وفي الجزء التاسع عشر والأخير من رواية رحلة الحب من إبداع الكاتبة لين نزار يا تري هل ستكون النهاية حزينة ام سعيدة ؟ دعونا نعرف إجابة هذا التساؤل في السطور التالية بإذن الله ونتمني لكم قراءة مشوقة بإذن الله .
الجزء التاسع عشر من رواية رحلة الحب
دقت الباب،،
أمير وهو منشغل بورقو ايمن رجعت تاني مالك؟ ردت ليو لينه رجعت عشان بحبك 
أمير اتخلع وقام على حيلو التربيزه ضربتو ف راسو 
قاليها لينة جات جمبو قالت ليو معليش خليتك اتخلع قاليها م مشكله معليش ليك انا الكنت عميان من مشاعرك ناحيتي يوم شفت الولد داك عرفت اني اتاخرت 
قالت ليو فعلا داك كان خطيبي بس فسخت لاني وافقت وقلبي كان مليان بيك 
قاليها لينه م عارف بكرة داسي لينا شنو بس اوعدك اني ححبك لحدي اخر يوم في حياتي 
قالت ليو عارف عشت بتخيل اللحظه دي كتير لحدي م فقدت الأمل انها تحصل
كانت من أسعد الليالي بالنسبة ل أمير ولينة 
……….
جا اليوم المحدد لوصول ابوي مشيت معاهم المطار وكرشي قدامي مشتاقه ليو اعمل شنو ولقينا ابوي وحضناه بالدور الحاجه الحلوة ف الموضوع انو تاني م حيرجع حنعيش اسره مع بعض للابد الاسره لمن تكون مترابطه وحنينه الاولاد بطلعو نفس الشي 
امي دي تبكي من قبل م تشوف ابوي وبعد شافتو وفضلت ماسكه يدو وتبكي لحدي م رجعنا البيت ياخخخي بالجد للحب بخلينا أطفال مهما كان عمرنا 
نزلوا عندي في بيتي 
واخذنا الوناسة لمن الساعه ١١ بليل جات لقتنا ف حتتنا 
امي قالت لي يؤسفني اني اقوليك انو بعدا اي وحده تستلم راجلا وانا ماشه مع راجلي خلاص لكن برسل ليك تينا 
يجماعه امي باعتني 
أمير وقفنا استنو قبل م تتشاكلو انا عايز اعرس كلنا سكتنا ساي فارس قاليه عيد كلامك دا؟ أمير قاليه انا عايز اعرس مالكم م اعرس؟ امي قالت ليه يوم الهنا والمنى والله ابوي قاليه وديمنو سعيده الحظ دي؟ قالينا لينة كلنا سكتنا بالجد قلت ليه لينه اخت معتز اما فارس قعد يصفر اخيرا اقتعنت لكن معنز حيديك كيف قاليه م عليك المهم تعرفو بس وكان ونسة ظابطه، بعداك ودعونا وطلعوا وانا وفارس من التعب شخرنا طوالي
بكره الصباح قالي البسي عايز نمشي مشوار ضروري لبست توب واتظبطت حبه وطلعت معاه وهو حلف م يديني أقوال نهائي وصلنا لي بيت كده عماره سمحه فيها ٤ طوابق.. قلت ليو جايين لمنو قالي لي اعمام ولدي 
اتخلعت وسكت دقينا الجرس فتحت لينا شافعه عمر ٧ سنوات شعرها طويل ولونها قمحي حلو بتشبه فارس والله 
قلت ليها ازيككك قالت لي اهلين ي عمتو فارس شالا وهي اتشعلقت ف رقبتو ليه ي فارس طولت م جيتنا ليك يومين لمن قالت طولت قايلة اسبوعين مثلا قاليها رنا حبيبتي هسي انا جيتك وجايب ليك حاجات حلوه معاي سلمي على مرت اخوكي الحلوه مدت لي يدها وبسرعه رجعتها كانت ماسكه فارس قوي فارس شايلها ف اكتافو وفتح الضهريه وطلع كيسين كبار وكيس بنوتي بالجمبه كذه نزلا وشال الأكياس دخلهم وانا طبعا م فاهمه اي شي بعد شويه زول كورك من جوه ي رنا مالم اتاخرتي جو ولدين اكبر منها عمر ١٣ و ١٥ كده واحد منهم الصغير قال اوو فارس يا راجل اخبارك والتاني الشيخ ابونا نورت وجا ساعدو سلمو على قالي اتفضلي.. وفعلا اتفضلنا جات مرة باين انها صغيره ف العمر م كبيره يجي كم وتلتين سلمت علينا.. قالي دي عمتو هدى مرت ابوي سلمت عليها قاليها دي هديل مرتي حضنتني بعداك اكتر ورنا كانت بتفتش ف الأكياس وكل شويه تطلع لعبه شكرا ي فارس ديل كلهم كنت عايزاهم اخدنا ونستنا معاها وانا حبيتهم جدا بذات رامي ورائد ظريفين وجنهم ضحك بعدين هدى قالت لي فارس عايزاك بالجمبة فارس قام معاها..
لمن رجعنا شوفت فارس عيونو حمر كانو ببكي قعد قاليهم رايكم شنو ي اولاد تمشو معاي كلهم فرحوا بس رنا تاني اخدت رجعه بس ماما حتمشي معانا حسيت فارس انكسر وعاين لي امهم امهم صلحت الموضوع لالا ي رنو انا م حمشي انتو حتمشو وانا حجيكم بعد اسبوع ارحعكم فارس قال مشتاق ليكم رنا جات حضنتو طيب ي فارس اسبوع بس وحترجعنا لماما صح بأسا ف خدودا قاليها اكيد حبيبتي يلا خشو مع ماما البسو وتعالو لما خشو سألت فارس وصدمني قالي عندها كانسر ف المخ ف مراحله الاخيره ومافي زول عارف غيرا هي والدكتور هسي اجبرها انها تجيه ف المستشفى ترقد عندو قالت لي حاسه انو دي أيامي الاخيره خلي بالك منهم انا تلقائيا لقيت دموعي نزلت بعد شويه رنا جات طالعه فارس ي فارس عاين انا شاطره لبست قبلهم فارس حضنا بس
سوقناهم معانا و دعنا هدى
مشينا بيتنا ونزلو كانو مستاءين من وضع البيت فارس نزلنا قال عندو شغل ضروري وجاي..
ختيت ليهم حاجه ياكلوها بعد شويه رامي قالي دا وقت القيلوله بتاعتنا فرشت ليهم السراير تحت الشجره ألفي الحوش عشان الكهربا قاطعه جوه رامي ورائد نامو طوالي بس رنا كانت بتتقلب قلت ليها مالك م قدرتي تنومي؟ قالت لي مابعرف انوم لو م حضنتني ماما؟ قلبي اتقطع زياده قلت ليها انا عارفه اني م ماما بس ممكن احضنك عشان تنومي؟ طوالي فتحت لي يدينها جيت حضنتها وفعلا م اخدت اكتر من ٥ دقايق ونامت
……
…
فارس مشا لي عم خالد..
قاليه عايزك ف موضوع؟ عم خالد قاليه اتكلم وحكا ليه قاليه بتمنى قلبك يحن عليها وعلى أولادك ابوي وقتها قلبو وجعو وحس بغلطتو يمكن
اللي هي ( ابوي عرس ف امي فجأه من غير اي مبررات تذكر وما ورانا بعد ١٥ سنه حتى امي عرفت زعلت منه شديييييييييييييييد وكان موضوع ساعتها بس ابوي قدر يحنك امي لكن اتغير فجأه كره هدى وبقا م عندو شي لأولادو الهناك امي كانت بتكره هدى عارف بس اكيد م حصل فكرت تأذيها لكن هدى حاولت كم مره لمن اقتنعت انو ابوي م شايف غير امي وقفت محاولات ابوي طلقا.. وبقا م عندو ليهم شي بس الصرف مسكنهم وصاوف عليهم من أكل وشراب وملابس وألعاب للشفع بس هو كان حارمهم من نفسو م حسو بحنان الابو وتقريبا هم زاتم قررو انو م عندهم ليو شي خصوصا رامي الكبير بس انا م رضاني الكلام دا ف النهايه ديل اخواني بمشي ليهم وطلعهم وبلعب معاهم كنت بحاول اعوضهم جزو من حنان ابوي الفقدوه )
ابوي طلع ومشا ل هدى.. وانا بالمثل ضربت لأمي وكلمتها رغم أنها بتكرها بس كلنا م بنتمنى المرض دا ولاحتى لعدونا
امي وابوي وقفوا مع هدى بس هدي استسلمت للمرض وبعد 3 يوم بالضبط اتوفت
…………
انا وجعوا قلبي الشفع الصغار م بيستاهلو.. بعد ٣ يوم والاسبوع قرب يخلص ولهلهة رنا وجملتها انا عايزه ماما كانت واجعه قلبي انا وفارس وخالتو امل وعمو خالد
بعد تم الاسبوع بالضبط.. رفعنا صينيه الغدا رنا كانت بتلعب ف ضهر فارس ورائد اتكى ف طرف السرير انا قمت وديت الصينيه المطبخ.. رامي قال لفارس.. فارس احنا م صغار تلفون امي مقفول م بترد وانت كل م نجيب السيره بتهرب من الكلام كان هارب من اجابه معينه؟ رنا وقفت ضحك ونزلت من السرير وجات بقدام فارس، ي فارس انا عايزه ماما خلاص فارس بكا اي بكا اما انا وقفت ف المطبخ م بقدر اواجهم رائد قام وقعد ماما ماتت؟ فارس اتخلع ورنا شغاله تسأل ماتت يعني شنو؟ رامي م تقول كده مستحيل تموت فارس قاليهم تعالو وبقو قاعدين جمبو رامي على شمالو ورائد على يمينو وماسك رنا قدامو انتو فعلا كبرتو ربنا اختار ماما عشان تطلع عندو فوق ف السما لأنها انسانه طيبه شديد رامي ورائد دموعهم نزلت وبقو حاضنين فارس ورنا شابكاهم طيب انتو هسي بتبكو لي مالكم؟ وانا من هناك قاعده ابكي صعب انك توري أطفال انو امهم ماتت..
مر اسبوعين..
رامي ورائد كانو مدبرسين وزعلانين،، اما رنا صاحبت بنات بنات انصاف ف عمرها كانو بجوها وبلعبو معاها او بسوقوها
……..
اما عن أمير
مشا بيت ناس لينه وقابل امها واتكلم مع معتز فيديو كول وضحكوا واتصافو وفعلا ادوهو لينة امها قدام أمير بركه ي يمه بعد فلقتي راسنا بيو بقا نصيبك وهي خشت جوا علبا
……..
ماما كلمتني ببرنامج الخطوبه دا ومعتز كان نزل السودان مشينا نخطب الخطوبه قلبت عقد كان معانا اخوان فارس الصغار وغيرو جو جدا وأم فارس وابوهو طبعا اتضح لي انو اخوان فارس بحبو خالتو امل شديد خصوصا رنا حددو العرس بعد شهر
فارس يمشي ويجي فيني م عارف الأحداث دي ليه كلها جات وانتي بكرشتك دي معذباك ومعذبانا طبعا ولا برد ليو عشان بقى عندي وزاره الدفاع بحالا رامي ورائد ورنا بسكتوهو طوالي
بعد نهايه البرنامج..
خالد: مرتي كفايه لحدي هنا عذبتيني والله وعرفت قيمتك ومستعد ابوس التراب الانتي بتمشي عليه بس ارجعي لي
امل بقت تعاين ليه وتتبسم طيب موافقه عمو خالد حضنا ولف بيها وهي شابكاه احنا كبرنا ع الكلام دا وهو بقوليها كبرتي براك فارس عاين لي قالي الصلح دا ف مصلحتنا عشان هم يربو أولادهم واحنا نربي أولادنا 
بعد شهر انا كنت ف بيتنا وعماتي وبناتهم واولادهم كلهم جو يوم جو طبعا فارس قال الا ارجع بيتي وائل اتذكرتو رنا كانت معاي وتعلقت بي شديد وبقت تقولي ماما هديل بحبها حب
انا كنت ف نهايه التامن خلاص م فهمت اي شي للعرس بس كان رهيب رهيب رهيب ولينة طلعت مزة مزة ماعارفه انا ليه بختصر ف التفاصيل
المهم تميت الشهر ٩ وم قعدت فيه اسبوع زي الناس تعبت وولدت وجبت للدنيا احلى أمير صغيروني دا اخوي البموت فيه معقوله م اسمي عليه؟ خالتو انصاف وقفت معاي كأني بتها والله وحارساني مع اني لحدي م تميت الأربعين أمير جا من شهر العسل ولقوني والده وابوي وامي مبسوطين ب ولدي اكتر مني امي دي بذات قالت لي لو عايزه ولدك تجي تسكني معانا فارس كان ليو رأي تاني بس امو حنستو وسكنا ف الفيلا مع امي وأمير ولينه برضو والحمدلله اكتمل شمل اسرتنا ابوي امي اخوي وراجلي رنا بقت اسبوع معانا واسبوع مع خالتو امل والحمدلله حياتنا مشت وعشنا ف سبات ونبات
النهــــــــــــــــــــــــاية
لين_نزار
لقراءة الجزء السابق : الجزء الثامن عشر من رواية رحلة الحب
للإطلاع علي فهرس أجزاء الرواية : جميع روابط اجزاء رواية رحلة الحب للكاتبة لين نزار
جميع الحقوق محفوظة للكاتبة لين نزار
