الجزء الثالث من رواية لهيب الإنتقام

وفي الجزء الثالث من رواية لهيب الإنتقام ماذا يا تري سيحدث من مواقف جميلة مع ابطالنا ؟ دعونا نعرف إجابة هذا التساؤل في السطور التالية بإذن الله مع الكاتبة ميشو محمد .

الجزء الثالث من رواية لهيب الإنتقام

نيسان: ماااماا متزوديهاش
بسمه: نهاري اسود كيف بنت بروحك تمشي لكورس
نيسان: بنقرااا
بسمه: لا سلم بنتي اقري من النت نخدلك باقات
نيسان ابتسمت: تمام متاخدي شي النت فيه باقات
بسمه: خلاص اقري
نيسان خشت غرفتها وتقرا

.
صقر وراغب قدام شارع بيت فاضل
فرج طلع ركب سيارته
صقر فنص فيه: هدا نفسه خوووها معقولا؟!
راغب شافلها: تعرفه الخامر هدا؟!
صقر: ولد فاضل يعنني البنت هديكا مش بنت فاضل 
راغب: تي ام بنت وين ترفس هدا ولد بوه دلوع للوح ينادوله فروجه
صقر بصوت حاد: تي كان منخليش فراريج الدنيا تأدن عليه معش نتسمى صقر

بعد مرور ساعه
طلعت اسمهان واختها نسرين
راغب اشر عليهم: توا الخلايق هادم بنات فاضل
صقر: شن عرفك
راغب ضحك: خشمهم كبير ز بوهم 
صقر ضحك ع جنب: واضح م بيئتهم 
وخلو البنات يختفو ف الطريق
راغب نزل وشاف صقر: انززل
صقر نزل وراه وخشو لجنان بيت فاضل
صقر دمه نار: الحرايمي 
فجآة نفتح باب لدروج ونزلت بنت تجري لابسة توتة ووشاح وتجري بدت تضرب ف باب حوش فاضل برجله
نيسان تبكي وتضرب ف الباب بيدها ورجلها: ياحررااااييييميييي… وتضرب ف الباب برجلها
صقر شد مرفق راغب: انسحب ف مصيبه نازله… وطلعو بسرعه
وركبو وقعدو ف الشارع ف سيارتهم
صقر ف داخله: هدا نفسها نفس الصوت
راغب: البنت منهاره ف مصيبه واني منقولش حاجه غلط
فجآة الناس بدت تلتم قدام حوش فاضل
صقر نزل
راغب: تي وووين استنى
صقر قرب ع راجل: خوي شن في؟!!
الراجل: خونا سليمان توفه اليوم ربي يرحمه مات حرقه من خوه حسبي الله ونعم الوكيل
صقر ركب سيارته وزادت ناره
راغب: شن صار
صقر: خوووه مات البنت تبكي وتعيط بكري ع بوها يعني نفس النار لفي قلب البنت حسينها حني حساااابك يافاضل اضااااعف
راغب وجعاته: معندهاش خوت ياخدو حقها وحني اكثر وحدين نعرفو شن يعني الظلم عادي نخدو حقنا وحقها ونشفو غليلها

مرور تلاته ساعات
وصقر وراغب جنب سيارتهم
فجآة وصلت سيارة التابوت
صقر: اني بندخل التانوت…. وخش
راغب قعد ف مكانه
صقر قامه من زوز شباب وفكروه انه من العيله دخلوه
صقر يسمع ف صوت عياط نيسان هي الوحيده لتعيط
تلفتتت بيطلع شاف عدوه قدامممه ركباته نار لعند سمع وراه
نيسان قربت من عمها مسحت دموعها وعيونها حممممر متورمات: شني ياعمي خلاااص بابا ماات من مني بتطلب السماح بس شوووفلي شوووفلي (فاضل وفرج وصقرومخلطه يشوفلها) رح تندددم رح نخليك تمووت بلعرق…قاطعها
فاضل:فرج دخلها لـ امها
نيسان دفت فرج:اممممي ترملللت وخواتي تيتموو ياعمممي 
فاضل يشوفلها: بوك هكي مكتوبله
صقر مقدرش يتحمل ليشوف فيه طلع وضرب فاضل بكثف بقوة ع اساس مشفاش
صقر طلع مغلوول ويشوف ف نيسان وتكنه هو نفس الشخص تقطع لم شافها اذكر مووتت بوه وعياط امه واخته وخوه وهو 
راغب متكي ع السيارة: نسمع ف البنت
صقر؛ هئحمم يعني سمعتها!!!
راغب:سمععت…ودار ايديه ف جيوبه
وهما الزوز قغدو وقافين ويشوف للحوش
صقر:سليمان الكل يشكر فيه الباين انه كويس
راغب: قالو طيب وعكس خوه
صقر: معنداش ولاد وحني ماورانا شي ناخدو حقه
راغب:اي ماورانا شي ناخدوه
صقر يشوف للحوش لعند شافو فرج قايم بنت لابسة وشاح وعباية وف حضنه ودايخه
راغب مركزش
صقر ركز وشاف وجها نفسها ركب ولع السيارة راغب ركب
صقر قعد يلحق ف سيارة فرج
راغب فكره يلف بسيارة مركزش ع فرج لم طلع
وشاف سيارة فرج وقفت عند المستشفى كمل صقر طريقه ووصل راغب
صقر: انزل
راغب: نزل
صقر فات بسيارة
راغب: وييين
صقر رجع للمستشفى بس جنب المستشفى ف محل اكسسوارات نزل خشله يبع ف نظارات رجاليه وحاجات مختلفه خدي منه نظرات وكبوس شمسيه لبسهم وخش للمستشفى يحاول يخفي وجها خش لطوارىء
وشاف الغرفة الكبيرة متع المستشفى فيها ولد صغير وجنبها عزوز
صقر وقف ع الباب
فرج طلع
الدكتور ركبلها تغدية شاف صقر: ماتشوف شر
صقر هز راسه وقعد يشوفله وف داخله نار 
فرج خش قعمز جنبها وشد يدها
صقر يشوفلهم
نيسان فتحت عيونها ببطىء ومرخيه شافت ايديهم: ك كله ب بسبب بوك بابا مااات م مات
فرج: نتزوجو ونخدلك حقك
صقر يشوفله
فرج ركز ع شاب واقف ومش مبين وجها لحيته بس ويشوفلها شافله: شننني في شي
صقر متنح
فرج: هيييي خييرك
الدكتور شافلهم
فرج ناض سبع البرومبه بيدفه برا
صقر ضربه بوكس ف انف فرج بقوة
فرج طبس انفه ينزف؛ ااه
لدكتور: تعلا معاي للحمام وطلعوو
صقر قرب لـ نيسان لكانت ز المتوحده تشوفلهم وساكته
صقر شافلها حول النظارة والكبوس: حقك وحق بوك ف رقبتي
نيسان تشوفله وساكته
صقر لبسة الكبوس والنظارات وطلع

.
تاني يوم
نيسان راقده قدام الناس وراسها ع رجلين امها وامه تمسح ع شعرها
نيسان ساكته ولاااااا حرف حتى حاولو يكلموها بس ساكته متتكلمش ولا تاكل
نيسان كل لتذكر فيه لم شافت بوها يترجى ف فاضل

سليمان ع الكروسه: نبي حققي نبي ندير عرس بنتي يافاضل
فاضل: توا معنديش لم نحصلهم نعطيك
سليمان تعصب: لااااااامتى
فاضل: ضم فمك عليا مش ناقصك، اليوم بننقلك انت ومرتك وبناتك للحوش الفوقي اني ومرتي وصغاري سخون علينا ادور التالت
سليمان شافلها: حسبي الله ونعم الوكيل فييك 
فاضل طلع
نيسان سمعت كل شي شدت كروست بوها وتلف بيه ف للجنان: اني الصغيرة ف خوتي واني بناخدلك حقك
سليمان ابتسم 
نيسان جت قدامه: علاش سكتت اني بنت صح بس صدقني رح نخادلك حقك
سليمان: ربي يسعدك ويفرح قلبك ياسمحتي الصغيرة.. وحضناته

.
نيسان راقد ع رجلين امها اول كلمه قالتها بعد موت بوها: ربي ياخدلي حققي
بسمه تمسح ع شعرها: اي ادعي ادعي
نيسان دموعها ينزلو: حسبي الله ونعم الوكيل 

.
راغب يشرب ف المشورب
صقر يدخن: بوي متوفي من 26 شن نستنو حني مدام الكلب الحرايمي قدامنا فشني نستنو ؟!!!
راغب: مش ديما تقول صقر ميحبش التسرع
صقر:اي واني مش رح نتسرع ف قتله اصلا رح نخليه ز ماقالت بنت خوه يموت بلعررق
راغب: اي مش مشكله بكل قولي واني انفد
صقر: بنخطف فاضل بروحي انت تطلع منها
راغب: اي عادي نطلع منها بس بعدين الدور عليا وانت تطلع منها

صقر يتصفح خش ع الوفيات وشاف اسم سليمان خش ع التعليقات وشاف بنات يعزو ودايرين تاق لـ ايميل بنت خش ع الايميل وتاكد منها لم شاف مستوى الدراسي كلية القانون
صقر بعتلها رسالة تعزيه وبعتها ع طول
(مش حابها ولا معجب بها بس مجرد انتقام ووجعاته بسسسس)

تتبـع..

لقراءة الجزء التالي : الجزء الرابع من رواية لهيب الإنتقام

لقراءة الجزء السابق : الجزء الثاني من رواية لهيب الإنتقام

للإطلاع علي فهرس أجزاء الرواية : جميع روابط اجزاء رواية لهيب الإنتقام للكاتبة ميشو محمد

جميع الحقوق محفوظة للكاتبة ميشو محمد .