الجزء الثالث عشر من رواية المشوه

وفي الجزء الثالث عشر من رواية المشوه دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة ميشو محمد .

الجزء الثالث عشر من رواية المشوه

تررررن تررررن

غياث قرب قام السماعه: ايوواه

لبنى زوجة بوه التانيه: عااش من سمع صوتك

غياث بصوت عالي وعصبيه: انتي شننن تبييي منننني

لبنى: شي شي لكن قالولي المتوحش المشوه خدي لبنوتة ز الملاك وفرحان بها قلت خلي نباركلك

غياث: انتي علاش تنتقمي مني فهميني

لبنى: ربي يروف بحال مرتك من اليوم

غياث صكر علها الخط

لميس قربت: غياث مادير شي هادم مجانين

غياث متعصب خش غرفة النوم بياخد مسدسه وقفت قدامه لميس

لميس: غياث هي تعصب فيك عشان تبي تستفزك اهدى

غياث بعصبية بعد شعره للخلف: كلل شييي بسببي انا مفروض سمعتك من الاول

لميس: غياث معاد تلوم نفسك انت مش ذنبك

غياث بعدها من قدامه وخش الغرفة خدي مسدسه وطلع

لميس نهارت تبكي من الخوف

.

.

.

.

بعد المغرب

مصار شي لميس تتصل بيه هاتفه مصكر

فات ساعه بعد المغرب وهني الباب نفتح وخش غياث وفي ايده كيسه سوده

لميس سمعت الباب ناضت تجري لكن نصدمت بملابس غياث مليانه دم

لميس وقفت تشوفله

غياث حط الكيسه ع المدخل والمسدس وخش وقفاته كلمة لميس

لميس: اني وتقه فيك انت مش متوحش لدرجة تقتل مرآة مع ولدها

غياث: مريم دارت حادث واسعفتها والامانة متعك ف الكيسه

لميس ناضت وتبكي

غياث عض ع شفايفه مخنووق بصوت مبحوح: ورررراس بوووك وررراسي اني معادش تبببكي

“محقرهم الناس لتحب تفرق بين حبيبين طبعاا في ليبيا في منهم هلبااااا ناس حسودين ومني اني نقوللكم وربي الضربه ماتجيك الا من الاقارب واني مجربه ردو بالكم وخياتي “

لميس بكت لعند ماتعبت بصوت واطي ومبحوح : شن صارلها غياث

غياث حضانها ويتلامس ف شعرها وسراح ف منظر اخته غارقه ف دمها مع ولدها: رجلها مكسوره وابصر شنو معادش تهمني لجنهم

لميس راسها ع صدره ومقعزين: هديت ؟

غياث بعدها ووقف مضايق ويتكلم بعبره: تعبببت يالميس تعبت ناسي هكي يديرو معاي فما بالك الناس البرانية تعببت لميس اني بنسافر معاد متحمل حددد (بصوت عالي ومكسور)وصللللت لمرحححله بنقتتتل الناااس

لميس تضرب ف روحها وتبكي: كله بسببي كله بسببييي

غياث شد ايدها: ياسر لم نشوف دموعك نعرف روحي قداش شخص بخيل بكرمي وراحتي ليك ربي بلاك بواحد مشوووووووه

لميس غارقه ف دموعها : معاد تقول هكي انت عمرري عمري انت

غياث : لو نقدر بس مانخلي حد يشوفك ولا يلمسك ولا يبكيك ولا مخلوق لابوك ولا خوك مانبي حددد ينزلك دمعه

لميس مسحت دموعها: خلاص اني كويسه

غياث قعمز قدامها شد يدها نزل راسه: ندمتي؟ ندمتي ع معرفتي ف يوم؟

لميس: لالالا معاد تقول هكي اني احلا هدية جتني من ربي هي انت

غياث وقف: من لم شفتيني (يعد ع صوابعه) تعرضتي للاغتصاب، تعرضتي لضرب، تعرضتي لذل، واليوم كانو رح يسحروك وانتي مع هدا تحبيني وفوق هدا مشوه اني المشوه وجه النحس قعده تحبيني اني؟

لميس: خلااااص معاااد تقول هكي ولا نضربك راه اني نغار عليك حتى من كلامك اني نغار عليك من نفسك معاد تقول هكي ولا نضربك…تتكلم هكي عشان يضحك

غياث ضحك: بتهبليني

لميس: احلف معاد تقول ع نفسك هكي احلف

غياث جبدها ليه وراسها ع صدره:كرهت روحي

وف اللحضات هادم لميس رقدت ع صدره وهو يمسح ع شعرها

غياث شافها ابتسم قامها

لميس فتحت عيونها ورجعت رقدت

غياث حطها ع السرير فتحلها المكيف كان بيطلع بس شداته

لميس نعسانه:خليك معاي ماتطلعش

غياث:ياعمري معاك بنغير ملابسي عليهم دم مريم

لميس خدها النوم

غياث غير ملابسه ورجعلها قام الغطي ورقد جنبها جبدها ليه

لميس: غياث معاد تفكر غمض عيونك هيا

غياث ابتسم وقلبه مايلعم بيه الا ربي غمض عيونه ويمتل انه راقد

لميس تشوفله عيونه مغمضات:عرفاتك مش راقد (ايدها ع لحيته) نحبك اني انت تعرف صح حبي زاااد اكثررر

غياث شافلها وابتسم: محلاك تقوي فيا معاد تبكي لميس تمام

لميس: حاظر

غياث يشوفلها ابتسم مد ايده تحت الغطي الخفيف وقرصها ع ال

لميس حست القرصة:احححااا

غياث ضحك: بنهبل اني،اي صح وقت الخطوبه تقوليلي نحبك ونبيك ونموت فيك اني عندك هي اتصرفي

لميس: مش توا

غياث ابتسم: قعده تتحشمي ؟

لميس قامت وجها وتشوفله: عادي ولدي يجي يشبهك ف كللل شي (ايدها ع انفه)ز انفوك (ايدها ع عيونه)وعيونك (ايدها ع شعره)شعرتك بزبط والاهم (نزلت ايدها ع فمه)ز شفايفك

غياث ايده خشت تحت تيشرت لميس:كملي

لميس حست باايده ع بطنها:شدير انت تحشم

غياث ايده تتلامس ف بشرتها تحت التيشرت: ناعمه بيضه بريئة قداش بنتحمل اني

لميس طلعت ايده من تحت التيشرت:طيرتلي النوم من عيوني هكي

غياث ضحك:احسن انتي نص يومك راقده اصلا خليلي حصة فيك

لميس:نايضه عليك الرومانسيه توا؟

غياث قعمز شلح تيشرته: اني تو نرقدك

لميس ناضت تحك ف رقبتها بتوتر:جعت اني طار النوم اصلا جيعانه…وطلعت هربت

غياث ضحك من قلبه قام الهاتف واتصل: شن صار مع ولدك

مريم بصوت تاعب: قاعد ع حاله يبكي وخلاص

غياث: لو تبي ادوية او شي تتصلي بيا تمام

مريم تبكي:ربي يحفظك وتشوف صغار صغارك يارب

غياث صكشر علها وطشلع للميس

لميس مقعمزه وارسها ع طاولة المطبخ وراقده

غياث ضحك قرب بهدؤ: بنتي نوضي ياقلبي شن هدا النوم يابنت نوضي الدنيا مزال مغرب

لميس ناضت وقفت بصوت ناعس: مرقدتش قعمزت بس

غياث قرب ايده ع جبينها:خيرك مريضه

لميس:لا مش مريضه نبي نرقد بس

غياث قامها ويضحك:ارقدي

لميس ابتسمت وعيونها تغمضو ورقدت

غياث دخلها غطاها وعدل المكيف ورقدو

تاني يوم

.

.

.

نورس عزمتها شاخت جواد ع الغدي خشت الدوش عشان تجهز نفسها

.

.

.

غياث فاق من نومه شاف الساعه 11:30ص

غياث شاف لميس راقده قرررب عمكم غياث يضحك بطمع

غياث : نوضي، ياسر، صبح

لميس: بعدد غياث الشياطين خليني

غياث ضحك: اني غياث الشياطين (بدي يهز فها) نوضي مافيش نوم مش غياث الشياطين يلا نوضي

لميس ناضت للحمام تجري وايدها ع فمها وخشت الحمام (اكرمكم الله)

غياث قرب ع الباب بخطوات سريعه طق ع الباب: انتي كويسه لميس

لميس تستفرغ غسلت وجها وشافت لروحها ع المرايا بشك: معقولا حامل لا اكيد برده من المكيف اني متزوجشه من شهر وايام مزال اكيد برده غسلت وجها وطلعت

غياث: انتي كويسه مريضه

لميس بصوت واطي: لا كويسه انت بسببك تخض فيا بطني تحركت

غياث: نخض فيك حكة مشروب بطنك هيا

لميس: نبصر… ورجعت لسرير

غياث فتح الدولاب خدي ملابسه وخش لدوش

ترررن ترررن

لميس ناضت: صباح الخير نوسه

نورس: ياعسل صباح العسل

لميس: شن في ع الصبح

نورس: شي قلت نتغزل فيك بالك غياث جاف

لميس: لالا قدها غياث

نورس: ايوواه حني غير شن اديري

لميس: شي اسمعي نورس حني عرسنا من شهر ونص وله

نورس: اي مزال سبعه ايام ونخشو شهرين

لميس: اهااا تعرفي نورس ايامي العشره هادم كلهم نوووم وبطني حاله نستفرغ

نورس: بنبدا خاله ملا يابنت تحكي جد

لميس: زعما لكن مزال نحس فيه مسرعع

نورس ضحكت: سلم غياث ياكبدي

لميس ضحكت: صبح يافتاح ياخامرة تفوو عليك كان يسمعك جواد ع حقيقتك ياتافها

غياث طلع من الدوش

نورس: اني بنصكر اخت جواد عازمتني ع الغدي باي

لميس: دوم لمتكم باي بعدين نكلمك

نورس: اي وقت حبي باي… وصكرت

غياث: شنو دوم اللمه من تكلمي

لميس: هادي نورس طالعه مع حماتها

غياث شافلها: طبعاا صاحبتك من عرسها وهي فرحانه ودايره محظر وانتي اكيد حسيتي روحك غير اضايقتي صح ؟؟؟!

لميس: لالا اصلا مانحبش الطلوع هلباا اني وبعدين معنديش خلوق نطلع نبي نرقد بس

غياث قرب يتلامس ف جبينها:خيرك تكلمي شغلتيني مريضه؟ بطنك؟

لميس ف نومها: شيي

غياث قعمز يخمم:لميس شن رايك نطلعو انتي من يوم العرس مطلعتيش

لميس راقده:وين

غياث نوضها: نوضي بلا بخل تحركي

تررررن ترررن

لميس شافت المتصل نورس:ايوواه يادراه تي مش بتطلعي

نورس:لميس طلعت الناتيجه متع الكلية

غياث يسمع فها طبعا الصوت واضح

لميس قعمزت بفرح:شن طلعت

نورس:تو جي جواد دارلي مفاجاة جابلي دبدوب وشكلايط

غياث سمعاها اضياق ضرب الكرسي بيده وطلع

لميس:تمام شوية ونعاودلك…وصكرت

لميس طلعت تجري وراى غياث شدت مرفقه:استنى علاش بسرعه تضايق

غياث عيونه حمر راجلي دارلي مفاجاةوجابلي دبدوب بمعنى انها فرحانه لميس اطلبي مني اي شي تي اني مانعرفش اني اسف وربي انتي شن تبي ناخدلك اي شي خليك فرحانه وياسرك نوم

لميس ابتسمت: هادي بنت عمي مجنونه ماتخدش ف بالك اني مانبي شي وبعدين التلاجه فها شكلاطه وعندي دبدوبي الاحمر اهو ع السرير اني مانبي شي انت مش منقص عليا شي

غياث باسها ع جبينها :مبروك يروحي

لميس ابتسمت: يبارك فيك ياعمري

غياث: عارف انك بتخشي ف حالة نفسيه من النوم تعالي نطلعو

لميس نعسانه:اوكي نلبس ونطلعو

غياث طلع لجنان

ولميس لبسة وطلعو

غياث يسوق قام هاتفه:ايوواه اسمع خودلي اجازة نص شهر،،، تمام منور سلام…وصكر الخط

غياث شد ايدها: تو مرتي الحلوة وين تبي ناخدها

لميس: امممم تذكر ف الكافي هدكا مرة خديتني ليه قبل الخطوبة

غياث:اذكرته

لميس: غياث حبيبي لم يضايقك شي معاد تهرب مني باهي

غياث سكت ويسوق

لميس شافت غياث:افتحلنا اغنية يامنكد

غياث ضحك:السيارة قعده جديده مافيهاش دسكات ولا سيديهات والهاتف فاضي كان عندك انتي افتحي

لميس خدت الوصله وبدت تشوف ف الاغني نقصت ف الصوت:عفكرة اني ميهمنيش لا هدايا ولا شكلايط ولا شي صح هي تفرح بس المهم عندي انك مهتم بيا بس ف ناس عندها هدا كله لكن مش لاقيه الحب فهمت عليا

غياث ساكت

لميس فتحت اغنية بصوت واطي شافت ايد غياث ع المارشه حطت ايدها ع ايده:ماتزعلش عشاني ولا نضربك راه

غياث ابتسم باس ايدها: نحبك حب ماعمره حب واحد غيري

لميس: حليييلي

ونزلنا للكافي العائلي

قعمزنا برا غياث طلب عصير طبيعي لانه مايشربش ف منبهات

لميس:العصبيه هادي كلها وماتشربش ف قهوة ملا كان تشرب فها كيف

غياث ضحك:اني بناخد عصير طبيعي بارد وانتي

لميس:اممم اني نبي كباتشينو

وهدرزو وكملو شرابهم

غياث سرح ف الهاتف دقايق قام راسه يشوف ف لميس تشوف ف شي بعيد تلفتت يشوفها ف شنو سرحانه شاف بنووتة صغيرونة تتعلم تمشي تمشي واطيح

لميس مبتسمه تشوفلها:تهبل كان نشدها ناكلها

غياث قام حاجبه:تحبي المخلوقات هادم؟

لميس:اكيد نموت فيهم وانت؟

غياث هز راسه بمعنى لا: ماعمري فكرت نلمس عيل ولا نقيمه ولا حتى نفكر ناكاه ز ماتفكري

لميس ضحكت: تو لم يجينا بيبي نصدقك كان مكيتاش

غياث:عادي لو تبي بيبي نوصو عليه من توا

لميس اذكرت كلام نورس انها ممكن حامل،،،رجعت شافت البنوتة قعده تحاول تمشي

لميس تشوفلها : غياث بنمووووت

غياث:خيرك تو البنت عجباتك

لميس:نمشي نبوسها ونجي

غياث:بلا هبال

لميس سكتت وتشوفلها

غياث سرحان ف لميس تتفرج ع البنت ف الكافي

البنوتة تلفتت وشافت لميس كانت بيضة شعرها بني تهبل لابسة قفطان صيفي وردي لم اطبس ولا اطيح الحفاظه تببان تهبل

البنوتة شافت لميس تشوفلها ضحكتلها قربتلها وهووبه البنوتة وصلت لطاولة غياث

غياث عيونه ع الهاتف حس بيدين صغيرات ع فخدته شافلها وطلعت منه ابتسامه بدون مايحس

غياث ابتسم وحط الهاتف ع الطاولة شافلها:اهلا جيتينا

البنوتة تناغي ومبتسمه وايدها ع فخدت غياث

لميس ف داخلها (يارب ماتحرمها لحد وترزق كل نفس خاطرها وتتالم وتبي صغار وارزقني يارب)

ميشوو محمد:ربي يرزق كل شخص يتالم ويبي ويحلم يكون اب او تكون ام ربي يرزق كل الناس يارب

لميس شافتلها:حليلي تهبل ياماما محلاك

غياث انتبه ع كتف البنت ازرق واحمر مكان ضربه ع جسمها لمس كثفها البنت عيطت بوجع يعني مضروبه البنت بعنف

غياث:هدا شنو…نادى ع القرسون

القرسون:نعم

غياث وقف:البنت هادي وين عيلتها

بو البنت قامها:تعالي جاي

غياث شده من مرفقة بعصبيه:استتتتنى يااستاذ وين زريبه هيا تاخدها وتمشي

لميس وقفت

اب البنت:خييير

غياث: البنت من ضربها البنت تتعرض للعنف جسمها كدمات هادي بنتك

اب البنت:هادي بنتي خليك ف روحك انت

غياث تعصصصب:نزل البنت

اب البنت:نعم؟

غياث جبد البنت منه وخدها

لميس قربت بصوت واطي:غياث ممكن البنت طايحه ممكن مش مضروبه

غياث شاف رجل البنت فها خطط احمر علامات ضرب قام رجلها:من يتعنف مع طفله ز هادي انت راجل توا

اب البنت:نتصلك بشرطه هات البنت

غياث :ماتبيهاش انت بنتك هادي كيف تضربها تحس ف روحك راجل؟؟؟؟

اب البنت.هاات البنت هيا بنتي اني حر تي شن هدا بنتي هي انت شن ليك علاقه

غياث:ف حاجه اسمها حقوق الطفل تعرفها؟

اب البنت طلع هاتفه بيتصل بشرطه

غياث تعصب:اتصل شن خايف منك ولا منهم اتصل

لميس خافت حصلت رعششه

فاجاة جت ام البنت :السلام عليكم

غياث:وعليكم السلام

ام البنت: وخيا هادي بنتي

غياث:علاش البنت ف كدمات ع جسمها قصدي مش كان بنتك تاخدي راحتك معاها للاخر

ام البنت: انت فهمت غلط بنتي دايره حادث مش ضاربينها

غياث شاف الاب وفعلا كانت ف كدمه ع جبينه قربله عطاه البنت:اسف ماتحملتش فها البنته سامحني استادي

الاب ابتسم: ربي يحفظك صحيت وطلع مع عيلته

لميس ضحكت

غياث تحشم دفع الحساب طلع

لميس لحقاته تضحك ركبت السيارة تضحك

غياث شاف الدومان:حسيت بلصارلي تشوه بوي ولم شفت البنت جسمها فصلت حسيت انه البنت رتعيش لعشته الحمدلله مضربتش الراجل اعصابي تمالكو

لميس ضحكت:ياعمري محنك معنها مطمنه مافيش ولا مخلوق يقربلي صغاري

غياث ضحك:مبردك الزفت

ونزلوو للبحر بحكم الدنيا صيف

يتمشو

لميس:غياث خاطري ف حاجه من امس

غياث: من امس شن هي انت طبعاا ناجحه ادللي

لميس:نبي خوخ تكون كبيره حااامضه هلباا

غياث شافلها بهزوزه:خوخ من امس خاطرك فيه جديات تتكلمي

لميس: اي علاش

غياث:فهميني حاجه تتحشمي مني انتي علاش ماتقوليش خاطري ف حاجه او نبي حاجه تتحشمي؟

لميس:اني مانتحشمش بس نسيت شن ندير وقتها رقدت ونسيت

غياث: اممم تمام يلي ماتتحشميش

وخدالها غياث خوخات وروحو وطريق وقف

غياث:خليك ف السيارة بناخد حاجه من المول وجاي…وخش للمول

حوال عشرة دقايق وجي عنده كيسه