وفي الجزء الثالث من رواية بحر العشق والظلمات يا تري ماذا سيحدث من جديد المواقف مع ابطالنا ؟ دعونا نعرف ذلك في السطور التالية بإذن الله مع الكاتبة زهرة الشيخ .
الجزء الثالث من رواية بحر العشق والظلمات
نادر: وقفها تعالي
ريان: دفاته بقوه بعددد عني كل شي صار بسببك لو ماخليتني نرقد برا ماصار كل ه الشي وتبكي
نادر: تعفلق صح انا الغلطان كان خليتك تموتي وكملت طريقي ولا
بيمشي ويخليها بس بعد شافها بهدي الحاله حن عليها … به اسمعيني تعالي معاي توا ونفكرو كيف بنديرو ونقنعو اهلك
بعد جهد اقتنعت وركبت معاه ف السياره وهي ساكته طول الطريق ماحكت ولا كلمه
ونادر يفكر شن يدير ف ه الموقف قرر انه يمشي للمشفى يحكي لي والده ع لي صار ومنها يطمن على خوه
________زهره الشيخ_________♡♡
عند إيناس بعد ماتم العزا كرهت الدرسه ومعاش داومت عاشت بروحها ف البيت وخوها فوقها واحيانا تمشي لعند خالها وستمرت حالتها بهدي الطريقه ليوم جابت مرت خوها رحاب وقعدت عندها وبدت تهتم بها وبي اخوها فهد والبيت
رحاب تهدرز مع امها واخواتها ….تنادي على إيناس إيناس
إيناس ف المطبخ تغسل ف اماعين غسلت ايدها ومشتلها …نعم
رحاب: بللهي حبيبتي ديريلنا قهوه
إيناس: به
خدوج اخت رحاب:وكاسه من غير سكر لو سمحتي
إيناس: اضايقت من حركات رحاب واخواتها بس تحملت ومشت للمطبخ دير ف قهوه
خدوج:تضحك باهي عندك من يضملك ويشتغل بدالك
رحاب: اي مش غير حماتي مش مقصره الحق
إيناس :تسمع فيهم وحست باالاهانه وفي نفس الوقت ماردتش وذكرت كلام امها لما قالت ” مادخلك شن يقولو عليك اناس اهم حاجه انك تكوني عارفه انتي من” حطت السفره ومشت للمطبخ
نادر شاف كفتيريا درس السياره ونزل وفتح الباب ريان
ريان: شبحتله والدمعه في عينها وبكسره ونزلت راسها
نادر: 
انزلي شوي لو سمحتي مش حنطولو
انزلي شوي لو سمحتي مش حنطولونزلت ريان وهي ساكته
خشو للكفتيريا وطلب لها عصير واميه وهوا طلب قهوه عشان يروق
نادر: اسمعيني يا؟ نا مانعرفش اسمك
ريان : ريان
نادر: اها به اسمعيني ريان انا حنوقف معاك لين ترجعي لحوشكم ونا نوعدك اني مش حنرخي بيك لانه انا لي كنت السبب ونعترف
ريان: حست براحه من الداخل بس ماقدرت تنسى كيف طردوها اكتفت بكلمة شكرا وسكتت
نادر: احني مستحيل انهم يفهمو علينا لازم نكلم بوي يكلمهم واكيد هكي حيرجعوك
ريان : به ..
نادر: هيا اشربي عصير وكملي اميتك بسرعه
ريان: مانبيش
نادر: رياان
ريان:ماحبتش انها تكسر بخاطره… به حاضر
نادر: قعد سرحان شوي .. هيا خلي نمشو
وصلو للمشفى
نادر: خليك نكلم باتي ونجيك
ريان : حاضر
نزل نادر وخش للمشفى وعلى طول خش لغرفة اخوه حازم عشان يطمن عليه
حازم : كان سرحان وفي عالم تاني
نادر: صباحوو ياجوكر
حازم: جوكر كان زمان
نادر:لا حتى توا جوكر شن تغير يعني
لا حتى توا جوكر شن تغير يعنيحازم: ابتسم
نادر: كيفك توا
حازم : بخير الحمدلله
نادر: شاف ف عيون خوه وكان واضح عليه اللالم والحزن
حازم : بنسألك سؤال؟
نادر: تفضل !
حازم: منى خطيبتي جت للمشفى ولا لا
نادر: ماريهاش بس اسال امي ممكن جت
حازم:تمام
تمامنادر: وين بوي
حازم : مسى يشوف الدكتور
نادر: تمام نا طالع شوي
حازم : تنهد خود راحتك
طلع نادر يدور على بوه لقاه قاعد ع الكرسي وحاط ايده على راسه
نادر: سلام اعليكم خير ياحاج
عيسى: من وين بيجينا الخير
نادر: مازااال في عندي ليك خير حتى نا
عيسى : لاحول ولا قوة الا بلله شن درت من عمايل ه المره
نادر: قولي انت شن صاير قبل
عيسى: خوك حازم
نادر: خيره
عيسى: نسبة نجاح العمليه امتاعته 20% يعني ممكن انه يقعد مشلول طول عمره
نادر: لاياربي رد بالك تقوله ه الكلام
رد بالك تقوله ه الكلامعيسى: مس عارف شن ندير نا
نادر: تو بعد يجي موعد عمليته نسافر بيه للخارج وحنحاولو على قد مانقدرو
عيسى: ان شالله ان شالله احكيلي شن عندك
نادر: احم وقعد ع الكرسي اسمعني كويس
عيسى: نسمع
نادر:…………………… حكاله كل شي صار
عيسى: تكنطى ناا شن تبي نقوللك توا معقولا مالقيت شن دير ولا كيف تتصل بي اهلها وقتها وشك فيه متاكد مادرت شي للبنت
نادر: بوي انا ولدك وتعرفني مستحييل نغلط غلطه زي هدي
عيسى : وين البنت
نادر:ف السياره
عيسى : تمام
________زهره الشيخ_________♡♡
حازم في غرفته ويحاول على رقم منى .. ويفكر خيره رقمها مقفل اكيده صاير معاها شي وطلع رقم اختها واتصل بها
رنده: ايوا
حازم: اهلين كيف حالك
رنده: اه حازم حمدلله على سلامتك
حازم: سلمك بلله بنسألك على منى وينها وخيره تلفونها مقفل
رنده: ااا اها اي ت تلفونها انكسرت
حازم: رفع حاجبه به عطها التلفون نبي نكلمها
رنده: منى برا طلعت مع امي
حازم: صكر الخط على طول وفهم انه هيا لي ماتبيش تحكي معاه
رنده: حرام كان سمعتي صوته كيف
منى: مهما حاولت اني نكلمه ولا نكمل معاه ماقدرت مانبيش نشوفه بهدي الحاله ولا نبي نكمل معاه
مهما حاولت اني نكلمه ولا نكمل معاه ماقدرت مانبيش نشوفه بهدي الحاله ولا نبي نكمل معاهرنده: والمعنى
منى: كل واحد في طريق
رنده: بس هوا بحاجتك
منى:
________زهره الشيخ_________♡♡
إيناس جهزت السفره وقعدت هي وفهد ورحاب
رحاب: تاكل خيره الاكل هكي
إيناس :خيره
رحاب: مالح
إيناس : ديما تاكلي فيه هكي شن الجديد يعني
رحاب: بس الدكتور قالي نخفف منه
إيناس:برفعت حاجب شي يرجعلك ونا هكي ناكل فيه مش حنغيره ع خاطرك انتي
رحاب: في داخلها واللهي الا تشوفي .. بسسس وشبحت في فهد
فهد: شن ه الكلام هدا بري ديريلها شي تاكله وما تكثريش الملح
إيناس : تنوض بروحها ديره ولا ماعندها ايدين
فهد: إيناااس نوضي خيرك
إيناس: تعالا اضربني وخلاص وناضت من ع السفره اصلا نا بنمشي لبيت خالي
فهد: ضرب ايده ع الطاوله هناا بتقعدي واعتقد اني قلته ه الكلام من قبل مفيش مشي ..
ناضت ايناس من ع السفره وعيونها معبيه دمووع مشت لغرفتها وصكرت الباب
وصلو لبيت اهل ريان
عيسى خبط الباب
عامر: من لي جاي في ه الوقت
سعاد: مانعرفش
ناض عامر وفتح الباب
عيسى: السلام اعليكم
عامر: وعليكم السلام .. تفضل؟
عيسى: ممكن نحكي معاك كلمتين
عامر: احكي تفضل
طلع معاه عامر لين وصلو لسياره وشاف ريان
عامر:عيونه ع ريان احكي
عيسى: انا والد الولد لي ضرب بنتك بسيارته ونا توا جاي عشان نعتدر منكم ونرجعلكم بنتكم ونا نأكدلك انه ماصار ولا شي من لي في بالكم بس عطيهم فرصه على شان يحكولك كل شي بتفصيل
عامر: من يوم اختفت البنت وحنا سيرتنا على كل السان ويوم رجعت مع ولدك طيحت سمعتنا ع الارض وحنا ماعندنا بنات يباتن برا واكيد انته فاهم كل كلمه انا قلتها
عيسى: هنا فكر ف الموضوع شوي باهي وبنتك
عامر: بنتي وقت كانت رافعه راسي بين الناس
عيسى: بتأنيب ضمير ولو زوجتها لي ولدي تتقبلوها
عامر: انصدم كيف
عيسى: اي لو توجت ولدي
عامر: قعد يفكر ف الموضوع
عيسى: حط ايده ع كتفه ماتفكر انا حاسس بيك ومافي حل مناسب غير هدا
عامر: دير لي تشوفه انته صح
عيسى: معناه تمت حنقرو الفاتحه اليوم
عامر: تمام ..وهوا من داخله فرحان لانه بيتخلص منها ومابتسببله مشاكل وفي نفس الوقت مايبيها تبعد عنه
عيسى: انت كلم الشيخ نا تو نكلمهم ينزلو
عامر: تمام
عيسى مش لسياره
نادر: شن صار
عيسى: انزلو تو نفهمكم
نزلو من السياره و ريان وهي فرحانه تحسابه خلاصص الكابوس انتها
شو كلهم للبيت
وسعاد: تشوفلهم ومش فاهمه شي
ريان بتمشي عند امها
عامرر : ردي لمكانك
ريان : بخوف
نادر: شن صاير فهمني
عيسى: تعال معاي شوي
وطلعو
نادر: شن في
عيسى: بخوف اسمعني البنت لازم انك تتزوجها وتصحح غلطك لانه سيرتها على كل لسان
نادر: بصدمه شنوو شن تقول يابوي لالا انا مش حننتزوجها … وعلى طول ادكر ميس حبيبته
عيسى : مافي اي حل تاني ونا كلمه وقلتها شن تبينا نلوحوها ف الشارع
نادر : طبعا لا بس
عيسى: مافي بس ماتبيها تزوج عليها عادي المهم استر عليها
نادر: تحسابها ساهله هيا
عامر ينادي عليهم وصل الشيخ
عيسى: هي جاين خليك عاقل بلله يانادر
نادر: تعفلق وطارتله وعيونه ولو حمرر
خشو لداخل ولقو ريان تبكي
عيسى: خيرك يابنتي
ريان:تشوف لي نادر مانبي نتزوج نا
نادر: ف داخله على اساس انا لي ميت عليك
عيسى: مافي حال تاني يابنتي اسكتي خلاص
قرو الفاتحه
وهنا نادر حس بتأنيب الضمير وصورت ميس مافرقات عيونه
ريان : كل تفكيرها كان كيف بتعيش معاه وذكرت احمد
سعاد: تشوف لي بنتها بحزن وبقلت حل
عيسى: وتوا نتستأذنكم
عامر: اءنك معاك وشكرا
وطلع عيسى مع ريان وركبو في السياره
جا نادر قريب يتفجر ركب ف سيارته قريب يقلبها
وطول الطريق ريان تبكي
اول ماوصلو
نادر: نزل وفتحلها الباب ..انزلي
نزلت ريان وهي ترعش خشو للفيلا
دعاء: بأستغراب وتشوف لي ريان وين كنتو
عيسى: قعد كنا ف مشكله وحليناها
دعاء: ان شالله خير
عيسى: خير خير نادر امشي وريها الغرفه وتعال
نادر: بصوت كله رجوليه تعاالي وراي
وصلها لغرفته
نادر: خودي راحتك نا نازل شوي
ريان: كانت مش طايقه تسمع حتى صوته
وقعدت ع سرير وسرحت
دعاء: فهموني شن صاير
عيسى: حكالها كل شي صار
دعاء: مسكينه وباين عليها انها صغيره
نادر: بصوت عالي هوا كل شي كان بينحل لو اصريت عليه
عيسى: كان عارف انه نادر مش حيسكت … نادر توا لي صار صار وتزوجتها وسترنا عليها والكلام توا مش حيفيد ورد بالك تجرحها بكلامك انا عارفك ..
نادر: مشى لغرفته وراسه قريب يتفجر
ريان: تبكي
نادر: في داخله بدينا ف النفخ وخش الحمام ادوش
دعاء تنادي على جود
جود: نعم ماما
دعاء: عطيني كم قفطان وتوتة حوش من ملابسك الجدد
جود: علاش!
دعاء: عطيني كم لبسها بعدها نفهك
جود: طلعت توت وقفاطين وعطتهم لي امها .
دعاء: حكتلها عن كل شي صار
جود: حييي
دعاء: صكري فمك شن حي وطلعت من عندها و مشت لغرفت نادر تخبط
نادر: فتحلها الباب
دعاء: وين البنت
نادر: داخل تبكي
دعاء خشت ولقت ريان تبكي وكان منضرها يقطع القلب ..ريان
ريان: رفعت راسها
دعاء: تمسحلها على راسها خلاص بنتي ليش تبكي الحمدلله هكي اهلك سامحوك بدل ماتفرحي
ريان: بس وتبكي
دعاء: حضنتها خلاص بنيتي الحلوه سادك نوضي هي ادوشي والبسي من اللبس هدا لي جبتهولك ونا نستنا فيك هي
ريان : حاضر وناضت خشت للحمام
نادر ينشف ف شعره
دعاء: اسمعني ولدي
نادر: نعم يام
دعاء: البنت صغيره خودها على قد عمرها
نادر: لا ناخدها لاتاخدني نا مش طاييق اصلا القعده هنا
دعاء: اصبر يا نادر والله كسبت اجر كبير ماضيعه بأفعالك
ناد: حاضر يام نا توا نازل ندور شن ناكل
دعاء: تمام وقعدت تستنا ريان تطلع من الحمام (اكرمكم الله)
طلعت ريان وكانت لابسه القفطان لي جابته ليها دعاء
دعاء: الله يبارك
ريان: منزله راسها
دعاء: هيا خلي ننزلو
ريان: تمام ونزلت معاها
وهي نازله
كلهم قاعدين ع السفره
سلوى :عيونها قريب يطلعو من مكانهم
منير:
جود: 
نادر:
قعدت دعاء وقعدت جنبها ريان
سلوى: غارت من معاملت دعاء ل ريان ومن جمالها لي كان مش عاديي
دعاء: هدا منير خو نادر وهدي مرته سلوى وهدي حماتك جود
ريان: تشرفت بمعرفتكم
جود: بيك زادد
نادر: يمي نا ماشي بنجيب حازم وبوي نضموله غرفته
دعاء: تمان
نادر: شبح ف ريان وطلع
________زهره الشيخ_________♡♡
مرن الايام على إيناس وكانها خدامه عند رحاب وكل يوم تتمدا رحاب اكثر من اليوم لي قبله
ف غرفتها قاعده ع السجاده وتبكي وتدعي وتقرا ف القرآن فجاء
يتبع ………
لقراءة الجزء التالي : الجزء الرابع من رواية بحر العشق والظلمات
لقراءة الجزء السابق : الجزء الثاني من رواية بحر العشق والظلمات
للإطلاع علي فهرس اجزاء الرواية : جميع روابط رواية بحر العشق والظلمات للكاتبة زهرة الشيخ
جميع الحقوق محفوظة للكاتبة زهرة الشيخ .
