وفي الجزء الأول من رواية لن استسلم للكاتبة لوزة دعونا نبدأ في معرفة كيف ستبدأ أحداث الرواية وعن شخصيات ابطالها ؟ كل ذلك في السطور التالية بإذن الله ، ونتمني لكم قراءة مبهجة بإذن الله للجزء .
تعريف بشخصيات الرواية..
اسامة مواليد 79 شاب واعر وعصبي مايحبش العوج شباب منطقة يخافو منه ماعنداش في دوة زايدة ..خريج قسم ترجمة لغات بس مايشتغلش بشهادته يستورد ف بضاعة مﻻبس من برا ويبيع فيهاا لمحﻻت يعتبر معروف ف كل مكان ملقب بأسم (الشبلي) اسامة عنده اخت واحدة اسمها زينب
امهم نفيسة..اﻻب متوفي
سمية مواليد 91 طيبة ومؤدبة وحيدة امها متخرجة
حلمها تكون مصممة ازياء بس امها ماوافقتش وخشت كلية اﻻقتصاد وتخرجت وماحصلتش عمل
بوها متزوج واحدة تانية..وقليل النادر ايجيهم
امها اسمها نادية ..
الجزء الأول من رواية لن استسلم
خ نفيسة:نوضي زينب خلي نمشو لنادية والله استاحشتها
زينب :هي وحتى انا استاحشت سمية..
خ نفيسة:وسيما وسيما
اسامة:نعم يمى
خ نفيسة:زود حطنا ف حوش خالتك نادية ((مش خالته غير هوا تعود من صغره يقولها خالتي من باب اﻻحترام))
اسامة:شن عندها
خ نفيسة: ماعندها شي بنهدرزو
اسامة:سبحان الله النساوين ماعندكم غير دودو دودو دودود ماتعيوش !
خ نفيسة بشبحة عين نص محلولة وتانية تفنص: بتنوض واﻻ ﻻ
اسامة :حاضر نايض وتي روحك هي
طلعت زينب ﻻبسة عباية ومدايرة وشاح مزركش لكن بطريقة جديدة ماعرفتش كيف اديرها فخلت نص شعرها برا شافها
اسامة قالها:الى الوراااء درر وخيتي السمحة
زينب :والله طريقة جديدة .
اسامة فنص فيها
زينب:به به تو نواسيه هكي باهي
ااسامة :هيا اطلعو فيسع عندي تسليم بضاعة
وصلو قدام حوش خ نادية
اسامة:بعد المغرب نجيكم ..
نزلت زينب وامها وخشو سلمو وسمية خدت زينب ومشو لدارها
سمية لزينب:والله استاحشتك
زينب: حوشنا ف منطقة اللي بحداكم راك اتجينا
سمية:انتي تعرفي ماعندناش وﻻد نخافو نجوكم وتاخدنا الهدرزة لبعد المغرب صعب علينا
زينب:اممم به… درهلي كبدي اسامة كنت بندير طريقة جديدة للوشاح ماخلانيش
سمية:بصدق اسامة هدا مافيش منه اتنين
زينب:والنبي اسكتي تره تقولي هكي ﻻن ماعندكش خوت سعدودك
سمية:شن فايدة بالله كان فيه طلعة واﻻ عرس مانقدروش نمشو
كان حن علينا خوك هوينه مشينا عرس كنهدا اهو مفرشكين ف الحوش…. حقااا بابا بعتلي فلوس واجرته المحل اللي بجنبنا
زينب:بجديات ؟؟؟
سمية:اييييه هو صح صغيرون بس خير من بﻻش واخيرا بنقترب من تحقيق حلمي…ونبيك تكلميلي اسامة بش يعبيلي محل
زينب:تو نقوله يتصل بيك
جﻻل صاحب اسامة :شنو ياشبلي بتبعت الشحنة لمحل عبدو
اسامة:ايه حنبعتها غير الكلب متع طانطا معش جي بش ننقلها
نقال اسامة يشرين
اسامة:سﻻم عليكم .
عبدو:ويو ياكلمة وينا
اسامة:نص ساعة ونجيبلك بضاعتك
عبدو:تي شنو تجري بيا انتا ؟؟؟امس قتلي كﻻم هدا
اسامة:تي عيب شن كﻻم تقول فيه هدا.. امس حصلت ف اجرائات جمرك بس
عبدو:بﻻ سبل كان ماتبيش تبيعهانا بضاعة تركيا فيه غيرك راه
اسامة يكشخ:ماتخلينيش نحطلك كﻻم عاطل هني روحك واستنى وكﻻم شرقي غربي بﻻش منه
عبدو:باهي ياشبلي خﻻص نستناك سﻻم
سكر اسامة الخط
جﻻل:خيره عبدو
اسامة :هالبلي هدا يبي بضاعته يحسابني نلعب معاه…قتلك الفروخ مانحبش نتعامل معاهم ياراجل شي ايبغضض
جﻻل:ماادورش يابرو … اهو فاضل متع طانطا جي .
عبى اسامة بضاعته من المخزن وركب سيارته وجﻻل ركب مع فاضل ووصلو لمخزن ف شارع عبدو
اسامة:السﻻم عليكم
عبدو:عليكم السﻻم مرحبا ياشبلي
اسامة :اهي بضاعتك والمبلغ يكون عندي كامل
عبدو:باهي جيبنا نبو مﻻبس نسائية وجو هههه عارف انتا توا الصيف بيبدى وبيكثرو العراس ونساوين بيدلعو ع رجالتهم ههههه
اسامة تكنطا من الكﻻم الماسخ وقاله:ﻻﻻ هادي اخر مرة ﻻ تكلمني وﻻتقولي نبي بضاعة
عبدو:تي شنو تتجكتر علينا بناقص راه بضاعتك حتى اللي جبتها هادي خودها ماصارليش مش عبدو اللي يتجكترو عليه..
اسامة اتكنطاااا شد سورية عبدو وقاله: فهمني انت شن قصتك تلعب واﻻ تجري بيا ؟جيب وبعدين ﻻ مانبيش ؟ الشي هدا يبي تريس عنده كلمة مش عيل مرة نبي ومرة ﻻ ..ننصحك تسكره محل ودوة الغليضة اللي قلتها بﻻش منها خير
عبدو:ياشبلي انت ادير ف العوج سيبني خير ما نلقط عليك وﻻد شارعي
جﻻل زبط اسامة اتكنطا قاله:خﻻص يااسامة فوته مانبوش مشاكل
وطبعا اسامة معش يشوف قدامه غيمت فجأة وصارت عركة كبييييرة اسامة ضرب عبدو ووﻻد شارع متعه ومروح متكنطي ف الطريق((ياعصبي))
زينب لسمية:اسمعي عطيني نقالك خلي نكلم فتحي استحشته غير نقالي فسد وشفرة ف حوش اصﻻ مانحصلش ف فرصة امي رقابة واسامة دوريات عايشة اتقولي ف حبس
سمية:به عادي خوديه ديري رنة بس ماعنديش رصيد
وصل اسامة قدام الحوش يتصل بامه يلقى فيها خارج تغطية بيب بييييب بييييب ماحد سمعه قال فباله تي هيا الننهار المبارك
بيييييييييييب.. نزل من سيارته وصرفق الباب بقوة
شرين ع الحوش
خ نادية:يااااااا سمممية افتحي الحوش
سمية:هيا ماما هي
مشت سمية فتحت الباب ولقت اسامة ايفنص
سمية:كيف حالك اسامة
اسامة:باهي قولهم هيا
سمية:خيرك مضايق؟؟؟
اسامة :ماتوجعيليش راسي سمية قلهم هيا
ومشي ولى لسيارته
سمية قاعدة قدام باب سرحت وتقول فبالها متعجرف ومتكبر وتقعد ديما هكي
اسامة شافها قاعدة متصندلة قال فباله خير بﻻها هادي قاعدة واقفة قدام باب بيبلها بيييييييييييييييب
خشت تجري سمية
سمية :خ نفيسة قالك اسامة هيا
خ نفيسة:اللطف خيره جاي بكري …ضبحي على زينب هي
سمية؛اوكي هي
مشت سمية لدارها وقالت لزينب هيا
زينب لسمية:اونه تو نكلمه ع المحل ونخليه يتصل بيك يفهم منك ومابعدك منه ف خﻻل مكالمة عصبي راه
سمية :ايه نعرفه شن اليوم واﻻ امس
زينب اوكي هي باي
سمية:بالسﻻمة خ نفيسة
خ نفيسة:بسليمة بنيتي تصبحي ع خير
وروحو زينب وامها
سمية لامها:ماما هونه كلمت زينب اتكلم اسامة بيش يتصل بيا ونفهمه ع البضاعة
خ نادية:ماعنديش فلوس يابنتي اللي هناك شريت بيه مونة
سمية:عندي فلوس المنحة وشوية اللي بعتهالي بابا مع بعضهم 850 كويسات مبدئيا
خ نادية:باهي خﻻص تو شهر جاي انا نعطيك حق البضاعة جديدة
سمية:برغم ان اسامة بكل طبعه ماما ايشيب اتحسيه رجل قاسي
خ نادية:الله غالب هدا طبعه
ف طريق … زينب لاسامة …حقا اسامة سمية بتفتح محل
اسامة:مبروك عليها
زينب:ايه المهم تبيك تكلمها ضروري
اسامة:مانكلم حد انا
خ نفيسة:ﻻ بتكلمها البنت ماعندهاش خوت وﻻد الناس بالناس والناس بالله.. واﻻ تبيهم يقولو ماوقفوش معانا
اسامة:باهي ف شنو بنوقف معاها تره قولولي؟
خ نفيسة:مانعرفش كلمها وخﻻص
اسامة :يستر الله نصلي المغرب وبعدين نكلمها
وصلو للحوش خدي اسامة دوش وصلى المغرب واتكى ع سريره فخداه النووم فاق لقاها 10:30 توضى وصلى العشي ولبس حوايجه وبيطلع
دارتله رنة سمية
اسامة يتمتم شن تبي هادي تو هي
عاودلها :السﻻم عليكم
سمية:وعليكم السﻻم اهﻻ اسامة
اسامة :اهلين بيك…. امي قتلي انك تبيني ان شاء الله خير
سمية:انا فتحت محل هكي ونبي ناخد منك بضاعة
اسامة :مﻻبس نسائية؟
سمية:ايه
اسامة:اوكي فيه كدة موديﻻت كاجوال تو نجيبهملك غدوة لمحل … وين هوا ؟
سمية:في نفس شارعنا … بس اسامة مش هادي البضاعة اللي نبيها
اسامة:اماﻻ شنو
سمية:مﻻبس … مﻻبس نسائية متع عراس
اسامة:اها متع بيانات ومناسبات .االحق ماعنديش ف المخزن لكن تو نوصيلك يومين تﻻتة يكونو عندك
سمية:ﻻﻻ اسامة مش هادو
اسامة:اماﻻ شنو
سمية:باهي سكر خلي نبعتهالك ف مسج
اسامة:اوكي سﻻم
سكر اسامة ويتمتم تسهويك البنات دلع زايد….. وصله مسج فتحه وقري اللي فيه وفتح عيونه @_@ نبي بضاعة مﻻبس نسائية داخلية وارواب @_@
اسامة زي المسبوه توا كان مداير عركة ع سبب هدا شن ردت فعله وشن بيرد عليها حتعرفو في الحلقة الجاية
يتبع……….
لقراءة الجزء التالي : الجزء الثاني من رواية لن استسلم
للإطلاع علي فهرس اجزاء الرواية : رواية لن استسلم جميع الاجزاء كاملة
جميع الحقوق محفوظة للكاتبة لوزة .
