وفي الجزء الأول من الرواية دعونا نتعرف سوياً علي لمحات حول الأبطال والرواية وبداية جميلة مع الأحداث والمزيد في السطور التالية بإذن الله .
مقدمة رواية متعصب واحببته
نبض غريب يسكنني عندما ألمح أسمك … يا أنت ~`
هو★يعرف امتى يكون جدي وامتى يبصر عنده قوانين ومبادئ في حياته يمشي عليهم يحب يخدم نفسه بنفسه من هو وصغير شخصيته قوية ويعرف يميز بين الصح من الغلط 🔥يقولوله متعصب
هي★مرحة وابتسامتها ما تفارق وجهها رغم الحزن الى في داخلها عنيدة وراسها يابس بس تعرف تفصل بين الجد والبصارة 🔥يقولولها جودي ابتْ 🙈لان شعرها برتقالي
هو اسمه زين
ارمل عنده ليث ولمار تؤام 💚وتخصصه قانون عنده مكتبه الخاص
هي اسمها جود
ماتعرف شي عن عيلتها الا انها بنت سواق البيت الي تشتغل فيـه خدامـة 💚
زياد اخ زين اخر العنقود عمره 22سنة يخدم مع بوه في الشركة يوم يمشي و10 لا 😂طايش حانط جوه حلو قريب من جود بكل واسراره كلهن عندها ..
بوهم علي وامهم عليا 😂هما التنين كويسين مع جود وهذا الى محيرها و اول مرة تشوف وحدين يعاملو في خدامتهم وكأن بنتهم واكيد فيه سر 🙈🙊🙉..
علي عنده اخ اسمه سالم مرته سمية عنده بنت اسمها غادة ولد اسمه زبير..
باقي الشخصيات حتعرفوهم في باقي الاحداث 🔥و الاسرار حتعرفوهم مع تسلسل الرواية 🔥
الجزء الاول من رواية متعصب واحببته
زين ≈جووود ويهود فوق راسك انشاء الله 😡
جود≈ ها خيرك وانت تعيط من صبح ربي
زين≈من خش لجناحي امس 😠
جود تحرك في شعرها بعفوية≈اه ماهو خشيت نضفتها😅
زين قرب مني واجد ورفع اصبعه في وجهها≈اخر مرة انحدرك مرة ثانية نلقاك داخله لي جناحي رجليك انحشهم حش 😡
جود بعدت عنه مسافه “بصوت واطي ≈متعصب 😤
زين≈شن قلتي 😡😠
جود≈ لا شي بس قلت حاضر
زين≈ سمعتك ع فكرة
جود≈ مدامك سمعت علاش تسأل😏
زين جا بيتكلم ≈قطع عليه
ليث ≈بابا هيا انا و لمار جاهزين
زين ≈هيا يابابا عطا نظرة ل جود وعدا
اذكرت لما خشت الجناح بصدفة
زين كان يطيب في الفطور منسجم مع الموسيقى
لمار تفرك في عيونها≈صباح الخير بابا
زين حط السندويشات ع الطاولة صباح النور≈هيا يابابا نوضي ليث عشان نفطرو
لمار ≈ حاضر😘
بعد فطرو وغيرو
طالعين ليث ولمار
زين مسكهم من دبشهم ≈ شن ناسيين
لمار &ليث =شي
زين =دعتو الماما 😜
لمار&ليث ≈ عظو ع لسانهم بحركة طفولية و حركو راسهم بالنفي بمعنى لا 😜 وانت يا بابا😂😂
زين ≈حتى هو دار نفس حركتهم و حرك راسه بمعني لا 😂
اتجهو هما 3 للمكتب كانت فيه صورة زوجته المتوفية في حالة وضع كل واحد باس الصورة وطلعو 😘
\\
//
جود≈مش عارفه ليش مايحب يوضح حنيته لحد هوا صح مريض رسمي لا يحب حد ينظفله وحتى دبشه يغسل فيهن بروحه اول مرة نشوف راجل هكي 😅اكيد عشان مرته الميته بس الحاجة الى تعجبني فيه حنيته ع صغاره 😍فاقت ع روحها افف هذا من قلت الاكل قعدت انقول هكي اكيد 😂
زياد ≈خيرك وانتي تهزبي ع الصبح 😂
جود. ≈من خوك ها المريض
زياد ≈ يعني انتي ماتعودتي عليه من قبل هكي خيرك ياجودي أبتْ الايام هذي مش عاجبتني
جود≈😠😡جوود
زياد≈خلاص معاش تشوفي فيا هكي😂😂
جود≈ماتجو الا بالعين الحمره،، افف غدوا هالدراه الكبد بتجي ع الغداء هيا وخوها الهم
زياد≈اكيد غادة و زبير 😂😂
جود≈من في غيرهم 😠
زياد≈ وحتي انا زيك مش حاملهم بدات زبير بدمه الثقيل
جود≈ كيف ما بتمشي للشركة !؟
زياد ≈ لا كيف ما بنمشي اليوم بتجي السكرتيرة الجديد ادعيلي انشاءالله تطلع مزه بس😍😍
جود≈ 😠😒😒
زياد بخبث≈ هدي غيره والا شن ايقولولها 😈
جود ارتبكت≈ انا نمشي نفطر وحتى انت هيا عشان ما تأخر
زياد ابتسم≈مسح ع لحيته..شكلك حتعبيني ياجودي ابتْ عدا
ع طاولة الفطور
علي ≈ وين زين
عليا ≈ يعني انت ما تعودت عليه يفطر هو ولاده مع بعض
علي≈ وانت امتى بدير عقل زي خوك وتبطل استهتار
زياد≈ الكلام عليا انا 😅
علي ≈ وهو في حد غيرك
زياد ≈اوو يا حاج خيرك قلبت عليا ولا مش قادر غير عليا
علي ≈ زززياد 😠
زياد قرب من امه وقال بصوت واطي ≈ علو حبيبتي كلميلي راجلك وعقليه راهو الايام هدي نشوف فيه عيونه مش مزبوطات خصوصا الموظفات صغيرات وحلوات وفهمك كفاية ديري جوك وناض وخلا وراه مذابح 😂
علي≈خيرك من بدري تفنصي فيا شن قالك الفرخ هذا 😠
عليا≈يعني الكلام الى قاله ليا صح و بتتجوز عليا
علي≈معقولة تصدقي الفرخ هذا يعني ماتعودتي ع حركاتها
شن بنجوز بعد هالعمر ناقصني وجع راس انا 😠
عليا ≈يعني ما بتجوز عليا😢 صح
علي≈ لاحول ولاقوة الا بالله امنت بالله…. يا فرخ يازززياد تعال حلها زي ما غبرتها ياولد الكلب😡 بصوت عالي
في المطبخ
جود ≈شن مغبر ياهمي
زياد يضحك ≈لعبت في راس الحويجة شوي 😂
جود≈خزي انت ما تبطل حركاتك بكل😠
زياد ≈خليه عشان يلهى عني شوي وهو قاعد في جرتي😂
في المكتب
رن تلفون زين
زين ≈الو السلام عليكم مديرة
لمار ≈الو بابا
زين ≈ لـ لمار شن ديري في مكتب المديرة
لمار ≈اصلا المديرة قاتلي نتصل بيك حي
زين ≈ابتسم لان عارف لمارلما تكذب تقول كلمة حي 😂وتحط يدها ع فمها
لمار. قصدي انا قتلها نتصل بيك لان هيا قاتلي انك اتجي ع المدرسة بس انا قتلها بابا مش حيجي لانه عنده شغل حي يعني انت مش ضروري اتجي حي🙊
زين ≈ صكر منها وطول ع المدرسة لانه عارف انه مدايره مصيبة😂
في المدرسة
لمار قاعدة في الفصل مطمنة انه زين مش حيجي بس
الابلة ≈ اهلين استاد زين …. كيف صار رجعت من السفر بسرعة
لمار≈😨
زين ≈مصدوم .. سفر شنو!!
الابلة≈ لمار قاتلنا مسافر
زين ≈شبح في لمار وهي تشوف فيه بنظرة تربحك استر عليا😂.. ااه اي كان عندي شوية شغل في الشرق
الابلة ≈ حست بـحاجة غلط في الموضوع..بس لمار قالت برا ليبيا
زين ≈شبح في لمار مرة ثانية تشوف فيه بنظرة مشى معاها تربح 😂..مسح ع وجهها ااه اي ماهو صارت لخبطة المهم شن سبب الاستدعاء
الابلة ≈الصراحة فيه شكوى ع لمار من ولية الامر هذي
ولية الامر ≈ربو ولادكم كويس قبل مادخلوهم في المدارس شنو الاستهتار هذا وين امها شوف كيف حال بنتي سنونها البنت عدن..
زين ≈وجعه الكلام 💔بس ماعدل عليها ومشى للبنت .. ترا افتحي فمك
البنت≈فتحت فمها سن الى قدام خراب 😂
زين≈عارفة انك محظوظة لان لمار كسرتلك سنك
الابلة &ولية الامر 😨😨
البنت ≈ليش
زين ≈كمل كلامه .. السن هذي كان حطيتيها تحت المخدة متاعك حتجي مرا في الليل وتحطلك هدية و في الصبح حتلقيها 😍
طبعا الكذبة هذي مشت ع نص الشعب وانا منهم 😂😂
ولية الامر ≈انت كيف تعلم بنتي خرفات زي هادي 😡
البنت≈بطفولة ماما اسكتي توا تسمعك المرا و معاش تجي
ناضت مشت لـ لمار.. شكرا لانك كسرتي سني 😇
لمار ≈ وكأنها دارت انجاز..عادي ولا ايهمك
ملاحظة& لمار افكارها و كلامها وتصرفاتها زي الكبار عكس شكلها الطفولي 😂😂
الابلة ≈ابتسمت.. الحمدالله انكم حليتو الموضوع بشكل ودي
وتوا تقدرو تروحو
في البيت
في الصالة مقعمزين لمار وليث ع الصالون وزين قدامهم
زين ≈ توا قوليلي ليش كذبتي وليش ضربتي البنت
ليث≈انا مادرت شي
لمار≈انت ماحد كلمك.. هيا الى بدت الاوله تقولي فطورك مش حلو لانه ايدير فيه بابا وانا ماما وقاتلي شعرك مش حلو لانه يصلح فيه لك بابا وانا ماما
زين≈ وطبعا انتي فار دمك و ضربتي البنت ع وجهها وطاحت سنها😂
لمار ≈بالضبط 😂
زين ≈يابابا انتي وهو نبيكم تكونو احسن وحدين وانتي يا لمار تقدري تفاهمي بالكلام مش بالضرب اوعدوني انكم ماتضربو حد في المرة الجاية 👍
ليث
يتبع ……..
لقراءة الجزء التالي : الجزء الثاني من رواية متعصب واحببته
للإطلاع علي فهرس أجزاء الرواية : جميع اجزاء رواية متعصب واحببته للكاتبة سراب الغيث
جميع الحقوق محفوظة للكاتبة سراب الغيث .
