الجزء الثالث عشر من رواية الزوجة التائهة بين الأحلام والواقع

وفي الجزء الثالث عشر جهز فنجان القهوة الخاص بك لنبدأ بمزاج عالي ورايق لقراءة أحداثه سوياً لنتعرف ماذا سيحدث من جديد من إبداع المؤلفة كيندا .

الجزء الثالث عشر من رواية الزوجة التائهة بين الأحلام والواقع

ومشو فى خبر كانا لحد نص الليل وهنى احمد خش للحمام والباين ليلى دخلت معاها الحبوب للحمام ونستهم فوق رف وكانت تبى تاخد حبه منهم وتقيمهم بس الباين انها نست الموضوع بعدين ورقدت…. . فا وهوا يغسل فى وجهه……. قام وجهه وشبح جيهة الرف وفجأه لقى ظرف حبوب فا خداهم وقعد يقلب فيهم وماعرفش شن هما لانا هوا متأكد قبل ماشافهمش فى الحوش فاقعد يقلب ويقرا عليهم لحد ماقلب على ظهر الحبوب وشاف شى خله يخشله شك ….. انا بجنب كل حبه مكتوب يوم من ايام الاسبوع فا زاد شك فى قلبه بس قال مستحيل ليلى ديرررها مستحييييل وبعدين قعد يقلب فيها طول ليل ويقول فى نفسه ليلى قبل ماسافرنا مامرضتش بكل وحتى بعد ماروحنا شكارة دوها قاعده فى الشنطه كلها شن جيب ظرف هوا هنا وبعدين انى الا خديتلها دواء لما مرضت ماقابلنيش الدواء هدا قبل زعما يكون الا فى بالى …. لا لا مستحيل شن نخترف انى مستحيل ليلى ديرها هيا تحبنى وتعرف انى نحبها علاش بدير هكى ….. وقعد بالطريقه هادى طول ا لليل وماصدق زرقت الشمس خش للحمام وغسل وجهه ونظف سنونه وتوضى باش يصلى وخدى ظرف الحبوب وطلع ….بدل حوايجه وحط الحبوب فى جيب جاكيت ونزل قبل حتى ماتنوض ليلى ولما نزل خش للمطبخ وقال لامه … احمد …. صباح الخير …. فى قهووه واتيه ولا نطلع ام احمد …. هيا وليدى شوى بس تكون واتيه ….. علاش انت بتتطلع توا احمد ….. ايه مستعجل عندى اليوم هلبه خدمه فى شركه …. تبى شى انى طالع ام احمد …. ايه وليدى باللهى جيبنا معاك كيلو موز وكيلو تفاح ومكسرات مشكله خاطر اليوم جايه عندنا خالتك وبنت خالتك اميره على الغدى واحتمال كبير بنت خالتك تبات مع البنات فاقالولى جيبينا حاجه نتسلو بيها فى ليل احمد ……….. مبرد دم امها زفت قريب الواحد يكنسها كنس …. شن هدا زفت زى طابع البريد كل ماتف فيه يلصق اكتر ام احمد …. شن قولت وليدى… احمد ….. ماقولت شى اهو بنطلع انى وكانا سالت عليا ليلى قولها احمد طلع بكرى وماحبش ينوضك … ام احمد …. باهى باهى وليدى وماتنساش الا قوتلك عليه……. احمد …… اوووووووووف ماشى ماشى ……. مشى لخدمته وعقله مش فى الخدمه مره وحده وفجأه حاجه ضربت فى راسه وقتله برا لاقرب صيدليه واسال عليهم بدل هالشك ووجع الراس فالبس جاطيت متعه وفتح باب مكتب وطلع وقال لسكرتيره متعه …. احمد …. كانا سال عليا حد قوليله نص ساعه وراجع …. سكرتيره …. بس عندك موعد بعد 5 دقايق مع الوفد الامريكى احمد …. الغى كل موعيدى اليوم واجليها لبكرا وخلاااااااص و الا نقول عليه يتنفد بالامر الواحد فاهمه ولانفهمك … السكرتيره ….. بس يا …… احمد ….. قسما بالله لو سمعت مرة تانيه اى نقاش فى اى كلمه نقولها ومانلقاش التنفيد على طول …. استقالتك تلقيها على باب الشركه من برا فاهمممه السكرتيره ..اسفه وحاظر مشى وولع دخانه وطلع بسياره ومعاش بان الا غبرتها بس ووقف على صيدليه العلامين ونزل ووقف على صيدلانى وقاله باللهى ياخوى هادم الحبوب حبوب شنى … صيدلانى …. هادم حبوب منع حمل ياخوى احمد …. انت متأكد ؟؟؟ صيدلانى … كيف ياخوى هادى شغلانتنا … تبى اى شى تانى احمد …. وراس خوى نبى حاجه تنحى صداع لانا راسى بيتفجر … صيدلانى …. تفضل وخى … بندول الاحمر ننصحك بيه ممتاز وماليشى اى مضاعفات احمد … بكم ؟؟؟؟ صيدلانى …. 3 ونص احمد …..تفضل وخى وشكرا …. طلع احمد ومن كترة نار الا فى داخله العداد قريب يطلع ووصل لشركه وقال لسكرتيره … احمد…… مانبيش اى مخلوق يخشلى مهم كان ان شالله بوى … ومانبيش اى مكالمات تتحولى ولا نبى اى حد يخش نهائيا وكلامى نبيه يتنفد بالامر الواحد … وخش وسكر الباب وراه وبعدها وقف على مكينة القهوه وعبى مق القهوه وولع دخانه ووقف علىا الروشن وقعد يفكر ويفكر وناااااااار راكباته ومش عارف سبب ؟؟؟؟ قعد يسال ويجاوب فى روحه زى مجنون وقعد بطريقه هادى لحد ما جت ساعه 5 بزبط ووساعه 5 بزبط طلع وجاب لامه الا هيا تبيه وركب للحوش وطبعا لقى ليلى لوطه فاقاللها كملى الا فى ايدك ونبيك فوق من غير نقاش … وطبعا كملت الا فى ايدها وعلى طلعت خالته سلمت عليها وركبت…….. وبينما اميره قعدة ولما ركبت لقاته مقعمز فى صالون بالبسة الخدمه ويدخن وبعدين لما خشت سكرة الباب ووجت قعمزة جنبه وقالتله … اهلين حبيبى وطبست بتحضنه بس هوا شبحلها وقاللها نحى ايدك فاهيا قعدت تشبحله وشافت ملامح ماشفتهاش قبل وهنا حط ايده فى جيبه ولوح ظرف على طاوله وقاللها احمد… هدا شينى ؟؟؟؟ ليلى …. اه اه هادوووووووم حبوب وسكتت احمد … قعد منزل راسه شوى وبعدين قام عينه وقعد يعيط فجأه عاررررررررررررررررف هادم حبوب هااااااااادم حبوب شنى قوووووووووووولى حبوب شنى ؟؟؟ ليلى …. حبوب منوم حبيبى بس ولما هيا قالتله هكى ضحك وبعدين ناظلها سخص تانى وشدها من شعرها وقاللها … تكدببببببى عليا .. تستغفللللللللللللى فيا شن تشووووفى فيا حمارررررررررر بهيم مانفهمش … علاش ….علاش درتى هكى ماتبينيش قوليها بس انك تستغفلنى وتركبلى قرون بوعدك ياماما مادارتها الا قبلك لين بتديرها انتى وبعدها ضربها كف طيحها فى لوطه وقاللها اعطينى سبب بس سبب مقنع يخلينى نقول انى انا الغالط ردددددى ردى والا قسما بالله العظيم لو ماردتيش الا كلمتك وحوش بوك طول رددددددددددى ماتهبلنيش ردددددى قولى اى شى ….. ليلى … قعدت تبكى وقالتله واللهى ماكنت نقصد الا انت تفكر فيه واللهى ماكنت نقصد يااحمد احمد …. شن كنتى تقصدى مالا ردى انك تستغفلنى وتكدبى عليا …. اعطينى سبب يخليك كدبتى عليا وفوقها مازل عندك نيه تكدبى وتقوليلى حبوب مهدئى لهدرررررجه انى حمار ومغفل تشوفو فيا لهدرجه انى سهل ينضحك عليا ردددددددددددددددددى ردى لنقتلك ونقتل روحى …. وبعدين خدى الفازه الا على ارض ضربها برجله وقاللها انى واللهى ماوجعتنى انك تاخدى فيهم قد ماوجعتنى طعنت ظهر وضحكه …. لو جيتى قولتلى مانبيش صغار يااحمد كنت بنغصب عليك متلا ولا بنغتصبك قوووووولى انى ماغصبتك على اى شى انتى ماتبيشى بس انك طول الايام هيا ماتقوليلش هادى والله مانقدر نسكت عليها …. وانى اكتر من مره نقولك ياليلى انى عصبى انى مهبول وراهو اكتر شى نكرهه الكدب وخيانه … تجى انتى توا وتطعنينى وتديرنى مغفل … قبل كنت مانعاملش فيك كويس فهمنها وتوا … توااااااااااااا علاش خديتيهم من وراى علاااااش ….. تى رددددددددددددى لو الله نفجرك ونفجر روحى معاك ردى …. انتى تخونى فيا ؟؟… ليلى … هنا شبحتله شبحة حرقة قلب وانهارت بالبكى ومشت تجرى لدار وصكرتها عليها …. وهوا …. خدى زوايه فى حوش وقعمز يبكى ويعيط زى عيل وبعدين ناض يضرب فى الحيوط ويبكى ويكسر الا قدامه ووهوا فى حالة الانهيار العصبى ليه سمع الباب يطقطق وسمع صوت اميره تقول ليلى شن فى خيركم اللطف تتعاركو وانتم قاعدين عرسان….. وهنا شبح للباب شبحة غل وكأن كان يستنى فيها وفتح الباب وخششها وسكر الباب وشدها من شعرها وقاللها ….. انى شن قولتلك …. قولتلك بعدى عليا وعلى مرتى صح ولا لا… قولتلك بعدى عليا صح ولا لااااااااااااااااااااااا قوتلك لو ريتك فى حوشى نديرلك عار ولا لا اااااااااه مالا توا شوفى عار على اصوله ومدلها كف الاول وتانى لحد ماطاحت على ارض وبعدين كرها من شعرها وطلعها فم باب وقاللها تى والله يا@#$ نلاقاك هنا مره تانيه تشوفى منى هبال اكتر من الهبال هوا فاااااهمه اميره ….. وهيا تبكى قالتله …. حاظر حاظر بس باللهى عليك خلينى ننزل بس وواللهى ماعاد نقربك لاانت ولامرتك ونبى اطلق شعرى بس خلينى ننزل …. فاهوا طبعا دفها على لوطه وخش وقربع الباب برجله …. وهنا طلعت ليلى وقالتله …. شن درت فيها البنت عندك شى تفاهمه معاى انى …. فا رد عليها ….. انتى مازال شفتى شى … خشى لدار ومعاش تطلعى منها نهائيا خشششششششى … ولوحها بفردة كندرته وهيا خشت تجرى وسكرت الباب وبعدها ….. قعمز وولع دخانه وسمع الباب …يطقطق فاخدى تحفة دخان الا على طاولة الجلوس ولوحها على باب .. وبعدها وقف الباب على طقطقيق 3 توانى ورجع يطق فاناض بغل وشبح شبحه للباب وكانت شبحته المره هادى ياقاتل بامقتول …. وفتح فالقى امه واول ماشبحاته وخرت وخافت لما شافته وشافت حوش المدشدش ….وقالتله … وليدى ….. و .. و.. لييدى ..خيرك ضربت بنت خالتك واللهى نزلت لوطه وصايخه بالعياط احمد …. انى قوتلك لو مازال هنا نشوفها نديرلكم العار ولا لا خلااااااااص اهو العار وصلكم وتمشى تقول لاكبر واحد عندها مااااشى …. وووليلى انسوها شفروووها اعتبروها ماتت من اليوم من فوق مش رح تنزل والا يركبلها قسما بالله نفجره تفجير ماااااااشى ام احمد …. وليدى غير خيرك متعصب كل شى يجى بتفاهم غير قولى شن فى …. شبحلها شبحة غيض وقاللها… شنى فى … شنى فى …. تعرفى كانا ماتنزليش توا نلوح روحى من دور تانى وتفتكى منى ماااااااشى اصلا انى بسببك انتى وصلت للى انى فيه انزلى وراس امك باامى وفوتى هاليله لو الله نلوح روحى وتفتكو منى ام احمد … باهى باه ياوليدى كون فى روحك بس انى نازاله هيا << وفى داخلها تقول خيره الولد نجن ولا شنى ياغبررررتى كان مالبسه جن …. ياسيدى عب سلام الاسمر … شر برا وبعيد >> ونزلت ومن خوف قريب تكردست جت لوطه … وطبعا تلوح احمد على كنبه و قعد حاط ايديه على وجهه ويبكى لحد ما نعسه النوم ولما خدها نوم طلعت ليلى وغطته بالشرشاف وطفت الاضوء وخشت لدار ورقدت وعلى مابكت فى اول الموقف بس حست انها تستاهل لانه استمرت فى الكدب لاخر لحظه وكانت تستاهل كف يفيقها من كدبها الاكان مستمر فى موضوع الحبوب وبعدين فكرت شوى وقعدت تضحك لما تدكرت موقف اميرا كيف يفشخ فيها وهيا تكبه من شق الباب ومنظر عزوزتها الا قريب حطتها تحتها من خوف وتحسابه ركبه جن وبينها وبين نفسها صح ضربها بس هيا عارفه انا هوا فوق من نفسه وانا كان عنده حل من الاتنين اما كف وشحة شعر او كلمتها وحوش بوها وهيا كانت عارفه انا احمد مايتخايلش روحه بلاها وطبعا قعدت تفكر طول الليل فى الموضوع وخاصة لما سمعاته يقولها….. طلقتك وحوش بوك لانها اول ماسمعتها قلبها وقف للحظات ورجع ينبض واستمرت فى تفكير لحد مارقدت وفاقت صبح لقت احمد كاتبلها ورقه وفيها ياكدابه ….. حوش بوى معاش فى نزول ابدا يعنى بالفلاقى شفريه والحوش فوق نبى نروح مانلاقاش اتر مرش ووقسما بالله لو رقالك حد من العيله وقوتيلهم على عملتك المهببه الا ما تشوفى ليله اسود من قرن الخروب واخر شى …. طلعيلى مخدتى وشرشافى وحوايجى كلهم ستفيهم فى دار الاطفال فهمتى … قصدى لو مافهمتيش عادى نروح نفهمك بطريقتى خاصه …. قرت ليلى دوه وزعلت للحظات بس اول ماتدكرت موقف اميره انفلقت بضحك وفرحت انه مش ناوى يشهدر بيها قدام حد وخاصة انا الكل بيلومها وبيعاتبها وبالفعل روح لقى الحوش نظيف واول ماخش خش للحمام طول توضى وغسل وجهه وبعدها خش لدار الاطفال بدل حوايجه وصلى ظهر وبعدها خش للمطبخ فاشبحتله ليلى طول وقالتله …. اهلين احمد… انت زعلان منى مازال …. فارد عليها وقاللها … الغدى واتى ولا نطلع …. ليلى … الغدى واتى خلاص … حطتله صونيته وجت بتصبله قالها. .. احمد ….. مافيش داعى نصب بروحى …. وقعد ياكل وعيونه فى صونتيه بس واول ماكمل ناض وحط الفوطه على طاوله وطلع ولما طلع مشت وراه وقالتله احمد …. فاهوا وقف شوى للحظات وغمض عيونه وتنهد تنهيدة الم وكسرة قلب وبعدها كمل طريقه ومشى لدار وصكرها وقعد فى دار لحد الليل وفى الليل طلع للمطبخ بيشرب فالقاها طالعه من حمام ولابسه فوطة الحمام الحمراء فاشبحلها شوى وبعدين نزل عيونه ومشى فاهيا جاته وحطت ايدها على كتفه وقالتله احمد ……. فا هوا نزل ايدها طول وقاللها نزلى ايدك ليلى لو سمحتى ومن اليوم انتى مش مضطره تاخدى حبوب منع الحمل ولا اى شى تانى وانى من اليوم عفيتك من اى واجب تجاهى لانى مش انى الا نفرض نفسى على مرأه ولا نخليها تاخد حبوب باش ماتجيبش منى عيل ومشى وسيبها … وفات يوم ورا يوم وراء يوم وهوا يعامل فيها بجفاء وبرود وتقريبا متجاهل وجودها وكان تصرفه معاها نوع من انواع العقاب صح قاسى شوى بس منه تتعلم انا قبل ماتفكر تكدب او دس تفكر مليون مره شن بتكون نتيجه ؟؟؟؟ وطبعا ليلى معاش نزلت لحد نهائيا قعدت دابها وداب حوشها ومن الخيمس للخميس يطلع فيها لمشوايرها الخاصه بيها وبس وكانت دوتهم شبه رسميه فى حوش يعنى لضروره بس … وجى صبح زى اى صبح عادى جدا ناضت فتحت فيروز وقعدت تضم فى الحوش لحد ماطقطق الباب فامشت فتحت ولقت صفاء فاقالتلها خشى تفضلى صفاء …. وينك عاش من شافك لاحس ولاخبر …. خيرك معاش تنزلى … ليلى …. واللهى ياصفاء احمد معاش خلانى بس واللهى حتى لو مانزلتش بالى معاكم صفاء … باهى اسمعى درتلى حل … ليلى …. واللهى ياصفاء قعدت نفكر فيك هدكا اليوم وخطرت فى بالى صاحبتى حتى هيا صارت معاها نفس شى … صفاء … باه شن دارت باللهى عليك انقدينى وقوليلى لانا كل يوم مدايرلى عار وقالى لو ماتديرى حل الايامات الجايه كل واحد بشوف نصيبه.. ليلى … انى رح نقولك بس بنبرى دمتى وبنقولك راهو فى الاخير كدبه صح هيا كدبه بيضا بس هيا كدبه وكدب طريقه مكشوف ديما ياصفاء … صفاء …. باهى صاحبتك نكشفت … ليلى … الحق الحق لا لا ههههه خداته وتوا عندهم زوز صغار ههههههه صفاء … نهار بيض قوليلى باهى قبل ماننجلط ليلى …. انتى الوليد هوا الا تحبيه عنده اخت …. صفاء … ايه والله وتكلم فيا ديما وتهدرز عليا … ليلى وهيا تقرا قاعده .. ؟؟؟ صفاء ايه بس هيا مش زينى تقرا فى كلية زراعه …. خلاص … برى تفاهمى معاها…ولا نقولك برى تفاهمى معاه هوا وقوليلى يتفاهم هوا وامه واخته على اساس انها شافتك بصدفه فى الكليه ونعجبت بيك وهما قداش ليهم يدورو لخوهم فاقالتلك نبو نخطبوك صفاء … صحيتى هلبه ليلى موووووووووه تهبلى انتى احلى وحده فى دنيا … وهنا طبعا خش احمد ولقاهم فى وضع القبلات والاحضان ….. فاقاللهم …. خير ان شالله شن لمكم على بعض …. وشن هالاحضان وبوس … شنى مالا ليلى قررتى تسافرى بدون علمى … ليلى طبعا وجهها ولا احمر وسكتت وردت صفاء طول وقالتله … مرة خوى ومستاحشتها وجيت بنشوفها شنى مشكله …. وبعدين انت شن روح بيك توا… احمد … عندى ورق نسيتهم فى حوش وبنجيبهم وتوا انزلى …..غبرتك وطريق امك تضبح عليك فيسسسسع … صفاء … قعدت تضحك ومشت تجرى لبست شبشبها ونزلت فى قمة فرحه .. وبينما احمد قعد يشبح لى ليلى شوى وقاللها….. احمد….. اسمعى صاحبى اليوم كلمنى وقالى انى ومراتى عازمينكم اليوم على عشاء فى المطعم وسبب العزومه انا عندنا شوى بزنس مع بعض واحتمال نخصصو شركه خاصه بينا مع بعض …. والخلاصه اليوم وتى روحك بنطلعو.. ليلى … وكيف بنطلعو مع بعض وانت تعامل فيا هكى ؟؟؟ …. احمد …. ماتخافيش مش رح نديرو العار قدام ناس ونقول متعارك مع مرتى على خاطر تبلبع فى حبوب الحمل من وراى … ليلى … احمد اعطينى فرصه نتكلم والله … احمد … لو سمحتى خلاص مانبيش نسمع ولا كلمه انى ماشى للخدمه توا وزى ماقوتلك وتى روحك بعدين … ونزل احمد وهوا نازل لقى صفاء فى جنان وتوزع فى ابتسامتها من بعيد مشى قاللها … شن فى 32 سن باينة ربك يستر انى عارفك وعارف ابتساماتك معناها فى شى… شن فى ؟؟ صفاء … لا لا بس بنركب لى ليلى نبيى ناخد منها طريقة بيتيفور لانا خاطرى فيه ؟؟ احمد … بيتيفور … باهى باه فوتيه على موشم اركبى اركبى هونى تلقيها فى مطبخ تحوس وبسرعه وانزلى ماتخليش امك بروحها صفاء … اموووووووووووه نموت فيك ياحميدا دقيقه بس ونكون مرشوقه هنا احمد … ضحك وقال … ربى يتيت عليك دين وعقل بس وبعدها طلع وولع سيارته ومشى … وهنا ركبت صفاء بسرعة برق لى ليلى وقعدت تقولهااااا … صفااااء …. ليللللللللى تعاليلى فرحاااااااااااااااااااانه رووووووووووووووووى قولت لصهيب على فكره رووووووى انى فرحانه هلبببببببببه ياليلى صحيتى والله جميل مارح ننسته منك ليلى … الحمد لله يارب وان شالله ربى يهدى سركم يارب … باهى احكيلى بتفاصيل شن صار؟؟؟ صفاء….. قولتله الفكره وعجباته هلببببه هلبببه وقالى توا نكلم امى توا ونفهمها ونخلى امى تكلم امك اليوم وان شالله بكرا جاينكم هههههه خلاص راجل معاش قادر يستنى طابت كبيدته هههههههه …. ليلى …. ان شالله ربى يتمملكم على خير يارب .. بس مش تحسى انا استعجلتو بى بكرا خلوها حتى بعد بكرا…. صفاء …. ههههه ماتخافيش هوا غير يفشك بس اصلا حتى امه مستحيل توافقله على بكرا واكيد يجو بعد بكرا واصلا انى بنقوله بكرا عندى ماندير وبنطلع ناخد حاجات الا بنحطوهملهم حتى هيا ام الكبيده راهو هههه….. ليلى … باهى مالا ربى يوفقكم يارب .. صفاء … باهى مالا توا خلى ننزل امى قريب تبدا تلحن من لوطه واول ماتصيير حاجه توا نكلمك ليلى….. ماشى ماشى وصكرى الباب وراك سلام حبيبتى .. وطبعا وليلى قاعده تظم فى حوش ووهيا مطبسه تنشف سمعت تلفونها يرن فا قامت التلفون لقت احمد يتصل…… فا قالتله اهلين حبيبى شن اخبار .. احمد ……

يتبع………….

لقراءة الجزء التالي : الجزء الرابع عشر من رواية الزوجة التائهة بين الأحلام والواقع

لقراءة الجزء السابق : الجزء الثاني عشر من رواية الزوجة التائهة بين الأحلام والواقع

للإطلاع علي فهرس اجزاء الرواية : جميع الأجزاء كاملة لرواية الزوجة التائهة بين الأحلام والواقع

جميع الحقوق محفوظة للكاتبة كيندا من ليبيا .