الجزء الأول من رواية عشقها لعنة

يلا تعالو نبدو بسم الله

ف مكان

خمسة عائلة مربوطين ببعض

توضيح

ولي امر العيلة الحاج عبد الواثق

عبد الواثق هدا شيباني مسؤال ع كللل للمنطقه

وعنده اربعه ولااد والاربعه متزوجين

هشام الكبير متزوج بشرى وعنده تلاته ولاد وتلاته متزوجين

صبحي التاني مرته ميته وعنده ولد واحد وهو عزو

عزو هدا قصته اطول من حياتي هدا عمره 28 مايحبش حددد يحكم فيه يشتغل ع مشروعه وفايت كل شي اسمه عيلة ميحببش حد يعطي رايه ميحبش ياخد نصيحه من حدد

وحسام التلات ومرته فدوى عنده زوز ولاد الزوز عزبان امجد وايوب

امجد عمره 27 سنه هادي ومتفهم ومع هدا طررف

ايوب طبعاا معروفه ف ليبيا الصغير صايع لكن جو مليح عمره 26 سنه

والرابع والاخير هدا جاسم وهدا بعد زووواج فتره طويله واخيراا ربي رزقه ببنوتة وحده وف ولادتها امها توفت دارين

دارين هدا البنت الوحيده ف العيلة كللها دلوعت عمامها التلاته كللل شي الا دارين كلهم يحبوها

دارين عمرها 19سنه كانت حركاتها بريئة لدرجه انك تعششقها من حركاتها وعفويتها ومع هدا جميله شعرها طوويل قريب يوصل ركبتها وكانت دلوعه هلبااا

.

.

دارين تقرا هندسة: ياجدي خلاص وعد نتعشى عندك ومعاك الليله باهيي

كانت ماتزعل ف حد

عبدالواثق : وامس نديتك تتعشي عندي وليش رفضتي

دارين: نقرا ياجدي الغالي مش فاضيه اخر مرة تتعشى بروحك بدوني وعد

عبدالواثق: ديري بالك ع عيونك سلم بنتي وانتي صبح وليل تقري قريب معادش تشوفي

زهرة جدها: بعييد السوو

دارين: هندسه هادي وصعبه تبي قراية ياجدي

.

.

تاني يوم

ايوب وصل بنت عمه للجامعه

دارين: باااي

ايوب: بايات

.

.

وتم الدوام ورح بها امجد وهكي

جدهم امرهم كل مرة يوصلها واحد لانه بوها ف الصحراء يشتغل ف النفط لعند مايرجع بوها

.

.

ــــــــــــــــــــــــــــــــ

.

.

في مكان تاني

مريم رجعت من الجامعه وركبت للعمارة ودااهشه ف الدروج وكانت الفرخه لم توصل لحوشهم تشوف في قلب الدروج شافت طررف وعطول خش شقته

مريم قعمزت ف الدروج: خلاص ياعمارتنا راني تعبت من الدروج.. وناضت خشت غرفتها وبنفس النمط هديكا الشقه ريحتها تقققرررف من ريحة السكير متع خوتها الزوز

مريم خشت: يعععع افتحو الشبابيك شن هدا

وفتحت الشبابيك غيرت وبدت تنظيف ف الشقه من الدخان ورماد متع الدخان عشكات متع الدخان نضفتها وزي العاده نزلت ببجامتها الورديه القطنيه عشان تلوح الكناسة (اكرمكم الله) وهي نازله نفتحت الشقه ونزل الطرف متع بكري وراها لكن قعد يمشي بشوية عشان هي تسبقه وتنزل

مريم حساته وراها لكن بعيد نزلت تجري ونفلتت منها الكيس متع الكناسة وطلعو الشيشات متع زجاج متع السكير

مريم: الله يلعنك

عزو نزل ومشافلهاش بربع عين

مريم بعدت الكيسه وخلاته ينزل

.

. ــــــــــــــــــــــ

دارين تتغدى: كيففف ياجدي نخاف اني ره وربي

عبدالواثق: ماتخفيش هو مجرد سواق ياخدك من الجامعه ويرفعك بس

دارين: لالا مانبيش غريب نخاف خلي ايوب او امجد يوصلوني

زهرة: امجد خدمته يابنتي وايوب بدي24 راااقد من السهر

دارين: حييي عليا ومن بيسوق بيا نشالله مش خريج حبوس ولا شخص فقير جعانه ينقز عليا ياكلني

عبدالواثق ضحك: ولد صغير من طرف عزو ولد عمك ويشكر فيه وف اخلاقه وقال انه يشتغل ف الشرطه

دارين: يسلااام كملت

زهرة: الولد نعرفوه من لم كان صغير

عبدالواثق: هدا ضابط تحقيق امني

وبدو يحكو لـ دارين ع السواق وهكي

.

.

تاني يوم

دارين فاقت متاخره وشافت السواق وصل : مسسرع مزال الوقت

دارين لبسة سورية طويله مع سروال جينز ازرق وسبيدرو ووشاح وشنطه خدت مذكرتها ورشتت عطرها مع مكياج خفيف ز العاده وطلعت

دارين ركبت: صباح الخير

حمزة شاف الساعه ف ايده: صباح النور

دارين تشوفله من الكرسي الخلفي وف داخلها: صوته غليظ يخوف

.

.

عزو طلع من شقته وقعمز ف الدروج يلبس ف السبيدرو وحس بشخص نازل يجري زي الطلقه وحس ان الشخص لم قرب نقص سرعته

مريم فاتت جنبه تمسكت ف مذكرتها: صباح الخير .. ونزلت تجري

عزو لبس سبيدرو: صباح الخير… وناض صكر الشقه ونزل ركب سيارته لكن شاف شييي صدمه وخلاه ينزل من السيارة ويتكلم بصوت عالي

عزو بصوت عالي وهيبه: سيييب البننت

مريم ماسكها شاب من جيل عزو

نديم: خليك ف حاااالك

مريم: تاخرررت بعد من طريقي

عزو قرب: اني اظن اني نتكلم عربي ارخييي ايدك

نديم: هادي اختي انت فاهم غلط خوي امشي ف طريقك

عزو شاف مريم : اختك ف حوشكم مش ف الشارع ارخهاااااا

نديم رخها: امشي انتي

مريم مشت

عزو: ز مقتلك اختك ف الحوش لو يتكرر لشفته قدامي مش رح تشوف خير

مريم ماشيه للجامعه: يدير ف جو البطولات هدا قتله صباح الخير بس هه مفكرني بنت عاديه

والبنت مشو للجامعه والتنين بنفس الجامعه وماعرفوش بعض

دارين بدت تتكلم مع البنات يتعرفو ع البنات الجدد وهكي ووصلت ف مريم وتعرفو

وتاني يوم تلاقت مع مريم وبدويهدرزو مع بعض هلبااا وخدو ارقام بعض

وتم الدوام

وروحت

ومريم نفس الشي روحت راكب من الدروج جت عينها ع شقة عزو ونزلت عينه ع للمقبض متع الباب كان دم

مريم ركبت تجري خش:مااامااا

سميه:نعمم

مريم:شفتي نديم اليوم؟

سميه:وينه نديم ماشفت حد

مريم خشت غرفتها وبدت تفكر نديم وين

.

.

دارين ف السيارة:باه مش انت تسوق بيا توا ليك اسبوع تسوق بيا واني قعده مانعرفش حتى اسمك

حمزة يسوق:حمزة

دارين :اهاا باه اسمع عادي توقف للمحل؟

حمزة كمل الطريق وساكت

دارين داخلها تعصبت وف داخلها: هدا خيره شايف روحه

.

فات يوم وتنين وتلاته واربعه

مريم معاد شافت عزو

ودارين معاد كلمت حمزة من غير صباح الخير بس

دارين مع مريم: لالا بعيده اني مش من المنطقه هادي

مريم: اهااا من يروح بيك

دارين: سواق

مريم: شفته يومها لكن محلااها سيارته

دارين: الكلب هو كله محلاه مش غير سيارته

مريم ضحكت: تتعرفو ع بعض؟؟

دارين: لالا هكي مجرد تقييم لشكله بس

مريم: اهااا

دارين: اني تاخرت ف القاعه بنطلع ممكن يكون جي

مريم: يلا نطلعو مع بعض واني بنروح

ونازلت من الدروج واحد من الدكاترة راكب يجري وبوووم خش ف دارين وطاحت وعيطت لم طاحت

.

حمزة ف السيارة ويشوف فها جايه تعرج ع رجلها معاها بنت دارين ركبت والبنت روحت

دارين: امشي خيرك

حمزة نزل وفتح باب دارين: شن لصاير؟؟

دارين: شي بسيطه مادور…. قاطعها

حمزة متعصب: انتي امانة عندي اني خديتك من حوشكم صحيحه كيف بنرجعك تعرجي من السبب

دارين: عادي وين المشكله

حمزة: اسمعي مافيش مشكله اني نشتغل لانه مانبيش نرفض خدمة جدك واول مرة نشتغلها فا قولي كيف صار

دارين: انيي تو نكلمه جدي ونقوله طحت

حمزة ركب. اني تو نتصرف ووصلها

.

.

امجد قدام الباب كيف وصل وشاف دارين نازله تعرج قربلها: خيرك من دار هكي

دارين: طحتت بس

امجد قرب ع شباك حمزة: خيرها هادي

حمزة: نفس الكلام سالتها قالت طاحت

امجد:دااارين تعرفيني نمشي نسال ره قوووولي

دارين:اسمع ونبي باه اني نازله من الدروج والدكتور راكب يجري خش فيا وطحت لكن مش بقصده

امجد:من الدكتور

دارين:امجد مافي شي خلاص

امجد: خشي

دارين خشت وجدها وحناها يساولو خيرها

وفات اليوم

تاني يوم غابت دارين

وف التلاته مشت

ركبت وهي تعرج شوية: صباح الخير

حمزة: صباح النور… وولع وفات

ولم وصلو نزل معاها

دارين شافتله: ويين؟

حمزة: هدا كلام جدك

دارين: شنو قال

حمزة: قالي نسال ع مستواك

دارين تعصبت: حمزة بلاسماطه مش صغيرة باش تسال ع درجاتي اركب سيارتك بلا عار

حمزة: اسف هدا كلام جدك وعفكرة اني مش سواق ليك اني نخدم ف جدك بس لا اكتر

دارين خشت معاه وتتكلم بصوت واطي: اسمعني راني جامعه مش اعدادي عشان تشوف درجاتي ارجع واني نكلم جدي

وتقنع فيه لعند خش الادارة واستناته

حمزة طلع

دارين: استنى شن شفت؟

حمزة: ف الحوش تعرفي

البنات كانو يخشو للمحاظره ويشوفو ف حمزة احلااا واحد ف الجامعه كلهاااا لابس سروال اسود وسورية وسورية جيشيه وسبيدرو اسود مع شهره وطول

دارين خشت للمحاظره

ف المرواح

دارين ركبت وساكته

اول مرة حمزة يكلمها عدل المرايا علها: ماتلومنيش هادي اوامر جدك

دارين: ساعه نترجا فيك

حمزة يسوق: علاش خايفه درجاتك كويسات وكويس معدلك وسالت ع اسولوبك مع الدكاترة ومشالله مافيش كلمه حمراء

دارين: واسلوبي زياده واووو الصراحه جاي تخطب انت حيي ع الموقف حيي

حمزة عدل المرايا ع الطريق وسكتت

ووصلو ونزلو حمزة ودارين

جدها كان ف الجنان: اهلااا بنتي القنينه تعالي

دارين قربت مع حمزة: ياجدي علاش هكي اني ماندس عليك ف شي

جدها: خير شن صار

حمزة: بخصوص الدرجات

دارين: اليوم الدكتور خش وقال وين دارين جاسم يعني سمع اسمي ف الادارة ياجددي

جدها ضحك: وين المشكله هههه

دارين: اي عادي عندك… وخشت متنرفزة

حمزة وعبد الواثق خشو للمربوعه

.

بعد الغدي

دارين نزلت: وين جدي

حناها: ف المربوعه

دارين: من معاه؟

حناها: سواقك

دارين طلعت لغرفتها وسيبت الشباك مفتوح تقرا تقرا تقرا لعند سمعتهم طلوع ويقوله مع السلامه

دارين وقفت ع الشباك وعطول جت عينها ف عين حمزة عطول شاف جدها وعطاه بظهره

وفاتووو ايام

هكي مع دارين ومريم

يتبع ………

لقراءة الجزء التالي : الجزء الثاني من رواية عشقها لعنة

للإطلاع علي فهرس أجزاء الرواية : جميع روابط اجزاء رواية عشقها لعنة للكاتبة ميشو محمد

جميع الحقوق محفوظة للكاتبة ميشو محمد .