وفي الجزء الثالث هل يا تري ستسير الأمور مع أبطال روايتنا أم سيحدث شيء ما يجعل الأمور معقدة ؟ كل هذا وأكثر سوف نعرفه سوياً داخل أحداث الجزء في السطور التالية بإذن الله .
الجزء الثالث من رواية تزوجنا ولكن هل يبقي الحب
اول ماسمعت الباب ولت تجرى وخشت لسرير وعطت بالقفى … بينما هوا سكر الحوش بالشوى وخش لدار ووقف شوووى بدون اى صوت وهنا هيا حاولت تظهر بالنوم بس فجأه سمعت حد قرب منها وقعمز على حاشية سرير ووقرب منها وحط ايده على شعرها وقاللها …
مؤيد …. << بالصوت واطى وبنوع من تمهتيك >> … الحياه بقى لونها بمبى وانا جنبك وانت جنبى …
هدى …. << عصرة عيونها شوى بعدين قالت >> هههههههههههههههههههههههه خلااااص بطل خلاص هههههههه
مؤيد …. عجبك ولا لا ههههههههه ..
هدى … هههههه لكن بجد ماتحشمتش وانت طالع بروب ههههههه منظرك كان ههههههههههههه
مؤيد … نديرها حتى توا راهو والله نديرها ها … باه مالا زيدى اضحكى اهو توا بنخش ونديرها ..
هدى … ههههههههه لا لا خلاص ارحمنى يامهند انت ..
وفجأه خش لسرير وخش تحت يرغان وبعدين اتكى شوى وطبس عليها وقاللها ..
مؤبد … شن رايك نديرو مشيه لمنى ؟؟
هدى … ياريت والله خاطرى نمشيلها … هيا نوتى بكرا شنطتى ؟؟
مؤيد …. مصحك ياسر فليستى بيا فى عرس انتى وماليك وشهر العسل ووغدوا تبى تتسقدى … لا لا ان شالله فى صيف نمشولهم .. خيررررررك ترمطى شواربك ؟؟
هدى … شى ..
مؤيد … شن فى ؟؟
هدى … شن نغمه جديد هيا فلستى بيا انتى وامالبيك … اماليا ماخدو منك شى .. والكلمه هيا اخر مره نسمعها فاهم ..
مؤيد …. فاهم ؟؟؟ فاهم ؟؟ من امتى انتى تكلمى فيا بطريقه هيا ؟؟
هدى …. من اليوم ومن لما قولت على اهلى هكى ..
مؤيد …. انتى واحده تحبى نكد وانى الحق راجل فردهودى وماليش فيه ويعلم ربى انى ماكنت قاصد وهيا وانتى من اهل الخير ..
ورقد مؤيد وهوا متعفلق منها وهيا عطاته بظهر وقعدت تسحن عليه وفاتت ساعه ورا ساعه لحد ماجى صبح ومافاقتش الا على صوت الباب يطق واول ماجت تبى تفتح لقت على شكماجه واول رساله مكتوب فيها …
مؤيد <<< انى مش اسف وانتى الا غلطتى واشربى من مية البحر … ههههههه نبصر نبصر وانى اسف هلببببه 
>>
فتحت هدى رساله وقرتها وبعدها لقت نفسها لاارديا تضحك وحطتها فوق شكماجه وقالت …
هدى … هيااااااااااا هيااااااا ..
سهيله …هدددددددددى نهار احرف سنه ياخميرة نووووم
..
هدى … هههههههه والله تعبانه الحق امس رقدت ساعه 4 فى الليل قريب .. خشى خشى خلى ندير سزوة قهوه ونشربو القهوه مع بعض … ولانقولك خشى مطبخ حطى ميه على نار وانى رح نلحقك نخش الحمام بس ..
خشت سهيله للمطبخ وفتحت تلاجه وقالتلها …
سهيله …. هدووووودى ماما قالتك اليوم بتمشى معنا العرس ؟؟
هدى … اما عرس …
سهيله … عرس بنت خالة امى عازمتنا امس فى الليل ..
هدى …. والله مانعرف ماحطيتش موضوع فى دماغى .. قصدى فجأتينى الحق .. قصدى انى عروسه والمزينه تبى قبلها باايام باش تحجزى …
سهيله …. انتى غير كانا وافقتى خلى مكياجك وشعرك عليا بعدين قولى ماقالتش سهيله ..
هدى … والله ماانى عارفه الحق باهى شن بنلبس ؟؟
سهيله انتى توا غير تعالى نشربو القهوه مع بعض وبعدها ابدى من توا وتى روحك وحتى غدى مؤيد خليه توا انى نبعتلكم سفرتكم من لوطه ..
هدى …. باهى انتى بتمشى ؟؟؟
سهيله …. هيا الحق عزمتنى حتى انى واتصلت بيا بتعنى بس ماقررتش .. والله ماخاطرى فى الاسئله معتاده << مازال ماتزوجتيش … انتى قنينه خيرررك … وكلللله كوم ووحده اكيد بتجى وبتكسرلى كبدى كوم تاااانى كل ماتشوفنى تقعد تلقح …
هدى … باهى انتى مافيش اى تطوارت مع مجد من الا حكتيهولى ؟؟
سهيله … هاك فنجانك … والله مانى عارفه الحق شن بنقولك … ااااه ياربى عيت حتى من مشاكل معاه والكارته انى وصلت لمرحله انى نبى نقعد معاه وبس لانى تعبت من العيشه بروحى وزنين امى ونظرات ناس ليا وخاصة انى سكرت 30 الحق لاتطاق ..
هدى … عندى ولد خالى كيف روح من المانيا كان يحظر مواليد 75 يدور فى عروسه .. والله الحق تمنيت يكون من نصيبك. ..
سهيله .. ان شالله يارب تلقوله بنت الحلال .. انى لو سيبت مجد فى شك اى حد يقدر ياخد مكانه ..
هدى … انتى فكرى قبل ماتقولى اى شى ماشى ..
سهيله .. يصير خير بس قوليلى انتى شن بتلبسى ..
هدى … والله عندى زوز سارى هندى ممكن نلبس واحد منهم وجايبتهم من برا الحق كاملات بكل شى ليهم .. بس يبو مكياج وتسريحه حلوه ..
سهيله …. خلاص موضوع تسريح ومكياج خليهم عليا … خلاص توا نخليك تديرى لفه على حوشك وتوتى روحك ومع ساعه 4 عشيه تركبلكم الغده والعدة متعى هههههه << على اساس سمكرى >> ونرقالك ونلاقاك موتيتلى شنطة مكياجك ومكينات شعر ؟؟
هدى …. اوووك خلاص ساعه 4 تلقينى نستنى فيك
طلعت سهيله ونزلت وبدت تظم وتطيب بينما هدى بدت تظم فى الحوش وبخراته وبعدين خشت دوشت وبدت توتى فى روحها من مانكير ماسكات …
ومشى الوقت بسرعة البرك لحد ما سمعت صوت الباب نفتح وهنا دارت روحه حرجانه منه وخشت للحمام واول ماطلعت من الحمام وكيف كان جاى بيراضيها طق الباب فامشى بيفتح الباب ولقى سهيله وقالتله ..
سهيله … مؤيد هدا غداك ويفضل انك تنزل لوطه لانا هنا رح يضايقك صوت استشوار ودوشته ..
مؤيد … علاش شن فى ؟؟
سهيله … عرس بنت خالة امى وعازمينا وتحديدا هدى ولانا مالحقتش هدى دير شى بحكم الوقت فابنساعدها
مؤيد … خلاص اوك نزليلى الغدا حطيهولى لوطه واركبى …
سهله …. مصحك قصدك بننزل مره تانيه ؟؟
مؤيد … من الاخيرك هاك 10 جنى وتوا شن بتنزلى ؟؟
سهيله … تبى حاجه من لوطه ؟؟هههههههههههههههههه
مؤيد …. لا لا شوووى .. ولا نقولك ساعه كم توا ..
سهيله .. ساعه 4 ..
مؤيد .. اوك ساعه تانيه وتعالى ماشى لانى بنرقد فووووق ..
وهنا طلعت هدى وقالتله ..
هدى … سهيله خلاص تعالى اهو نازله معاك ..
مؤيد .. << شبحلها شبحه ولاول مره تشوفها منه وبعدين قاللها >> … تبى تنزلى .. اووووك انزلى ومشى ..
وهنا هدى طلعت وفى ايدها الحاجات وسكرت الباب ونزلت اما سهيله فاخلت الاكل فوق الانترى ونزلت مع هدى واول انزلت قالتلها ..
سهيله .. شكلك انتى واباه مش فى سليم هههههههه ..
هدى … هكى شى هههههه ..
سهيله … احسن طلعيه من كوبدهم .. هكى يبو بصراحه ووالله والله هكى يحبوك اكتر ..
هدى .. مؤيد امس قالى كلمه والحق وجعتنى وانى مش من سهل حد يغلط فيا ونفوتها عادى لانا الا يتعود يغلط فيك مره يبدا يغلط فيك ديما بدون مايحاسب على مشاعرك ويبدا شى عادى انه يجرحك ..
سهيله … اااااه ياررربى والله حنى بنات نسخفو ههههه بس تعجبنى الحق ههههه .. قوليلى شن بتلبس ؟؟
هدى … عندى زوز سارى واحد على الاسود وواحد على وردى .. انتى شن رايك .. ترا قيسيهم زوز ونقولك ..
قاست هدى زوز وبعد تشحيط طويل اختار واحد هوا الا بتلبسه هدى وبعد ها سهيله بدت طول تخدم على شعر وهدى ومكياجها ومافا تتش 3 ساعات الا وسهيله كملتتلها كل شى وهنا هدى قالتلها ..
هدى … تعالى اركبى معاى فوق خلى نلبس ونلبس باقى اكسسوراتها اوك ..
سهيله .. اوك هيا .. وركبى انتى شنطة مكياج وانى نركب لبسات ..
ركبت هدى وسهيله وخشو لدار نوم ولقو مؤيد كيف نايض من نوم ويدوش وهنا خشت هدى ولبست لبستها وكندرتها وكيف جت بتلبس خرصاتها لقت انها نستهم لوطه فاهنى قالتلها سهيله ..
سهيله … خليك انتى دقيقتين بس ننزل ونجيبهملك ..
هدى .. اوك …
طلعت ونزلت سهيله لوطه وبينما هدى كانت متلفته جيهة مراية دولابها وتواسى فى حدايدها … وفجاه سمعت مؤيد طلع من الحمام وخطوت ه باتجاه .. واول مافتح باب دار نوم وجت عيونه على ….
يتبع………
لقراءة الجزء التالي : الجزء الرابع من رواية تزوجنا ولكن هل يبقي الحب
لقراءة الجزء السابق : الجزء الثاني من رواية تزوجنا ولكن هل يبقي الحب
للإطلاع علي فهرس الرواية : جميع اجزاء رواية تزوجنا ولكن هل يبقي الحب للكاتبة كيندا
جميع الحقوق محفوظة للكاتبة كيندا من ليبيا .
