الجزء الأول من رواية محظوظ ولكن

وفي الجزء الأول من رواية محظوظ ولكن من إبداع الكاتبة لوزة دعونا نبدأ في معرفة كيف ستبدأ الأحداث وعن شخصيات ابطالنا ؟ وكل ذلك في السطور التالية بإذن الله ونتمني لكم قراءة جميلة بإذن الله للجزء .

نبذة عن الرواية وشخصيات الابطال

اسمي عمر احمد فلان…. عمري 32 عام هوايتي المفضلة من كان عمري 10 سنين هي الغطس… فلهذا ملقبيني ب الحوت هههه ماحد يضحك على هالقلب المهم اصبحت غطاس وهدا بفضل ربي اوﻻ وبدعم والدي ثانيا رحمة الله عليه… شاركت في عدة بطولات قي كدة دولة والحمد لله نفوز يامرتب اﻻول ياثاني ….الى جانب نشاطي اﻻخر وهو رفع اﻻثقال بس مش ديما نشارك في البطوﻻت هادي… شاركت مرة واحدة بس وفزت بالمركز الثاني قولوا ماشاء الله نخاف من العين راهو ههههه
.. مهنتي حاليا خفر سواحل اي بمعنى كان حد صارتله مشكلة بالقارب متعه وهو في البحر احنا ننقذوه واﻻ كان فيه هجرة غير شرعية نشدوهم …وكذلك نشتغل شغل تاني وهو امن في شركة … كل شي معاي حلو اﻻ(…. )

الجزء الأول من رواية محظوظ ولكن

معاكم عمر الغطاس ملقبيني بالحوت امس عطيتكم نبدة بسيطة عليا ان شاء الله مانسيتونيش عرفت ان البعض يحسابني مغرور هههه مغرور بس معذور عموما فيه كلمات ديما نردد فيهم في بالي طبعا نردد فيهم من قبل مايصيرلي موقف وجعني في نص قلبي …والكلمات هي
مش كل اتنين يحبو بعض يتجوزوا وﻻ كل اتنين معجبين ببعض حيتجوزوا فيه اللي يرتبطوا عﻻقة 3 سنين واكثر وفي النهاية ينفصلوا وتتعدد اﻻسباب.. ياامه بتجوزه ياهيا حصلت فريسة تانية احسن منه ياهوا يلعب من البداية والى اخره ههههه معليشي انطمن في روحي معاكم واحد منكوب نعترف ﻻن عارف روحي وعارف حظي مش زي محمد ونسرين واﻻ بانون وعزيزة واﻻ اياد ونورس …
((وياليت النهايات تكون جميلة مثل البدايات))

** عيلة عمر تتكون اﻻم :خ وداد واعرة وحرفة واتحب ولدها البكر اللي هوا حاتم مواليد 79 متجوز ..عمر الوسطي مواليد 81…نازك اﻻخت .. اصغر من عمر بعامين …
**
خ وداد:عمرررر ياعمر نوض تي نوض ياولد … تي نوض وانت احرف من الشيباني الخارف
عمر:شوية شوي هي اهو نايض هي …هي …
هي…
ومشي فيها نومة zzzz
بعد ربع ساعة رجعتله
خ وداد:وليت رقدت ! به اارقد اتقولي فاتتني الطيارة نهارك احرف وانت من هداكا النهار بديت تتسبل اي حاجة مش عاجباتك
عمر:باهي ياودي اهو بنوض هي…
طلعت خ وداد من الدار ولوح عمر بطانيته وقعمز وحط ايده على شعره …
نكره النوضان بكري عندي عقدة منه…. المشكلة الصبح فيسع مايصبح واحﻻ نومة في الصبح هكي اتقول عسل يقطر تقطير هههه… نسيت نقولكم صباح الخير … وكدلك راكم اديرولي صوت رقيق في بالكم صوتي خشن راهو  ..
خ وداد رجعت لدار وقتله:نضت
عمر:نضت ايه … صباح الخير يمى نهارك مبروك
خ وداد:صباح النور … فز فرج من بكري اهنا يستنى فيك خاطري بس تكون ناشط زيه
عمر: فرج مش ناشط اتنوض فيه اﻻداعة متع المدرسة اللي بجنبهم
خ وداد:اح باه باه نوض
طلعت خ وداد
توجه عمر لدوﻻب فتحه خدي منه فوطة ومستلزمات وخش للحمام يدوش وطايرتله
عﻻش بس انا من دون الناس حظي كرنب …. تمنيت ينوشني شوية حظ شوية بس ولو شعرة …
كمل دوشه عمر و وتى روحه وخدي قهوته وشنطته وسلم على عيلته وطلع
عمر:صباح الخير فروجة
((فرج هدا خالي انا اكبر منه ب تﻻتة شهور))
فرج:صباح الفل احبيبي ﻻزم اتعطل كالعادة
عمر:انت جاي بكري ﻻزم اطلعنا كسﻻن قدام اختك
فرج:هههههههه
عمر:مش عارف نحس فيها امي كان تلقى تقتلني من بعد اللي صار
فرج: الغلط مش غلطك وﻻ غلطها هيا
عمر:عارف عارف
فرج: ربي ايعينك ياعمر بجديات اللي صارلك مش شوية
عمر: يستر الله والحمدلله على كل حال
فرج:هو الستار …يﻻ اركب اركب خلي نمشوا للمطار فيسع اهو بيحطنا خالد
عمر:اوكي هي
ركب عمر سيارة وسكر الباب
وقال:صباح الخير خالد
خالد:صباح النور ياطيب

وطول الطريق عمر سارح …
وبعد شوي وصلوا للمطار ركبوا في طيارة وقعمز عمر في كرسيه واقلعت الطيارة وغمض عيونه عمر واتكى…
عﻻش بس كل مانغمض عيوني نذكر اللي نحاول ننساه هداك اليوم …كل شي بتفاصيله بحدافيره …
تعبت من حظي المقندل …
اليوم اللي كان يفترض بيه ايكون حلو …
توجعت منه وكان اكثر يوم قاسي عليا ندكر في كل تفصولة منه >>>
* غمض عيونه ورجع شريط دكرياته* ….

اااخ ياربي فرحان انا فرحااان واخيرا بيوصل يوم بيانا حبوبتي
لمياء(مواليد91)):كان انت فرحان انا قريب انطير
عمر:لولو بيبي
لمياء:ياعيونها
عمر:انحبك وربي انحبك
لمياء:انموت فيك يااغﻻ حاجة في حياتي  يﻻ حبيبي بنمشي نوتي الحاجات مع خواتي
عمر:استنيي
لمياء:نعمممم
عمر:نتخيل فيك بالفستان الاحمر كيف حتطلعي امممم اكيد تهبلي
لمياء:ههههه خﻻص هانت استنى لغدوة وتو تشوفني بيه هههه
عمر:هلبا لغدوة
لمياء:هيا حبيبييي بنمشي
عمر:به اعطيني بوسة
لمياء:ﻻ ﻻ مافيش
عمر:امممموه خديتها هههههه يﻻ باي
لمياء:هههههه يابارد بايات
مشت لمياء لخواتها تهدرز معاهم ..

لمياء:ها شنو كملتوا تغليف المكسرات
رنا(اخت لمياء اكبر منها بعام 90):اهو قاعدين نحطو فيهم
منال( اختهم الكبيرة متزوجة 85):قعمزي ديري معانا بش نتمو فيسع
لمياء:اخخخ قريب نطير مش مصدقة ياناس حب حياتي عميرو غدوة بيلبسني الدبلة …
رنا تفكر … اخ ياربي كان تعرفي بس اني نحب خوه ونموت فيه موتان تقتليني لكن ماليش لحد الحق انه يلومني انا نحبه وهوا يحبني.. الصبر ياربي لأمتى بنقعد انا وياه هكي حب في الظلمة وماحد يعرف
منال:عقبالك يارنا
رنا:اه ايه ان شاء الله

خ سعاد(امهم):كملتوا
منال:اهو قريب خﻻص
لمياء:ماما من بيمشي معاي غدوة مزينة
خ سعاد:رنا تمشي معاك يحطكم بوكم غادي
رنا:شن بنقعد غادي الوقت كله !
خ سعاد:اماﻻ بتقعد بروحها اختك
رنا:الصبر ياربي

فرج:شنو خديت البدلة ؟؟
عمر:ﻻﻻ مازال …
فرج:وشن تستنى
عمر:غدوة الصبح ان شاء الله
فرج:ان شاءالله

وعسريع انقضى ماتبقى من الليل وصبح عليهم الصبح والكل ايوتي حوش عمر يوتو في سوابيتهم وحوش لمياء يوتو في العشي والحلويات وكل مستلزمات ومشوا لمياء ورنا ل المزين وسريع سريع جت العشية وجت لمياء من المزين وبعدها بنص ساعة جو امالي عمر
بسوابيتهم خاشين ويزغرطو روروروروري
سلموا العيلتين ع بعض وقعمزو يهدرزو … خشت رنا لدارها وفتحت الخط
رنا :الو
حاتم:ها سنفورتي
رنا:وينك حتومة من امس نتصل بيك
حاتم:ماه ماقدرتش انرد المرا ﻻصقة فيا نحس فيها شكت اني نكلم في بنت
رنا:ﻻﻻ ماعتقدش شكت …اخخخ تعرف توا سلمت عليها وقت خشت تمنيت انا نكون مكانها ونكون مرتك
حاتم:تي انا ديما نتمنى فيك معاي ياحبي… بس مافيش في ايدي حيلة اماليك مش حيوافقو انك تنزلي ضرة وعيلتي مش حيرضو انطلق ﻻنها بنت عمي
رنا:ايه ايه عارفة حبيبي خﻻص المهم انحبك وانت اتحبني واكيد حتصير حاجة هكي وتجمعنا مع بعض 
حاتم:ان شاء الله يارب … اسمعي اليوم اكيدة طارحة صوري وابعتيلي صورتك عالفايبر
رنا: نقالي سامسونج فسد توا نستعمل في بيلة امقيحة ..
حاتم:اها خسارة
رنا:وتعرف حتى الميموري انضرب باهي اللي عندي صورتك الشخصية كل مانستاحشك نطلعها ونشوفها
حاتم:ههههه

جت خ سعاد ل رنا وقتلها : مصح وجهك العويلة مقعمزين برا وانتي مخلية اختك منال وبنت خالتك ف المطبخ ومقعمزة تلوقني
رنا:ﻻﻻ غير منار كانت اتقولي ف حاجة مهمة
خ سعاد:نوضي فيسع خشي مطبخ وخلي اختك منال تجي تقعمز معانا نوضي
رنا:هيا هي … باي منار تو نهدرزو بعدين
حاتم:باي حبيبي

نزل حاتم من سيارته ووقف ع عمر
وقاله:معش اتوتر روحك هاك كينكس جبهتك اتشبشب عرق
عمر:ههههه ماه اكيدة حوشهم معبي نساوين نتحشم
حاتم :تمشي ركز ع خطيبتك وانساهم الموجودين
عمر:ان شاء الله
جاهم فرج وقالهم:مازال ماضبحوش عليك
عمر:ﻻﻻ مازال

شذى(بنت خالة لمياء): رنا يابلي خلي التلفون بﻻ رسايل وهم وهيا خلي نفررقو الحاجات
رنا:باهي هي …
حطت رنا نقالها في جيب السروال برغم ان جيبها صغيرون جداا جدا
وخدت صفرة الكابتشينو ووراها شذى بالكيكات
وطلعت ع صالة ثم دار الضيوف وبدت تفرق وتشبح ل مرت حاتم بكل غل …
مرت حاتم ((سماح))خدت الكباتشينو وقتلها:صحيتي …
بس رنا قعدت مطبسة عليها وسارحة تسحن عليها …
سماح:صحيتي ههه خﻻص خديت
تحركت رنا بطريقة غلط من مطبسة لوقوف عسريع فاطاح منها نقالها وانفتح الكافر وطلعت صورة حاتم وجت بحدا رجل مرته بزبط…
انصدمت رنا
مرت حاتم شافت صورة راجلها وشهقت هيييييي هادي شن جيبها عندك؟؟؟
رنا طاحت منها صفرة الكابتشينو وشوية منه جي على حوايج مرت حاتم …وبطبس رنا بتاخد الصورة… خدتها سماح قبلها
خ سعاد:هييي يا رنا يامدهوبة الشيرا شن درتي ! فيسع جيبي فوطة
خ وداد:ﻻ حول وﻻ قوة اﻻ بالله
سماح: فهميني توا صورة راجلي شن جابها عندك !
خ سعاد:شن تقولي اللطف كيف صورة راجلك عند بنتي
سماح:ركزي ياحاجة صورة راجلي كانت في كافر تليفونها
خ وداد:العفو !
خ سعاد:ﻻﻻ غير بالك يتهيالك
سماح:شن يتهيالي شوفي يا اﻻي بش هادي صورة ولدك حاتم
خ وداد:اي والله
سماح تبكي:كنت شاكة انا انه يكلم في واحدة كنت شاكة وﻻ ومكتوب ورا الصورة حاتم و رنا بخط حاتم وووك عليا وووه
خ سعاد اتكشخ:غير هدي بالك …. رنا شن الكﻻم اللي نسمع فيه هدا !
رنا مصموطة حتى كلمة موقف غريب والكل ايوشوش عليها و لمياء اتبيت من دارها مافهمت شي
خ سعاد:تي نكلم فيك يابلوة حق الدوة
خ وداد: والله كان الدوة صح سامحوني بن…
رنا عيونها دمعو وقالت :صح ايه..

يتبع ……….

لقراءة الجزء التالي : الجزء الثاني من رواية محظوظ ولكن

للإطلاع علي فهرس اجزاء الرواية : رواية محظوظ ولكن ( جميع الاجزاء كاملة ) للكاتبة لوزة

جميع الحقوق محفوظة للكاتبة لوزة .