وفي الجزء الثالث عشر من رواية عالمي دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة بنان عماد .
الجزء الثالث عشر من رواية عالمي
امنيه انا اصلا ربنا كاتب لي اعيش كده امنيه انا عملت شنو عشان اتعاقب امنيه وريني اعيش كيف بفكرك من اتجاوز الحصل امنيه أصعب شي الزول م يلقا اهلو ف الحاره امنيه انا م جبل عشان الدنيا تقع ف كتفي أمنية انا فاهمه انتي م فاهماني عشان م جربتي احساسي امنيه ليه اهلي الوثقت فيهم خزلوني ولا بدر بدر الكنت قايله حيهون علي طلقني ولا يامن يامن الحباني سنين اليوم واقف بقول انا م بعرس عقيمه بس ي أمنية انا ذنبي شنو يارب يارب انا بموت والله قلبي واجعني وتقيل شديد امنيه شهديني انا حموت قالت لي بخلعه ومسكت يدي بي يد وقلبي بي يد بسم الله علي قلبك حتي يهدأ بسم الله علي روحك حتي تستقر اللهم اني اعيذك بالصمد الواحد الاحد من تعب الروح وكسر القلوب وتلف المشاعر وزوال الشغف وبهتان الفرح اللهم انت محي العظام وهي رميم احي روح بنان كما كانت اللهم انت من نجيت يونس وهو في بطن الحوت وسهلت علي نبيك وحبيبنا القران وعلمته وفقهته اللهم بقدرتك وبعزتك ان تقويها ترشدها تحي روحها وتجبر بقلبها اللهم انت الملجئ الذي لا ملجئ غيرك ولا عظيم غيرك ولا مغير احوال غيرك اللهم غير حالها من حال الي حال اللهم افرج كربها وفرحها علي قدر ما اوجعتها الايام اللهم بأسم وجهك امسح من قلبها كل حزن والم ووجع اللهم ثبتها حين لا مثبت الا انت اللهم ببركه اسمائك اشفي قلبها الذي يتصل بقلبي فأنها رفيقتي وروحي فوالله لا سند لي غيرها…وانا بسمع ف دعائها وبمسح دموعها النزله ع وشي بغزاره وبشوف ملامحها وهي بتدعي انا عرفت ان لسه عندي فرصه قمت وبست رأسها وقلت ليها ماما ممكن نصلي قالت لي بنان حضنتها وبكيت شديد ف حضنها كانو همي انزح وانا ف حضنها حسيت انها اهلي قمنا اتوضينا وصلينا طولنا ف السجود واي زول بدعي لمن الفجر اذن ونحن ساجدين قمنا وسلمنا وصلينا الفجر رقدت ف المصلايه وقلت ليها انا فرحانه بدون سبب صح مفترض اكون زعلانه بس حاسة ان د كلو لخير وربنا بكشف ف الناس عشان ابعد منهم قمت واستخرت وسلمت أمنية قالت لي مبسوطة شديد من قوتك والحمد لله ربنا استجاب بس هسي انتي استخرتي ف شنو قلت ليها ف موضوع امشي مصر واتعالج من العقم قالت لي انا حمشي معاك قلت ليها طيب بكره نحجز قالت لي لحسن حضنا ان ود عمتي شغال ف الجوازات قلت ليها طيب كلميهو قالت لي بكره لان هسي الوقت متأخر قلت ليها طيب قمنا ورقدنا ف السرير قلت ليها أمنية قالت لي بنان قلت ليها عاوزه شنو قالت لي حقول اول انا طيب ي بنان انا حابه تبدي صفحه جديده بدون بدر ولا يامن بس موضوع اهلك بعد نسافر ونجي نمشي ليهم طيب قلت ليها والله ي امنيه لو قلت ليك د م حتصدقي بس والله والله والله ي أمنية انا قلبي ارتاح وحاسه ف خير جايني وانا حفرح عشان الخير د ومطمنه واي شي من ربنا حلو قالت لي بنان لو م كنت صحبتك وبعرفك شديد كنت استغربت في شخصيتك التناقضيه شوية زعلانه شويه لا تبكي وتفرحي تضحكي انسانه م مفهومه فهمتي قلت ليها والله انا زاتي مرات م بكون فاهمه نفسي 
قالت لي بحبك قلت ليها وربي انا اكتر نمت ف ونستنا م صحيت الا الظهر لقيت شنط جمبي عرفت انها حجزت مرقت من الحمام قالت لي صح النوم أجرى البسي قلت ليها لييه قالت لي بعد ساعه حنمشي قلت ليها وااااي ليههه طوالي كده قالت لي هو قال مف حجز اسي وبعدين انا عاوزه افرح بيك بسرعه قلت ليها عايني حنقعد اربعه شهور تمام قالت لي ليه؟ قلت ليها فتره نقاه بس
محتاجه بجد اتغير واعيش حياتي ليه الناس كلها تعيش مبسوطه وانا لا قالت لي بحبك ي صحبتي قلت ليها اخخ ي صحبه ف الزمن الصعب قالت لي ي صحبه ف كل المواجع قلت ليها حتقعدي تتكلمي كتير قالت لي سجمي يلا دخلت استحميت ولبست بسرعه وانا طالعه لقيت ولد عمتها جا وسلم علي قال لي يلا الزمن قلت ليه طيب دخلت ناديتها ومرقنا ع المطار…
في الطياره انا وأمنية بنحكي كتير فجأه قالت لي بتحبي بدر؟ قلت ليها مستحيل انسى العملو فيني بس م بكرهو قالت لي بجد انتي مف زيك طيب ويامن؟ سكت قالت لي بنان ويامن قلت ليها م بطيقو صراحه قالت لي كراهيه بعد حب م حصل سمعت بيها قلت ليها لأنك م جربتي نص لانا مجربناهو قالت لي م ننفسن طيب نفسك تشتغلي ولا نفسك تعرسي تاني قلت ليها امنيه انتي اكتر وحده عاشرتيني معقول اثق تاني؟ قالت لي أصابع اليدين م واحد قلت ليها انا عندي واحد وقبلت منها قالت لي م حتناقش معاك هسي قلت ليها ممم اسمعي اول م نصل حدق لي ابوي يحول لي قروش قالت لي انا عندي قلت ليها نتقسم يعني شنو قالت لي سمح بس قروشي الجبتها والفي حسابي بتكفي سنين قلت ليها تسلمي بس م بقدر اتقل عليك عاينت لي
*_-_-_-_-_-_-_-_-_-_-_-_-_-*
*إلى جرح يظن أنه سينبت في قلبي هه ليس الكل لك مطيع*
*☆اشوفكم☆*
*☆bnan☆*
————————————–
———————
*☆يتبــــــــــــــــــــــــــــــــــــــــــــع☆☆*
لقراءة الجزء التالي : الجزء الرابع عشر من رواية عالمي
لقراءة الجزء السابق : الجزء الثاني عشر من رواية عالمي
للإطلاع علي فهرس اجزاء الرواية : رواية عالمي ( جميع الاجزاء كاملة ) للكاتبة بنان عماد
جميع حقوق الرواية محفوظة للكاتبة بنان عماد .
