وفي الجزء الثالث من رواية صدفة ولكن للكاتبة لوزة ماذا يا تري سنري من روائع الأحداث مع ابطالنا ؟ وهل ستكون الأحداث كلها سعيدة ؟ دعونا نعرف ذلك في السطور التالية بإذن الله .
الجزء الثالث من رواية صدفة ولكن
مايا خدت دوش عالسريع وصلت الظهر وخشت مع هالة للمطبخ بش ايحطو الغدي وبدت تحكي لهالة شن صار في الشركة
مايا لهالة : والله يا هالة اليوم مشي زي لمح البصر 
هكي ماحسيتش بالوقت سبحان الله ,, حلو العمل بجديات
هالة : العمل حلو 0_o والا فيه ناس محلياته ههههههههه
مايا : ههههه عماد خليه بروحه عاد لما يخطم هكي مع الطول والعرض وهديكا البدلة وعضلاته هكي مشحوطات في الجاكة ماتفهمي شيييييي ..خلي نمشي نشوفه من بلكونة بالك روح
طلت مايا من البلكونة لقت خوه وائل 
يغسل في سيارته قالت فبالها معقولة توا ساعة 2:50 ومازال ماروحش ؟؟؟
هيا خشت من اهني جي عماد درس سيارته وشاف لبلكونة قال زعما وصلت والا قاعدة عالقة في الزحمة …. خلي ننزل وانا زي المراهق شنو توا نستنى فيها تطلع من بلكونة والجو القديم هدا وهيا ماليهاش يومين كيف عرفتها ! لكن فيه حاجة شادتني ليها مش عارفة شن هيا
وفاتت القايلة والعشية ومايا تشوف لرقم متع عماد تبي تتصل صوابعها مش مهنينها
اتصلت بفرح …
مايا : الو فرح 
فرح : الو الو مايا مانسمعش فيك راه
مايا : حولي من بحدا الدوشة ,,, 
فرح : استني نركب في السطح …… شنو توا تسمعي فيا ؟؟؟
مايا : ايه ايه شن جو العرس
فرح: تمام كنا ندربكو انا وبنات خالتي هههه
مايا: باهي حلوو ….قووولي شنوووو …..
فرح : شنووووووووووو
مايا : ههههه عماد عطاني رقمه 
في الشركة اليوم
فرح : حققققققق ؟؟؟؟
مايا : اييييه …. زعما نتصل يافرح ؟؟؟
فرح : وشن قاعدة تستني 
يعطيك الهني وخلاص تي طيحيه يابليدة خير ماتلف عليه شهرزاد بنت الحاج صالح تعرفيها ادير المستحيل المهم اتحصل الشاب اللي تبيه
مايا : اي اي والله صدقتي غير هالة قتلي ارزني خير مايقول خفيفة
فرح : والنبي قولها هالة مقدمك انتي والرزن 
توا الرزن معش ايجيب شي بترزني بيقول تتجكتر وشايفة روحها بري اجري على عمرك امشي
مايا : باهي باهي ماتزيدينيش هيا باي خلي نمشي نكلمه
مايا ماكدبت خبر وبدت تكتب في الرقم في شاشة تلفون **09252212 وتقول بينها وبين نفسها يعطيهاله حتى رقمه نزيك زيه 
….
عماد كان راقد شرين تلفونه شافه رقم غريب **09287594 وقال فعقله تو منو هالنفاخ رقم مكعفز النهار المبارك وايحك في عيونه ~_~ يبي يقرا الرقم بالك رقم مار عليه من قبل
و رد : ايوه السلام عليكم
رد عماد : ايوه السلام عليكم
مايا : وعليكم السلام … كيف الحال
عماد : بخير تفضلي يااختي
مايا : انا مايا
ناض عماد قعمز وتنحنح احم 
اهلين مايا شن اخبارك
مايا : كويسة انت كيف امورك
عماد : تمام بخير ,,, كيف كان يومك في الشركة ان شاء الله عجباتك وارتحتي فيها
مايا : ايه كويسة
عماد : باهي تمام
وساااد الصمت بينهما هههههه
مشي مايا معش عرفت شن تقول فقتله اختي تنادي فيا تو نحكو في وقت تاني سلام
عماد : اوكي سلام
وفاتت يوم يومين اسبوع اسبوعين
ومايا بدت تتعلق بعماد وعماد حاس بشي ومبادلها شعور الاهتمام تفتح عيونها تلقى مسج الصبح.. ارسللها رسالة وسائط فيها باقة ورد مكتوب فيها صباح الورد يااحلى مايا وحطت ايدها على خدها قالت ياحليلي منه ورد عليه بمسج يسعد صباحك صباح الفل ويديرو ف سباق من يوصل للعمل الاول وديما تخسر بحكم ان حاتم اينوض متأخر هههههه وفي يوم عماد لبس بدلة كلحة لان مايا اتحب البدلة رسمية بلون الاكحل ومشي بكري قبل مايا وصلت مايا لشركة لقت عماد واقف يستنى فيها في الريسبشن سرحت بينها وبين نفسها ياوخيتي سلمه قالها صباح الخيير تأخييير مخصوم منك راتب الشهر كله >:-)
مايا قعدت تضحك وقتله ياشرير راتب كله ؟؟ ركبو مع بعض وقالها يلا نتلاقو بعدين <3<3<3 وهوا ركب لدور التاني و هيا مشت في ممر دور الاول لمكتبها وتفجأت 
) بوجود ترتيبات في المكتب بش ايحطو شخص ثالت في المكتب مع مايا و وردة خش الشخص التالث وكان شاب طويل رفيع عنده لحية خفيفة قال : السلام عليكم انا زميلكم الجديد محمد
مايا و وردة : وعليكم السلام اهلين بيك .
جي رئيس القسم وقال صباح الخير مايا المدير كلفك بأنك اتوري لمحمد كيفية العمل
فاتت ساعة ومايا قاعدة تعلم ف محمد وتتناقش معاه بس محمد عقله مش ف الشغل قعد سارح في مايا وجت ساعة 9 عماد كسد في مكتبه قال خلي ننزل ندير دورة ف دور الاول
نزل عماد من الدور الثاني لدور اللي فيه مايا وماشي في الممر خطم شاف الشوفة لقي محمد مقعمز في المكتب استغرب قال من هدا ؟؟ زعما يقربلها والا زميل جديد ؟؟ ايه الظاهر انه موظف جديد
ولى من طريقه وماباش ايخش
كملت مايا شرح العمل لمحمد وبدي الكل يباشر في شغله لين جت ساعة الغداء
وردة لمايا : هيا مايا ننزلو للغداء
مايا : رجلي مش عارفة خيرها اتسطر بري انتي ياوردة
محمد ماباش ينزل لان مايحبش ماكلة الشركات وقعد في المكتب مع مايا حصلها فرصة وكل مرة يفتح موضوع ومايا اترد عليه
نزل عماد للغداء ومالقاش مايا سأل وردة قالها وين مايا اليوم
قتله قاعدة فوق رجلها توجع فيها
طلع نقاله واتصل ….الرقم المطلوب خاااااارج نطاااااق التغطية ((مبردها الاسطوانة هادي اديرلي ف احباط ههههه ))
عاود تاني خارج التغطية ركبلها ووقت قريب يوصل من المكتب سمع صوت محمد يضحك وهيا تضحك
مشي ولى قال هدا اول يوم وهكي ضحك لأخر الممر امالا كان شهور كيف خسارة يا مايا ونزل من جديد
واللي صار في المكتب ان …
يتبع ………
لقراءة الجزء التالي : الجزء الرابع من رواية صدفة ولكن
لقراءة الجزء السابق : الجزء الثاني من رواية صدفة ولكن
للإطلاع علي فهرس أجزاء الرواية : جميع روابط اجزاء رواية صدفة ولكن للكاتبة لوزة
جميع الحقوق محفوظة للكاتبة لوزة .
