وفي الجزء الثالث من رواية اريدك انت دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة نوحه صلاح .
الجزء الثالث من رواية اريدك انت
خلص الصلاه وهي مبسوطه قال ليها يلا ارفعي يدك وقولي بي وراي امين رفعتها و اول م قال يارب قالت ليهو امين 
،، قال ليها لا بعد اخلص تقولي بقى يدعي وهي بي وراه تقول امين
قال يارب اشفيها و عافيها ،، قالت امين ،، خلص و قامو من المصلايه فتح ليها التلفزيون وهي قعدت تحضر وهو بس قاعد يعاين ليها نفسه يعرف كيف حصل معاها كده و ابوها وين!!! في العرس م شافه !!!! مات يمكن !!! بس امها متحننه !!!! قرر لمن يرجع يسألهم
اول يومين قضوه حسام ونور في الفندق ومن تالت يوم بدء يفسح فيها وهي لمن تتعب بتقعد ليهو في الارض بقى يبعد معاها وكل م امها و امه يتصلو بقولو ليها م تخلي يقرب ليك ،، قالت ليهم تيف يعني ،، قالو ليها لمن يجي جنبك زحي منه ،، قالت ليهم حاضل طلعو كان حسام ناوي يوديها الحدايق كل م يجي جنبها هي تزح كل م يجي جنبها تزح م فهم مالا قعد في الارض جات وقفت ليهو كانت عاوزة تقعد اول م قعدت قام على حيله بقى كل م تجي جنبه هو يزح منها مسكته قالت ليهو انت بلضو دالو ليك م تقلب مني (انت برضو قالو ليك م تقرب مني) ،، قال ليها منو منو 
!!! ،، قالت ليهو امي وامك ،، قال ليها اممممم قالو ليك كده 
،، هزت راسها ،، قال ليها طيب يلا بينا مشو قضو اليوم كله في المنتزه وركب معاها كل اللعبات وكل م تقعد في الارض يقعد جنبها ولمن تقوم ينفض ليها ملابسها حسام كان مصور كل ده طلب من واحد انه بس يصورهم من ناس الخدمه حقين الفندق و بالمقابل هو بدفع ليهو ف كل م يطلعو كان بصورهم كل لحظه سجلها ليهم ولمن يرجعو ينومو كان حسام بصحى الصباح بلقى نور ماسكه يده
هي بتخاف من الضلام و حسام م عارف ف م بتقدر تنوم ولو صحت ولقت النور مضلم بتخاف ف بتمسك يد حسام في يوم حسام بعد هي نامت قفل الانوار وجاء راقد م كان جاي نوم بفكر فيها حباها شديد حس بيها بتتحرك عمل روحو نايم بس كان مفتح عينه براحه وشايفها شافها وهي بتتلفت يمين و شمال وبتهبش شعرها عاينت على حسام و مدت يدها طلعت يده و اول م جايه تمسكها هو قام على حيله فتح الانوار قال ليها مالك ،، قالت ليهو الدلام م بحبه
،، قال ليها كان تكلمني افتح ليك النور ،، قالت ليهو امي بتهلي لي فاتح و بتنومني فيها ،، قال ليها اممممم و فتح يدينه قال ليها تعالي طيب يلا نومي ،، هي اصلا بقت م بتخاف منه ف طوالي رقدت عليهو و هو بقى يمشي في شعرها لمن نامت لقاها نامت باسها على راسها و قال ليها بحبك
مشت الايام عليهم ونور خلاص اتعودت على حسام اول م يخش يتوضأ تخش بعده وتجي تقيف تصلي معاه تاخد حمام تجي وقعد لي حسام في الارض عشان يسرح ليها شعرها وفي يوم بعد رجعو بليل حسام بتونس معاها قال ليها نور انا منو ،، قالت ليهو حتام ،، قال ليها اممممم وحسام ده هو شنو ليك ،، قالت ليهو حتام ،، قال ليها مش هو عريسك 
،، قالت ليهو ااااااااي
،، قال ليها امممم طيب عارفه انه في حاجات بينك وبين راجلك م مفروض تقوليها لي اي زول ،، قالت ليهو تيف ،، قال ليها تاني لمن يسألوك امي او امك عن انه انا بعمل ليك شنو م توريهم ولو قالو ليك هل قرب منك ولا لا كمان م توريهم ،، قالت ليهو ليه بس ،، قال ليها لانه حرام زول يعرف انحنا بنعمل شنو وممكن تخش النار ،، قالت ليهو هلاص م بدول ليهم حاجه ،، قال ليها شاطره قرب عليها شديد وباسها على خدها هي قلبها دق قوي شديد وغمضت عيونها و بعدين باسها على عيونها وعلى رقبتها عاين ليها وقال ليها يلا النوم فتح ليها يدينه وهي اترمت عليهو بس كانت لسه قلبها بضرب
عاين ليها وقال ليها يلا النوم فتح ليها يدينه وهي اترمت عليهو بس كانت لسه قلبها بضرب صحت الصباح قبله عاينت ليهو ابتسمت حاولت تبوسو على خده هو صحى ومسكها وكان بس بعاين ليها قلبها مره تانيه ضرب قالت ليهو مالك ،، قال ليها كنتي بتعملي في شنو 
،، قالت ليهو تنت بس انت مس امبالح بتني عسان تده(كنت بس انت مش امبارح بستني عشان كده)
،، ضحك و قال ليها اممممم و باسها تاني على خدها و قام قال ليها يلا الصلاه خش اتوضأ وهي اتوضت بعده و صلو بعد الصلاه كالعاده بدعي وهي بتقول امين قال اللهم ي الله اسعدنا بي بعض ،، قالت امين ،، و وفقني اعالجها و نكون احلى اسرة ،، قالت ليهو امين ،، خلصو و شربو شاي قعد جنبها ومسك يدها قال ليها نحنا اليوم ح نقابل الدكتور تمام ،، قالت ليهو تيب ،،،،
————————————–
☆يتبــــــــــــــــــــــــــــــــــــــــــــع☆☆
لقراءة الجزء التالي : الجزء الرابع من رواية اريدك انت
لقراءة الجزء السابق : الجزء الثاني من رواية اريدك انت
للإطلاع علي فهرس اجزاء الرواية : جميع روابط اجزاء رواية اريدك انت للكاتبة نوحه صلاح
جميع حقوق الرواية محفوظة للكاتبة نوحه صلاح
