وفي الجزء الثالث من الرواية هل يا تري سنري تغييرات جذرية ستحدث وتجعلنا نري ابطال الرواية بشكل جديد آخر ام سيتسير الامور بشكل عادي تماماً ؟ سنعرف ذلك في السطور التالية بإذن الله .
الجزء الثالث من رواية ضوء في آخر النفق
<< رح نكلم بوك ترجعيلى غصبا عنك وبوك رح يوافق صدقينى وبعدها وافقتى او رفضتى رح ترجعيلى ولو انك مابيتيش رح ننكر انى طلقتك وانتى قاعده على دمتى طالما ماتمش الطلاق بشكل رسمى … ونبيك تعرفى شى انى نحبك ومستحيل رح نتخلى عليك وهادى حطيها فى دماغك … سلام
وهيا قاعده ماكملتش رساله اتصل بيها الرقم نفسه الا باعت رساله وهنا فتحت الخط وقاللها …
حسام … ايوا ياعيوونى
منى …. ايوااا
حسام …. كيف نايضه من نوم .. صوتك حلو وانتى نايضه .
منى … ماشى شن تبى ؟؟
حسام … نبيك انتى .. استاحشتك واستاحشت ريحتك فى الحوش وصوتك فى كل مكان فى الحوش ..
منى … وانى خلاص معاش نبيك ونهيتك من حياتى .
حسام …. هههههههههههههه مش انتى الا تقررى انى نبيك وانتى ملكى انى بس ولو تفكرى مجرد تفكير انك تمشى لحد غيرى تقتلك ونقتله .
منى … شوف انت كرهتنى فى صنف رجاله كلهم وانت انتهيت من حياتى ووالله لو نموت مارح نرجعلك ..
حسام … وشن رايك انك الاسبوع هوا رح تكونى فى حوشى وبين ايديا .. ورح نرجعو دكريات شهر العسل ياحلوه
منى …. انت واحد حقير وتافه ووسخ وقسما بالله لو نرجعلك لما نموت قبل مانفكر ندير شى هوا ..
حسام .. اى بنسالك .. صورة منى الا بعتتهالك هدى على فايبر ؟؟
منى .. صورة منى ؟؟
حسام …. هههههههههه صوره الا بعتتلك فيها انتى عندك نيه تشوفيه وهادى صورته .. وعلى عموم انى قدرت نوصله .. ولو مارجعتيليش من هنا لنهاية الاسبوع قسما بالله الامانقول لبوك انك كنتى تهيجى معاه وانتى على دمتى ونوريه صوره والكلام الا على فايبر ونقلب طاوله عليك وورينى شن الا انتى تقدرى تديريه مااااشى .. وشوفى انتى لما سمعتك تتشوه بين ناس وبوك وخوتك وقتها راسهم وين يدسوه .. اماهوا حسابه معاى عسير ..
منى … انت شن تخترف شن تدوووووى انى مانعرفاش ولا عمرى شفته وصدقنى هدا اخر اسلوب تقدر تستغلنى بيه ..
حسام … صار كانتى تهيجى من وراى يا …. ههههههه تى مش حسام الا وحده زيك تعلم عليه ..
منى …. شن الا تبيه انت توا …
حسااااام … انك تكونى بين ايديا وزى مانبى انى وترجعى لحوشى وتحت رجلى والا انى نقوله حاضر ونعم بس ..
منى …. ولو مانبيش ؟؟
حسام … خلى الباقى عليا يعنى وقتها اعتبرنى بابا نويل واستنى مفاجأة العيد منى .. يلا سلام ياقطوسه مانعطلش عليك ..
منى .. << سكرت تلفون ونزلت راسها وبعدين قعدت تعيط وتكسر فى كل شى وتقول …. حيوااااااااااااااان وسخخخخخخ نكررررررررررهك علاااااااااااش يارررررربى علاااااااش ربى ينتقم منك ياوسخ ربى يورينى فيك يوووووم وفجأه وهيا تعيط وتكسر فى كل شى خشت عليها سهيله وقالتلها …
سهيله …. منننننننى خيرك شن فى خيرررررك خيرها ايدك دم شن درررررتى منى بطلى بكى وقوليلى شن فى ..
منى … غمرتها وقعدت تبكى شوى بعدين قالتلها …. ماما وبابا وخوتى وينهم ؟؟
سهيله … بابا وماما طلعو مع بعض بسياره ومؤيد طلع بيلعب كوره مع صحابه شن فى قوليلى ؟؟
منى … والله انى فى ورطه والله ماانى سبب والله مادرت شى غلط وعمرى مافكرت ندير حاجه حرام ..
سهيله … شن فى ياودى قوليلى ؟؟ بطلى بكى واحكى بشكل واضح مافهمت منك شى ..
منى … رح نحكيلك ك شى بتفصيل بس والله مادرت شى غلط بالله عليك صدقينى وافهمنى …
<< استمرت منى بالحكى لسهيله وبعد ماحكتلها كل شى سكتت شوى وبعدين قالتلها ….
سهيله … كيف قدر يفتح فايبر متعك ؟؟
منى … مش عارفه … استنى شوى … غببببببببببببببببببيه انى غبيه نسيت فايبر مفتوح على تاب وبعدها سكرت نت وماسكرتاش الفايبر ونسيت الموضوع نهائيا لانى اصلا ماكنتش نستعمل فيه بكل ..
سهيله … فى دوا حكيتوها غير الحكى هدا ؟؟؟
منى … مش عارفه بس امس فى الليل كنت نفضفضلها وقعدت نحكيلها على علاقتى كيف كانت معاه ودكريات وهكى يعنى والله والله فضفضه على زمان بس والله من اول ماتزوجت ماعاد سمعت صوته ولا سمع صوتى ..
سهيله … مش عارفه بس خايفه يكون صور المحادته ويوريها لبوك وانتى عارفه بابا
منى … ساعددددينى سهيله بالله عليك ساعدينى مانبيش نرجعله والله ماطيقه نشوفه او يحط ايده عليا مش طايقه افهمينى حاسه مجرد انى نتخيل نفسى معاه نقرف …
سهيله …. نسالك سوال ؟؟ انتى تحبيه مازال وائل ..
منى … سهيله شن دخل هدا فى هدا ؟؟
سهيله ….. جاوبننننننى
منى …. مش رح نجاوبك سهيله خلاص انى نسيته موضوع هوا ..
سهيله … علاش امس مامسحتيش صورته ؟؟؟ علاش عيونك مايقولوش نسيته جاوبينى ..
منى …. اى نحبه << ونهارت بالبكى >> مش قادره ننساه .. نشم فى ريحته فى اى مكان كنت قبل نكلم فيه فيه .. نسمع فى رنت ضحكته فى ودنى فى عيطته عليا فى كل شى .. بس والله والله عمرى ماخنت حسام ياسهيله ..
سهيله …. عارفه خلاص معاش تبكى خلاص … مادمك انت تحبيه هادكا الواطى ابن الجزمه ماترجعيلاش وخلينى انى نتعامل معاه ..
منى …. شن بتديرى ؟؟
سهيله … رح نقول انا انى الا كنت نكلم فى هدى بدلك وانى الا كنت نتكلم ؟؟
منى … مافهمت شى قصدك شن بتديرى وكيف هكى واماليا ؟؟
سهيله … خلى موضوع عليا وبعون الله بابا اصلا مش رح يسمع بالموضوع ولارح يوصل اصلا لبابا وخلى موضوع عليا لانا الباين فى شى داسته من زمان عليه وكنت صابره لانك مرته بس توا جى الوقت الا نهدده بيه ..
منى …. شن تقصدى ؟؟؟
سهيله …. منى راجلك كان واحد صايع ووسخه وصوره والعفن الا كان يدير فيه كله عند صاحبتى ولما عرفت وبصدفه وهددته قالى خلاص واعطينى فرصه ووالله اخر مره وسامحته ومابيتش نحرش بوى على خاطرك لانى مابيتش ندمرلك حياتك وخفت الحق انى نتدخل وامى ماتصدقنيش ويطلعونى انى غالطه وتوا بس رح تشوفى كيف نتعامل معاه اعطينى فرصه تلاته ايام ونخليه هوا الايمشى يطلقك وفوقها يعطيك كل حقوقك ..
منى … نبى نعرف كيف عرف صاحبتك ؟؟
سهيله … حبيبتى مش ضرورى تعرفى لانه من ماضى واصلا انى ماليش هلبه كيف عرفت يعنى انى لما عرفت وكلمته انتم كنتم خلاص فى نهايه وكنت عارفه انك مش رح تستمرى معاه ..
منى …. قوووووليلى كيف من الاول صار موضوع ؟؟
سهيله …. عندى صاحبتى معيده فى كليه فى يوم كانت خاطمه من جنب الكافتيريا وبتاخد قهوه مشى لقاته قبلها واقف على طابور القهوه ولما لقى زحمه دار روحه فالح وشرلها ومدهالها وهوا كان يصطاد فيها الوسخ هوا المهم صار بينهم نظرات وهكى وهوا تانى مره لما شافها ووقف معاها قاللها انى معجب بيك ونبيك وانى مش مرتبط ونبى نفتح بيت ونتزوج ونستنى فى بنت الحلال وبما انا هيا زى حالاتى كبيره فى سن وهكى وافقت وغسللها عقلها …. وهيا للاسف كانت تحكيلى عليه وانى ماكنت نعرف انه حسام المهم تطورت العلاقه بينهم لدرجه فى يوم بعتله صور ليه فى بحر مشى ورتهملى وهنا كانت صدمه وليت فى حاله تانيه وتعاركت معاها وجتنى وقعدت تبكى وقالتلى انها والله ماكانت تعرف انه متزوج ولو انها تندرى ماكانتش وافقت عليه وهكى وطلبت سماح منى وقالتلى الا تبيه انى فيه .. فاقتلها اول شى نبى نصور اى عفن هوا بعتهولك صور رسائل غرميات وصورته وتانى شى كلماته وقالتله فى وحده تبى تكلمك واول ماكلمته تزرط ومعاش عرف كيف يتصرف وقعد يوميا يتصل ويعتدر ويقولى انى غلطت ولحظة طيش وسامحينى والله اخر مره وماتدمريش حياتنا بسبب غلطه وهكى …
منى ….. يعنى انى كنت مغفله صح ؟؟
سهيله … معاش تحكى هكى بالله عليك والله والله انى خفت عليك وقولت مرات قرصة ودن ومعاش يعاودها ومابيتش ندمرلك حياتك ونشوه سمعت بنت دنبها انا ماعرفتش انه متزوج وتوا صدقينى والله والله بعد مانكلمه انى الما يقولك سمعا وطاعه فقط يخى تلقيه قبلك فى محكمه ويمسحلك فى دروج باش تركبى عليه ههههههههه .. خلاص انى بينى وبينك الوقت هدكا انتى قوتيلى انى بنطلق وانتم شن انفصلتم فى الحوش هدكا الوقت وانى كنت عارفه انكم رح تطلقو بس عطيته فرصه قولت مرااااات يتغير بس ديل الكلب … هيا خلاص نوضى توا نلفلك ايدك ودوشى وانى توا نظم الدار الا قلبتيها ونلم المرش برى منو خلاص وغيرى جوك وفكرى فى الطرف الا فى تلفونك بس ههههههههه ..
منى ….. هههههههه سكرى فمك ياكلبه انى بس نقول عليه هكى … تقولى ربى رح يجمعنى بيه فى المستقبل ولو حتى صدفه ..
سهيله …. بعون الله اكيد انتى صلى استخاره بس وادعى لربى ومادمك مادرتى شى غلط وهوا يحبك وانتى تحبيه اكيد رح يكون ليك 
خشت منى دوشت وسهيله ضمت دار كلها ونشفتها وقعمزو يهدرزو فى صاله ويضحكو على صوت مؤيد خاش …
مؤيد …. اهلا … شن مجتمعين هنا ان شالله خير … بتخطبووووولى
سهيله ….. منى يانارى الا امها داعيه عليها وبتاخدك ؟؟
مؤيد … هدى .. ههههههههههههه اسمعى من الاخير مايغركش توا ناخد معاكم ونعطى هاززين عليا والله البنات مقطعات روحهم عليا ههههههه ويستنو فى نظره بس .. اسمعى منى من الاخير … بنقول لامى تخطبلى سعاد حسنى الا عندك …
منى …. شننننننننننننننننننننننننننننى ماسمعتش ؟؟
مؤيد …. منوووووو ماتوقفيش ضد سعادتنا الامتناهيه وراس امك ..
منى …. قداش مره تفرجت على نور ومهند فى اليوم .. قول قول ؟؟
مؤيد … خمسه مرات بس هههههههه
منى …. اسمع هدى صاحبتى من الاخير هاديه وطيبه وبنت ناس
مؤيد … تى لا لا هدا كله مايهمنييييش انى
منى …. وجميله وانيقه وو
مؤيد …. ايووووووا هدا هواا اااااااااا هادى موصفات الا نبيها انى
منى … وشن هيا موصفات ان شالله ..
مؤيد … جميله وطرف وصاروخ وقنبله دريه ووووو خلاص هادى دوه كبيره على سنكم
سهيله ومنى …. ههههههههههههههههههههههه
منى … من الاخير انى والله نتمناك لصاحبتى ومافيك مايتعيب بس عندى شرط واحد … تعقل ؟؟
مؤيد … بجد انتى ؟؟ بجد ؟؟؟ هاتى الخمسه جنى متع ولامس هااااتى ناس لبط قالك اعقل قالك شن تشوفى نقطع فى شعرى بصراحه انى فاضى الا نحكى مع اوباش زيكم ..
منى … سهيييله ماسمعتيش ؟؟ هدى نخطبت ؟؟ نخطببببببببببت بالك ماسمعتيش هدى نخطببببببببت
مؤيد …. خلاص وانتى زدتى رقيتلى ضغطى زياااااده اسمعى من الا خير كلمى صاحبتك قولها انى نبيك بالحلال ومن الاخير تدخلى انتى نهدلك سنونك الا مادتيهم توا زى سيراميك ماشى وبعون الله هدى هيا الا ماتخلينى شيخ توا تشوفى ..
سهيلللله …. اااااااااااااااااص حسه امى و بابا جو اااااص سكرو موضوع ..
امهم ….
يتبع………
لقراءة الجزء التالي : الجزء الرابع من رواية ضوء في آخر النفق
لقراءة الجزء السابق : الجزء الثاني من رواية ضوء في آخر النفق
للإطلاع علي فهرس اجزاء الرواية : جميع اجزاء رواية ضوء في آخر النفق للكاتبة كيندا
جميع الحقوق محفوظة للكاتبة كيندا من ليبيا .
