وفي الجزء التاسع من رواية عشقها لعنة للكاتبة ميشو محمد ماذا سنري من روائع الأحداث والمواقف مع ابطالنا ؟ وهل ستسير الأمور بشكل مميز ام لا ؟ دعونا نعرف إجابة هذا التساؤل في السطور التالية بإذن الله .
الجزء التاسع من رواية عشقها لعنة
حمزة ودارين غارقين في العسل 
بس ياترا بيستمر العسل والحب هدا؟!
بس ياترا بيستمر العسل والحب هدا؟!ــــــــــــــــــــ
تاني يوم
عزو فاق وكان راقد ع الكنبة لجنب السرير ف دار النوم اف مريم لراقده ع السرير 
عزو قرب خدي هاتفها ودار بصمتها ونفتح وطلع ومعاه الهاتف خش ع الارقام معرفش اي رقم لكن خش ع الرسايل شاف رقم يعرفه ووصلتها رسالة ع الرقم هدا (كل شي بينك وبين عزو لعبة وحني تحديناه انه يخليك تحبيه وفعلا فاز)
عزو نصدم تاكد من الرقم: علي !!!!
عزو تعصب من اعز صديق ليه
خش لدوش وطلع وفاقت مريم
عزو: صباح الخير
مريم بعدت الورغان من علها وناضت بعنف طلعت من الغرفه
عزو لحقها فاصل
في المطبخ
مريم واقفه ع شباك المطبخ وعطياته بظهرها وكللل شي صار امبارح يمر قدامها لعند سمعت باب المطبخ تصكر بلمفتاح تلفتت
عزو حط المفتاح ف جيبه: انتي لازم نتفاهم معاك
مريم شافتله بعصبيه وقربت ع المقبض تحاول تفتح الباب بعنف تشوف ف المقبض: افتحلي
عزو: انتي كيف تصدقي مجرد كلام عليا اني هكي ف مره، مرة وحده شكيتي فيا
مريم شافتله بنبرة حاده : انييي ندمت ع تقي فيك وكللللل لحظه مرت معاك وكل لحظه نفكر فيك فها وانت متستاهلش حتى
عزو بصوت هادي: بعد لم تعرفي انه اني ملياش علاقة وتعرفي انك غلطتي معاي صدقيني مش رح نسامحك ع ليلة عمري، لااا واني لكنت مفكر انك توتقي فيا
بصوت هادي: بعد لم تعرفي انه اني ملياش علاقة وتعرفي انك غلطتي معاي صدقيني مش رح نسامحك ع ليلة عمري، لااا واني لكنت مفكر انك توتقي فيامريم قعمزت ع الارض واتكت ع باب المطبخ: اني مانععععرفش نقولك انه يعرف ككل شي كل شي تكنه هو كان معانا ف كل اتصال افهمني (شافتله) اني فكرت نتصل بيك ونقولك لكن متحملتش كلام الولد ارتسسخ ف عقلي اني مضحكه
عزو بدي يحلف ويقولللها انه يحبها وماعمره لعب معاها وحبها من قلبه
عزو تعصب: رح تندمي… وفتح الباب وطلع لغرفة النوم
ــــــــــــــــــــــ
دارين تجهز ف روحها للمحظر
تسنيم معاها
ـــــــــــــــــــــــ
عزو قعمز ع السرير وشاد راسه بين ايديه بعصبيه
مريم خشت شافتله وتنهدت قربت منه: اني
عزو قاطعها: عارف انك خفتي وكرامتك وجعاتك فاهم عليك خلاص صكري الموضوع جهزي روحك للمحظر… وطلع
مريم دمعتها نزلت: علاش هكي علاااش 
ـــــــــــــــــــــ
بختصار جهزو انفسهم للمحظر ودارو جو وتم المحظر
ـــــــــــــــــــــــ
تاني يوم
عزو فاق وكان راقد ف الصالة ناض فتح باب غرفة النوم بهدؤ عشان متفيقش بس استغرب لم شاف الغرفة نظيفه وهي مش موجوده والسرير مرتب والوقت بكرري معقولا ناضت
عزو قرب من الغرفة التانيه وشافها راقده ببيجامه خفيف خدي شرشاف خفيف غطاها
مريم حست عليه بس خلت عيونها مصكرات
عزو قعمز يمسح ع شعرها ويتامل ف جمالها: عارف انك معاد قدرتي تصيطري ع اعصابك ياعمري اني فاهمك وحطيت روحي ف مكانك وعندك حق ف كل شي درتيه (نبرة صوته تغيرت) لكن ال
لكلمك حسابي معاه ورح يدفع تمن كل دمعه نزلت منك وانتي ف ليلة عرسك رح يدفع تمن تخريب بينا كان منخربش وجها معاد نتسمى اني معتز وحرام نكون راجل كان منخربلاش وجها … وناض طلع
لكلمك حسابي معاه ورح يدفع تمن كل دمعه نزلت منك وانتي ف ليلة عرسك رح يدفع تمن تخريب بينا كان منخربش وجها معاد نتسمى اني معتز وحرام نكون راجل كان منخربلاش وجها … وناض طلعمريم فتحت عيونها
ـــــــــــــــــــ
دارين راقده
حمزة فاق يشوف فها راقده ابتسم يبعد ف شعرها من وجها وباسها
وناض لدوش
دارين سمعت صوت باب الحمام فاقت
ـــــــــــــــــــ
مانبيش ندقق هلبااا
بعد مرور يومين
مريم جهزت غدي
وفهمت انه كل شي صار كان محاولةةلتخريب بينهم
عزو راقد
مريم شافت الساعه 2:30
مريم قربتله بهدؤ: عزو معتز
عزو فتح عيونه: خيرك
مريم: نوض الساعه 2:30 تغدى
عزو بعد الورغان وناض
مريم تشوفله
عزو خدي الهاتف: تغدي انتي اني طالع…وطلع
مريم : اني شن درت غبيييية…. وبدت تبكي
: اني شن درت غبيييية…. وبدت تبكيمريم تبكي سمعت صوت عزو يعلي ف صوته ويعيط ع حد شافت من الشباك شافته يتكلم ع الهاتف ويتكلم بعصبيه وصوت عالي
بعد مرور تلاته ساعات
رجع عزو خش للمطبخ ياخد قهوة
مريم غرفتها سمعاته جي طلعت شفاته ف المطبخ
مريم: عطيني نديره اني ليش مطلبت مني
عزو يجهز ف القهوة: نقدر نخدم روحي صحيتي
مريم: عزو.. قاطعها
عزو شافلها: اني مانسيت شي صح توا متزوجين من اسبوع واني مدرت شي ولا شديت ولاد الحرام لكلمك لكن اعرفي انه اني مش ساكت وبنشده لو يكون لينا متزوجين سنين وراه وراه ولعند مانشده انتي هني صديقه ليا مش زوجه واكيد فهمتي عليا بدون ماندقق ف كلامي
مريم: من هدا
عزو بعصبيه شافلها: مش ساكت ع شي
مريم: يعني امبارح ساهر برا وانت ادور عليه
عزو: مش قصة ندور عليه القصة انه هو صاحبي لكلمك وكان ياخد ف هاتفي ف غيابي ويسمع ف تسجيل المكالمات لبينا وحكيلك كل شي سمعه ولم اتصلت بيه عرف انه اني نبيه وهو يعرفني عززز المعرفة ويعرف انه لو جي تحت ايدي مانسيبه لعند مايدفع تمن كلللل يوم ليك معاي وكل لصار اضعاف
مريم خافت: بس رح تسبب مشاكل لروحك
عزو ضرب البكرج وتبزعت القهوة ع ايده: ع اساس مرتاح توا ماهو عيشتي كلها مشاكل امتى ارتحت اني… وطلع
مريم تشوف ف ايده قعمزت ع الارض تبكي
عزو اتصل بـ امجد: ايوواه
امجد : خيرك متصل توا شفت مكالماتك
عزو ف الجنان : امجد نبيك توقف معاي وقفت راجل واني نعرفك
امجد: خير
عزو: معاد سفت علي ؟!
امجد: امس معاه ف الاستراحه خيره
عزو: اسمع خليك معاه عااادي واليوم برا للاستراحه ولم يجي ابعتلي رسالة ع الاستراحه لـ انتو فها
امجد: خيره شن داير؟!
عزو: اهااا لا شي غير نبيه تمام دورني سلام… صكر الخط
عزو قعمز ف جنان ويشوف ف ايده الحمرراااء من القهوة
ـــــــــــــــــــــــــ
في اليلة
امجد قعمز وقعد يستنى يستنى ماجي حد غير ايوب وفادي وباقي الشباب لكن علي مجاش
عزو مقعمز وعيونه ع الهاتف
مريم خشتله: عزو اطلع تعشى
عزو: تعشي انتي صحتين شبعان اني
مريم. ماتبيش تتعشى معاي ندير لكن صحن بروحك؟!
عزو شافلها بيتكلم قاطعهم
ترررررن
عزو وقف: ايووواه بشششر شديته
امجد: شديته لكن مش ف الاستراحه للانه مجاش الخامر دورت عليه وسالت عليه اهو معاي ف الكافي متع،،،،، مدورش مستحيل يتحرك من قدامي نستنى فيك
عزو ابتسم: راجل ياامجد وربي… صكر الخط وطلع بسرعه
مريم خافت وفهمت انه شد علي
ـــــــــــــــــــــــــــــــــ
الكافي
علي يشرب ف قهوته: تي لالالا غضوا بنمشي
امجد يتكلم بلغصب: وين ماشي؟!
علي: تونس جو شهرين تلاته
امجد بصوت واطي: اي ضروري تمشي تعالج بعد الطريحه لبتاكلها واني متاكد القصه كبيرة
علي: قلت شي؟!
امجد: لا شي غير قلت احسن نفتكو من منظرك
علي ركز ف باب القهوة شاف سيارة عزو درست وقف بيطلع
امجد شده يضحك: استننى سلم بعدين برا
علي: مستعجل ياامجد حول
عزو خش وشاف القهوة معبية قرب ع علي: اطلع معاي بهدؤ هي ياشاطر
علي طلع مع امجد وعزو
عزو: منور ياامجد انت روح
امجد: عزو اني ولد عمك قولي خيره شن داير
عزو: خوي مش ولد عمي بس لكن بتريس حاجه شخصيه ياامجد مدورش انت
امجد: اهاا تمام سلام… وركب سيارته وفات
علي: شن في؟!
عزو: لاشي نبيك ف موضوع بس
وركبو ف سيارة عزو وعلي يرجججف لانه يعرف عزو لو توصل فيه شن يصيرلك
وصلو للاسطبل متع اهل عزو ونزلو
عزو شده من رقبته نزله بعنف: تعلا
ــــــــــــــــــــــــــــ
الساعه 2:00 ف اليل روح عزو
عزو خش وشاف الضي والع كله
مريم سمعت الباب نفتح مسحت دموعها وخدت الريموت ع اساس ماكانتش تبكي
عزو خش: شن مسهرك؟
مريم صوتها فضحها ينعرف صوت وحده تبكي: شي…. ودموعها نزلو من جديد طلعت من الصالة تبكي
عزو شد مرفقها: تعالي تعالي خيرك؟
مريم تبكي: انت كرهتني
عزو: اني كرهتك؟! هكي تتوقعيني نكرهكك تي اني مقدرتش حتى نزعلك برغم لدرتيه
مريم تبكي
عزو وقف قدامها يمسحلها ف دموعها: ياسر نكد انسي كللل شي فات اعتبري انه اليوم اول يوم انتي معاي
مريم حضناته وتبكي: اسفه اني خليتك تحلف وتتعصب…قاطعها
عزو حاضنها: انسي امسحي كللل شي صار ومعاد تذكري شي
مريم مسحت دموعها ووقفت قدامه: لكن انت زعلت
عزو: وقعد زعلان لكن بشطارتك تقدري تراضيني صح ياعروستي
مريم ابتسمت: نحبك انييي، توقعت انك رح تتخلى عليا بسبب غبائي
عزو: اني عزو وعزو ميخليش حلاله لراجل غيره اني لم تغلطي معاي منعقبكش بلعكس نصلح لدرتيه لاني تعبت واني وراك
مريم حضناته من جديد
ــــــــــــــــــــــــــــ
دارين راقده
وحمزة راقد
دارين فاقت ع صوت حد يحفر خافت من الصوت قربت من الشباك مافي شي لكن تسمع ف الصوت رقدت وخااااايفه شن الصوت هدا ف نص اليل لصقه ف حمزة من الخوف ورقدت 
تاني يوم
حمزة طلع
ودارين ادوش وهي قعده ادوش سمعت نفس الصوت متع امبارح خاافت هلبااا لبسة بسرعه وطلعت تشوف بس نخلعت لم بابهم بدي يقربع بقوة وتكنه الحوش مسكووون
دارين خااافت من التقربيع هلباا ترجف قربت: مني؟!
التقربيع وقف
دارين خافت هلباااا اتصلت بحمزة: حمزة ارجع بلله عليك
حمزة: شن في تمام جاي… روجع
حمزة فتح الباب وخش خايف من صوتها فهم ف شي : دارين وينك
دارين طلعت من غرفتها: حمزززة ف شي هني الحوش يخوف
حمزة: خيرك شن في؟!
دارين بصوت مرعوبه وبدت تحكيله
حمزة: بابنا هدا؟!
دارين: اي هدا ويقربع بقوة حمزة ارفعني حوش جدي منبيش نقعد هني
حمزة: دارين انتي تتخايلي اني ليا شهرين قبل عرسنا نرقد وانوض ومافي شي الحوش طبيعي
دارين بدت تبكي وتحلف: صدقني مانكدبش حققق
مانكدبش حقققحمزة: امي تحتك دارين اكيد حتى هي سمعت معناها
ولبسة دارين ونزلو
حمزة: عائشة وين امي؟
عائشة الممرضة لقعده مع ام حمزة تهتم بها: داخل
وخش حمزة حكي لـ امه: قلتلها ممكن تتخايل قالت لا وبدت تبكي يااام
وهدا الكلام كان مع حمزة وامه بس
سمية: خلاص خلها معاي تو نقرا علها اكيد متفرجه ع فيلم ولا شي
حمزة: اني تاخرت ع المعرض المهم لو صار شي كلميني
ومشي حمزة لخدمته
سميه: يابنتي تخافي هلبااا انتي شكلك و متفرجه ع فيلم وماثر فيك
دارين: ياعمتي ماتفرجت ع شي بكككل
سميه حكتلها انه الحوش نظيف ومافي شي وقرت علها
دارين: صحيتي ياعمتي
سميه بدت تحب دارين شوي شوي
عائشة خشت للغرفة وقربعت الباب بدون قصد دارين من الخلعه عيطت
سميه: بشوية
عائشة: اسفة تقربع بسبب الريح
دارين: خلعتيني
سميه: عائشة شن دايره غدي
دارين:عادي ندير اني اليوم
سميه: اي عادي نذوق ماكلت كنتي
دارين ناضت مع عائشة
دارين:عائشة قداش ليك تشتغلي وتهتمي بعمتي
عائشة: توا ليا خمسة شهور لانه هي مريضة بلكلاوي (عفانا الله واياكم) ومتقدرش تقعد بروحها
دارين:اهااا وين امليك وعيلتك
عائشة: اني بنت ميتم وكنت نشتغل ف دار العجزة وتلاقيت مع حمزة وطلب من المدير شغالة لـ امه واني وافقة
دارين: اممم ربي يعوضك ع الايامك ويسعدك
عائشة:تسلمي
دارين: اممم نديرو كسكسي تمام لانه حمزة يحبه
عائشة ملامحها تغيرت:براحتك
دارين: اي تمام
جهزو الغدي ع النار
واذن الظهر
دارين:خليك جنب الغدي ع النار اني بنمشي نصلي…وطلعت تتوضى
دارين تتوضى
وعائشة ف المطبخ
وسميه بتنوض تتوضى جت عينها ع 
تتبع……….
لقراءة الجزء التالي : الجزء العاشر من رواية عشقها لعنة
لقراءة الجزء السابق : الجزء الثامن من رواية عشقها لعنة
للإطلاع علي فهرس أجزاء الرواية : جميع روابط اجزاء رواية عشقها لعنة للكاتبة ميشو محمد
جميع الحقوق محفوظة للكاتبة ميشو محمد .
