وفي الجزء التاسع من رواية نبضات قلب دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة ميشو محمد .
الجزء التاسع من رواية نبضات قلب
تسنيم توكل ف وليد: افتح فمك يابطل
وليد خدي ملعقة وبدي ياكل بروحه:اني نعرف ناكل بروحي
تسنيم بساتة:اسفه كول براحتك
وليد ابتسم
سهى قامت الصفرة:اني رح ندير قهوة
تسنيم قعمزت جنب ادهم:ادهم البنت من لم جينا عندك عطيني نقيمها
ادهم ابتسم:تبي خالوو هي ماتبيكش
تسنيم تحشمت كيف رفض يعطيها البنت نولت راسها
يمنى شافت ادهم:ادهم اعطي البنت لمرتك تشدها وانت قريب تاكلها البنت عطيها لمرتك تشدها خاطرها فها
ادهم فرحان بـ حلا
يمنى:ادهمم مرتك تتوحم مرت خاطرها ف البنت بالك تجيكم بنيه
ادهم ضحك:تي نبصر علها اني.وقرب عطها حلا
تسنيم فرحت بـ حلا وهي تناغي وتضحك
ادهم وقف:يلا تسنيم البسي
سهى:مززال خليكم
يمنى:زيدو اصهرو خيرك مستعجل
تسنيم وقفت وتلبس ف وشاحها:لالا ياعمتي ادهم عنده خدمه بكري
يمنى:ااهاا ربي يسهلك
ادهم:سلمك هي سلامات
وليد شد عباية تسنيم:خلييك انتي هو يمشي بس انتي لا
تسنيم :حبيبي نقدرش نقعد اني لاني عنديش ملابس
ادهم:خالوو مرة تانية تبات عندكم باهي؟
وليد شاف امه:ماااما تخليني نمشي عند تسنيم نرقد
سهى شافت تسنيم:لا ماما عيب
وليد يترجى فها:ماما بلله عليك
تسنيم:اي عادي خليه يمشي معانا وغضوا نرجعوه
ادهم شاف سهى:نرجعوهوك بعدين خليه يمشي معانا
سهى ابتسمت:اوكي لحظه نجيبلك بيجامتك
ووصلو للحوش
تسنيم غيرت لبسة توتة:وليد تبي حاجه تاكلها عندنا فراولة
وليد مقعمز:لالا شبعان 
تسنيم دارت صحن فراولة وبدت تاكل وتشوف ف وليد :خوود حبيبي
ادهم:لالا خاطريش
تسنيم شافاته:منكلمش فيك اني
وليد خدي طرف وبدي ياكل:انتي جيعانه؟
تسنيم:تبي الحق اي
وليد:
تسنيم ضحكت لضحكته:نجيب حاجات من المطبخ تاكل معاي
وليد:لالا شبعان
تسنيم:اممم باه انت تبيش تاكل معاي حتى ني نبيش
وليد ببرئة :علااش
تسنيم:مافي شي
ادهم خش لصالة:تسنيم خديتي دوائك
تسنيم:لالا
ادهم مشي جابلها دواء الحمل حبوب:خودي
تسنيم خدتها:ادهم
ادهم قعمز جنب وليد:وليلو مليح حوشي
وليد:حوشنا حني اكبر منكم
ادهم:تصبحوو ع خير ..وخش لغرفة النوم
تسنيم:نعسان انت؟
وليد:اي
تسنيم:اوكي..خشت المطبخ رجعت صحن الفراولة وشربت مية وخشت الصالة وليد 
تسنيم شفاته ومشت لدار النوم ادهم كان فاتح نت:ادهم الولد رقد
ادهم وقف:انتي وهو ترقدو ع السرير تمام
تسنيم:وانت
ادهم:اني ف الصالة
ورقدت تسنيم ووليد ع السرير وادهم رقد ف الصالة
تاني يوم فاق ادهم من صبح ربي حب كيف تسنيم راقده جنب وليد وحضناته ليها خدي الكاميرا وصورهم 
وغير ملابسه وجهز روحه وبخ العصر
وليد فاق:خالوو صبحخير
ادهم:صباح النور انزل من السرير بشوية متفيقش تسنيم
وليد نزل بشوية:خالوو نبي ملابسي نبي نغير
ادهم جاب كيسته
ادهم:نغيرلك اني
وليد:لالا اني بروحي نعرف.وخش وليد الحمام بملابسه
وطلع وهو لابس ادهم مشطله شعره ومشوو للمطبخ
تسنيم فاقت وتشم ف العصر خنقها الغرفة كلها ريحة عطر رجالي:يااععععع.وناضت بسرعه فتحت الشبابيك
ادهم خش للغرفة:صباح الورد ياقلبي
تسنيم ايدها ع فمها:صباح الخير.وخشت الحمام (حشاكم)
ادهم فطرو هو ووليد
وليد:تسنيم ناضت
ادهم:اي ناضت خالو اني بنطلع لخدمتي انت وتسنيم اقعدو هني باهي
وليد:تمام
ادهم:اني نرجع لم يأدن الضهر
وليد:تمام
تسنيم طلعت وشافت وليد متانق ومغير ملابسه
ادهم خدي هاتف تسنيم فتحه عطاه لـ وليد.خالو فيه العب انت العب احني باهي واني بنكلم تسنيم ف للمطبخ شوية اوكيي
وليد فتح ويلعب:باه
تسنيم طلعت للمطبخ:ادهم معاد ترش منه العطر ف الغرفة خيرررك
ادهم :توا مني امس وانتي تبوسي ف وليد وبس وانيي
تسنيم تشم ف العطر عليه لم قرب:ادهمم بعدد
ادهم بااستغراب:خيرك
تسنيم:اووووف عطرك ياادهم
ادهم تراجع للخلف:اوكي اوكي هكي تمام
تسنيم :باي ادهم اطلع خنتني بلعطر.وطلعت من المطبخ
ادهم طلع وهو يضحك
تسنيم فتحت كل شبابيك الحوش وفطرت مع وليد ونظفت وبخرت الحوش وهكي جي ادهم
ادهم فتح الباب:تسنيم
تسنيم:ف دار النووم
ادهم خشلهم كانو مقعمزين وتعلم ف وليد كيف يلعب شطرنج
تسنيم:بلله متقربش خود ملابس وغير ريحة العطر قتلتني بكري
ادهم ابتسم خدي ملابس وخش لـ دوش
ططقق طققق
تسنيم مع وليد وراى الباب:مني
سهى:تسنيم اني سهى
تسنيم فتح:اهلا سهى تفضلي
سهى:لالا جايه ناخد وليد لاني بتروح بنمشو لحوش اهل راجلي نسلمو عليهم
وليد فرح:حوش جدوو
تسنيم جابت كيشة ملابس وليد:تفضلي بايي وليد
وليد دار باي بيده:باااي توا نجيكم مرة تانية باهي
تسنيم ابتسمت:اوكي حبيبي بااااي
سهى:يلا سلامات سلميلي ع ادهم
تسنيم:ادهم ف الدوش سلمك
سهى:اهاا اوكي سلام ومشوو
تسنيم صكرت الباب وخشت
ادهم طلع من الحمام:وين وليد
تسنيم قعمزت ع السرير:روح
ادهم قعمز جنبها:خيرك
تسنيم:وليد غضوا عنده عملية القلب المفتوح
ادهم:اي عارف
تسنيم تبكي:ادهم وليد ميعرفش انه رح يدير عملية اليوم رح تقوله
ادهم شد ايدها:عندي علم
تسنيم مسحت دموعها:ربي يشفيه يارب (شافته ع جنب
)ريحت العطر قعده فيك؟
)ريحت العطر قعده فيك؟ادهم:لالا خلاص
تسنيم بساتة:مرتك البايرة مادرتش غدي
ادهم:اممم يابايرة ف شنو خاطرك
تسنيم:اااا خاطري ف طاجين جبن
ادهم:نتغدو ف مطعم؟نطلعو؟
تسنيم:لالا اني رح ندير طاجين .ومشت المطبخ وبدت تفرم ف الخضره وبعد وقت جهزت طاجين
ططططق طططق
ادهم فتح دفع الحساب وصكر الباب
تسنيم:طلب من المطعم
ادهم:انتي حامل ومستحيل نخليك بدون غدي
تسنيم:شنو طلبت
ادهم:باقيت وشاورما ومشروب.وحطهم ف المطبخ
تسنيم:حبيبي نسالك
ادهم:اكيد
تسنيم:انت تبي البيبي بنت صح
ادهم:اكيد طبعا
تسنيم:ولو جي ولد
ادهم:عاادي مش مشكله عندنا فرصات تانيات .
.تسنيم:ياقلببي 
ولو جانا ولد نسموه ناصيف
ولو جانا ولد نسموه ناصيفادهم بتسهويك:اي لا نسموه ناشتاء مش ناصيف
تسنيم:
ادهم بدي يجهز ف الصحون معاها؛المهم عندي تنوضيلي بسلامه
تسنيم جلدها قشتر:اييي زعما صاعبة
ادهم:مش مجربها الحق
تسنيم:مبردك
وتاني يوم
بعد ادان العشي
ترررن تررررن
تسنيم تتفرج ع الصور ف الكاميرا وشافت صورتها مع وليد
ادهم رد:ايووه سهى …اهددي اهدددي سهى….بللهي عليك سهى اهددي…اني رح نجيك…اوكي توصلو بسلامه…صكر الخط وحدف الهاتف وخناته دمعته ونزلت
تسنيم تشوف ف ادهم ناضت مسحت دمعت ادهم:ادهم شن صار مني كلمك
ادهم :وليد
تسنيم دفت ادهم وهي تشوف ف دمعته:لااا لاا
ادهم نزل راسه:مات ف العملية
تسنيم طاحت من ايدها الكاميرا وهي مفتوحه ع صور وليد وتتذكر ف وليد لم قلله انه رح يرجع مرة تانيه وداخت
ادهم يفيق ف تسنيم:تسنيم تسنييييم.ناض جابلها ميا وبدي يرش علها
تسنيم فتحت عيونها:قولي انك تكدب بللهي عليك
ادهم :مانقدرش
تسنيم وجها ف صدر ادهم:نبي وليد 
ادهم حاضنها:وليد خلاص
تاني يوم
تسنيم جنب سهى ويبكوو 
تسنيم بعبرتها:هو قالي انه رح يجيني مرة تانيه
سهى حضنة تسنيم وزادو يبكوو
بعد مرور تلات ايام
بعد العصر
تسنيم راقده ف غرفتها فمها قشور ووجها اصفر
ادهم بعصبية:تسنيم انتي حامل حرام عليك نووضي كولي
تسنيم ساكته وتشوفله
ادهم حرف صفرة:ارحميني عارف انك حبيتيه ووجعك حتى اني وجعني هو ولد اختي ياتسنيم نوضي كولي
تسنيم:هو يومها كان راقد جنبي وباسني وحبني اكتر منننك
ادهم شد ايدها: ع شان ولدنا نوضي كولي
تسنيم تمس ف بطنها:اي ولدنا ورح نسموه وليد
ادهم ابتسم بحزن:اي نسموه وليد نوضي
تسنيم قعمزت وخدت كوب العصير وبدت تاكل
#بعد_مرور_شهور
تسنيم خشت ف شهرها
ادهم راقد جنبها
تسنيم تتلامس ف لحيته:حبيبي
ادهم فتح عيونه:صباح الورد ياقلبي
تسنيم ابتسمت:صباح العسل ادهم
ادهم ايده ع بطنها:عيونه
تسنيم:نبي المستشفى نبي نعرف جنس البيبي ورح ناخدله ملابس
ادهم ابتسم:ياقلبي انتي اوكي
تسنيم بساته:فرحانه بنموت مزال عشرين يوم بسس
ادهم مبتسم بفرح ويتكلم:تنوضيلي بسلامة انتي والبيبي ياعمري إن شاء الله
تسنيم:إن شاء الله
ف المستشفى
الدكتورة ادير ف الجهز ع بطن تسنيم:انتي شن تبي ولد ولا بنت
تسنيم:نبي ولد ورح نسميه وليد
دكتورة ابتسمت:علاش ولد خيرها البنت
تسنيم ادكرت وليد: ولد حماتي عمره اربعه سنين توفه كان يجنن يهببل اسمه وليد كان متلازم داون
الدكتورة 
:تبي ولدك يكون متلازم بداون؟
:تبي ولدك يكون متلازم بداون؟تسنيم:اكيد لا بعيد الشر اني كنت نحب وليد ونبي نسمي ولدي وليد بس
الدكتورة ابتسمت:اي الف مبروك رح يصير ف عندكم وليد
تسنيم ابتسمت:بجدد
الدكتورة:اي
ف للسيارة ركبت
تسنيم ابتسمت:ادهم رح يجينا ولد
ادهم ابتسم:ياقلبي ني
تسنيم شدت ايده:عارفاتك انت تبي بنت تزعلش مرة تانية نجيبو بنوته
ادهم:مش زعلان اني عندي احلا بنوته
تسنيم:الولد رح نسموه وليد انت…قاطعها
ادهم:لااا تسنيم مستحيل نسموه وليد
تسنيم:لكن
ادهم:لااا انتي هكي رح تخلي سهى تدكر ف ولدها كل ماتشوف ولدك ولم تناديه افهمي شعورها بللهي عليك رح تدكر ولدها كل ماتشوف ولدنا افهميني سميه اااي شي غير اسم وليد انتي قلتي انك رح تسميه ناصيف صح خلاص نسموه ناصيف
تسنيم نزلت راسها:كلامك صح اسفه
ادهم درس ع محل اطفال وخدو ملابس ولاد وخدت مستلزماتها وكملت ورجعت للحوش
تررررن ترررن
ادهم.ايووه امي
يمنى:كيف حالك ولدي وحال تسنيم
ادهم:الحمدلله بخير كيف حالك انتي
يمنى:الحمدلله قتلك خالتك يسرا هني وسهى جيب مرتك تهدرز
ادهم:تمام توا نشوف
يمنى.باهي سلام..وصكرت الخط
ادهم:خالتي يسرا وسهى ف حوش امي تمشي ؟
تسنيم:لالا مخاطريش
ادهم شد ايدها:تسنيم انتي ليك هلبا معادش طلعتي امشي كسدي وامتى ماتملي اتصلي بيا
تسنيم:اوكي رح نغير
تسنيم غيرت ولبسة قفطان متع حوامل مريح صيفي وضفرت شعرها
#تسريع
تسنيم سلمت وحولت عبايتها وقعمزت جنب سهى
سهى بصوت واطي:ف شهرك صح
تسنيم:اي
سهى:تنوضي بسلامه حبيبتي لكن يشوف حد
بطنك يقول سته شهور مش باين عليك
يسرا:كيف حال ادهم
رويدا ولعه فها النار لم شافت تسنيم حامل
تسنيم:كويس الحمدلله
يسرا:ربي ينضك بسلامه
تسنيم:سلمك ياعمتي
سهى بصوت واطي :خاطري ف ادهم خيره مخشش
تسنيم بصوت واطي:رح نحكيلك بعدين
سهى شدت ايد تسنيم:حني بنديرو قهوة عند ادنكم
ف المطبخ
سهى: خير احكي
تسنيم: مخشش بسبب بنت خالتك رويدا
سهى: علاش خيرها
تسنيم حكتلها ع موضوع الصور والقصه انها تحاول تفرقهم عن بعض
سهى: سحبي الله ونعم الوكيل فيها تعرفي من يوم يومي منحبهاش لاهي ولا اختها نور لكن خالتي بسلامتها نحبها الحق
تسنيم شدت بطنها: تعرفي تجيني ضربات ف الايام هادي هلبا
سهى: اي عاديات هادم ولايهمك إن شاء الله تجيبي وتفرحينا وتفرحي ادهم
تسنيم: إن شاء الله
سهى دارت قهوة ورفعتها
تسنيم جتها رسالة من ادهم (هياا استاحشتك)
تسنيم بعتتله (ياقلبي اني )
ادهم بعتلها(نبصر ياقلبي كسدي بعدين نجيك 
)
)رويدا خشت:السلام عليكم
تسنيم تلفتت:وعليكم السلام
رويدا تشوف ف بطنها وداخلها تغلي:بنوته ولا ولد
تسنيم شدت بطنها:ولد
رويدا:ااهاا
تسنيم تلفتت بتطلع:عن ادنك
رويدا شدت ايد تسنيم:استني اني اسفه ع للصار
تسنيم تلفتت ونفضت ايدها:صفي نيتك وبعدي من عليا وشوفي حياتك بعيد عليا
رويدا:اني اسفه
تسنيم:يومها اني جرحت الشخص لنحبه بسببك ياكدابه ياخرابه وبسببك اني قريب فقدت ولدي ع شنو تبيني نسامحك فهميني
رويدا بدموع التمسيح:اني غلطت ومافي حد ميغلطش
تسنيم:اوكي سامحتك خلاص ابعدي عليا وامسحي دموعك
رويدا مسحت دموعها:يعني خلااص
ترررن تررررن
تسنيم شافت ادهم يتصل وجهت الشاشة لـ رويدا:هدا الشخص راجلي واب ولدي ابعدي عليه ومانبي منك شي
رويدا:سامحتيني
تسنيم:اي
تسنيم ردت ع الهاتف:ايووه
ادهم:شجو
تسنيم ضحكت:يابارد شن تبي
ادهم:استاحشتك وربي
تسنيم:وين انت
ادهم:مع الشباب ف القهوة لكن مستاحش مرتي
تسنيم:اااهاا باهي لم تكمل من صحابك وتعالى
ادهم:تمام ياعمري جو نص ساعه ونكون عندك
تسنيم:باي
ادهم:نحببك
تسنيم شافت رويدا:واني يلا صككر
ادهم:نعشقك..صكر الخط
تتبع 
لقراءة الجزء التالي : الجزء العاشر من رواية نبضات قلب
لقراءة الجزء السابق : الجزء الثامن من رواية نبضات قلب
للإطلاع علي فهرس اجزاء الرواية : رواية نبضات قلب ( جميع الاجزاء كاملة ) للكاتبة ميشو محمد
جميع حقوق الرواية محفوظة للكاتبة ميشو محمد .
