وفي الجزء الأول من رواية لهيب الإنتقام هيا بنا لنبدأ معرفة بداية الرواية كيف ستكون وتفاصيل عن ابطالنا ؟ كل هذا في السطور التالية بإذن الله مع الكاتبة ميشو محمد .
الجزء الأول من رواية لهيب الإنتقام
بين الموسيقى والغني والاحتفالات
نيسان كانت في عرس اختها قعمزت ع طاولة لفيها بنات وصاحبات نيسان
نور بنت خال نيسان:عقابلك نوسه
نيسان سكتت وبعدين قالت:اني مش ز اي بنت اني مش هدفي ف الحياة هو الزواج
صفاء صاحبتها رمشت بعيونها:شن؟! وين تحلمي؟! تعرفي روحك بنت مني
نيسان قاطعتها:ميهمني حد ليهمني هو نفسي فقط اني مش هدفي الزواج
البنات يشوفولها:شن هدفك؟!
نيسان سكتت وقالت: هدفي الوحيد نكون اعظم محاميه ف تاريخ الوطن العربي بللللكاامل
بثينه صاحبتها:اوكى تمام بس حقيقي حلمك تزوجي
نيسان شفتلها بنظرة:تفهمي عربي اني نقولك مش هدفي خيرك مش شرط نكون اني زيكم
البنات فجآة ضحكو بهزوه
.
راغب قعمز ع السطل ويشوف ف النار لقدامه: اني ميخوفنيش تهديد واحد ز فاضل
صقر يشوفله وساكت
راغب: كرم وفاضل حقهم رصاصه وحده لكل واحد فاا ياريت مديرليش بيهم حاجه كبيرة
صقر يشوف لخوه راغب وساكت
راغب شاف لـ صقر لـ كان يدخن وسرحان ف النار: وين سرحان؟!
صقر يشوف لنار ويتكلم: راغب خوي الصغير انت ز النار لقدامي بزززبط (شافله) انت صغير ز النار هادي الكل يهزى ع النار هادي الصغيرة صح؟!
راغب شافله بتركيز: علاش ديما تدوي بـ الالغـاز!!!
صقر شافله: النار الصغيرة هادي لو تحط رجلك داخلها رح تنحررق بلكااامل
راغـب يشوفله وشاف لنار: يعني اني برغم انه اني اصغر منك قوي صح؟!
صقر حدف الدخان لفي ايده تحت رجله وعفس عليه وضحك بهزوه شاف: بس نار اول متعفس علها تنطفى (قام حاجبه)وانت شوف الوضع ليناسبك…وطلع
راغب وقف ع النار لقدامه وطفاها وطلع وراى خوه وركبو سيارتهم
في السيارة
صقر ولع دخان تاني: لم تبي اطيح شخص بين ايدك متكونش ذكي بزياده خليك غبي ومشي ومشي ومشي كيف ميعجب فريستك خليك بنفس تفكير الفريسه (شافله)وليسمع كلام الصقر ميندمش
راغب ضحك:اني لنسمع
وولعوو وفاتو
صقر يسوق
راغب بصوت غليظ:26 سنه عايشين ف كذبه انه بونا توفه مريض وليوم نعرفو انه بونا نقتل قتل 
صقر بغلل زاد السرعه
.
بعد مرور اسبوعيـن
صقر ع الاب توب فجآة رمش عيونه وهو يقرا ف الرسالة لجاته
( الاسـم السداسي: فاضل جعفر،،،،، ،،،،، ،،،، ،،،،،
موالـيد:1964/4/9
اسم الام……
اسم الاب…..
و
و
و
و
هدا كللل شي ع فاضل جعفر موفق)
صقر يشوف ف الرسالة:كويس كويس
يكتب:نبي صورة ليه ياراغب ضروري وتوا واليوم سامع
بعتله راغب:اني قدام حوشه اول ميطلع توطلع صورته ع طول
بعتله صقر:تم
الساعه ثمانيه ونص
صقر تعصب وهو يدور ف الغرفة:هياا هيااا هياا ال
(وضرب الطاولة برجله)معقولا رجل اعمال يرقد لتوا؟!
صقر قرب ونفتحت الصورة وكان فاضل ومعاه بنت
صقر دقق ف البنت
بعتله: راغب خليك وراه
راغب بعتله:اكيد
دقايق
صقر يدور ف حساب فاضل ع النت ويشرب ف قهوة تقيله ساده
وصلاته رساله وصورة ع الاب توب
الصورة بنت نازله من سيارة فاضل وخشت للكلية ودايره بيدها باي ومبتسمه
صقر يتأمل ف ابتسامتها: البتسامه هادي رح تتلاشى مع الوقت بس مش بسرعه هادي لانه صقر ميحبش السرعه
الرسالة(منعرفش مني هادي بس اختمال تكون بنته المهم مليناش علاقه بلبنت فاضل وصل لشركه متعه ونزل)
صقر بعتله ريكورد: ارجع
.
بيسان ف الكليا: كل شي حلو ف القانون
صفاء: ز القهرة قراية غبرة حرفه سووووداء
بيسان شفتلها ع جنب
.
تاني يوم
بيسان نزلت لكافيتريا:صباح الخير
…..قام عيونه فها: صباح الخير
شن طلبك؟!
بيسان : نسكافيه و Twix
…عطها الطلب وقعمزت وامورها مشت عسل مع صاحباتها
وطلعت
قعمزت ف الساحه
.
صقر قعد يدور ف غرفته بملل بنفجر: اني متكيف هني ولـ قاتل بوي عايش حياته ولله مصارت…وخدي مفاتيحه وهاتفه وطلع متعصب
وفجآة وقف ف الساحه متع كلية نيسان
صقر يشوف يشوف لعند شافها سرح فها: توا ياملاك انتي نقطة ضعف البابا وانتي الضحيه عشان ننتقم براحتي
قاطع تفكيره
نيسان وقفت وتشوف ف شاب يقربلها وباين انها تعصبت :انت شن جابك اني مستحيل نركب معاك
فرج قررب: قدامي بلا لكلك زايد
نيسان قعمزت:اني قللت لا ولا اطرش
فرج شاف لساحه
صقر يشوفلهم بناار: ياسلااام مش بس بنخرب حياة الاب بلعكس حياة الاب والبنت بس خليها تولع اكثر
فرج قرب بهدؤ: نيسان اني قعدت فرجه نوضي بلا
نيسان مقعمزة وعيونها ف هاتفها: لااا معاك مش راكبه
فرج شد مرفقها وجبدها: دلاع امك فوتيه
نيسان سحبت ايدها وطربقاته كف
صقر يشوفلها: محلاه الكف بردتي ع قلبي ياقلبي وتوا جي دوري.. ونزل
فرج قعد يشوف ف ليشوفوله ف الساحه المعبيه شد مرفقه بقووووه وسحبها وتلفت بيطلع شاف شخص اطول منه قدامه
يتبـع……
لقراءة الجزء التالي : الجزء الثاني من رواية لهيب الإنتقام
للإطلاع علي فهرس أجزاء الرواية : جميع روابط اجزاء رواية لهيب الإنتقام للكاتبة ميشو محمد
جميع الحقوق محفوظة للكاتبة ميشو محمد .
