والله انى توا خطفت رجلى فيسع باش نطمن عليكم نروح بس بعون الله رح نجي ونتغدا عندكم فى اقرب وقت …
وريده …. ان شالله ياربى ومش تتغدى بس لالا تقعدى عندنا العمر كله وتكونى من نصيبنا ..
<< هدى هنا ولا وجهها احمرررررر وتحشمت ونزلت راسها لوطا اما منى فاتغصورت مع بعضها وفنصت لامها تفنيصه وقالتلها …
منى …. مش قولت بتخشى الحمام هيا مالا خشى لبين دورت توكتى وقمت شعرى ولحقتك بشنطتك ..
هدى …. اوك خلاص … فاضى هوا توا ؟؟؟
وريده … اى اى حمام ضيوف بنبتى تلقيه فى نهاية الكاردورى شن بنوريك انى توا خلاص عاد وليتى من صحاب الحوش …
وهنا هدى ابتسمت وطلعت من دار تجرى اما منى فاسكرت الباب وقالت لامها …
منى …. علاش تحرجى فيها توا بنت ياماما وانتى عارفتيها تتحشم ولا لا وبعدين مؤيد خوى زى خوها والفرق بينهم 10 سنين فاطلعى موضوع من دماغك وبرى عقلى ولدك طايش قبل ماتلصقيه فى صحابتى وجو الخطابه هوا اطلعى منه …
امها …. انتى غير كان تسكرى فمك بس تموتى حاجه … والله خوك عسل ومافى منه والف من يتمنى ضفره بس هيا تطول يعنى تلقى وليدى …
منى …. باهى باهى بالا تطول بالا تعراض بعدى البنت عالموضوع ياسر ماعقدتونى انى من زواج ….
قعدت منى تتناقش مع امها الا كانت مصره انا مؤيد لهدى وهدى لمؤيد ومنى تحاول توصلها فكرة انا خليهم هما يقررو هالشى مش انتى تحاولى تلصقيهم فى بعض وبينما فى الوقت هوا هدى كيف يتخش الحمام وفتحت الباب لقت مؤيد فى وجهها بى روب الدوش ويغنى << الحياه بقى لونها بامبى وانا جنبك وانت جنبى لست الحسن والجمال سعاد حسنى ههههه وهوا الجمال ماعنداش روح معاه >> وهنا طلعت فى وجهه وهوا طلع فى وجهها وقالتله …
هدى …. خلعتنننننى … اهلين مؤيد وهنا هوا قعد يشبحلها لين خشت للحمام وقال وراها بصوت من تعجيب والتمهتيك ..
مؤيد …. اااااااهللللين نؤؤؤيد … خلعتتتتنى << تى شن تشوف فيا مصباح طلع من قمقم … بس الحق الحق طرف زفت كانا مش صاحبة اختى راهو ربطت معاها …
منى …. ربطت معاها ياروحى بووووووووووووعدك ؟؟؟ وبعدين ماتقوليش طالع قدام بنت بروب هوا يامهند انت نهاااااااااااار ابيض وراس امك من قالك انك تصور فى عشق ممنوع وانى مانندريش … خش خش نهار ابيض حشمتنى ووالله الامانحرش امى باهى شن دخلك انت فى حمام ضيوف …
مؤيد ….. منوووووو وراس وخيتى قبل ماتحرشى امى بعد ماتطلع سعاد حسنى من الحمام قصدى هدى تلقى حوايجى المش نظاف ملوحات على زليزززز قيميهم وحطيهم فى سله وبعدين برى حرشى اوباما ماشى …
منى …. قصدك …. ملوح كل شى كل شى
مؤيد …. يس
منى …. كل شى كل شى متأكد
مؤيد …. مالا بنحى نص حوايجى على زليز وباقى بنبلعهم متلا ولا بنزيد عليك ….
منى ….. اااااااااااااااااااااااااااااااااااااااااااااامى تعالييييييييييييييييييييييييييلى خلااااااااااااااااص انى متتتتتتتتتتتتتتتتتت
وفجأه طلعت …..
يتبع………
لقراءة الجزء التالي : الجزء الثاني من رواية ضوء في آخر النفق
للإطلاع علي فهرس اجزاء الرواية : جميع اجزاء رواية ضوء في آخر النفق للكاتبة كيندا
جميع الحقوق محفوظة للكاتبة كيندا من ليبيا .
