برأيك ماذا سيحدث في تفاصيل الجزء الثالث ؟ هل سيحدث مواقف غير متوقعة تجعل ابطالنا في حيرة من أمرهم ام سيكون الوضع مستقر إلي حد ما ؟ كل هذه التساؤلات وأكثر سوف نعرفها في السطور التالية .
الجزء الثالث من رواية هدوء ما قبل العاصفة
احلام …… وانى هدا الا بنديره ….. بس الكارته لو طلع زى ماقالى دكتور …..
مجدى …….. وشن قالك دكتور يافالحه ؟؟؟؟؟؟
هنا طبعا دب صمت فى مطبخ وبعدين مرام ردت عليه وقالتله …..
مرام …… قاللها دكتور خودى فيتامين شى وكالسيوم لانا احتمال يجيبها هشاشة عظام القدام ……
مجدى …… احلام وهشاشة عظام هههههههه مااعتقدش ياودى … مالا باكوات الحليب من يقربع فيهم كل يوم تى هيا قريب ننتجو منها الحليب هههههههه …
احلام …… انى اقلها جايتنى على حليب مش على القهوه زيك تشرب فيها زى مدمن …
مجدى …… حالك باهى انتى …. تى باهى باهى … مهم انى طالع سكرى الحوش كويس فى الليل وكانا فى شى كلمونى ماشى ….
طلع مجدى من الحوش ….. ومرت ساعه ورا ساعه لحد ماجت ساعه 8 ونص فى الليل وهنا مرام خشت للمطبخ باش تحط القهوه على نار واحلام لحقتها ….. وبينما مرام خدت حطت القهوه على نار وبعدين قالتلها …
مرام …. اسمعى عندى ليك فيلم يوووووهبل جبته اليوم من صاحبتى …. دى فى دى الا عندك تمام ولا لا ؟؟
احلام …. ههههه والله فرحتنى … خلى نغير جوى شوى .. اى تمام … خلاص مالا انتى ديرى قهوه على نار وانى توا نحط طنجرة سبول على نار ماشى …
مرام …. باه مالا خلاص نكملو ونصلو العشى ونتفرجو
احلام …… اووووووووك تمام ….. اسمعى تلقى بيجامه بودريه من ايام انى عروسه تجى عليك فى قجر ملحق تانى البسيها … خلى نمشى نصلى ونستناك فى الصاله ….
مرام …… اسمعى لا لا دخليه لدار العربيه وفرشينا زوز منيديرات وطفى الاضوء …..
احلام ….. هههههههه خلاص مالا << الليله بنقيموها عناد الليله مافيهاش رقاد >> …..
بدلت مرام حوايجها وتوضت وصلت ….. ولقت احلام صلت وتستنى فيها فى صاله فاتكت جنبها وطفو اضوء الحوش كلهم وشغلو الفيلم ومافاتتش 10 دقايق الا وبدى فيها تخزريط والتلفيت والعرق وخشت بعضها وفى اللحظه هيا وهما فى عز مشهد ويشرين نقال مرام على صوتت تنهيقة شاكيره معتاده << وكا وكا >> طبعا احلام شبه اغمى عليها فى اللحظه هيا …. من كترة الخلعه الا صارت فى احلام دارت سالطو افقى على مرام وانبطاح مباشر فوق العدو بالزندماره الا تشرين فى ايدها اما مرام للحظات كانت فى عدد الاموات …..
مرام ….. بعددددددددددى قتلتنى ياحيوانه نفس نفس هرب حرام عليك …. بعدى ….. اهاااااا انى عايشه مستحيل مش مصدقه ههههه
احلام ……. ياحيوانات الحيوانات قسما بالله الرعب فى ركابى صب مانحسابه الا جن طلع من تلفزيون وتجسد فى نقالك …. منا جايبتينا فيلم زى وجهك كله جن فى جن ومنا نغمة تلفونك شاكيرا زفت وهيا تنهك تقول عنزه …
مرام ….. صقع عليك ياماما هادى اغنية تصفيات كأس العالم << وكا وكا >>
احلام ….. الله لاتربحك انتى وياها ….. ااااه ياربى بنمشى لتوليت شوى ونجى خلاص معاش قادره وانتى كلمى البلى الا عندك هدا الا كان يشرين وسكرى فيسع ووزعيه مش لازم منها غرميات نص الليل اليوم
مرام ….. باهى باهى خلاص وانتى علقتى …. الو ايوا حبيبى شن اخبار …
مهاب … تمااااااام ….. شن اخبارك عسولتى وشن مدايره ؟؟
مرام …. تمام اهو انى واختى نتفرجو على فيلم متع خوارق النشاط
مهااااب ….. اه هههههههه ماتقوليهاااش ههههههه …
مرام ….. علاش تضحك شن قولت شى يضحك انى ؟؟
مهاب …. لا ماتفاهميش غلط بس تدكرت اول مره تفرجت عليه انى وصاحبى وحق مصحف ماتفاهمى شى من الاخيررررررر انى وياه نتفرجو وكل واحد فينا يدير فى باص عيون لتانى ودمعة سلام دنك عرفتيها ههههههه وصاحبى قعد يحلف قالى قسما بالله من هديكا الليله الغبره وانى نبات تحت خوى ومكرش فى رجله لصبح …..
مرام ….. هههههههه وانتى عتريسى شن درت ؟؟؟
مهاااااب …… تى لا لا نعجبك انى ….. تى وراس العزيزه كل يوم مانبات الا بين امى وبوى لصبح ههههههههههههههه
مرام …… عبت عليك امك ههههههههههههه بس هما قالو احلى جزء الاول صح ؟؟؟
مهاب ….. ايه احلى جزء الاول هدكا تمتيع رسمىىىىىىى ههههههههه تخش بعضها معاش تفهمى شى ….. والله عليك حمدى وخلاص ……. حقاااااااااا تعالى هنا تعالى انتى ماعندكش الا اختك هادى بس ماتقوليليش لما مشيتى مبكرى باش تحطى باقه قعدتى وبتى ؟؟
مرام …. اى وشن مشكله ؟؟؟
مهااااب …. قصدى بجد ؟؟؟ وانى اخر من يعلم ؟؟
مرام ….. بابا قصدك كانا خطبتنى وجبت امك بتشدها جميله ولا شنى لا يابابا امتى ماتقرا فاتحتك عليا على عينى وراسى نقولك بالخطوه وين انى بس قبلها بوى وخوى هما الا يحكمو فيا بس ماشى ولا عندك مشكله ؟؟؟
مهاب …. لا لا … مالا تبى شى توا …. تصبحى على خير
مرام …. وانت من اهل الخير حبيبى …
احلام ….. كمللللللتى طيب فيك …. سكريه خلاص معاش بنتفرج …
مرام …. علاش زفت ؟؟؟
احلام …… خلاص والله ماعاد قدرت تى الحمام وقعدت تلفت وراى سلام قولا من رب رحيم ….. غير سكرى وتعالى نهدرزو مع بعض هيا ..ز
مرام ….. اوك تفضلى يانفاخه شن تبى …
احلام ….. احترمى نفسك انى اختك الاكبر منك ..
مرام ….. باهى باه فهمنا …… احلام نبى نسالك سوال تحسى مجدى يكلم فى بنات عليك او يهيج من وراك …
احلام …… مش عارفه الحق …. ومانبيش نعرف ..
مرام ….. لهدرجه انتى تحبيه …. عندك عادى لو حتى يكلم فى بنات معاك مهم تكونى معاه …
احلام …… انى نحبه … ومانتخايلش روحى نعيش من غيره …
مرام ….. يعنى ياسبحان الله عادى كرامتك مهم تقعدى معاه …. تى فيقى لعمرك تى والله انتى غير كان تضعفى بس وتوقفى لنفسك يتمناك اى راجل …
احلام …. تضحكى انتى …. دوه كنا نعرفو نقولوها فى ساهل …. بس تطبيق صعب … انى عندى احساس رح يتغير صدقينى وتوا تشوفى مع الوقت …. اسمعى مرام نبى نطلب منك طلب ممكن …
مرام ….. بالا جو زايد وانطقى هالجوهره ….
احلام …… نبيك تديرلى لاوادجو ههههههههه بسيط لوجهى … نبى بكرا يروح يلاقانى متكمه …. اصلا قداش ليا معاش حطيت ميك اب …. فانبيه بكرا لما يشوفنى يتفاجئ …
مرام …… برغم انا راجلك ماتشبع عينه شى بس اوك حتى لنفسك طز فيه ……. ماتشبحيليش هكى واكل على قلبى وشارب … خلاص برى جيبى سلكك وعدتك ههههههه …
سهرت مرام على احلام وهيا تكم وترادع وتواسى وحتى من شعرها قصتهولها … وبعد ماكملت قالتلها …..
احلام ….. ياوخيتى سلمهاااااااااااا يارب ان شالله نردهولك فى عرسك بعون الله << فاطمه شعيب منى انى >> ….. اخر طلب عندى باكو صبغه عادى ديرهولى …. والله قداش ليا متنبله عليه …
مرام ……. باهى باه خلصينا فى هالليله الا مش فايته …<< العريس يتعرس ومشوم يتهرس ….
مشت احلام جابت صبغه وصبغتلها شعرها وتكمتها وخشت احلام للتوليت ولما طلعت لقت مرام صايخة من نوم وفى عالم تانى وهنا احلام رقدت ومافاقتش الا مع ساعه1 ونص على صوت الجوامع وهما بادين فى الخطبه الاولى متع صلاة جمعه وهنا ناضت لقت مرام فاعرفت انا محمد خوها خطم صبح عليها وقاللها هيا …. وناضت بسرعه احلام ظمت حوش وبخراته وخشت جبدت شعرها وحطت مكياج وبخت برفان وهيا كيف ناضت من هنا وسمعت باب الحوش من هنا نفتح وجت عينها فى عين مجدى فاقاللها ….
مجدى ….. هههههههه تى شنى الا مدايرتيه فى وجهك باللهى شنى مالا عندك عرس ….
احلام ….. مدايرته على خاطرك انت حبيبى …
مجدى ….. انتى عارفه انى مانحبش مكياج ….. اى وراس امك برى اغسلى وجهك وتعلمى من الاجانب شوى كيف يحطو فى مكياج ……. وبرى من على وجهى وراس امك بنرقد تعبان …
احلام …… << احلام …. بترقد تعباااااان …
مجدى …. اى بنرقد ولا مش عاجبك ؟؟؟
احلام ….. ايه مش عاجبنى وانى فديت من عيشه هياااا خلاص فاض بيا عيت وانى نتحمل فى برودك واهانتك واى شى نديره يطلع فى عينك مايصلح …
مجدى …… والله هاد الا عندى ياخود ياخلى ….. عاجبك عاجبك مش عاجبك هونى تسقدى …. ووراس امك سكرى فمك خير لو اقسم بالله نطلع ونسيبلك الحوش ….. تى شن هدا زفت وبعدين تقولك انت علاش تكرهنى … انت علاش ماتحبنيش …… وهيا اربعه وعشرين ساعه نكد ووالوجه مادته زى بومه وكانا الواحد قاللها رأيه قالت وووه ….. كدب قالت ووووه بالفعل الليبيات نكدياااااااااااااااات ياشينك زوجه مشومه وخلاص ….
احلام …… انى طالعه ومسيبتلك الحوش ….. هدا كللللللله كان فى قلبك ؟؟؟
وخش هوا لدار عريبه وسيبها تنوح بروحها بينما هيا خشت لدار نوم قعدت تبكى وتلم فى حوايجها فى شنطتها …. وبعدين اتصلت بى امها باش تقوللها قولى لمحمد يجى يرفعنى …. واول ماقامت تلفون وقالت ……
احلام ….. الو ….
امها << خديجه >>… ايوا احلام …
احلام …. خيرك تبكى ماما ؟؟؟
امها …… هديكا منجوهه تعاركت مع خوها وضربها قريب قتلها وبوك رقله سكر ورفعنها للعياده …. ااااااااااااااه يابنتى اه قداش بنحكيلك … والله مافى الا انتى الا مريحتنى ومهنتنى ….. ان شالله يابنيتى الا بيجى قدامك يجى وراك ويحفظلك راجلك ويرزقك بالدريه الصالحه يارب …. والله يابنتى يارتنى قعدت عليك …. لاتعبتنى فى صغرك ولا فى كبرك ولا حتى بعد ماتزوجتى ….. ان شالله ديما نشوفك متهنيه ….. اما هديكا المزتته خليييييييييييييها فى حالها كلمه بكلمه هيا وخوها تحسابه باهى هدا ليها …. اه ياربى صبرنى والله مانموت الا فى رعايش بس واه كانا نالقيتونيش يوم يابسه فى فراش بى جلطه ……… اه ياربى وخلاص مهم انتى شن حالك وحال مجدى ….
احلام ….. تمام الحمد لله …. اهو غير قولت نتصل بىك ونطمن عليك بس …. بالك بكرا نمر عليكم ان شالله باهى …. وتوا بنسكر لانا مجدى يضبح …. فى امان الله ….. سلام …
سكرت احلام التلفون واتكت على شنطة حوايجها وقعدت تبكى وتبكى لحد ما فجأه خ …………
يتبع………
لقراءة الجزء التالي : الجزء الرابع من رواية هدوء ما قبل العاصفة
لقراءة الجزء السابق : الجزء الثاني من رواية هدوء ما قبل العاصفة
للإطلاع علي فهرس اجزاء الرواية : جميع اجزاء رواية هدوء ما قبل العاصفة كاملة للكاتبة كيندا
جميع الحقوق محفوظة للكاتبة كيندا من ليبيا .
