وفي الجزء التاسع عشر من رواية عكس ما تمنيت دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة روبا جعفر .
الجزء التاسع عشر من رواية عكس ما تمنيت
روبا بري عاين ليه متتخشب كيف
الدكتور ياولد الناس
محمد يعني ح اكون اب
روبا محمد مالك
محمد حضن الدكتور شديد
الدكتور مرتك هديك م انا. وطلع
محمد روبا
روبا عاينت ليه وقبلت الجهة التانية
محمد ارجوك اديني فرصة ربنا عوضني بولدنا الجاي اشان اعيش لحظات اتحرمت منها
روبا ممكن امشي البيت
محمد هنا بيتك
روبا حنين براها خليني امشي
محمد ممكن اوصلك داير اشوف بتي
روبا عاين ليه وسكتت
محمد ارجوك نفسي اشوفها واضمها واشم ريحتها
روبا طيب ودايرة تنزل
محمد تؤ ملكتي م بتمشي وانا في
روبا اسي ببقيت ملكتك م كنت خدامة
محمد اششششش اوعدك أصلح اي حاجة وشالها
روبا عاينت ليه وسكتت طلعو وصفت ليه البيت
محمد هنا
روبا ايوا
محمد ممكن ادخل واشوف بتي
روبا عاينت ليه وم ردت
محمد ارجوك
روبا اوووف طيب اتفضل ونزلت بس ليسا كان في دوخة
محمد شالها تاني
روبا انت استحليت الحكاية
محمد ومالو م مرتي حبيبة قلبي
روبا طيب خلينا ندخل اشان م يجي جلطة
محمد دخل بيها رنت الجرس فتحت ليهم حنين
حنين كنتي وين مامي ومنو الشاي لك دا
روبا حبيبة مامي ممكن نتكلم جوا
حنين اوكي ودخلو محمد قعد روبا في الكنبة حنين تعالى
حنين مشت لروبا
روبا مش دايما بتقولي عايزة تشوفي بابا
حنين ايوا
روبا ح تعملي شنو لو شوفتي.
حنين ح اضمه وابوس خده
روبا انا معاي مفاجأة ليك بابا جاء وعايز يشوفك
حنين جد ي مامي
روبا جد يا روح مامي دا بابي وأشارت على محمد
حنين بس دا شرير وكان بصرخ يوم الفندق ورمي الاكل على الارض
محمد حنين انا اسف انتي مش اتكلمت معاي وانا سمعت الكلام وبقيت هادي وم بصرخ
حنين عاينت لأمها
روبا بابا حلو ي حنين هو مشتاق ليك
محمد والله مشتاق ليكم شديد
حنين جرت على ابوها وحضنته بابي وانا مشتاقة ليك يا بابي
محمد ضمها ليه وبقي يبوس فيها ويشم ريحتها شديد
وانا كمان قلب وروحي بابي وعيونه دمعو
حنين بس انا زعلانة منك يا بابا خليتنا الفاتت دي كلها يرانا انا وماما ماما كانت دايما بتبكي وزعلانة اشان انت م في
محمد انا اسف ي روحي م تزعلي انا كنت مسافر اشان اجيب ليك كل الاتي عايز مش عايز فساتين حلوات وألعاب كتيرة وتمشي المدرسة وبيت حلو
حنين نحنا عايزنك انت م تمشي تاني اشان انت لمن تمشي ماما بتبكي وانا م بعرف اصالحها براي خليك معنا يا بابا
محمد خلاص انا رجعت وم ح امشي تاني نهاي
حنين يعني ح تعيش معانا هنا صااح
محمد عاين لروبا بمعنى قولي حاجة
روبا بابا م بقدر يقعد معنا بس بمشي وبجي
حنين لا م بعرف انا عايزة بابا يعيش معنا هنا وقعدت تبكي
محمد عاين لروبا برجاء
روبا نزلت عينا
حنين مامي قولي لبابي م يمشي احكي معاه مامي عشان خاطري
روبا حنين
حنين بليييز مامي ونزلت من محمد جرت حضنتها اعايزة بابا يعيش معانا زي صحباتي ويوديني المدرسة ويلعب معاي وناكل مع بعض…نعمل اي حاجة مع بعض ارجوك ماما لو بتحبني قولي ليه م يمشي
روبا حضنت بتها خلاص م تبكي حاضر محمد خليك معانا
محمد امممم اكييييد م عندي مانع
حنين ياااااااااي بابا ح يقعد معنا وحضنت امها وباست خدها وبعدين مشت لابوها حضنته انا بحبك يا بابا
محمد وانا كمان بحبك يا روح بابا رايك شنو نمشي مشوار انا وانتي
حنين ياااااي اكيد
محمد روبا تجي معنا
روبا لا انا تعبانة امشو انتو
محمد طيب تمام
روبا ح اطلع الغرفة
محمد اقيفي انا بطلعك وشالها
حنين بابا انت قوي وعندك عضالات
محمد ايوا انتي لازم تكبرري سرعة اشان تبقى قوية زي انا وماما
وتاكلي كويس وتشربي اللبن
حنين اوكي بابي
محمد طلع السلم وين غرفتك
روبا تاني غرفة من الجاية دي
محمد دي غرفة منو
روبا غرفة حنين
محمد دخل بيها الغرفة نزلها السرير ومشى فتح الدولاب طلع ليها غيار قميص مريح تعالى اساعدك تلبسي
روبا بلبس براي
محمد بطلي عناد وساعدها تغير ورقدت في السرير
محتاجة حاجة اجيبها ليك
روبا لالا
محمد طيب يلا باي وطلعو هو وحنين نمشي وين يا نونا
حنين ناكل بيتزا 
محمد عيوني وطلعو المطعم وطلبو بيتزا وعصير
حنين مبسوطة اشان انا وانت طلعنا سوا
محمد وانا اكتر حنين انا عايز منك تساعديني انه لصالح ماما اشان هي زعلانة مني
حنين اوكي ويريني اعمل شنو
محمد اول م اجهز الحاجات بكلمك اوكي
حنين اوكي
محمد انتي عارفة انه ماما ح تجيب بيبي ليك تاني يكون اخ او اخت ليك
حنين بالجد يا بابا
محمد بالجد يا عمر بابي
حنين انا كتير كنت بقول لي ماما عايزة يكون عندنا بيبي بتقول لي م بتقدر تجيبه اشان بابي ماف بس انت وجبت معاك البيبي اننا بحبك يا بابي
محمد هي ماما كانت بتبكي لمن انا كنت م في
حنين ايوا انا مرات يصحى بليل بلقاها ماسكة صورتك وبتكبي بس انت ها م زي الصورة
محمد يعني اشان كبرت وأسلوب اللبس والشنب
حنين بابا م تخلينا تاني انا وماما والبيبي
محمد عمري م ح اسبيكم تاني
حنين طيب الويتر جاب الاكل
محمد هاتي صحنك عشان اخت ليك
حنين نو دادي ماما قالت لازم اعتمد على نفسي فأنا ح اشيل براي شالت الشوكة والسكين شالت قطعه وبدت تاكل
محمد اتكيف من طريقتها رايك شنو نجيب لماما هدية
حنين اوكي بعد نخلص
خلصو اكل وشربو العصير ومحمد طلب وحدة لروبا وشالها وطلعو وداها لحبوبتها سلمت عليها واتونسو واشتري ليها شوكلاته كتيرة ليها ولرووبا وشبس
محمد الهدية يا نونا
حنين اممممم نشيل ليها شنو 
محمد انا عرفت ومشو محل واشترى ليها الهدية وغلفها ليها وطلعو
حنين انا متأكدة انه الهدية ح تعجب ماما
محمد يا رب يا نونا
حنين بابي انا نعست
محمد قربنا نصل
حنين طيب ونامت في الكرسي وصلو شال حنين طلعها غرفتها ونومها بعد م غير ليها ملابسها ونزل جاب ليها حاجاتها دخلهم التلاجة وشال حاجات روبا طلع الغرفة
محمد مساء الخير ودخل الحمام ادوش وغير ملابسه وجاها كانت قاعدة في الكنبة وبتقرا في كتاب
محمد مساء الخير وباس خدها
روبا مساء النور من غير م ترفع عينها من الكتاب
محمد قام نزل المطبخ دخل البيتزا المايكرويف وطلع سخنة وعصير وشالهم ليها
محمد اتفضلي
روبا شبعانة م عايزة شكرا
محمد اشاني إكليها
روبا قلت م عايزة غصب يعني
محمد عاين ليها طيب م مشكلة
وداير يقوم مسكت يده طيب باكل
محمد باكلك انا وشال قطعة أكلها ليها
روبا شكرا
محمد انا جبتهها زي م انتي بتحبيها
روبا عاينت ليه محمد
محمد عيون وقلب محمد
روبا انت م عايز تخلينا في حالنا انا اتوجعت منك كتير
محمد وانا اتوجعت منك اكتر خلينا نبدأ من جديد
روبا وبابا مات بسببك
محمد انت مقتنعة بكدا انا عارف انك انسانة مؤمنة وأنه لكل أجل كتاب
روبا عارفة بس انت ما خد الموضوع ببساطة
محمد م ببساطة روبا نحنا فااضل في حياتنا كم سنة اشان نضيعها في خصام وزعل انا سعت بعيد عنكم خمس سنين خمس سنين بعد وشوق والم وقهر ووجع وعذاب من حقنا نرتاح ولو حبة
روبا انا عارفة بس قلبي واجعني منك شديد
محمد اديني فرصة اداوي جرحي م في بعالجو غيرك وجرحك لي م في زول بعالجو غيرك أدى حياتنا فرصة اشان أولادنا
روبا م عارفة اديني وقتي
محمد اوكي بس حتى م دايرة تبدي حياتك معاي م تبعديني مرة تانية منها ممكن
روبا ممكن
محمد خلصي اكلك
روبا اوكي خلصت أكلها وغسلت وجات جمب السرير حقها لقت هدية مغلفة فتحتها لقت مجموعة من الكتب البحبها والنسخة الجديدة منها كانت طايرة من الفرح
لقت كرت صغير مكتوب فيه افتحي اي كتاب بتلقي رسالة 
فتحت الأول “اسف لو جرحتك بس كل جرح كان يصيبني انا قبل م يصيبك بحبك 
”
فتحت التاني “حبي ليك كل يوم بزيد المشكلةقلبي 
م قادر يشوف غيرك حتى وانتي بعيدة 
”
فتحت التالت ” في الخمس سنين الفاتو كنتي معاي في كل لحظة اكلي نومي شرابي حتى في شغلي كنتي معاي لحظاتنا كانت محاوطاني من ناحية وكل م حبك يزيد غضبي بزيد اني م قادر انساك واتجاوزك بحبك لا بعشقك 
”
فتحت الرابع” انتي ربيع حياتي 
وزهرت ايامي…انتي حبي وعشقي سامحني فأنا كطفيل صغير حرم من حنان أمه بالقوة وعندما عاد إليها عاقبها بدلا من معانقتها رغم حبه الشديد لها اهيم بك حد الجنون 
“”
الخامس “” يا بنية العينين ليني لي وانظر لي بعطفك فأنا احترق بدونك
ارحمي من غرق في بحر عينيك وهوا عشقك ورفرف سماء عشقك فأنتي عالمي فلا تغلقي بابك في لا مأوى له غير حضنك
مجنون بك “”
روبا كانت بتقرا الكلام ودموعها بجرو محمد قعد قدامها ومسح دموعها
محمد م عايز دموعك تنزل تاني اديني فرصة اسعدك واحي قلبك من تاني وباس عيونها
روبا اديني وقتي ارجوك
محمد اخدي وقتك بس وانتي في حضني م ح اسمح ليك تبعدي تاني
روبا حاضر وضمها ليه
محمد حبيبي الحلو انا جبت ليك حاجة حياتي بتحبها
روبا شنو
محمد تعالي وشالها قعدها في الكنبة انا جبت ليك كل انواع الشوكليت البتحبيها وشبس
روبا شكرا وشالهم بفرحة
محمد لو تعرفي انه انا مستعد اني ادفع عمري كله اشان اشوف الابتسامة دي انت بتي زي حنين يا روبا
روبا خجلت انت م داير
محمد لو من يدك م عندي مانع.
روبا فتحت وحدة اكلتها ليه
محمد كمان فتح وحدة ادها ليها
روبا يومك كيف مع حنين
محمد كان حلو شديد وديتها لأمي
روبا الحمد لله
محمد انا كنت خايف م تتقبل الوضع بس الحمد لله
روبا الحمدلله
محمد بس هي قالت لي انك كنتي بتمسكي صورتي وتبكي
روبا احم احم لالا م كنت بعمل كدا
محمد امممم يعني م كنتي بتشتاقي لي
روبا باندفاع شديد كنت بشتاق ليك شديد دا غير كنت بفقدك لمن يكون في موقف مفروض تكون معااي فيه كنت بشيل السماعة اتصل بيك بس بتراجع
محمد ضمها ليه وان م ح ابعد تاني
روبا 
محمد قرب منها 
اشششش خلاص انا موجود اشان أصلح كل الفات ورفعها نحنا ح ننوم اشان السهر م صحي م الحمل رقدها وغطاها بأس جبهتا تصبحي على خير ورقد من الناحية التانية وضمها ليه ونامو بسلام بعد فترة طويييلة
————————————–
———————
*☆يتبــــــــــــــــــــــــــــــــــــــــــــع☆☆*
لقراءة الجزء التالي : الجزء العشرون من رواية عكس ما تمنيت
لقراءة الجزء السابق : الجزء الثامن عشر من رواية عكس ما تمنيت
للإطلاع علي فهرس اجزاء الرواية : رواية عكس ما تمنيت ( جميع الاجزاء كاملة ) للكاتبة روبا جعفر
جميع الحقوق محفوظة للكاتبة روبا جعفر
