وفي الجزء الثالث يا تري هل سيحدث مواقف جميلة أم حزينة مع ابطال الرواية ؟ كل هذا وأكثر سوف نعرفه سوياً في السطور التالية بإذن الله من رواية إدمان للكاتبة زهرة الشيخ .
الجزء الثالث من رواية إدمان
____________«زهره الشيخ»______________
رغد ماعندي جواب انا مش من نوعيه البنات الخفاف لي من اول كلمتين قلبي يدق لا يابابا برا اسال عني واسال عن اصلي مليح وبعدها دق باب بيتنا هدا كان فتحتلك الباب. ومشيت بخطوات كلها ثقه ومانعرفش شن الشي لي يستنا فيا بعد ه الكلام
طه ولعت نااار ف داخله ميقدرش حد يطفيها …وربي لما ندمك يا…
____________«زهره الشيخ»______________
مالك ناض من ع الطاوله ..هدي تربيتهم هما مش احني ومش شرط لي يديرنه صاحباتها ديره حتى هيا وخدا مفاتيحه وطلع وهوا متكنطي
عائشه :هدا ليه يومين بس معانا ف البيت وشوف شن صار .
كريم: ربي بستر بس
انس وهوا مروح اتصلت بيه حواء حبيبته
انس : وقف السياره و رد ع الاتصال ..ها ياعمري
حواء: ببرود اهلين حبي كيفك
انس: باستغراب بخير خيرك مش ع بعضك
حواء: لالا شي
انس :احكي نا قلت
حواء: تدكر لما قتلك في جماعه كلمت بوي يومها
انس: اي خيرهم
حواء :اليوم جايين عشان يشوفوني
انس :طارتله والله لا ماك طالعتلهم
حواء :انا مش حنوافق بس
انس: بعصبيه بسس شني الزفت نا قلت مافي طلعه ليهم ومانبي راجل يشوفك غيري فاههمه
حواء :اففف
انس :شني شني ترا عاودي
حواء :شي وحاضر تو نمشي لعند صاحبتي ولا ندير راي قبل لا يجو
انس :تمام تو صكري سوي ونكلمك
حواء: به رد بالك ع روحك
انس: تمام … صكر الخط وحط يديه فوق راسه وقعد يفكر كيف وبي اي طريقه يكلم امه عشان تخطبله حواء قعد يفكر شوي افففف مافي عندي حل غير خويا مالك وتصل ب مالك
مالك ف الشركه شاف لتلفون لقاه انس خويا رد عليه ..ايوا
انس :كيفك مالك
مالك: بخير وينك انت
انس ؛مش عارف مش، عارف مضايق هلبا ومالقيتش حد غيرك نبي نحكيلك
مالك: بخوف شن صاير معاك بس
انس: ماتخافش انته وين توا نا نجيك
مالك: تو ماشي لعند كافي اسامه تعالي غاديكاي
انس: تم
مالك: تمام ماطول
انس سكر الخط ومشى لعند الكافي ع طول اول ماوصل لقا اسامه صاحب مالك وشباب كسد معاهم لين جا مالك
مالك :السلام اعليكم
كلهم وعليكم السلام
مالك: كيفك اسامه
اسامه :تمام والله
مالك: تم نبي احلى كبيتشينو من ايدياتك
اسامه :تم ياصقر
ومشى اسامه ومعاه صحابه لي يشتغلو معاه
مالك :شن في انس متعارك ولا شن
انس: لا ياريت بس اسمعني
مالك: شن
انس :وقت كنت ف الكليه تعرفت ع بنت وحبيتها
مالك :يضحك وبااه
انس: خلاص بلاش منها
مالك: يضحك لالا كمل وربي سكتت هي
انس: المهم قعدنا ع تواصل ديما وكم مره يتقدمولها ترفض وتعارض ف اهلها وامس في واحد اخر تقدملها
مالك :بااه
انس: اييه ونا خايف انه ضيع من بين ايدياتي فهمت
مالك: تمام ماليك حل غير انك تخبر امي ع هدا الموضوع
انس بس كيف
مالك :اسامه توا جاي الموضوع خليه عليا
انس: اوك تمام
اسامه :واحلا كبيتشينو لصقر
مالك :تسلم ياغالي
____________«زهره الشيخ»______________
قاعده سرحانه مع الدكتور لي كان يشرح ونا مش فاهمه عليه ب ولا حرف كان عقلي وكل تفكيري عند طه يلي كنت مانعرفه ولا نعرف من وين طلعلي بضبط بس في عندي احساس غرييب جدا تجاهه قاطع افكار صوت نسرين
نسرين :كلمك
رغد :باستعباط من هو
نسرين: هواا متاع امس
رغد :وانتي شن ليك علاقه ؟
نسرين :لا شي
طه قاعد برا مكسد مع الشله امتاعه وكل تفكيره عند رغد لفتت انتباهه شخصيتها وكيف كانت قويه وكيف دافعت عن نفسها بدون ايا خوف تجاهه ..
كملت محاضراتي اول ماطلعت اتصلت ب خوي انس يروح بيا وبعد ربع ساعه كان انس واصل وكل ه المده كان طه يشوفلي وبس
يونس :معقولا طه يحب
طه :هه هدا اعجاب
يونس: يشوفله واضح اعجاب
طه: البنت هدي فها شي غريب
يونس: شن
طه: يدخن ..مش عارف
ركبت ف السياره من الخلف لانه مالك كان قاعد قدام
مالك: كيف اجواء الدراسه
رغد: ماشيه
مالك :نبيك ف موضوع
رغد :شن هوا
مالك :اول ماتروحي نبيك تنزلي وتساعدي ماما ف المطبخ وديري روحك فالحه شوي عاد
انس: يضحك
رغد :به ويعدين
مالك: وبعدها قوليلها بعتني مالك ليك قالي نقولك في بنت يبيها انس الخميس يرفعنا نشوفوها وتخطبوها ليه ..
رغد: تضحك ونقوللها قالك انس انا نبي وحده ونبيك تخطبيهالي وانته شن ليك علاقه
انس: ميت بضحك لا ياحمااااره
مالك التفت ل رغد وقلبه دق بسرعه كبيره ومعاش عرف شن يقول ..ا انتي غير قوليلها زي ماقتلك انس متحشم منها ولو وافقت انس بيزردها لينا فكري فها هدي
رغد :تضحك تم تم كان فها زرده موافقه
انس :خزي
وقعدو يضحكو ع انس لين وصلو
نانزلت نجري بدلت وفردت شعري ومسحت الميك اب لي ع وجهي ونزلت نجري ع المطبخ زي ماقالي مالك وقعدت نساعد ف ماما
عائشه :ديري السلاطه خلي لي ف ايدك
رغد :حاضر ياامي بنقولك ع حاجه قبل لا ننسا
عائشه :شنو ان شالله خير
رغد: خير خير ..بنقولك بعتني مالك ليك قالي في وحده يبها انس بعد بكرا الخميس يرفعنا نشوفها نا وياك
عائشه: كيف كيف انس
رغد: ايه انس
عائشه :ابتسمت على بركة الله
رغد؛ بفرحه يعني موافقه
عائشه؛ نشوفها قبل وهم حاجه عندي رحت ولدي انس ولفال لي مالك الله يهديه
رغد :بابتسامه ان شالله
____________«زهره الشيخ»______________
طه روح لبيتهم بعد3 ايام
منى :امه اول ماشافاته مشتله تجري وتحضن فيه وتبكي وين مشيت وخليتني وين
طه: يبوس ف راس امه شغل يا امي شغل ..شاف لوجه امهفي كدمه بجنب فمها .. شن هيا يااام
منى: ط طحت من ع الدروج امس
طه: ولعت ف داخله ناااار وييينه وينه بوي
منى :مسكاته بسيف لا لا ياولدي لا بوك امس روح مش بوعيه
طه: وكاااان روح مش بوعيه هكي يديرلك
منى :تبكي وتترجا فيه عشان مايخش عند بوه
طه :يمسح ف دموع امه نوعدك يام وعد مش حنتركك ولا يوم ولا لحظه بروحك
منى فرحت وقعدت تحضن ف ولدها
طه 
منى في وراها قصه كبييييره مش متوقعينها ورح تصدمكم كلكم …
ع سفرة الغدا انس كان ف غرفته متحشم ع اساس انه متغدي
مالك :يشوف لرغد
رغد: غمزتله وضحكت
مالك :داااااب وفهم انه الامور ماشيه تمام
عائشه :شبحت فيهم كيف يشوفو ف بعض … رسالتك وصلتك مالك
كريم ياكل ويشوفلهم ومش فاهم شي
عائشه ياحاج
كريم :نعم منو الحاج
مالك : يضحك تكلم فيك ياحاج
عائشه: تضحك … كليتو ولا نوض نوض انته وياها
ناض مالك ومعاه رغد يضحكو عليهم خشو للمطبخ ..!
كريم :نعم ياحاجه
عائشه: انس بعتلنا مالك وقال في بنت عاجبته و الخميس بنمشي نشوفها
كريم :ماشالله ماشالله تعطو فيا العلم بس يعني
عائشه 
ف المطبخ :’
رغد نغسل ف ايدياتي ونحس ف شخص واقف ورايي وقريب مني هلبا ..قلبي بدا يدق بسرعه التفتت ع طول لقيت مالك …وووه خوفتني
مالك: علاش
رغد :بعدت عنه شوي لا غير ..
مالك: زاد قرب مني غير شني
رغد: توثرت وحسيت باحساس غريب خ خفت بس وبعدت عنه
مالك: امممم ف داخله انته شن دير يامالك هديي اختك افففف
رغد :بنطلع تبي شي
مالك :كنت بنقول لا بس غيرت رايي نبي قهوه من ايدياتك
رغد :بابتسامه حااضر
مالك: تحشم وطلع
____________«زهره الشيخ»______________
منى خشت لغرفتها دور ع حاجه مسكها مختار من ايدها بقوه
منى بعدد عني بعد
مختار:ولدك جا ولا
منى اي
مختار قلتيله ع لي صارر
منى لاا
مختار والله لو تقوليله ولارلي شييي لما نقوله عن كلل شي انتي مدايرتههه سامعهه سااامعه ودفها لين طاحت ع الارض
منى تمسح ف دموعها ..!
طه ف غرفته قعد يفكرر وسرحان يتخايل ف رغد !
رغد كانت24 ساعه قدامه ويفكر فيها وكل تفكيره في رغد كان غييير ع كل البنات لي عرفهم كان في شي غريب يجدب فيه ليها شن هوا؟
يتبع ………
لقراءة الجزء التالي : الجزء الرابع من رواية إدمان
لقراءة الجزء السابق : الجزء الثاني من رواية إدمان
للإطلاع علي فهرس أجزاء الرواية : جميع روابط اجزاء رواية إدمان للكاتبة زهرة الشيخ
جميع الحقوق محفوظة للكاتبة زهرة الشيخ .
