الجزء الثالث من رواية الحلال والحرام

مراد : نمشو توا شنو رايك بس أشربي عصيرك قبل

نور : تمام وشرباته واعيونها عليه قعد يبتسم وفرحان بالبنت الحلوه يلي حايخليها في شلته بعد شربو العصير عدت معاه في السياره وشالها للمكان السري كان بعيد اشويه عالمدينه وجوا بكل في الشارع نزلت هي وياه وخشو جوا مع بعضهم كان مليان شباب وبنات ابتسمت وعجبها الجو قمعزت عالكنبه وقعد جنبها مراد : رايك ؟

نور : ياريت لو عرفتك من زمان في جو هنا والله ههه وسكتت بعد شافت نادر ماسك ايدين بنت وفرحانين مع بعضهم قعدت تبحت فيه وفي نفسها اه يا وسخ تخون في خطيبتك تاريتك مش أهوين وطلعت تعرف المكان هضا تهزت عليه وقالت : شنو جيبه المهبول هضا هنا

مراد بحت في جهة نادر : اه انتي تقصدي نادر المهدي

نور : طبعا ليش قاعد هنا ومن أمتى يجي للمكان هضا

مراد : نادر له زمان ايجي هنا عليش تسألي عليه انتي

نور : لأن واحد بارد وخاين انا مانحبش الخاينين

اسلام مستغرب لان تأخر الوقت والشيخ يعقوب مايبيش يطلع الطلاب ويخليهم يمشو دار روحه عدا وأعيونه من بعيد عليه شافه اشرلهم يمشو ويروحو الا طالب واحد قاعد معاه وكان يحكي معاه بس مش عارف شنو قاله وعدو مع بعضهم في أتجاه الحمام وحسه مهتم بالطفل هضا واجد عدا في أتجاه الحمام يلي مسكر بابه وقعد يبرم حواليه اشويه وفجأه فتحه وأعيونه جات علي الشيخ يلي يسلح في ملابس الطفل انصدم : شنو ادير للعيل انت فهمني احكي عليش تبحت فيا هكي

الشيخ : انت شنو دخلك انا انلعب فيه بس واسأله

اسماعيل : هو قالي نلعبك يا استاذ بالميه وشير عليها

اسلام عصب : اميه صار هيا امشي البس دبشك وروح لحوشك بسرعه ورفع صوته عليه عدا يجري العيل وروح لحوش عيلته وبحت في الشيخ : قسما بالله نشوفك مره تانيه جايب اسماعيل او غيره في الحمام وتلعب بعقولهم وهما صغار صدقني ما نرحمك مستعد يا نرتكب فيك جريمه او نشكي الشرطه فيك وقد أعذر من أنذر مفهوم

الشيخ تهزا عليه : أنت شايف روحك وتخرف من عندك وتظلم اخرا وهالكلام حايوصل للوالد يلي رافع راسه فيك

اسلام عصب : باتي أشرف منك وماتجيبيش سيرته قول انك غاير منه لان الناس كلها أتحبه ومقدرته عكسك وشير عليه بحقد : ليش انت من عشان يقدروك واحد قذر بس صدقني العين عليك من اليوم واي خطأ نشوفه ما نرحمك

الشيخ يعقوب مزال يتهزا وعدا بدون ما يقول حرف

اسلام : واحد حقير الله ياخدك واستغفر الله العظيم انا متأكد ميه في ميه ان ناوي يدير شي معاه هضا وسخ والسم واضح في أعيونه يلي مجنني داير روحه حافظ كلام ربي وشيخ لكن الشيخ بالأسم فقط ومن جوا وسخ

فتحي مزال يبحت في مايا ولجين وكانن ملاحظات نضارته بس مش معدلات عليه تأفف وعدا للمكان يلي يصهر فيه كل يوم هو نفسه يلي يعرفه مراد ونادر بعد وصل خش جوا وهو فرحان بالجو : خير يا نادر شنو الجو

نادر : اهلين فتحي شنو امورك تمام نورت يا طيري هههه

فتحي : النور نورك والله وقمعز مع وحده من البنات

نور شفاته وأنصدمت : لا عاد معقوله يعني الناس يلي نعرفها كلهم هنا والتافه يلي جاه توا فتحي ولد جيرانا وأعيونه عليا ديما مش طايقته شكلي حانمشي وتوا اخرا

مراد يشرب ومش معدل عليها وفي عالم اخر وفرحان

نور هزاته : انت وين رحت تسمع فيا وخدت اميه كبتها علي وجه بحت فيها : شنو درتيلي وليش خربتي عليا

نور : الواضح انك سكران مصح وجهك انا نبي نمشي

مراد بهزوه : وامشي في حد ماسكك مكتفك انا يعني

نور عصبت : شنو تبيني نمشي بروحي عقاب هالليل

مراد : انتي يلي جيتي معايا بروحك يا اقعدي وانتي ساكته يا امشي الطريق قدامك وصبا قعد مع البنات

نور رقيتلها خاصة لما لقت العيون عليها وشافها فتحي ونادر بعد هزبت مراد قعدت تحاول ماتبين شكلها ابدا

فتحي في نفسه الشمس يلي مش قادر نوصل فيها من غرورها اهي قدامي هههه وانا جاي لعندك يا شمسي وبحت فيها بأبتسامه : خيرات يا نور بنت جارتنا

نور : ننصحك اترد لمكانك لان انا مانقعدش معاك

فتحي قمعز وبحت فيها : ليش عفريت انا يعني ههه

نور : انت مش عفريت بس مش راجل وانا مانحبش نقعد مع الناس يلي زيك وشربت اميه ومتجاهلته

فتحي يحرق من جوا : امباه تمام وتحبي تجربي المشاريب يلي يشربو فيهم الشباب والبنات يلي هنا

نور : لا مانبيش شي ونرجا في السطل يلي اسمه مراد يوصلني وصبت عدت الحمام واعيون فتحي عليها بخبث : وحياتك ما صدقت حصلتك حتى لو عيطتي مافيش حد مدورك وقعد يشرب وصبا وراها واول ما طلعت من الحمام كرها مع يدها : تعالي معايا يا شمسي

نور : شمس تحرقك ان شاء الله ودفاته وخر يا حقير

فتحي : وانتي حقيره يلي يجي هنا معناها حقير ووسخ

نور خافت : اسمع انا عصبت منك لدرجه لا توصف اذا جربت اتقرب مره تانيه بس خطوه حاتندم فاهم وعدت

فتحي يضحك : ما اقواها الفرخه بس حانوريها وعدا لنادر وهمسله : البنت يلي بروحها نبيك معايا فيها وتوا

نادر بخبث : وليش لا ليا زمان نحلم باليوم هضا

فتحي : هههه هيا تعال معايا هي حلوه واجد ومغروره

نادر : مغروره تي شايفه روحها وتبيلها قرسة وذن

فتحي : حانعطوها أجمل قرسة وذن بس هيا نكروها

نادر شرب طاسته كلها : توا انجيك يا حلوه انتي وعدا مع فتحي وصبو قدام نور يلي انفجعت من جيتهم هكي

نادر : الحلو يعرف المكان هضا مش عيب بدون ظيافه

نور : انت بذات خيط فمك ماتحكيش معايا فاهم وبحتت في فتحي : لم روحك انت والعيل يلي معاك وطير بسرعه

فتحي : والله جد وبدون ظيافه منك لنا يا سموحه عيب

نور : ظيافه تحرقك ان شاء الله وصبت خدت شنطتها وبحتت فيهم : جربو حطو يدكم عليا وطلعت من شنطتها شيشة امية نار وبخبث : انا مش غبيه نطلع من الحوش بدونها ويلي يقرب نرشها علي وجه بدم بارد فاهمين

كلهم بحتو فيها وفي يلي خاف فعلا خلوها تطلع بس في واحد لحقها بدون ما تفطن كانت تمشي كل اشويه وتبحت وراها خايفه يلحقوها وبعد تعترت وطاحت جاه يجري وصار صراع كبير بينهم وكر الشيشه من يدها وعزقها بعيد بعد تكسرت وبحت فيها زين : ليا زمان نحلم باليوم هضا ونادر مستحيل يخلي الفرصه اتفوته يا حلوه نور انصدمت وقعدت ادف فيه وخبشاته في وجه : وخر قتلك يا حقير وخر من عليا بس هو ما رحمها ولا طلقهاا

فاطمه انشغلت علي بنتها ظلمت الدنيا ومزالت ماجت للحوش : ياربي وينها وين عدت البنت ناويه تجنني مش خايفه من حد ولا تبي تسمع الكلام حاولت تتصل بيها بس مافيش تغطيه أطرت تتصل بخوها : الو يا مفتاح وينك

مفتاح : انا قاعد في الحوش خير شنو في كنه صوتك

فاطمه : بنتي نور مزالت ماجتش وانا مشغوله عليها

مفتاح : وين عدت عقاب الليل حاولي تتصلي بيهاا

فاطمه : والله اتصلت مافيش تغطيه وهي عنيده واجد

مفتاح صبا وخش للكوجينه : انا توا عندي ظيوف وبأذن الله حانجيك بعدين اشويه هما مش مطولين تمام

فاطمه بدموع : حاضر وانا اسفه تعبتك يا خويا معايا

مفتاح : مافيش تعب ونور زي بنتي ملك ما تخافيش انتي وأطمني وسكر الخط وقمعز مع ابراهيم : والله نورت وفرحت عشان اتلاقيت بيك بعد هالسنين يلي مرت

ابراهيم ابتسم : اشكر بنتك هي يلي عزمت بنتي وعرفتك من الاسم المهم انك كويس يا غالي وامورك تمام

مفتاح : الحمدلله وبنتي تبيلها هديه علي معروفها الحلو

ابراهيم ضحك : حتى بنتي نرجس حانجيبلها هديه

مفتاح قعد يضحك مع صاحبه وفرح واجد بعد تلاقا بيه

ابراهيم صبا : خلاص الوقت تأخر ولازم نمشو توا

مفتاح : مزال بدري اقعد نتعشو مع بعضنا يا راجل

ابراهيم : لا مانقدرش انطول ونرجس عندها رسم

مفتاح : علي راحتك بس ما اطولش عليا وماتغيبيش

ابراهيم : المره الجايه انت يلي تعال نراجي فيك وعطيني رقمك ومفتاح ضحك وعطاه رقمه : خلاص دوري انا توا

ابراهيم : طبعا وانراجي فيك وعدا كلم بنته بعد سلمت عليهم طلعت : هيا يا باتي جيتك وبعد شافت والد ملك ابتسمت : اهلين يا عمي كيف حالك ان شاء الله اكويس

مفتاح : الحمدلله وشكرا لان بجيتك لعندنا تلاقيت بأنسان عزيز وغالي عليا وربي يوفقك انتي وملك

نرجس : تسلم يا عمي وطلعت مع باتها يلي يبتسم

مفتاح بحت في الساعه كانت 8 خش جوا لزوجته وبنته ملك وكان مشغول اشويه : انا حانمشي لأختي كلمتني وهي مشغوله علي نور بنتها طالعه من الحوش وتأخرت

غزاله زوجته : ليش كنها نور ووين طالعه بروحهاا

مفتاح : مش عارف حانمشي نشوف الموضوع وعدا

ملك : ربي يستر لان نور عنيده خايفتها تهزب بابا

غزاله : لا مستحيل هضا خالها اكيد حاتتحشم منه

ملك : هذي ما تتحشم وطبعها واعر وصعب عارفتها

غزاله : ان شاء الله خير وقعد بالهم عند نور وامها

نور طلعت عالطريق وقعدت تأشر بيديها علي تاكسي وقفلها ركبت بسرعه ودموعها شلال ومقهوره قهر

صاحب التاكسي : وين تبي نشيلك لو سمحتي ؟

نور : شارع فلسطين شيلني وماعش تسألني بكل

صاحب التاكسي في نفسه كنها هذي يلي يسمعها يقول من امبدري نسأل فيها بس كأنها تبكي شي غريب وقعد يسوق وكل اشويه يبحت فيها مع المرايه بعد لاحظت نضارته لها بحتت فيه : ماتبحتش فيا بحت قدامك مش طايقتكم كرهتكم الله ياخدكم ويريحني منكم يا كلاب

السواق رقيتله : لا انتي زودتيها راه كلامك كبير افطني لروحك والحق عليا شفتك تبكي انشغلت عليك لا اكتر

نور : لا يا حبيبي مافيش داعي تنشغل خليك في روحك

هيثم في نفسه هذي نار تحرق حرق ولف بحت فيها كويس استك من جمالها بحتت فيه بدموع : خليني في حالي وسوق من فضلك راه ننزل وانشوف غيرك توا

هيثم بلع ريقه : لا خلاص حانسوق وانا اسف عالازعاج

نور تبكي وحالتها حاله وهيثم مستغرب حالتها السيئه بعد وصل لشارع فلسطين عزقتله المبلغ ونزلت من السياره شد علي يده من تصرفها الوقح وشافها خشت للحوش

فاطمه : مش عارفه تطلع بدون ما تقولي وفجأه نلقاها مش قاعده وفوقها متردش عليا او مافيش تغطيه بكل

مفتاح : كيف هذي وين عايشه في باريس ولا شنو

نور خشت وسمعاته : ما شاء الله ومكلمه خوك اخرا

مفتاح صبا وبحت فيها زين : احترمي نفسك انا خالك وزي باتك وبعدين شنو دايره انتي امك حكتلي علي تصرفاتك الطايشه وشنو هاللبس يلي لابستيه شنو هالمنظر البنت المحترمه ما تلبسش هكي ولا تطلع من الحوش لعند وقت زي هضا بدون علم امها علي الاقل

نور : مش شورك بيا خليك في بنتك ملك وبسسس

مفتاح قرب منها وعطاها كف علي وجها : قليلة ادب

فاطمه تبكي علي بنتها ومنضرها يلي يقطع القلب هذي ام في الاخير لكن البنت قلبها حجر مايحسش ردت الكف لخالها وبحتت فيه بحقد : ايدك ترفعها عليا مره تانيه عارف هالباب نطلع منه وماعش انخش ولا انقولك انت يلي اطلع برا من حوشنا وشيرت عالباب برا يا حقيير

خالها انصدم وضربها ما رحمها سيبها تبكي وبحت في اخته فاطمه : سامحيني بس بنتك مش متربيه وتبيلها ترابيه من اول وجديد عشان هكي لمي دبشك انتي وياها توا الوقت حاتعيشو معايا في حوشي هياا بسرعه

فاطمه تبكي : حاضر وعدت تجهز في دبشها

نور صبت وبحتت فيه : انموت ومانمشيش معاك

مفتاح : لا حاتمشي وغصبا عليك اخرا امشي غيري هالعفن يلي لابستيه ماعنديش بنت تلبس هكي امشي

نور : انا مش بنتك يا را افهم مش بنتك خليني في حالي

مفتاح : ما تخليني انمد يدي مره تانيه عليكي فاهمه

نور : جرب مدها يلا وبحتت فيه بحقد وخشت للحمام ادوش ومنهاره قعدت ساعه تبكي جوا وحالتها حاله

مفتاح معصب وراقيتله : بالله عليك كنها بنتك هكي فهميني شنو صايرلها ليش تغيرت وقعدت قليلة ادب

فاطمه : بعد وفاة باتها انقلبت 180 درجه وقالت تبي تعيش بحريه مانبيش حد يدخل فيا وتهدد انها تهرب من الحوش لو رقيتها لها والله مش عارفه شنو ندير فيها

مفتاح : اطمني حانخليها تمشي عالصراط المستقيم وعدا دق الباب عليها : اطلعي يا نور سلم بنتي اطلعي خيرلك

نور تبكي بعد سمعت صوته عصبت : تعال خش معايا جوا وخلاص خليني في حالي مليت منك ومن صوتك المجعز

فاطمه : الله يربحك ماتزعلش منها تعامل فيا حتى انا هكي تغيرت نور مش نفسها يلي زمان وتطلع ديما من الحوش بدون علمي وتقهر فيا بتصرفاتها وقعدت تبكي

مفتاح : لا حول ولا قوة الا بالله بنتك ركبتلي الضغط وقعد يدق في الباب بالقوه : افتحي الباب راه نكسره

نور : كسره عشان نعيط ونلم الناس عليك انقول خالي خش عليا ويبي يغتصبني وانا مش لابسه شي

مفتاح : استغفر الله العظيم هذي شنو بس فهميني

نور سمعاته : انا النار بحد ذاته نصيحه اطلع وما ترجاني

فاطمه : يا بنتي اطلعي حرام عليك يلي اديري فيه

نور : انتي بذات مانبيش نسمع صوتك قتلك ما تكلميش خوك بس مافيش فايده فيكي تعاندي وتبي تعذبيني

مفتاح : انا ماعش فيا نتحمل اكتر من هكي يا تطلع يا قسما بالله نخش عليها ونكسرها تكسير عارفتيني نديرها

نور مش معدله ومقمعزه عالدوش ودموعها علي خدهاا

مفتاح عتل الباب وخش بحت فيها لما شاف دموعها نزل راسه واستغغر ربي : لا حول ولا قوة الا بالله ألبسي حاجه واطلعي لمي دبشك عشان نمشو سلم بنتي هيا صبي

نور نزلت راسها وماتبيش تبحت فيه وشعرها غطا وجها يلي معبا دموع ويقطع القلب : قتلك مش حانمشي معاك وخليني في حالي وأطلع تحشم علي وجهك عيب يعني

مفتاح رقيتله من برودها والوقاحه امتعتها عدا خداه فوطه كبيره وجاه لعندها عزقها عليها وصباها بالغصب وهي ادف فيه بس خالها شاد عليها زين طلعها من الحمام شيل وهو مكتفها تكتيف وامها تبكي علي بنتها دفها في غرفتها وفك المفتاح : ألبسي بسرعه حانمشو وتوااا

نور : اتفوه عليك يا حقير ربي ياخدك نتريح منك اتفوه

مفتاح : قتلك ألبسي خيرلك ما تخليني نلبسك بروحي

نور : مصح وجهك مش تعرف انك حقير لانك راجل

خالها تعقد منها وكلامها كبير بكل بحت فيها وهي لافه روحها كويس بالفوطه واعيونها حقد عليه صبت وبحتت فيه : من هنا مش حانطلع لو اتموتني وحق الله مش حانطلع ماتعبش روحك ولو اتحب نحول الفوطه

مفتاح جاه يبي يضربها مسكت يده فاطمه اخته : خلاص يا مفتاح الله يربحك هذي عنيده مش حاتطلع امشي للحوش وانا حانتصرف معاها عشان خاطري خليهااا

مفتاح : انا حانمشي بس صدقيني يا نور حانربيك واتشوقي وطلع وهو راقيتله من بنت اخته الوقحه

فاطمه : انتي شنو صايرلك جنيتي شنو قلتي لخالك احترميه عيب عليكي وتضربيه كف اخرا حرام عليك

نور بحقد : ممكن تطلعي من قدام وجهي حتى انتي

فاطمه : لأنك في الوضع هضا مش حانوريك لكن صدقيني حاتشوفي من اليوم حاتحقي وجهي التاني

نور بهزوه : هضا لو قدرتي عليا وهيا اطلعي نبي نقعد بروحي مانبيش نشوف حد بالأخص انتي وخوك الوسخ

فاطمه : حسبي الله ونعم الوكيل فيك اتفوه عليك وطلعت ونور بعد عدت سكرت الباب ودموعها شلال

مايا بعد روحت للحوش قعدت في غرفتها مع اختها وقالبه وجها علي صد رغد لها خلتها تحرق حرق منها

لجين بحتت فيها : للهدرجه مضايقه من صد رغد لكي

مايا : سكري فمك قتلك ألف مره ماعش تحكي حاجه مش شورك وبكرا ساهل حانمشو للكليه ونبي بنت غيرك

لجين بهزوه : بهالطريقه حاتخلي كل العيون علينا والله

مايا : مايهمنيش ولا خايفه من حد ويلي في راسي انديره

لجين هزت راسها وطلعت خلتها وكانت معصبه منهاااااا

في الصبح عدو الخوات للكليه وماخشوش للمحاضرات بكل كل مره في مكان مره كافي ومره حمام ومره يتمشو ومايا اعيونها علي بنات واجد وتفكر انها تلعب علي عقل من بالأول بحتت في مرام يلي تضحك مع شاب في الكليه معاها وعدت تمشي بروحها لحقتها مايا : اهلا

مرام بحتت فيها : خيرات شنو جوك يا مايا وين عالغيبه

مايا بضحكه : القمر مش بالساهل توصلي فيه يعني

مرام تهزت : هههه صح صدقتي المهم كنك ماتحضريش في المحاضرات لا انتي ولا اختك لجين وشيرت عليها

مايا : حريه شخصيه مافيش داعي للتدخل فيهااا

مرام : امباه تمام حانمشي انا عطشانه وجعانه واجد

مايا : حتى انا وحانمشي معاك وعدو مع بعضهم في الكافي ومايا بعد وقت حطت علي فيديو في تليفونها وبهدوء قرباته منها واعيونها عليها : شوفي الفيديو

مرام مسكت التليفون وشافت الفيديو وبحتت فيها

مايا ابتسمت بخبث : شنو رايك عجبك الفيديو او لا ؟

مرام : مش قادره نستوعب معقوله مايا انتي اسحاقيه مزلت مصدومه بس انا اسفه مش هكي وعطتها تليفونها

مايا بغرور : تمام وصبت واعيونها عليها منوره واجد وعدت وهي تبتسم لان عارفه مرام حاتقولها لكل بنت في الكليه وهدفها ان يلي زيها حايجي لعندها برضاهااا

لجين ربعت يديها : معقوله فرحانه وتاني بنت اتصدك

مايا ضحكت : انتي غبيه وحاتقعدي طول عمرك غبيه فعشان هكي نبي غيرك ومرام حاتوصل يلي شفاته توا للبنات انتي عارفتيها تحب تبص وحاتقولها وغمزتلها بخبث وقمعزت واعيونها علي مرام يلي مزالت مصدومه بعد صبت عدت فعلا وقعدت اتقول فيها للبنات وكل بنت اتوصلها للبنت التانيه حتى ملك سمعتها هي ونرجس وحتى وفاء ونسرين : معناها انتي شفتيهم هكي صح

نرجس : مزبوط شفتهم في الحمام في وضع مش تمام عشان هكي ماحبيتش نحكي وقلت يا تشوفوهم بروحكم او تسمعوها من حد غيري وتوا سمعتوها وشكلها مايا تبي الموضوع ينتشر بسرعه وشكلها ذكيه جدا يلي دراته البنات حايعرفو طينتها ويمشولها يلي زيها بدون تردد

ملك مصدومه : معقولله للهدرجه ما اتخافش بكل هذي

وفاء : مايا ما اتخافش ولا اتعدل علي حد هدفها البنات يجوها لعندها وهي الملكه فقط ماتحبش اتعب روحها

نسرين : ربي يهديها وكل البنات يحكو بسيرتها توا

نرجس بحتت في مايا : حانمشي نحكي معاها مع اني عارفتها حاتهزبني بس حانتحمل عشان مصلحتهاا

ملك : وانا حانمشي معاكي واطمني مش حانسكتلهاا

نرجس : صدقيني مايا مش ساهله بس تعالي وشوفيها بعيونك وفعلا عدو لعندها ومايا عاجبها الوضع تسحبهم موافقين عالكلام يلي سمعوه بس انصدمت من اول حرف حكاته نرجس : مايا عيب يلي اديري فيه وحرام راه

ملك : نحنا بنات زيك نصيحه مني راجعي روحك كويس

مايا صبت وبحتت فيهم : معليش يعني شنو دخلكم فيا هذي حياتي حريتي ورغبتي انتو خليكم في حالكم وبس

نرجس : مايا ألزمي حدودك انا عارفتك ليش حكيتي لمرام بذات انتي عارفتيها حاتشهدر بيكي ودارتها فعلا

مايا : برافو عليك تعجبني البنت الذكيه بس ما دخلكش

ملك : عيب احترمي نفسك شنو ناويه اديري وين عايشه انتي تقلدي في الكفار ولا شنو افطني لروحك كويس

مايا بحتت فيها : خليكي في حالك يا متع زياد اوكي

ملك بحتت فيها زين : انتي وحده حقيره وزياد زميل فقط فاهمه علي الاقل شاب مش بنت ولكن عكسك بأحترام مش بحقاره زيك يا قليلة الادب اتفوه عليك

مايا ضربتها كف وصارة عركه بيناتهم لجين كرت اختها ونرجس كرت ملك سقمت حجابها وبحقد : انتي مقززه

مايا : خليك في حالك خيرلك وهيا يا لجين نمشو وعدت بغرور واعيون البنات عليهم كلهم ومايا كانت معصبه بكل ولما شافت ايلاف لحقتها ابتسمت وبحتت فيها : نعم

ايلاف بخبث : صح يلي سمعته انتي فعلا اسحاقيه

مايا : طبعا لو اتحبي تعالي لعندنا اليوم شنو رايك

ايلاف : عطيني رقمك وتوا انجيك بعدين حاضر

لجين تبحت فيهم وراقيتلها من تصرفات اختهاا

ملك : ريتوها طح سعدها وشكلها ايلاف زيها خزي عليهم

نرجس : قلتها لكم من الاول تبي الموضوع ينتشر بسرعه وايجوها البنات واول من جاها ايلاف لا حول ولا قوة الا بالله ما نسمعو ونشوفو الا يلي يقهرك ويجننك اخرااا

وفاء بحزن : ربي يهديها ويصلح حالها هي ويلي زيهاا

ملك : انا مزلت مصدومه والحقيره يدها ثقيله رغم انها طشه ونحيفه ضربتني بكل قوتها قهرتني وحق الله

نسرين : مفروض مسكتي روحك لان مايا مش ساهله توا تحطك في راسها صدقيني دابينها ضرباتك حاتوريك

ملك : توري عينها اتجرب بس مستعده نجيب بابا هنا ويشكي فيها للاداره خليها تتأدب بابا يحبني واجد ويخاف عليا ولو سمع يلي صار مش حايسكت ابدا

نرجس : خير ان شاء الله واعيونها علي ايلاف يلي تحكي مع مايا وامورهم تمام ولكن لاحظت لجين راقيتلها وعرفت ان لجين عكس اختها في الطبع لكن هي يلي تكر فيها لطريقها : تعرفو ان لجين نضيفه من جوا واضحه

ملك : لجين ساكته ماتحكيش الفرخه يلي اسمها مايا لسانها طويل وقليلة ادب اخرا عاجبها يلي ادير فيه

وفاء : ومش حاتتغير لكن يلي سمعته اليوم صدمه مش قادره نستوعب كيف توريها فيديو وتعرض عليها هكي

ملك : هي استخدمت مرام كمرسال للبنات بس لكن صدقيني حاتندم يجي يوم وتعرف روحها غلطانه

نرجس : ان شاء الله اهم شي بدون ضر لها حرام

نسرين : ربي يحميها خايفه اضر روحها من هبالهاا

نور عدت للمختبر واعيونها ادور علي نادر بس ما شفاته هزت راسها بحقد واستقالت من المختبر وبحتت فيهم كلهم : قولو للتافه يلي اسمه نادر عندي حساب معاه مش حاينتهي لو شفتوه وطلعت ونار شاعله في اعيونها عدت تبي اتوقف تاكسي ولقت قدامها نفس الشخص يلي امس ربعت يديها وبحتت فيه : انت شنو قصتك معليش يعني

هيثم : انتي يلي شنو قصتك وتفضلي نوصلك وشير عالباب الخلفي وابتسم وهو يبحت فيها وجمالها سحره

نور قربت من عند الروشن امتعه وبحتت في اعيونه : نتصحك ما تحتك فيا لانك حاتندم اوكي وقمعزت في الخلف وسكرت الباب بكل قوتها بالمكر فيه غمض اعيونه من قوة الصوت ولف بحت فيها : بالشويه عالباب اول حاجه وتاني حاجه مستعد نندم طول عمري معاكي

نور : سوق وانت ساكت شيلني لمكان نشم هواء فيه مخنوقه ومش طايقه حد فسوق وانت ساكت وطلعت دخان وقعدت ادخن انصدم : انتي ادخني معقوله ؟؟

نور بحتت فيه : اليوم بديت فيه من القهر والوجع

هيثم كره منها : لو اليوم تقدري تنقطعي عليه من توا

نور : قتلك مش شورك وجيب الدخان هنا خيرلك

هيثم مابش يعطيه لها وبدا يسوق بدون مايرد عليها وكان يجري وكل اشويه يبحت فيها مع المرايه استسلمت وماحكتش حرف واعيونها عالروشن وواضح الوجع فيهم وقف سيارته في مكان كله طبيعه وجميل جدا نزل وعدا قمعز عالكرسي ورجاها تنزل بروحها من السياره واتجيه

نور تأففت : مصدق روحه مايبيش يمشي الحصله هضا ونزلت ببرود وقعدت جنبه : امشي وخليني في حالي

هيثم بحت فيها : صعب نمشي وانتي بالحاله هذي

نور : وانت شنو دخلك يا بني ادم خليك في حالك وبس

هيثم : شكلك حاقده عالرجاله واجد لدرجه لا توصف

نور بحتت في السماء ودموعها شلال : كرهتهم كلهم

هيثم بحت فيها وفي لبسها : انتي ليش لابسه هكي بالطريقه هذي العيون تقعد عليك وبرا ناس ما ترحم واصلا حرام تلبسي هكي استري روحك يعني وانا اسف

نور شدت علي يدها : مش شورك بيا انا ياما قعدت في الحوش وما نطلعش وماجش نصيبي بعد طلعت ولبست يلي لابسته حقراء مايرحموش وقهروني كلهم شنو ذنبي لو نبي زواج بالحلال صح غلطانه واجد بس نبي انعيش براحه نبي انحس اني فعلا بنت وباتي قبل ما يموت كان ديما يضرب فيا ومش راحمني يلبس فيا في العبايات الطويله بالغصب والضرب خلاني في وضع سيء وامي ساكته وماتحكيش معاه ولا تحاسبه يلي داروه فيا خلوني نحقد عالكل كان المفروض ينصحني بهدوء وحب وود بس هو دارها بالعنف والضرب وقعدت تبكي انا نبي ننتحر نبي انموت وجات تبي تمشي واضر روحها مسكها مع يدها وخلاها تقمعز في مكانها وبحت في اعيونها زين : جنيتي انتي تنتحري انتي هكي حاتزيدي تغلطي وتغلطي حرام يا بنت الناس معقوله بنت زيك زي الورده ادير في روحها هكي وبالنسبه لعيلتك غلطانين واجد هما وانا عندي اخت اصغر منك بالقناعه تتحجب لان عارفه الحجاب ستره للبنت وهي مسلمه من واجبها تلبسه ولكن انتي حبيتي اديري يلي تبيه بحريه نسيتي روحك وفي نفس الوقت يودي لطريق صعب واجد وانتي فاهمه عليا واكويس نصيحه مني حاولي تغيري من نفسك وحافظي علي صلاتك واذكري ربي حاتشوفي الدنيا تنور في وجهك

نور نزلو دموعها بوجع : كيف حاتنور في وجهي وامس اغتصبني واحد حقير مش قادره نتحمل يلي صار مجنني

هيثم انصدم : شنو قلتي ومن هضا منين تعرفيه

نور تنهدت : معايا في المختبر بس سيبته المختبر كرهته وانا شفته في مكان اخر وفجأه صبت وهي تبتسم والحقد في اعيونها : المكان السري يلي يمشوله قسما بالله كما قلته للشرطه خليهم يمسكوهم واحد واحد نسحبه مكان عادي طلعو يسكرو الحقراء ويحششو لكن وحق الله يلي خلقني مش حانرحمهم ونشكي فيهم كلهم

هيثم : وسعي بالك ووين هالمكان امس وين كنتي انتي

نور : انت خديتني من الطريق امس انا طلعت من شارع الحوش يلي كنت فيه لازم الشرطه تمسكهم الليله اخرا

هيثم : تمام وانا معاك حانمشو نشكو فيهم بس بشرط

نور بحتت فيه : وانت شنو دخلك وفوقها تبي تتشرط

هيثم : اسمعيني مش وقت عنادك لازم تغيري من لبسك وأستري روحك كويس حرام وياريت خففي العطر يلي باختيه والمكياج يلي علي وجهك لان واضح انك حلوه بدونه وقعد يبحت في اعيونها وساكت رفعت حاجبها وبخبث قربت منه واجد ورفعت ايديها علي وجه : ليش

هيثم وخر وقلبه يدق : لو سمحتي اسمعي الكلام وبس

نور قربت منه مره تانيه قمعز واعيونه عليها وكان مرتبك ابتسمت وعاجبها الوضع قعدت تبحت فيه : شنو خايف

هيثم بلع ريقه : لا مش خايف بس مانبيش نغلط حرام

نور وقفت ونزلت راسها وكلمته حطمتها تحطيم

هيثم صبا : كنك ليش قلت شي غلط ليش زعلتي ؟

نور ارتبكت : نبي نمشي للشرطه شيلني وتوا اخرا بليز

هيثم : تمام وعدا للسياره وهي لحقاته وصدماته بعد قمعزت قدام مش خلفه بحت فيها : ليش قدام قعدتي

نور بدون ماتبحت فيه : لانك راجل طيب مش خايفه علي روحي منك كنت نختبر فيك بس لما قربت منك

هيثم انصدم وقعد يسوق وحاير في البنت هذي وهمس اختبار معناها ادير هكي مع رجاله اخرا وبحت فيهاااا

زينب بحتت في لجين : وين اختك ليش ما طلعتش

لجين ببرود : شنو دخلني وتراجي في وحده حاتجيها

زينب : ومن البنت يلي حاتجيها هذي نعرفوها نحنا

لجين : لا ما تعرفيها !!!

رغد عدت تصلي في العصر بعد كملت قمعزت عالكرسي في السور بحتت في خوها فتحي جاه توا ولقاها هنا ابتسم وجاه لعندها : كنك قاعده برا يا مهبوله انتي

رغد تنهدت : مقمعزه عادي ليش كفرت يعني

فتحي : بلا عصبيه وصبي جيبي شاهي بسرعه

رغد صبت وبحتت فيه لقاته يتأمل فيها انصدمت عدت بسرعه وفي نفسها شنو صايرله هضا وفوقها امي وباتي مش قاعدين وبروحي اخرا يا حبيبي كملت معايا

فتحي صبا ولحق اخته : وين باتي وامي ما شفتهم ؟

رغد ترعش وحست بالخوف !!!!

يتبع ……..

لقراءة الجزء التالي : الجزء الرابع من رواية الحلال والحرام

لقراءة الجزء السابق : الجزء الثاني من رواية الحلال والحرام

للإطلاع علي فهرس اجزاء الرواية : جميع روابط اجزاء رواية الحلال والحرام للكاتبة سلطانة كوكي

جميع الحقوق محفوظة للكاتبة سلطانة كوكي