الجزء الثالث من رواية المشوه

غياث طلع يحكي ع الهاتف

لميس سمعته

غياث: بكرى جاي خلاص

لميس : نباء اونورس عادي كاسة امية

نورس ونباء: امشي بروحك

لميس طلعت للمطبخ وقعمزت جنب باب المطبخ

غياث بيطلع من الباب الخلفي شافها قرب ومبتسم: خيرك

لميس: وين بتمشي مزال تسعطاش اليوم خليييك

غياث: اني مش رح نمشي من قال هكي

لميس: سمعتك

غياث: اني نحكي مع واحد طالب وراق ليا بنمشي نعطيه الوراق

لميس تعرف كيف تقلب دماغه : بنروح اني قعده هني عشانك

غياث: تقعدي مع بوك هني نمشي مشوار دقايق وجاي

لميس: بشرط

غياث: وهو

لميس: تقعد ديما ف المزرعه عندنا

غياث ضحك: مصح وجهك مستحيل نقعد خلاص اني جاي عشان الخانبين والحرايميه مش جاي انظف

لميس: حشاك اني ماقلتش هكي بس…. قاطعها

غياث: وبعدين ياقردة تبيني نقعد ف المزرعه وانتي ف حوشكم

لميس سكتت

غياث شد يدها التنين: ناخدك تقعدي عندي مششش تخليني هني نقطفلك ف الخوخ

لميس قلبها: تحبني؟!!!

غياث: هلباا بصغارها

لميس: باهي اسمع شوف شنو…قاطعها

غياث: بكري سمعتهم يقولولك حولي العباية بلعكس اني هكي نحبك مميزة غيرهم ف لبسك ولحظت لم خشو بنات عمك للاسطبل قالو هاي لكن انتي مميزة قلتي السلام عليكم انتي غيييرهم

لميس: طيح سعدي… وقفت تضحك…وحست صوت دعسات شدت ايده ودخلاته للمخزن وصكرت الباب

لميس بخوف ايدها ع فم غياث:ولا صوت ف حد جاي….لميس تشوف من الشباك

وتراقب من الشباك

وعيون غياث غارقين ف ملامحها من قريب

لميس لحظاته يشوفلها :فيا شي

غياث: محلاك من قريب

لميس تشوف من للشباك: اشششش ف صوت

غياث يشوفلها وغارق ف ملامحها ومبتسم

لميس شافت محمد بصوت واطي:هدا محمد

غياث: اطلعي ونظمي امورك

لميس عيونها ف الشباك حولت وشافتله:اوكي…وطلعت

لميس:خيره حمودي زعلان

غياث يشوفلها من الشباك

محمد: عمتي حق ف كلب هني وينه نبي نشوفه

غياث طلع من المخزن: ليش تبي الكلب

محمد خاف من غياث: من انت؟؟!!

لميس:حموده هدا عمو غياث

محمد:خيرها ايدك تخوف راه

لميس شافت غياث

غياث معادش بيتحمل اكثر من هكي خش داخل

لميس شدت ايد محمد ولحقاته:غياااث

غياث خدي جاكيته بعنف وطلع من الباب الامام وواضح انه متعصب

لميس وقفت وتشوفله طالع بصوت واطي: غياث

غياث لبسة التب وخفي ايده كويس: حتى الصغار نخوف فيهم

نباء: لميس

لميس اضيقت: نعم

نورس: نبو نطلعوو للغابة كساااد

لميس: اي عادي

وطلعو البنات

غياث ياناري ثاثر ليش الصغار مرعوبين من ايده هو مجرد علامة جروح كبيرة شوية ف مرفقة يسوق بسرعه مصكر العداد

البنات استاذنو وطلعوو للغابة مع بعض وكل الوقت قريب المغرب

لميس سرحانه

البنات يهدرزو

نباء: الغابة خضراء محلاها جو جبال وهكي

لميس: اي جمال

نورس نصورو

لميس قعدزت ع صخره والبنات بدو يصورو ف بعض

الشمس هربت

نباء: هيا يابنات وقت حي علينا

لميس وقت من الصخرى: يلا الدنيا ليل

وسمعو صوت ضحك عاااااالي ف اشخاص وراى الجبل وصوت ضحك تحسيهم سكرانين

لميس تتلفت تبي تعرف من وين الصوت وخايفه

.

.

عدنان واقف عند باب المزرعه : وينهم هادي تاخرو

غياث وصل نزل من السيارة: عم ليش واقف برا ف شي

عدنان البنات من العصر طلعو معاد رجعو ومنقدرش نطلع ونخلي مرت ولدي بروحها هني وخوي روح واماني ع البنات وبعدين شوية بيجيهم ترا امشي شوفهم بالك ضاعو

غياث: وين نعرفهم اني

عدنان. البنات لشفتهم بكري معاهم بنتي

غياث قلبه قبضه: تمام راجع… وخش للغابة

.

.

نباء شدت لميس: لميس من وين الطريق المكان يخوف رجعينا

لميس خايفه: تعالو من هني بسرعه… ومشو

وطلعو قدامهم زوز ولاد كباااار سكرانين ويضحكو شافو لميس ونورس بدو يجرو لحقوهم يجرو وراهم البنات وحده ايمين وحده يسار

لميس تجري وخايفه: ياررربي

نباء ونورس شادين ف بعض ويجرو شافو غياث من بعيد

نباء: لميييس الحقها يجرو وراى لميس (اشرت ع جبل) مشو من هني

غياث اتجه يجري

لميس تجري ووهما للتنين وراها لعند جت قدامها صخره صغيره وطاحت ع رجلها

لميس ركبتها دم سروالها نفتح من الركبه ااااه

وهوب وقفو فوقها السكرانين

لميس مقعمزة ع الارض ضمت روحها: يارحم ولديكم خلونييي

السكران قعمز ع الارض: سمح الصبية

السكران التاني: اهااا سمحه ناخدوها لباقي الشباب

لميس بصوت عالي: يابااااااابااااااا

غياث الصوت قريب بصوت يهززز الجبل ويتلفت حوليه: لللللمممميييييسسسس

لميس تبكي سمعاته: غييي،،، وصكرها السكران فمها

لميس تبكي عضاته: غيااااااث

غياث عرف مصدر الصوت مشي يجري: لميييس

لميس ضمه نفسها وتبكي: بعدوووو

السكرانين يتلامسو فها

لميس ادف فيهم: لااا غياااااااااث

غياث يجري الصوت قرب لعند ماضرب برجله ع وجه السكران: بعدددد

لميس وقفت بصعوبة ووقفت وراى غياث تبكي: غياااث

غياث لفها وراى ظهره: اشششش اني معاك

السكرانين معاد عندهم جهد

غياث ضربهم غارقهم ف دمهم وشد ايد لميس: تعالي

لميس تمشي معاه وتبكي: اني كنت نبي نطلع مش قصدي

غياث شدها من ايدها ومتعصب وساكت

لميس زادت تبكي: غياث ايدي

غياث شاد ايدها بعنف ويجبد فها تلفتلها كان متعصب بس لم شافها تبكي فمها احمر من البكي ورجلها دم ركع ع ركبته يشوف ف رجلها طلع كينكس ويمسحلها ف رجلها

غياث ساكت ويمسح ف رجلها

لميس تتكلم ودموعها ينزلو: اااا ن ااة اني اني (تشهق) كنت نبي نطلع بس

غياث وقف: امسحي دموعك مصار شي تو نمشي ناخدلك معقم الجرح سطحي بسرعه ايطيب باهي خلاص معاد تبكي

وماشييين

لميس مسحت دموعها تشوف ف غياث يمشي قدامها سرعت خطواتها وشبكت ايدها ف ايده

غياث شافلها وشاد ايدها

لميس تشوفله ويمشو:خفت عليا؟!

غياث ايده ع قلبه:وربي قعد نبضي لعند توا يضرب من الخوف

لميس قام ايدها ابتسمت:عادي تشوف

غياث يشوفلها:حطي ايدك ع قلبي

لميس ايدها ع قلبه ضحكت: اول مرة نعرف قيمتي من لم حسيت بنبضك من لخوف

غياث: لانذهذ يحبك غير هكي مستحيل يرفلك

لميس دارت ايدها ع قلبها: قريب متت وه عليا

غياث:بعيد الشر وكملو الطريق

وخشوو للمزرعه

عدنان:البنات قالو طحتي خيرك

لميس خافت:اهااا اي طحت

غياث:بسيطه …وخش حوش المزرعه

لميس خش هبه:وين محمد

هبه مرت علي: رقد

لميس قعمزت اهاا

عدنان.هياا هبه نوضي نروح بيك

هبه: يلا… وفيقت محمد وطلعت

لميس: اني بنروح الدنيا ليل

عدنان: روحي انتي اني راقد برا

لميس طلعت

غياث ليش يرقد برا مايخافش ع بنته هدا ولا شنو

.

.

بعد ساعتين

لميس ع سريرها ومش جايها نوم اليوم تعرضت الاغتصاب مرتين

لميس ع سريرها

هوووب الضي هرب

لميس ارتعبت ناضت خدت الفلاش ولعاته ونزلت تاخد البيلا او شمعه

.

.

.

غياث صكر بيت المرزعه كويس وصكر المزرعه وطلع وخش لحوش لميس طق ع الباب

لميس خافت قربت ع الباب مرعوبه: م مني

غياث: لميس اني غياث ماتفتحيش الباب بس نبي رقمك

لميس لبسة كبوس التوتة وفتحت الباب:عطيني هاتفك

غياث مدلها هاتفه

لميس كتبت رقمها:هدا رقمي

غياث شافلها:خشي ماتخافيش اني بنقعد معاك جنب باب حوشكم

لميس:لا عادي مانخافش اني خليك ف المزرعة ممكن يصير شي اني بنقرا اصلا مش رح نرقد

غياث:اوكي بتوفيق باي…ومشي

لميس خشت وصكرت الباب وركبت غرفتها بسررعه

تررن ترررن

لميس رقم غريب:اهلا

غياث: مش رح نخليك اني لوطى لصبح

لميس ابتسمت وقفت ع شرفه شفاته:نشوف فيك يخليك ليا

غياث:اقري واطمني

لميس مبتسمه : اوكي

غياث:باي..وصكر الخط

لميس تقرا

فاتت ساعه

لميس شاده كتابها وقفت ع الشرفه شافته وقف ف الجنان حطت الكتاب وخش لغرفة جهاد فتح دولابه خدت جاكيت ونزلت لبسة الكبوس التوتة طلعت

لميس قربتله:غياث لو صقعان البس هدا

غياث:لالا اموري تمام

لميس:امشي للمزرعه ماتخافش عليا اني…قاطعها

غياث:ف المزرعه بنكون مشغول عليك هني مرتاح خلاص خشي انتي وكملي قرايتك

لميس حطت الجاكيت ع الكرسي ف الجنان:لو صقعت البس هدا ….وخشت

لميس تقرا

اذن الفجر

غياث رجع للمزرعة توضى وصلة ورجع لحوش لميس

لميس توضت وصلة

الساعه 8.30 غيرت ولبسة عباية حنيه وشاح اسود وكويش اسود وحقيبه صغيرة سوداء وف ايدها زوز مذكرات وطلعت

لميس: صباح الخير

غياث وقف من ع الكرسي.صباح النور ماشيه

لميس:اي ماشيه توا انت ارجع ارتاح

غياث:استنى دقيقه وجاي

غياث طلع للمزرعة ولع سيارته وطلع لحوش لميس

غياث كلكس

لميس طلعت

غياث:اركبي

لميس: مانقدرش يشوفنا

غياث: من بيشوفنا اركبي

لميس:لا غياث

غياث طفىء السيارة ونزل:معنها بنمشي معاك مشي

لميس ابتسمت:تبصر صح

غياث:من امتى نبصر اني؟

لميس:مش معقوله غياث

غياث: لميييس هي كلمة ياتركبي يا نمشو مشي

لميس فتح الباب وركبت

غياث ركب وولع وطلعو

لميس ركزت ع نوع سيارته الفخمه وهاتفه ايفونX وعطره القوي ومن ريحته واضح انه فخم

لميس:غياث ماتقربش من التاوية هلبا

غياث: علاش اديري هكي خايفه الناس تشوفك معاي لاني مشوه

لميس: لا غياث مش هكي بس المنطقه هادي كلهم يعرفوني ورح يسببولي مشاكل

غياث:اني مانعرفش بطبعكم وصلنا

لميس نزلت:باي

غياث رجع

لميس خشت كملت محاظراتها طلعت هاتفها تشوف الساعه شافت رسالة (لم تكملي كلميني)

لميس اتصلت: كملت

غياث:كنت حاسس انك مش رح تتصلي اني قدام الكلية

لميس:اوكي…وطلعت

ركبت

غياث:جاوبتي؟!

لميس:اي الحمدلله

غياث يسوق: خديتو محاظرات

لميس:خدينا مافهمت شي من شي اليوم

غياث يسوق : ف شنو المحاظره

لميس وراته الكتاب

غياث: افتحي ع الدرس

لميس ضحكت وفتحت الدرس

غياث يسوق جدي الكتاب:ناخدك كافي بعيد من هني ونشرحلك اني موافقه؟

لميس تخاف بس وافقة

ونزلنا للكافي عائلي

غياث شافلها: اول شي افطري

لميس:لالا مانحبش

غياث:بتحبي من بعد اليوم..وناض

لميس ابتسمت

غياث رجع: طلبت شي خفيف توا وريني شن مش فاهمتيه

لميس:خلاص اني نفهم بروحي متحطش ف بالك

غياث: فهميني انتي تتحشمي مني ولا خيرك مش فاهم شي عليك اني راه

لميس سكتت

غياث شاف ساعة من هاتفه وحط الهاتف ع الطاولة:خايفه؟(سكت)مني؟

لميس:لا بس نبي نرجع غياث

غياث وقف:هي نوضي

لميس ناضت

القرسون جاب كيك وعصير:جاهزات

غياث عطاه الحساب: خلي الباقي عندك الفطور اعتبره ليك…وطلعوو

لميس ركبت

غياث ركب وصكر الباب بقوة

لميس تعصبت:غياث ماتتعصبش اني…قاطعها

غياث ضرب الدومان: ماديريش سبل خلاص متقرفه مني قولها

لميس:غياث ف اي…قاطعها

غياث:خلاص تو نرجعك

لميس شافت قدام ودارت ايدها ع وجها بقلة صبر ونزلتهم:غياث اسمعني ونقص ف سرعة السيارة

غياث يسوق

لميس: غياث نتكلم معاك

غياث: خلاص لميس

لميس: اوكي خلاص خلاص….حطت ايدها ع مرفق غياث ورفعت السورية فوق

غياث شافلها:شن اديري

لميس:اني لم حبيتك معطيتش لـ ايدك اهميه ف اي لحظه او تخش معاي مانبيكش تفكر ف التشوه لـ في ايدك انت تشوف ف ايدك بس اني مانشوفش فها ولا عمري رح نشوفلها اني نشوف ف ايدك طبيعيه ومش متحشمه منك بس اني خايفه نكون معاك ويرجع بابا للحوش او يجي علي وميلاقنيش ف الحوش ولا يلقوك ف المزرعه فهمت عليا

غياث يسوق: اني طلعتك معاي لاني حسيتك محبوسه طول اليوم ووكنت مفكرك رح تفرحي

لميس: صدقني اهتمامك بيا عمري ماننساه بس خايفه بابا يشك وبعدين يحرموني منك

غياث يسوق: حطي ف راسك حتى لو طردني اني مش رح نخليك

الدنيا زحمه سيارات

غياث سيارته واقفه ع الاشارة

لميس شافت غياث:بسسست

غياث شافلها وضحك

لميس: احكيلي عليك

غياث: ع شنو ع خدمتي ولا ع….قاطعاته

لميس:ع عيلتك

غياث طلع بسيارة:شنو تبي تعرفي بزبط

لميس: اني امي ميته،انت وين امك وبوك

غياث:امي ميت من لم كان عمري خمسه سنين وبوي تزوج وحده تانيه ومن للخمسه السنين واني عندي حالة نفسيه بعد زواج بوي بخمسه شهور بس مرته جابت ولد وطبعاا ز مفهمتي الولد لنجاب ولد حرام ومرت بوي بدت تهتم بولدها ونستني شوية وكبر الولد وسموه حازم وكبرنا مع بعض لعند مكبرت وعمري 15سنه واني عايش عند بوي ز العامل ناكل ف غرفتي ومانطلعش وهو عايش مع باقي صغاره وميبنيش معاه وعمي علمني السواقه وف يوم عمري 15سنة راقد ف نص اليل كلمني بوي نوضني قالي خوك حازم قعد مرجعش هو ولد عمك طارق طلعت بسيارة بوي وعرفتهم وين ولم وصلت ف نص الطريق تلاقيت معاهم وهما التنين سكرانين وبدو يلعبو بسيارة لعند منقلبت سيارتي

لميس تشوفله:هدا كله صاير معاك

غياث:شي يشبه الكذب المهم بعد الحادث بوي تبرا مني…وحكالها…بعدين عشت ف سكن للعسكري ومن التشوه لفي ايدي ماحد حاول يتقرب مني ولا يصاحبني عشت ف السكن بدون مشاكل كنت منعزل تماما وكملت وخديت شهادة عسكرية وكنت المفضل عند مدير السكن وهادي قصتي

لميس: ربي يعينك

غياث: انسي شي فات ومات

تررررن تررن

غياث شاف الهاتف وقفله فتح الدرج لـ قدام لميس وحط الهاتف وصكر الدرج

لميس تفاجاة ف الدرج فيه ستيكات فلوس ف داخلها.في شي مش واضح ف قصته

… وصلنا ونزلت

لميس نزلت وخشت ارتاحت

غياث وكل الحيوان ونظم اموره ورقد جو ساعتين ونص وناض

لميس ناضت بعد العصر

.

بعد المغرب رجع عدنان

مشي للمزرعه ع طول

عدنان: كيف الحال

غياث:كويس حمدلله

عدنان: كل شي تمام؟

غياث:تمام

عدنان:تو نمشي نشوف البنت من امس معاد شفتها ونرجع

غياث: عم

عدنان شافله

غياث: لو نجيك من الباب طالب ايد بنتك توافق؟

عدنان وجها تغير: صكر الموضوع وخليك ف خدمتك عندك يومين وتتيسر

غياث : بنتك ملوحها بليومين وتلاته ماتخافش علها…. قاطعه بعصبية وصوت عالي

عدنان بصوت عالي: انت مدخللكش هي بنتي نلوحها بشهر ماتدخلش

غياث: نقص صوتك واسمعني

عدنان بعصبيه اشر ع ايده: ماتتحشمش تبي تاخد بنت كامله مانقصها شي ليك انت تي حتى لم شافك ولد ولدي محمد قعد يبكي من منظرك تبيني نعطيك بنت نرعب فها معاك

غياث: يعني الرفض من ايدي

عدنان مد ايده: هات مفاتيح البيت والمزرعه وتوكل وارجع غضوا خود حسابك

غياث طلع الفاتيح من جيبه ومدهمله: هادم مفاتيحك اشتغلت معاك حسن نيه لا اكثر… وطلع

تتبع ..

لقراءة الجزء التالي : الجزء الرابع من رواية المشوه

لقراءة الجزء السابق : الجزء الثاني من رواية المشوه

للإطلاع علي فهرس اجزاء الرواية : رواية المشوه ( جميع الاجزاء كاملة ) للكاتبة ميشو محمد

جميع الحقوق محفوظة للكاتبة ميشو محمد .