وفي الجزء التاسع من رواية ظلموني يا تري ماذا سيحدث من جديد الأحداث مع ابطالنا داخل حبكة الرواية ؟ دعونا نعرف إجابة هذا التساؤل في السطور التالية بإذن الله مع الكاتبة زهرة الشيخ .
الجزء التاسع من رواية ظلموني
الماس: تبكي انا انا نمشي معاه
سلوى: انتي اكيد جنيتي وشدتها من ايدها ومشت بيها لغرفتها وهي تعيط وحالتها حاله
الكل مصدومين من لي صار ورغد تبكي حتى هي وحالتها اسوء من الماس ومش قاره تحكي وتساعد الياس
الياس: فاق شوي ع روحه وراسه بيتفجر وهوا فم باب بيتهم وقفيدور ف مفتاح سياره مالقى ومالقى تلفونه
الياس: اففف شن ه اليله لمز… تمشى شوي لقى شباب واقفين
الياس : السلام اعليكم
كلهم: وعليكم السلام
الياس: نبي مساعدتكم اشويه
الشاب : تفضل
الياس : نبي تلفون لحظه نحكي بها
الشاب : هاك ها مدله التلفون
.
الياس اتصل ب انس صاحبه كم مره مارد المره الثالته رد عليه
انس: الو
الياس: ايوا
انس : الياس ولا
الياس : اي
انس : خيرك وليش متصل برقم غريب
الياس: فوتك من الرقم خليك معاي طردوني من البيت مش معاي لا مفتاح ولا تلفون تعالي ماعندي حد غيره
انس : تمام تو نجيك غير قولي وينك انت
الياس : وصفله المكان
.
.
عند فهد
روح للبيت وقت متاخر لانه بعد العمل طلع مع صحابه امه طبعا راقده خوه بس لي صاحي يتفرج
فهد: السلام اعليكم
خوه: وعليكم السلام بعد ساعه 12ماتخشلي للحوش
فهد:هههه ترد فها لخوك لكبير
خوه: وليش لا
يلا ع غرفتك ومنغير صوت
يلا ع غرفتك ومنغير صوتفهد:عنشكلك
عنشكلكخوه: خش للمطبخ امي كانت تستنا فيك لين تعشينا عشاك ع الطاوله سخنه
فهد : تمام
سخن فهد العشا وهوا ياكل وصلاته رساله من ريماس
الرساله{شكرا فهد}
فهد: ابتسم ورد عليها
فهد:مازال صاحيه …..
ريماس: اي…
فهد: امممممم باهي فاتحه وتس انتي……
ريماس : اي بس ليا كم مافتحت….
فهد : باهي افتحي نحكو ولا نعسانه…
ريماس : لامش نعسانه تو بنفتح….
.
.
عند ريماس
امينه راقده وريماس حبت تشكر فهد ع مساعدتها
وبعتتله رساله
وبدو ف الهدرزه لين رقدت ريماس ومعاش ردت عليه
.
.
. عند الماس
تبكي بصوت عالي وكلهم مستغربين كلهم عارفين انهم اصدقاء ويحبو بعضهم من الصغر بس مايعرفو انه في رابط قوي بناتهم
وانتم ماتعرفو.
.
عند الياس وصلو لشقة انس
خلي نحكيلكم ع انس شوي….
انس عمره ف26 سنه و امه وبوه متوفين وعنده خوت اكبر منه واخت لا يسالو عنه ولا هوا يسال عنهم شبه متبرين منه وعايش بروحه في شقه يشتغل تهريب ومخدرات من الجو هضا
المهم
انس : خش خش البيت بيتك بس مزربع شوي
الشقه كانت مقلوبه بريحة الحشيش والخمر والخ…
الياس : عادي عادي
انس : خش ادوش نعطيكشن تلبس
الياس : تمام
خش دوش وبدل وطلع لقا انس يوتي في سفرة العشاء والقهوى لي الياس بيش يتصحصح
الياس : ربي يعاون
انس : ان شالله تعال اقعد
الياس : تمام
انس : اشرب قهوتك واحكيلي شن صار بضبط
الياس : تمام وهوا يشرب ف القهوى الي صار يا انس اني ونا مش بوعي خشيت للبيت وكلهم كانو يتعشو تعاركنت معاهم وطلعني باتي برا البيت وهدا لي صار
انس : وانت تفكر ترجع
الياس : لا
انس : احسن مادرت جو العائلات والقوانين مايجيب الا وجع الراس فوته بكل معاش تفكر فيهم فكر ف مستقبلك انت
رفاق السؤ
الياس : اكيد هدا لي بيصير بس مش عارف كيف بنعيش توا لا خدمه لا هم وكيف بنصرف ع روحي
انس : ساهله
الياس : كيف
انس : اشتغل معاي
الياس : شن تشتغل
انس : تهريب و…و.. طبعا مانحكيلك كانه ع الفلوس بتلعب بيهم لعب
الياس: اممممم باهي تمام
انس : خلاص تم ايدك في ايدي
الياس: حط ايده في ايد انس تم
.
.
ف الصبح
عند فهد : فاق بدري دوش وبدل وهوا نازال لقا رساله من ريماس[صباح الخير امس رقدت وخليتك تحكي اسفه]
فهد هه [ صباح الورد لالا عادي ولا يهمك ]
نزل فهد وحصل تهزيبه من امه ومشى للعمل
.
.
عند ريماس
فاقت لقت تلفون طايحه ورت المحادثه وكيف رقدت وخلت فهد يدوي بروحه وبعتتله رسالة اعتدار وناضت غسلت وجها وبدت اضم في دبش جدتها
.
.
عند الماس
فاقت عيونها حمر ومتورمات وحرارتها مرتفعه
ناضت دوشت وبدلت وبدت تحاول ع رقم الياس يطلعلها مقفل
.
.
عند الياس
ناض دوش وبدل وفطر مع انس وعطاه انس تلفون وفها شفره جديده
الياس : منور ياقدر
انس : عادي عادي اطمن ع حبك اكيد شاغله بالها عليك وماطولش ورانا شاحنه بسرعه
الياس: تمام
اتصل الياس ب الماس ماترد لانه رقم غريب بعتلها رساله [ ردي معاك الياس]
طول عاودتله هيا
الياس : الو
الماس : الياااس وتبكي
الياس : افففف ماتبكي خيرنا خلاص حبي
الماس: ح حبي وينك انت وين بتت امس وليش رقمك مقفل
الياس: قاعد عند صاحبي وتلفوني ف البيت
الماس: باهي امتى بترد تعال وعتدر منه مانقدرش نعيش بدونك
الياس : لا ماتنيش جاي وحتى نا مانقدرش نعيش بدونك استحشتك قريب نقتل روحي بس الصبر جميل
الماس : ياروحي نا باهي كيف بتعيش غادي
الياس : لقيت شغل وعندي شقه نا وصاحبي
الماس : اها باهي كيفك حبي
الياس : بخير بعد سماع صوتك بس نبي نشوفك
الماس : كيف
الياس : من بيرفعك للمدرسه
الماس : مش ماشيه
الياس : لا نوضي بدلي وقولي لقصي ولا محمد يرفعك للمدرسه ومن غادي اول ماتنزلي ع اساس بتخشي للمدرسه نا ناخدك ع الشقه
الماس طبعا مش حتقول لا لي الياس
الماس : حاضر
الياس : نجك ليا هيا تو نكمل ضغلي خت فت
الماس : تمام نحبك
الياس : خلي لبعدين
وناضت الماس تجري لانه باقي نص ساعه ع وقت المدرسه بدلت وحطت مك اب وعطر وجو ونزلت
الماس : صباح الخير
الكل : صباح النور
الماس : وقت ع المدرسه من بيرفعني
محمد : تو نا نرفعك
قصي : امس كنتي تبكي عندك انفصام ف الشخصيه
الماس : مادخلكش وطلعت
.
.
ف المستشفى
فاقت امينه وجت نسرين يستنو ف الدكتور
خش فهد صباح الخير
الكل صباح النور
فهد : كيفك اليوم يا عمتي
امينه : احسن
فهد : وقع ع الورقه
امينه : الحمدلله
نسرين / ريماس ر واخيرا
فهد: هي نا مستعجل عندي حاله نستادن وماتنسي تراجي
امينه : تمام
ريماس: قبل لا تمشي بنسالك
فهد : شبح فها تفضلي
ريماس : ساعه كم نجي ع الدوره
فهد: 5هك العشيه
ريماس : تمام
فهد : هي سلام
الكل سلام
روحو كلهم مع بعضهم
اول ماوصلو امينه مش مصدقه تقول ليها 4شهور ماريته الحوش
ريماس: هههه نفس الشي
نسرين : هي وصلي جدتك لغرفتها وتعلي انزلي نضفو البيت رايح كله غبره
ريماس : حاااضر
امينه : ريماس ريماس
ريماس : نعم
امينه : حنيني
ريماس : كيف
امينه : حنه حنه ماتعرفيها
ريماس : كيف وامتى
امينه : توا نبيك تحنيلي
نسرين : شن في
ريماس : عمري ماريتها محنيه في حياتي
امينه : وتوا نبي نحني رجليا ويديا مادحخلنيش
ريماس : حاضر جدتي من عيوني
نسرين عجنت الحنه وريماس حطتلها الحنه
امينه : تو كيف ارتحت
ريماس:خطرتها عليا الحنه
خطرتها عليا الحنهنسرين : حتى نا
ريماس ر نا مدرسه ممنوع خلي ع العطله نحنو
نسرين : تمام
نزلت ريماس بتكمل مسح
نسرين : بتلحقها
امينه : وقفي نسرين
نسرين : نعم
امينه: رد بالك ع ريماس امانتك
نسرين : خافت كيف م مافهمت خيرك
امينه: ماخيرني شي ره غر رد بالك عليك
نسرين : ف قلبها مش متريحه حاضر
يتبع ……..
لقراءة الجزء التالي : الجزء العاشر من رواية ظلموني
لقراءة الجزء السابق : الجزء الثامن من رواية ظلموني
للإطلاع علي فهرس أجزاء الرواية : جميع روابط اجزاء رواية ظلموني للكاتبة زهرة الشيخ
جميع الحقوق محفوظة للكاتبة زهرة الشيخ .
